譚仔三哥米線 (西洋菜南街)

營業中

休息中

溫溫下書突然掛住呢度d米線特登出黎食叫左酸辣炸醬雞肉米線d湯唔知點解比以前酸左好多，成個湯即刻失左平衡雞肉亦比以前「鞋」口可幸米線依然爽滑，炸醬依然香濃不過真的有點失望沒有特別的酸辣湯底，我大概也未必有再來的原因了

第 1 次去呢間譚仔 ~ 見平時人甘多 , 今日又冇咩人去試下 ..... 一入去下層 d 阿姐幾好口 .... 冇位 ... 點左我上 2 樓 ~ ...hai ~ .. 野食真係平 , 2 人前既米線只係 $40 都唔洗 , 不過 2 樓 d 服務阿嬸 , 態度差都唔恨 , 禮貌冇 , 佢地以為 d 客仔一早已經熟哂個 menu 既野 .... 要知道唔係個個都係熟客 ma ~ ... 佢地冇咩耐性 , 問佢地野都唔願答 ~ 悲哀 ~野食就大件夾抵食 law .... 雞翼味道都 okay 既 ....不過 d staff 甘既態度 ~ !!!! NO next time ~ !!!!!!!!

久聞譚仔，終於可以黎朝聖。要了酸辣腐皮腩肉米線勁大碗!即使大食既我都只係食一半就覺得飽。腐皮一大pat，痴埋一舊舊，但咁食仲好!因為散開既話可能會吸曬湯既酸辣味，而失去本身既腐皮味，而家就可以食曬兩種味，層次夠豐富。至於腩肉切得薄身，食落脆口，即使層層肥膏，都唔會覺得肥膩。trade姐要了酸辣豬潤米線食了佢幾片豬潤，見其仲有些微血水，以為都嫩滑，但食落都幾鞋。無法，我已經自動將一切仿間食到既豬潤同ssp某名店既作比較。凍奶茶一般貨色，無需討論土匪雞翼(大)新鮮熱辣，難食極有限。但又唔覺好味到好似朋友仔同trade姐所講咁好食，個人認為同屋企食既炸雞翼一樣。

同個fd篤完波落去食米線！六點幾落去，要上樓上坐，下面已經冇位！坐多一陣，到七點左右就爆到滿瀉，真懷欵d人爭住食係因為名氣定乜野？因為我真係唔覺得太好食！首先，我點了雲南米線，要左墨魚丸，酸菜，雞絲料，再加一蚊要酸辣底。fd食雲南米線，叫墨丸，腩肉，久菜。我見到我個湯冇色既，就問侍應，原來只係加左味道，咁點解要加一蚊呀？乜味道都值錢？我覺得呢一蚊唔太應該收。至於雞絲唔係傳聞中咁滑，但腩肉幾爽幾好味就真。好快食完好快就要還番個位俾人喇！真係怱怱的來怱怱的走！但味道上黎講，我覺得只係好普通既料子呢！米線方面，個人認為都係滑既，但真係唔係有乜突出既地方可以吸引我再黎食多次啦！

hahaha~ 天寒地冬o黎食譚仔~絕對係一個好warm o既活動由於~18xx就o黎到, 好easy就搵到位兩個人, 叫o左 麻辣小鍋米線o的餸都幾多o下~有 魚蛋~ 牛丸~ 墨丸~ 火腿~豬膶~ 腩肉~ 雞肉~豆卜~ 竹笙~ 炸醬~ 超豐富~全部餸都好食~比起我上次去食裕一品o個碗小鍋米線簡直就係天壤之別~上次我覺得係將價就貨, 好似食緊o的下欄o野(餸頭餸尾)但譚仔o的肉質素好好多~ 似返係舊肉~而且個湯底 & 炸醬都出色好多~$38, 食飽兩個人~ 抵!!

由2004年吃到依家, 終於連譚仔都逃唔過香港食肆的惡運: 越開得多分店, 食物質素越差!!!譚仔咁多間分店都試過晒, 呢一年集中0係旺角分店吃晚飯, 由佢開業至今, 一直Keep 住一星期吃2 至3 次, 一直都係吃過米線套餐, 貪佢大件夾抵食, 2 個人Share 好抵…但昨晚(10 Dec 2008)再去光顧, 發覺食物已"變質" 了… 同一個米線套餐:1. 米線少0左, 鞋口0左, 唔滑;2. 芽菜多0左, 韮菜少0左;3. 酸菜同肉燥少0左近一半!!4. 牛肉, 豬肉, 雞肉, 竹笙都少0左;5. 最重要: 味精重0左!!! 最劣係第5點, 味精多0左好多!! 以前吃譚仔, 一定連湯都飲埋, 因為佢0的湯好清甜, 真係魚湯0黎, 所以一定飲晒0的湯!! 但近幾次吃譚仔, 已發覺佢0的湯咸0左, 但唔係濃0左, 食完後, 已經要飲水, 好明顯係"師傅" 作怪啦!! 昨日吃埋, 更發覺0的湯奶白0左好多, 唔係一般譚仔應有0既魚湯顏色, 再聞0下… oh … 落0左唔知花奶定牛奶!! 好大陣味… 個人對奶有少許敏感, 所以一見狀唔想吃… 好好地一碗魚湯米線, 就咁就隨波

由深水步食到旺角，雖然已經不復當年舊舖既水準，但都不過不失啦～因為旺角比較就腳，所以都可以成日黎，每兩個禮拜左右就食一次，都算有keep住個水準既，今次叫左一大碗既米線套餐，咩料都有，Ｄ料有好多，但我成日嫌Ｄ米線唔夠多＠＿＠一男一女食真係唔夠分～如果米線有得加大就好啦，哈哈～因為之前食左奇趣既燒餅打左個底，所以都無叫到我至愛既雞翼～第一次坐上層，比下層坐得舒服Ｄ，雖然都係咁迫架啦

