譚仔三哥米線 (西洋菜南街)

營業中

休息中

之前想食好耐,今次終於有機會5點幾去,冇咩人,d啊姐企哂喺到傾計我點了墨魚丸酸辣米線我地3個人,張單黎到,又得兩份好啦~改好單,d野食又黎左見到碗野d湯白雪雪,叫個啊姐埋黎問:尼個就係酸辣湯底?啊姐話:係啊~冇錯啊!!一食落,好酸,但一d辣都冇咁我諗自己落d辣焦油都一樣姐~唔試還好,一試........哇~咁都叫辣焦油??簡直係生油浸辣焦!!真係把鬼!!果碗酸到牙都軟埋我米線食左我成個鐘!!6點幾開始多人,d啊姐又眼望望咁都係拿拿聲走人!!

每兩三日就會想去食譚仔...-_____-!雞肉炸醬酸辣米線係我既主打-0-!真係好好味.有次食小辣，辣到標晒汗-_-!!不過係咁加價law-__-""而且D呀姐好無禮貌-_-服務態度真係麻麻-0-好彩佢地有碗米線撐場-_-"...為左碗米線-.-算！

好想食辣野，見屋企冇食飯老公又約左人一於自己去試下先間舖比深水埗既大好多 ! 坐都坐得舒服 D 呀 !叫左豬肉五小辣LEE 間 D 豬肉就老左 D但個麵就煙軔好多好好味呀個湯底都保持水準到我差 D 飲晒 間野比較夠冷氣又冇咁逼所以今日食完冇以往咁熱死左

晚上約七時已到達，店內已接近爆滿，好難的才找到兩個位置，一坐下即點了雞肉米線、墨丸米線(兩個都是清湯底)和蒜泥白肉。點完菜向門口一望，已經坐了十多個人在門等位，幸好早來一步。米線到了，一貫先喝一口清湯，依然保持水準，夠清夠甜，喝後不口渴。雞肉數量頗多，墨丸一碗有六粒，配料如芽菜、韮菜都很多，米線亦多，一碗米線只需20元，真的只可用一個「抵」字來形容。蒜泥白肉，肉片肥瘦恰當，不乾，不過蒜泥真的非常多，個人認為過多，而豉油和麻油亦太多，真的多到漏，使肉片浸得太多油，變得太油膩。總結米線是挺出色的，但蒜泥白肉一般，下次會吃回土匪雞翼。以下評分是給予米線的。

成日都聽人講譚仔有幾好味, 有日行過旺角, 見到開左間, 就入去睇下喇, 叫左個炸醬酸辣湯底, 蒜泥白肉同埋土匪雞翼, 先講個米線先, 米線幾彈牙, 但d湯就一d都唔酸辣囉, d炸醬就仲恐怖, 粉紅到好似人地d嘔吐物咁, 見到都食唔落, 最后, 我撥開d炸醬, 怱怱咁飲左幾啖湯, 同食左幾啖米線就算喇, 個蒜泥白肉就漏到食左兩片已經頂唔順, 土匪雞翼就幾香口吓!尋晚睇介紹飲食既節目, 話長沙灣嗰間好食好多喎, 咁就下次行開長沙灣先至再試喇, 旺角嗰間就請我都唔會再去!

次次都咁多人, 要等位叫左個大米線, $39 咩料都有.豬潤, 墨丸, 牛丸, 魚蛋, 火腿, 豆卜... 等等好大碗, 夠2個人食.另外加碟菜 $11要酸辣料加 $1. 幾多, 好味不過多人, 要坐得逼d.

應承女朋友食米線, 但決定試新0野, 所以0黎左le 度8點左右去到, 見到勁多人, 仲以為要等好耐, 好彩等左3個字左右就搞掂, d客去得算幾快坐低覺得冷氣夠, 女朋友係怕熱人, 佢都話ok 咁就應該真係ok, 不過就坐得迫d------------------------------------------------------------------------------------------------------------------叫左土匪雞翼, 過橋米線, 冬06, 冬07雞翼即叫即整, 差d辣親女朋友. 雖然多油, 但幾好食米線我地唔試分正唔正宗, 不過就味而言, 我地都覺得星林居好d, 因為0個度有味d, 米線冧d, 不過le 度就抵食d, 40 蚊一碗可以兩個人食唔哂, 料足.-------------------------------------------------------------------------------------------------------------------衞生一般, 洗碗0個阿姐好那西服務生非常好, 雖然好多人

其實迫同熱都預左, 服務差都算喇,但食物......................我叫左雞肉清湯米線,雞肉冇味,清湯有如清水的味道,米線又硬..................口淡淡又見土匪雞翼個樣幾正,點份試試啦, 過左10分鐘,我以為佢係即叫即整就廢事催啦,不過已經飽飽地,又過左5分鐘,我叫阿姐:"如果D雞翼未整就幫我CANCEL",唔使20秒,阿姐已經比左張REVISED左既單, 話"同你取消左喇"連問下廚房都懶................................不過我會再去.........因為食唔到個雞翼好唔甘心..............不過會去第2間.................HAHA

下午四時都有八成滿,見不需要排隊便直入,很多阿姐在店裡面閒聊,等了五分鐘才有阿姐抽空落單.要了腩肉+豬潤中辣米線.跟涷咖啡,見單上印上31大元,又加了價.請問加價何時了?米線加一餸廿元(以前是十九元);再加一餸要加四元(以前是三元),加麻辣再加一元(以前是免費的),飲品涷熱也是六元(以前是三元).十分鐘有得食,飲品比較快,五分鐘便有.中辣的湯以前是白色的,現在是微紅色.食料是如常的份量和味道,收貨.但是一入門口便覺得冷氣不足,一邊吃一邊要抺汗,尤其是這勁道十足的麻辣.當吃到只剩下三份一時要暫停,因為要抺汗,突然在後面有怪手一把收去擱在碗上的筷子,另一隻手再把碗收去,當堂嚇得把正在咀嚼的米線哽錯位.差點嗆死請試想給辣椒濁親的滋味喝道"未食完o架"阿姐方收手放回枱上.駛唔駛咁趕客呀. 況且我還未開始飲我的涷啡!!!.有一排都未走喇.

