影片
更多
2018-10-23
122 瀏覽
「豐碩」位於大角咀奥朗御峰商場內，由奧運站行過去都只不過係十分鐘左右，由於附近都係以住宅為主，所以客人都以街坊為主，生客都比較少。是日去完朋友屋企探bb之後再落黎食晚飯，餐廳食物款式好多，價錢亦都相當親民，由幾十蚊到成千蚊嘅菜式都有。行入黎餐廳嘅時候已經見到一大個魚缸，見餐牌上海鮮價錢亦都唔太貴，當然想試下啦。金蒜蒸大蟶子 ：蟶子用左蘇格蘭蟶子皇，非常大隻，蒸嘅時間剛剛好，入口非常彈牙，加入左蒜蓉同粉絲去蒸後，食落非常之有口感，以＄168／4隻嘅價錢黎講絕對係超值！正宗四川麻辣龍躉：一向都喜歡食辣野嘅我地，見到餐牌上呢味「四川麻辣龍躉」真係非叫不可。辣度有分小，中，大辣三個辣度，由於第一次食，所以都係叫左小辣試下。麻辣龍躉一上枱時香味撲鼻，有別於一般嘅水煮魚，呢煲魚係無辣椒架，至於龍躉亦都唔算多骨，肉質鮮嫩，吸收晒湯嘅辣味後真係食得超過癮，不過個人認為小辣唔夠辣，下次可以叫中辣。上湯波士頓龍蝦手打烏冬：龍蝦不但新鮮而且份量又多仲啖啖肉，上湯加入波士頓龍蝦煮過後再加入手打烏冬，味道相當鮮甜，手打烏冬入口亦都非常爽口彈牙，味道真係無得頂，喜歡食芝士嘅朋友們更可以選擇以＄30加芝士添。 合時
是日去完朋友屋企探bb之後再落黎食晚飯，餐廳食物款式好多，價錢亦都相當親民，由幾十蚊到成千蚊嘅菜式都有。
行入黎餐廳嘅時候已經見到一大個魚缸，見餐牌上海鮮價錢亦都唔太貴，當然想試下啦。
金蒜蒸大蟶子 ：蟶子用左蘇格蘭蟶子皇，非常大隻，蒸嘅時間剛剛好，入口非常彈牙，加入左蒜蓉同粉絲去蒸後，食落非常之有口感，以＄168／4隻嘅價錢黎講絕對係超值！
正宗四川麻辣龍躉：
一向都喜歡食辣野嘅我地，見到餐牌上呢味「四川麻辣龍躉」真係非叫不可。辣度有分小，中，大辣三個辣度，由於第一次食，所以都係叫左小辣試下。
麻辣龍躉一上枱時香味撲鼻，有別於一般嘅水煮魚，呢煲魚係無辣椒架，至於龍躉亦都唔算多骨，肉質鮮嫩，吸收晒湯嘅辣味後真係食得超過癮，不過個人認為小辣唔夠辣，下次可以叫中辣。
上湯波士頓龍蝦手打烏冬：龍蝦不但新鮮而且份量又多仲啖啖肉，上湯加入波士頓龍蝦煮過後再加入手打烏冬，味道相當鮮甜，手打烏冬入口亦都非常爽口彈牙，味道真係無得頂，喜歡食芝士嘅朋友們更可以選擇以＄30加芝士添。
合時燉湯：是日燉湯以雞腳同冬菇等等嘅配料煲成，以$48一盅黎講絕對係性價比高！
張貼
