豐碩 (已結業)

上星期見到廣告，今日一行6人黎左呢間酒樓打邊爐，見佢有酸菜魚火鍋好似幾特別就想試下酸菜魚湯底較淡，同內地知名既酸菜魚味道就差一大截。不過龍躉魚肉都幾多幾大份。肥牛肥瘦適中，不錯。早一日訂枱仲送海鮮拼盤，有帶子、蝦、同魷魚，石斑，都幾新鮮。食物新鮮，味道ok，不過係入座安排較混亂，一早訂枱竟然俾張4人枱，而且加湯果陣加既係生水，有少少介意。有咁多海鮮既火鍋黎講都算幾抵食，亦都冇收加一，每人埋單$228

一直以黎爸爸都係豐碩既粉絲爸爸話雞煲翅好正 小菜亦炒得出色 抵食咁親住父親節 我地就一行七人去試下個雞煲翅同小菜由於掛住食好多相都係求其影lol糖X芋頭一開始既小食 唔錯唔錯又抵食黃金魚皮我一向都覺得一包包果D 咸蛋魚皮唔係好食但又好貴但LI 個暖暖地真係好好食 仲要多左份濕潤 仍然保持到脆口豬手(唔記得影原隻 切左之後先醒起)豬手軟硬度適中亦夠入味正正正魚標個魚標煲真係好好食又多 又大舊 又焦焦地好食炒牛牛相比起黎個炒牛牛就有少少失色既味重手左少少亦無咩特別雞煲翅係我地今日黎食既重頭戲個個都飲到兩碗以上而個湯超甜好足料不過好似唔係餐牌上面有既野壽包之前試過LI 到D 壽包(蟠桃)係十分唔錯包包入面有大大個咸蛋黃餡料亦唔太甜good good good豐碩係性價比高既店大家去試下Go Go Go

大角咀有間價錢幾抵嘅打邊爐店！火鍋店香港的確有唔少。但要講到抵食得嚟又會令人回頭嘅真係唔多。今晚難得一班中學同學聚會，所以揀返以前返學地段，而且其中學同學食過話無得頂！最緊要價錢平，同埋款式多。食物方面種類真係幾多，佢個湯底不得了，鮮味十足。而且好夠味。特別欣賞佢嘅炸午餐肉，炸好嘅午餐肉更惹味！口感更豐富。牛肉都幾大份，都encore咗幾次。同埋佢個咸蛋魚皮又係必點，啱哂咸蛋迷。🍽9.5/10

約了曾拍過嘅buddy食開心飯🥳呢間係其中一位食過好味，菜色唔係一般圍菜菜色！去到店員指示我去一個走道位置（呢個位置係出入廚房走道，唔迫又自成一角），放咗兩張圓枱拼枱，所以17人可以一齊食（訂時19人），食物聽訂位buddy講係一圍再加大份量！酒水另計我哋人齊叫起菜，食物陸續上菜金沙炸魚皮：呢個好邪惡又好好味，鹹香又薄脆，食到停唔到瑤柱燉花膠：塊白雪雪花膠好大塊，軟滑彈牙，湯底夠香甜夠濃味，清澈又唔會油膩，好正原隻台式鹵水大元蹄：賣相吸睛，切開前店員會問使唔使影相先，我食咗舊無肥肉嘅（自己唔喜歡豬皮，瘦肉都彈牙兼嫩滑！鹵水入味，唔會太鹹油鹽水花甲蟶子：用煲上菜，打開蓋好香青椒味，花甲同蟶子雖然唔大隻，肉質嫩滑無沙，啖湯有晒海鮮味，鹹香好正！薑蔥焗魚鰾：我唔食魚鰾，香味好惹味！膏蟹雞煲：膏蟹我食咗蟹鉗，肉質飽滿彈牙，汁醬唔會太杰，唔會蓋過蟹味啫啫水東芥菜：用煲上菜，，不過我唔食芥菜，食咗嘅好友話芥菜有苦味金銀蛋溫室豆苗：自己唔喜歡溫室豆苗，無食香芒櫻花蝦炒飯：石碗上賣相靚，炒飯乾身，粒粒分明，石碗仲可以做到飯焦，櫻花蝦其實無乜味，炒飯材料足，芒果肉🥭甜味酸甜好味黑糖蜂巢榚：竹籠上，榚身煙

