影片
更多
2008-04-23
10 瀏覽
好耐以前去過長沙灣的譚仔記, 記得係幾好味的, 早排睇有線個節目介紹譚仔記獨有的秘方炮製的雞翼, 又勾起我對呢間店的回憶~~而成日經過旺角呢間譚仔記都好多人等, 佢附近都有幾間食雲南米線, 但門口有人排隊等的只有呢間係咁, 咁多捧場客,一定有佢特別的地方, 今日行過都去試下, 雖然旺角呢間係分店, 但d野食仍然好正, 我同男友最愛的雞翼係必食的!!真係好特別好好味~~~第二度係食唔到的!!食物:我地兩個人, 每人叫左碗米線, 土匪雞翼同紅油青瓜:--小窩米線加腐皮同竹笙: 我叫的係清湯底, 湯底好清甜, 好想飲哂佢! 配埋d配菜, 有芽菜, 苟菜都幾大碗, d竹笙好爽, 索哂d湯汁好入味, 腐皮幾淋配埋d湯甜甜地幾好食。D米線軟硬適中, 份量都幾多, 一個女仔食哂係好飽, 感覺大大碗好抵食--土匪雞翼(大):去呢間店一定要食佢的雞翼, 係秘方炮製的! 記得有線介紹過佢的雞翼整法係源自湘蜀, 即係湖南, 四川, 口味幾濃烈惹味, 而且製法特別,係呢度獨有的招牌小吃, 香港第二度都未見有得食。其實佢d雞翼有三種, 食過麻辣個種係好食不過真係好辣, 條脷會好麻, 都係土匪雞翼易俾人接受d,
而成日經過旺角呢間譚仔記都好多人等, 佢附近都有幾間食雲南米線, 但門口有人排隊等的只有呢間係咁, 咁多捧場客,一定有佢特別的地方, 今日行過都去試下, 雖然旺角呢間係分店, 但d野食仍然好正, 我同男友最愛的雞翼係必食的!!真係好特別好好味~~~第二度係食唔到的!!
食物:
我地兩個人, 每人叫左碗米線, 土匪雞翼同紅油青瓜:
--小窩米線加腐皮同竹笙: 我叫的係清湯底, 湯底好清甜, 好想飲哂佢! 配埋d配菜, 有芽菜, 苟菜都幾大碗, d竹笙好爽, 索哂d湯汁好入味, 腐皮幾淋配埋d湯甜甜地幾好食。D米線軟硬適中, 份量都幾多, 一個女仔食哂係好飽, 感覺大大碗好抵食
--土匪雞翼(大):去呢間店一定要食佢的雞翼, 係秘方炮製的! 記得有線介紹過佢的雞翼整法係源自湘蜀, 即係湖南, 四川, 口味幾濃烈惹味, 而且製法特別,係呢度獨有的招牌小吃, 香港第二度都未見有得食。其實佢d雞翼有三種, 食過麻辣個種係好食不過真係好辣, 條脷會好麻, 都係土匪雞翼易俾人接受d, 初時俾佢個名”土匪”吸引左, 覺得好得意, 而佢外表都同個名好貼切, 表面佈滿黑芝麻, 睇落黑黑的,污萃萃的, 好有土匪的感覺, 而食落口雞翼外皮好脆好香口, 仲有d特別的香料味, 雞翼入味之餘亦好獨特!! 我同男友都好中意食~~~
--紅油青瓜: 記得openrice有人介紹過話好味, 我今次都叫來試下, 唔好睇佢有d油紅紅的以為好辣, 唔係的, 只係少少辣味, 加上d青瓜本身味道好清甜好爽, 同d辣味中和返, 仲有佢辣椒荐係帶d咸味做調味, 入口甜中帶點咸同辣味, 味覺豐富之餘, 亦更能帶出青瓜的鮮甜味道, 值得一試!
服務: 係度食預左一定要等位, 不過我今次兩人等左15分鐘左右就到都幾快。而d阿姐做野都幾快手, 但人多都無咁好招呼啦, 始終做街坊生意不能要求太多, 同埋雞翼多人叫要等耐d先到, 我落單後都等左差不多10多分鐘先有得食
環境: 比較逼同細, 張張枱係坐滿人的, 係要預左同人搭枱, 而且人多空間有限, 食時都要預左逼逼地, 另外食完要走人, 因為出面好多人等, 人流要快, 呢d我唔太介意, 因為係度食係為左醫肚, 傾計的唔會諗呢度
小結:食完真係好飽好有滿足感, 好味得來價錢又經濟, 而佢的"土匪雞翼"亦成為我最愛食物之一~~ 值得一試~~~
張貼