我愛譚仔....耐無食就好掛住...譚仔依家紅晒...越開越多...可惜尚未於港島登陸..... 今次去既係旺角新店...地方較其他店....不錯寬敞~例牌叫酸菜, 腐皮, 麻中辣....今次無叫雞肉(突然唔想食)見到成碗都係腐皮好興奮!男友必叫炸醬, 雞肉, 麻中辣, 另叫蒜泥白肉同生菜....浸落湯度超索味~~譚仔真係好好食, 不過越黎越貴,今次埋單竟然要100蚊...依家物價真係貴晒啦!!!

friday appointment完了後坐低開餐都係六點零多d，比上次冇咁擠迫。我叫了腐竹、竹笙&雞肉酸辣米線。與上次比較，我發覺原來這鐵三角組合會較適合我胃口，下次再食我會照咁叫…^^v竹笙固然與上次一樣索汁好味。腐竹上次我話過較硬口感像膠布，但今次發覺浸耐d效果會更好，浸軟左索晒湯汁會好味，亦食得出有豆香。雞肉質感唔老，都幾滑，同行亦試過話唔錯。我碗米線口感適中，唔太硬太軟，亦配合到湯汁，湯汁唔算濃，整體都不錯。同行的就叫了竹笙、腐竹、韭菜&腩肉酸辣米線。竹笙與腐竹其實與我上述的評價一樣，腩肉都與我上次的評價一樣，只係韭菜可能早放得耐就黃左。而同行今次就同我猛投訴個米線湯底酸左d，咁我幫佢試下味…咁我就覺得唔係酸左d，而係勁酸，同我上次第一次食譚仔的感覺一樣=像飲醋，但今次其實我覺得佢叫的組合同我只係大同小異，唯一不同只係比我多了腩肉和韭菜，但兩者都只係沒醃製過的材料，理應不妨礙湯底的味道，我唯一幫佢推測只係因為湯料多左廚子就將味道加重d，等如我們煲湯中途加多了材料都會再補加返水同鹽，純粹個人推測。另叫了(細)三件土匪雞翼，水準與上次相若，仍新鮮滾熱辣。食後感：暫未試麻辣，因為我

原來旺角呢間譚仔有幾層的!遠見譚仔逼到人山人海.,,.諗住放棄食佢架喇點知我朋友見到譚仔旁有條樓梯可以上2樓1上到去好闊落!d人仲係下面逼餐死,..,講番轉頭本人唔食得辣,.!!雖然譚仔d麻辣好有名!最後叫左個豬腩肉九丸米線+凍奶茶仲有土匪雞翼!首先講豬腩肉牛丸米線豬腩肉好正!!雖然係清湯湯底,但都好有味牛丸好彈牙!!米線勁滑溜,正凍奶茶,夠味!!但唔夠凍,再凍d會好d土匪雞翼,黎親都必食!外皮有好多香料,脆脆地好好味最仲要係好抵死!!食親譚仔都大住個肚出門

１１月１１號晚二人叫了米線套餐，未飲完就收你杯飲品趕住做下轉，坐得又迫，以人頭計每位食＄３０元都唔收一元以下散紙，有無搞錯，一元以下散紙都是香港法定貨幣呀！！阿姐服務態度又差，淨係想你快啲食完快啲走做下一轉生意，啲嘢幾好食都無用啦，試過就夠，以後都不會再幫襯了

以往對譚仔印象麻麻，一次米線太硬，一次炸醬超難食，但今次食完，開始對佢改觀。同阿媽兩個人，要了酸辣米線套餐加大土匪雞翼。米線套餐好大碗，咩料都有。炸醬同咸菜分開上。其中以竹笙、雞肉同牛肉較為出色。竹笙好索湯，吸晒d酸辣湯好正。雞肉滑，牛肉有點韌但有肉味。但丸類唔得，牛丸唔彈牙，墨丸無墨魚粒，同我食開d爭好遠。好多芽菜，正。個湯底都好正，酸酸辣辣，又唔會辣過頭，好開胃。米線煙韌，唔錯。土匪雞翼有5隻，新鮮滾熱辣。味道不錯，且雞翼幾大隻。好在我地坐4人，唔係坐大圓。otherwise一定逼到震。

米線仔."被"拉到譚仔.腩肉豆卜清湯米線腩肉有肥有瘦, 勻稱適中, 值得推介.豆卜一般.米線仲正過雲南桂林, un d, 彈d, 又唔少. good!偷吃炸醬也的確可口, 少吃不辣. good!飲野一般.

我地2個人食，一個食一碗米線：雞肉+竹笙米線，酸辣湯底我女友就食墨丸+竹笙米線，清湯底基本上兩碗都好吃，不過酸辣湯底就好食d，如果食的話，一定要揀呢個，只係貴1蚊 je。唯一唔好係迫左d，一張細圓枱成7個人坐，真係想放底個袋都唔得。而且好似愈來愈貴，而家一個餸要加4蚊，竹笙仲要成5蚊，一碗加埋都要25、26蚊，晚餐黎講算平，但係午餐連埋野飲就貴少少喇。

我以前最常去尖沙咀或者佐敦既分店，亦幫襯過深水 土步 個間~食開都覺得唔錯的!清湯鮮甜........但旺角呢間......間直令人失望!!~碗清湯真係清到......水咁好在我點左炸醬，先叫有少少味!!!而我要求走九菜芽菜，佢就幫我變左做「全走」，連腐皮都無埋而我至愛既土匪雞翼亦做唔到其他分店既水準!香味唔夠!!!!下次都係過返佐敦食好了!!!