今日 6pm 行過，見冇人排隊，即入去一試，剛好有 pair 人走 。餸選擇好少，不過都有心水....老公 order 了 雞肉墨丸 小3辣 ，我就要牛肉清湯底，見隔離雞翼好似好正咁，不過唔係好肚餓，留返下次一枱大約坐 6 個人，唔算好迫，而且好快就有得食，碗米線好大碗，首先試個湯底，都 ok, d 牛肉冇勁落鬆肉粉，唔錯！老公果碗 d 墨丸就唔 ok， 雞肉就一般，不過湯底唔錯，尤其是 d 腐竹，吸晒 d 湯，好好味整體滿意！最開心見到佢張 poster 話 18/5 收益， 不扣成本，全數捐去救災，直得支持！！

每次來到譚仔都非常多人...(除了三至五點)...今次七點幾來到也不例外...門口排滿人...有路人經過還打趣說是不是買一送二...不過等了十分鐘就有位...來譚仔的人都不是要舒舒服服慢慢歎....所以雖然坐得迫,我們都無所謂了....我叫了酸辣雞肉竹笙,老公則叫了小辣腩肉魚蛋...平時超食得辣的老公都叫救命..還說是不是拎錯特辣給他..哈哈....之後聽到對面的不是叫中辣就是大辣...我們都呆了,好佩服!我試了一啖湯,真的超麻辣,那陣辣味還要久久不散!!腩肉肥廋適中,很香,魚蛋也很彈牙,一碗有4粒!我的酸辣湯底也不錯,不過老公嫌太酸......雞肉好像少了點...但味道不錯..竹笙吸了湯的精華,超好食!廿幾蚊大大碗,好抵!!!如果阿姐的服務態度好些還有不要經常落錯單會更好..........

特登同FD黎呢到食麵.. 之前黎食過一次覺得好味"門口有超過二十個人等緊.. 拎左籌之後行左陣"本身諗住去第間因為太多人..最後都係返返黎,,等多十分鐘到有位"見到39蚊樣樣有真係好吸引 ~ 之前都食過一次"但今次唔多餓.所以就叫左個牛肉米線"等左5分鐘到就送黎,, 成瑤滿晒~~以21蚊一碗黎講確係好抵"要左酸辣~ 本來想試麻辣.不過熱又生飛滋""所以冇要麻辣湯底..個湯底好似淡左少少.. 牛肉幾多下..有超過十件...食完坐左陣..都唔好意思坐咁耐,門口大把人等緊"丫姐亦一早收左我地D碗~另外個FD叫左豬腩肉同埋牛肉..好肥D豬腩肉..我唔敢食.."下次有機會再返去試個樣樣都有既..但下次唔會又加價多一蚊掛???環境方便.. 迫係正常嫁喇.. 所以好熱...一定流汗"加上用筷子係左手.. 仲衰.. 怕頂到人"下次黎會選非繁忙時間,想坐舒服D同慢慢食/"

好耐以前去過長沙灣的譚仔記, 記得係幾好味的, 早排睇有線個節目介紹譚仔記獨有的秘方炮製的雞翼, 又勾起我對呢間店的回憶~~而成日經過旺角呢間譚仔記都好多人等, 佢附近都有幾間食雲南米線, 但門口有人排隊等的只有呢間係咁, 咁多捧場客,一定有佢特別的地方, 今日行過都去試下, 雖然旺角呢間係分店, 但d野食仍然好正, 我同男友最愛的雞翼係必食的!!真係好特別好好味~~~第二度係食唔到的!!食物:我地兩個人, 每人叫左碗米線, 土匪雞翼同紅油青瓜:--小窩米線加腐皮同竹笙: 我叫的係清湯底, 湯底好清甜, 好想飲哂佢! 配埋d配菜, 有芽菜, 苟菜都幾大碗, d竹笙好爽, 索哂d湯汁好入味, 腐皮幾淋配埋d湯甜甜地幾好食。D米線軟硬適中, 份量都幾多, 一個女仔食哂係好飽, 感覺大大碗好抵食--土匪雞翼(大):去呢間店一定要食佢的雞翼, 係秘方炮製的! 記得有線介紹過佢的雞翼整法係源自湘蜀, 即係湖南, 四川, 口味幾濃烈惹味, 而且製法特別,係呢度獨有的招牌小吃, 香港第二度都未見有得食。其實佢d雞翼有三種, 食過麻辣個種係好食不過真係好辣, 條脷會好麻, 都係土匪雞翼易俾人接受d,

近來要吃得淡少少, 米線成了首選. 友人較喜歡這間, 於是再訪. 點了墨魚丸米線. 之前呢度的墨魚丸不錯, 幾有口感, 爽爽地. 但而家的退步了, 不知是否為了節省成本, 墨魚丸質地較淋了, 有少少粉...只可算ok吧了!

譚仔越開越多……單餸19，加餸每一味加4蚊我叫清湯底，因為去過深水埗食小辣都食唔到……清湯啦，牛肉墨丸米線。牛肉ok，唔係肥牛但係都嫩丫～墨丸無驚喜米線好大碗餸都好多，最鐘意係佢會俾d芽菜你太大碗，其實我食唔到一半就要放棄……