上盛肥牛打得邊爐點可以唔叫肥牛。呢到嘅肥牛非常新鮮，紋理亦都好靚。夠哂肉地，食落牛味都幾重。絕對係比出面其他嘅打邊爐牛肉好味！牛肉可以話係呢到必點推介餃子餃子唔算特別。但勝在一碟都已經勁多，同埋每隻餃子都勁多肉，絕對好飽。而且肉質好鮮甜啊！每隻都大大粒，一定要一碟同朋友share。響鈴覺得比平時食嘅幼身D，但一樣好脆口。記得唔好多過3秒，味道會更好。好入味！朋友話真係就算肥都要食LOL午餐肉炸嘅午餐肉好厚，炸咗更惹味！不停encore，絕對係抵食同高質。同埋中型size，唔會因為太大食完飽哂食唔到其他嘢。🤣🍽7.5/10

大角咀真係一個極少會去既地方，今次巧合地在依到搵食。一於打邊爐，試下個龍躉鍋任飲任食。👨‍🍳👩‍🍳食物質素：🐟🥘酸菜龍躉鍋，少辣。侍應提醒我地滾左就要即食，避免嚡口。果然，肉質唔嚡，魚肉同酸菜分量多，仲有魚腩位好滑。同行者，都讚👍。🥘任食火鍋料，普通任食配料都有，另外仲有象拔蚌。鵝腸好味，唔韌，爽口，所以都encore 。比較少見有淮山麵，越南河粉。雪花肥牛，都唔差，唔會好肥。另叫，小食：黃金魚皮，睇得出唔係交黎，即叫即整，熱辣辣，🥚咸蛋味濃郁，魚皮偏厚身。💲自費：安格斯牛，牛味重，肥瘦適中。🛋️🛋️環境：地道屋苑酒樓👦👧適合人數：2-1x人😋😋好食指數：4/5🥰😍Souffle 舒服指數：4/5P. S. 侍應服務態度幾好，夠主動🥰。

香港人一直都很喜歡打邊爐，不論春夏秋冬。本人亦不例外，近年日韓台式精品火鍋大行其道，令本地火鍋愈來愈少。最近，就在大角咀品嚐了一餐火鍋，味道不差，值得推介。店名豐碩，平日一至四，198元/位，即可品嚐招牌龍躉火鍋，可選酸菜或者麻辣。一行四人，皆一致決定，選擇酸菜龍𧄌鍋，再加一款小食。小食先到，很香的咸蛋味，正是即炸黃金炸魚皮。上菜時仍然很熱，入口香脆，強烈的咸蛋味，必食！龍𧄌鍋亦到了，酸辣味撲鼻，很誘人，侍應亦提醒龍𧄌要食先，否則會不好食。酸菜龍𧄌鍋的魚肉，微酸微辣，肉質鮮嫩，很好食，份量不少，同枱嘴饞的朋友無不讚好。這裡的配料亦是任食，選擇不多，但亦有精品，例如鵝腸、雪花肥牛等等。味道可以，但亦被龍𧄌鍋及黃金炸魚皮比下去。除了配料任食，飲料亦任飲，加上環境舒服，服務不差，適合一大班朋友一起食飯聊天，下次吹雞再來！豐碩 (大角咀)大角咀埃華街8號奥朗御峰1樓101號舖簡單的飲食隨筆，有興趣請follow～緣食魔宮。抵玩指數最高為三星，所有不用自掏錢包者， 將不給予任何指數。

