豐碩 (已結業)

前日同愛愛去飲早茶，人生第一次只我倆口子去飲早，佢唔想去太遠，就去了附近的酒樓。最後叫了5個點心，埋單唔駛一百蚊，出乎意料的平。平還平，但份量一啲都唔細，蒸包、腸粉、牛肉球，全部竹都大大件。最後努力清晒，但就飽到無食午餐了。環境就真係麻麻地，地方細，枱貼枱。我地閒日去，雖然唔駛等位，但要搭枱，我個人唔係好喜歡。而且場內服務員唔多，真係要比啲耐性及忍耐。食物上枱時間都算快，心急肚餓既愛愛都無扭計。推介流沙奶黃包，好流好沙，好有咸蛋黃味，正!