譚仔三哥米線 (西洋菜南街)

營業中

休息中

我一向都好鍾意食米線ge無論酸辣定麻辣..我都勁鍾意而且成日幫襯..."雲南桂林過橋米線"但係今日行過mk見到有譚仔...又成日聽人講...幾好食...又話個湯正呀...抵食呀等等但係我去到叫左個雞肉腩肉米線...麻中辣佢一理到...我即試佢個湯...wah...我feel到好似我屋企自己煮麵落雞粉同鹽果隻味而辣味比起李錦記麻辣火窩醬仲要差...再試下d腩肉...my god...肥肉多到....仲要係無味...好似白灼豬肉禁我平時係"雲南桂林過橋米線" d腩肉係好香..個湯底亦都好足料...一啖湯就令人回味我同老公好後悔今日揀左呢間...放棄平時食開ge寶亦都發誓以後任何一間譚仔都唔會幫襯.鍾意食米線ge朋友去"雲南桂林過橋米線"試過你就知分別....

尋晚，我和朋友一齊去左此店食晚飯！我叫了墨丸酸辣米線！嘩，米線算軟，酸辣=普通一樣！無咩酸辣！再叫了麻辣雞翼！OK 啦！而價錢方面，相比我係深水步相差幾遠！野飲貴左，雞翼又貴d！雖然，唔算係好多！不過，e個price 就唔洗食這店！以後，都唔再係旺角食譚仔！

同女朋友食左好多次過橋套餐, 次次食都覺得好好味,料又多,不過有時多人d麵會少左d~不過都唔錯~服務都唔錯~d人拎麵好勁= ="3隻手指拎一個麵勁~價錢都合理^^

今日同左兩個fds去旺角譚仔食米線~以前都聽好多人講過好好味~不過就真係未去呢間食過~於是就特登去試下~一去到已經見到超多人排隊!拎41號飛, 岩岩先叫到20,我地都照等~我仲心諗"一定好好味喇,,唔係又點會咁多人排隊呢?!"等左好一陣子終於有位~入到去叫左個豬腩肉+雞肉米線(酸辣)(好少"食送"揀,,不過我又心諗貴精不貴多喇)另外再叫左個香草雞翼~d野食都幾快,,不過一食,,頂!!真係勁失望!!首先講個湯...係得個酸字...好怪...好似宿宿地咁~之後到雞肉,,完全無雞味,,好唔新鮮!個豬腩肉都只係okay!再試個香草雞翼~香草味唔夠,,塊皮又煎到濕濕地...唔香口...真係唔知點解可以咁差...同行既兩個fds都好有同感最後3個人都食唔晒~其實我唔係一個對食要求好高既人~只不過今次真係令我好失望!點解一間人人讚好既店我居然食唔到佢既"好"

和觀塘那家的味道差不多，一樣那麼好吃，料又多，我去的時候是7 PM，照樣多人，某程度上可反映是否受歡迎。酸辣的味道很特別，非常開胃。麻辣適合可吃辣的人吃，因為只是小辣對我來說也已經很辣了…。另外也推薦土匪雞翼。

尋晚(27/2/08)幫襯，未夠6:00已經人山人海！好辛苦先迫到兩個位，馬上叫o野食。我要炸醬牛肉清湯底，太太要雞肉小麻辣，大家都叫o左凍檸茶o忝。炸醬唔似平時食到o固o的，冇咁油同深色，似免治豬肉咁，不過都幾辣o下。牛肉比軟有o趙頭，肉質有o的o鞋，好在味道唔錯。配菜出色，清湯味道亦濃郁。份量更加係十足！雞肉都係有o的o鞋，個湯底真係唔講得笑，雖然係少辣，已經見我太太頭頂出晒煙！不過，佢讚味道好喎！上菜唔快，服務幾好。麵$19，麻辣湯底$1，加$4，加飲品$5，都算ok啦！

尋日晏晝睇完戲去0左呢間譚仔到食米線...阿姐態度明顯好0左少少,至少唔再黑口黑面今次叫0左墨丸炸醬酸辣米線(走九菜)d墨丸同上次食唔同0左...感覺好食0左^^炸醬係第一次叫...偏甜,份量多,幾好味呀!湯底一d都辣味冇,酸味就勁出~難得食完之後一d都冇口乾,唔使飲水都ok~始終都係企佐敦0個間好食d,連阿姐都好禮貌d!

某天行過見到譚仔竟然開到這裏，於是入內幫陳。飲品比長沙灣及深水步貴，$5一杯，但好似湯底就好以平返一蚊，$1，都唔知點解。基本上味道是一般譚仔的味道，但見用食具就細緻咗，用了雲南貴林米線的黑色碗，而不是譚仔的白色碗，所以感份量少了。至於辣度好像也跟深水步及長沙灣的輕了。這些分別相信是為了迎合旺角區食客卦。這不是食評，只提供大家一些資料而宜。