————呢間豐碩海鮮酒家，裝修就似返平時嘅酒樓咁，見好多人食緊中菜，不過我同朋友就試咗個酸菜龍躉湯底+任食火鍋，因為俾個名吸引咗，haha。湯底好快就送到嚟，好足料嘅酸菜同龍躉，酸菜夠多，龍躉肉厚，睇得出店家絕無吝嗇，啲料食極都有，臨尾幾舊煮耐咗都冇點變「鞋」。另外加咗半磅安格斯肥牛，一嚟到我哋兩個呆咗，原來咁大碟！個湯底本身夠曬味，淥一淥啲肥牛就唔太需要點咩醬，牛肉脂肪唔算多。而我就鍾意個黑豚肉，好有肉味，薄切又易熟。不得不提仲有金沙炸魚皮，份量驚人，以小食來說真係幾頂癮，塊塊都充滿鹹蛋黃香，而且好似加大碼咁，就咁食就極為香脆，淥湯食建議放落去淥返一兩分鐘，出到嚟仲未會淋曬，而且冇咁熱氣，因為份量真係好多！由於有安格斯肥牛加持，就冇嗌太多其他食物，打邊爐最重要有一兩樣心愛嘅食物滿足到口胃。同大家分享，千祈唔好眼闊肚窄，呢度嘅份量真係好大，我地食到捧住個肚飽曬咁走。感覺回程時都仲有啲酸菜魚喺肚裡面游下游下咁～

豐碩 (大角咀).平時經過大角咀都見到呢間任食火鍋台，但因為星期六日都大排長龍嘅關係都無機會試，今次特意平日放工提早book位去試下！.時下興起酸菜魚鍋，對於經常北上食酸菜魚鍋既我地 ，係香港食酸菜魚都係第一次！ 難得呢間火鍋店可以選擇酸菜魚鍋湯底，仲要條魚係用龍躉，我地諗都唔諗，就決定一試！.⚜️酸菜龍躉鍋⚜️.酸菜配上肥美嘅龍躉魚塊，魚肉好滑！酸味更帶出魚嘅鮮味，好彩有加多$20試下個酸菜鍋(˶‾᷄ ⁻̫ ‾᷅˵)百幾蚊任食火鍋🍲配料都很多選擇！當中娃娃菜，韮菜餃都係我倆每次火鍋必食，吸曬個湯，正！⚜️安格斯肥牛⚜️$88.我地得兩個人所以叫左半磅啱啱好(⁎⁍̴̛ᴗ⁍̴̛⁎)一上枱已經見到油脂分佈好靚，少少肥，食落都好嫩好香牛味(*¯︶¯*)！.⚜️椒鹽魷魚頸⚜️.平時炸魷魚鬚呢就食得多，魷魚頸真係未食過haha!!炸粉唔算太厚，食落香口(⁎⁍̴̛ᴗ⁍̴̛⁎)可以一試！—————————————————————-環境：⭐️⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.📌豐碩 (大角咀)大角咀埃華街8號奥朗御峰1樓101號舖—————————————————————- #hkig#hkigfood#hkfood

平日好少會去大角咀！今次朋友話有間抵食打邊爐二話不說就試下。價錢好抵，$198全食。一大班人算係幾唔錯嘅選擇，而且唔好以為平就係劣食，絕對平出面其他火鍋優勝。🔸 炸魚皮🔸 金沙魚皮炸魚皮好大碗，而且炸得超脆。魚皮佢仲有隻係小食，叫金沙魚皮。兩隻都好脆口，絕對係停唔到手。必點無誤。🔸魷魚🔸鵝腸🔸豆腐🔸餃子朋友們都話打邊爐必點。魷魚有預先處理咗，所以味道更優勝。豆腐下火，唔算特別，但打邊爐也要下下火。另外，真係超爽鵝腸，勁爽口，大家都食唔停再encore。餃子一份數量多，而且全部勁厚肉，每粒都絕不馬虎。🔸炸午餐肉呢個價值係重點推介，佢係處理咗炸咗先，好味勁多。呢個都係不停encore，因為真係炸完嘅午餐肉好惹味啊！🔸飲品方面選擇都非常多，同平時出去食日式放題差不多，種類選擇多。好多其他火鍋店無既飲品佢都有提供。環境分數: 7/10食物分數: 8/10

《豐碩》📍大角咀埃華街8號奥朗御峰1樓101號舖 【九龍區邊爐又一新選擇！抵食推介】九龍區打邊爐雖然多，但好壞參差。呢間係朋友食過推介，價錢抵$198任食，而且質素極高保證。🔸龍躉湯底單聽個名龍躉就已經知值回票價。超級新鮮嘅肉質，淆咗應該一段時間，所以超級鮮甜。打邊爐一流。必試湯底之一。加埋其他配料飽到上心口。🔸 炸魚皮🔸 金沙魚皮魚皮間間打邊爐都差唔多有，但呢間幾特別有個金沙魚皮。佢係有D咸蛋黃係上面，的確會更惹味。大家一定一定要點呢個，我哋一行幾人幾驚食哂佢D金沙魚皮。🔸上盛肥牛肥牛肉質紋理都好靚，而且係真係有牛味！呢點好緊要，對鍾意食牛嘅人嚟講，無牛味係唔似食緊牛肉。所以我哋都有再encore。🔸炸午餐肉必點必食另一推介。炸嘅午餐肉真係好好味，同埋好香口。大家一定要試下！你可能都會同我一樣encore多次。環境分數: 7/10食物分數: 8/10

好耐未試過任飲任食邊爐啦🥰🥰見到大角咀豐碩任食火鍋（$198@1）真係超抵🤭孖埋大食仔去食～·🍲酸菜龍躉火鍋 大食仔唔愛麻辣火鍋既關係，😍湯底簡左我最愛既酸菜魚👍🏻👍🏻好多配料！！！毫不吝嗇🥰🥰酸菜，金菇，芽菜，同埋主角龍躉😋😋·🐮安格斯肥牛（半磅 $88）賣相唔錯～肉質唔鞋口👍🏻·🦑椒鹽魷魚鬚（$36）岩岩炸好，熱辣辣🤤🤤🤤好好味啊！椒鹽太惹味，秒清·整體不錯，任點食物種類多，係咁點蟹子丸響鈴廚師腸😍😍😍

係香港食最地道既港式火鍋一般都離唔開醬汁同埋牛肉, 呢間係大角咀既酒樓,有小菜同埋任食打邊爐!價錢好實惠!每位都係$168仲可以食坐個鐘Tim!睇睇配料表都幾齊全wo,應有盡有,仲有升級優惠!今次就試左安格斯肥牛(半磅)-$88的確口感都比普通酒樓提供既雪花肥牛更加嫩滑同油香同牛味重好多,另外試埋個椒鹽豆腐-$28岩岩炸起,相當香口,抵食!海底簡左酸辣龍躉鍋!入面仲有d切左塊既龍躉,好鮮甜,不過我嗌少辣,比想像中無咁辣,早知嗌大辣啦!其他配料不過不失,一定要嗌既係炸魚皮,炸芋頭同埋魚皮餃都好好食!飲品亦都係任飲既,當然除左啤酒啦!!哈哈!兩人埋單加埋醬料都係200蚊左右,食到飽住走!食得過!

話說我哋兩公婆知道呢間酒樓嘅打邊爐超平 想試好耐 前幾晚 趁牙仔瞓着咗 兩公婆就鼠左出嚟一嘗呢個 史上最平嘅任食打邊爐 一入到去 唔使等位 同場有大概五六台客 夜媽媽黎計都算係咁 睇到張菜單 唔算特別多嘢食 我哋揀咗個唔使額外加錢嘅胡椒豬肚鍋 配料係門口附近嘅一張枱上面 樣樣野都細細兜咁任你不個鍋底嚟到 正正常常 除咗豬肚以外 有酸菜 白蘿蔔 胡椒味重 啲嘢食上嚟 肥牛比想像中好 出乎意料地有牛味 但佢應該成碟肉連碟放落雪櫃都雪 所以出到嚟啲牛肉同隻碟痴得好實 我哋要等佢嘆一嘆 先至可以夾到午餐肉竟然有炸過 個人好喜歡其他配料都唔錯 蟹柳最有驚喜 睇到個長度都想encore多幾轉 象拔蚌都幾好食 但係淨係第一轉又俾我哋 第二第三轉再叫 都冇再嚟 個人略嫌不足的係啲生菜切得好碎 有啲難夾 如果下次可以成棵上 咁會好好多最後埋單 兩條友先至係$250都唔使 真係抵到爛