詠藜園四川菜館 (已搬遷) 新店位置

星期一晚上，有事快閃黃大仙一下，七時左右與老公到附近覓食，一早就鎖定要到這店試一試。七時左右入座，店內已八成滿座。我們只有二人，要搭檯。店員遞上了茶及花生 (後來才知道原來可以換成酸菜)，之後才看餐牌。價錢不貴，款式很多，我們最後點了四樣食物 (後加了甜品外賣)：1) 雞絲粉皮：粉皮很多，爽口，雞絲份量比青瓜絲還要多，醬汁有點像蠔油， (我一直都以為是麻醬~) ，味道不錯。2) 煎餃子：外皮煎得非常香脆，餡料豐富飽滿而且有肉汁，很好吃！3) 擔擔麵 (小辣)：麵條很彈牙，份量不算太多，湯底花生味非常香濃，少辣幾乎不辣，我認為不用少辣都可以。4) 小籠包：非常好吃！皮是我吃過的小穩包中最薄！八隻小籠包只有一隻我們夾起的時候破了...小籠包湯汁非常豐富，名不虛傳！5) 太后糕：外賣回到家才吃，豆味香濃，不算太甜，質感較林，個人來說只是一般。由於搭檯的關係，店員送餐時難免有點混亂，我們先點的小籠包被同檯的另一組客人拿了，要再等。七點半左右結帳離座，店外已經要排隊等入座了，的確非常旺場！看到隔離檯的客人點了雲吞雞，樣子非常吸引，希望有機會再試！

曾經是詠藜園既常客，事關佢既價錢十分親民，麵食比出面餐廳平近一本，不過最近一次食，水準好似略有下降叫左招牌擔擔麵，叫了最少辣，辣度剛好，花生味都好濃好香，但係麵質略嫌太淋，如果可以做到有少少口感，微彈牙會更好。另外點了過橋水餃，入面粒肉肥瘦適中，可惜不夠肉汁，主要還是靠配的醬料來調味。另外點了醉雞，酒味濃郁，雞件都爽口彈牙。總括之言，價錢平，十分抵食，食物質素ok, 有改善空間，座位略嫌迫，不過小店要求的是氣氛不是環境，還可以啦

過橋水餃 韭菜豬肉餡 ($34)咁既價錢有10粒水餃幾抵食😋水餃好足餡，韭菜豬肉好香😉配甜豉油同辣油好夾豆沙鍋餅 ($45)睇落平平無奇，賣相不大吸引，但係平凡既食物先難整得好食。飯皮煎得好香口幾脆，入面有好多紅豆蓉，一咬豆沙就bit出黎😍熱辣辣好好味😋留意番，侍應話甜品要一次過叫，唔俾加單同唔會後上，所以呢個豆沙鍋餅成為左我地既前菜🤣皮蛋拌豆腐 ($46)涼拌小菜😉係普通既皮蛋同普通既豆腐，豆腐幾滑身。甜豉油為普通既食材錦上添花，最好味係個豉油😂嫩鷄煨麵 ($49)唔好食，好少鷄肉，成碗麵得三四粒指甲大小既鷄肉粒☹原本想清淡d先叫，但又真係清淡得太過份，結果撈左甜豉油食🙈店內好多客人，我地咁啱坐係廁所出面張枱，一路食都聞到唔係幾好既味道。

今日我同我老公去黃大仙還神， 但係我超肚餓 想問一間特色小店去吃午餐， 所以打開openrice 即時search邊間食店舖食 所以見到呢間食店超多讚好， 咁就試一試。點知一時 佢嘅水餃水準不錯但係啲麵就太淋心啦 不夠煙韌酒浸豬腳不夠酒味總括而言呢間係超抵 又超值嘅鋪頭 下次我都會再次幫襯

今日來到黃大仙和家人試一試坐車經過時 的四川菜館詠藜園當天大概晚上七點半去到門口已經係有十幾個人開始等位大概15分鐘就有位首先座位比較狹窄環境也是比較一般而菜品方面 點了回鍋肉客飯套餐 豬扒湯麵（擔擔面湯底）炸銀絲卷首先到來的是客飯套餐的例湯例湯足料大碗 並且飲得出沒有落太多味精接下來是炸銀絲卷銀絲卷底部的紙比較難撕開 容易黐住其他表皮一起撕走味道鬆軟香甜 但是欠缺炸的香脆然後就是期待已久的豬扒湯麵（擔擔面湯底）擔擔麵香度和辣度都是一般 可能是因為叫了小辣的原因麵身偏幼 吃的時候 會沾上滿滿的擔擔面湯汁至於豬扒方面都是一般 不夠香脆以及切的不好 每塊豬扒的切口都藕斷絲連在沒有刀叉的情況 就需要兩個人分別用兩對筷子才能分開豬扒最後來的是回鍋肉他們的回鍋肉肥瘦比例大概是六比四偏向肥一點他們肥肉的部份 較為爽口 油量是比較少 但有一定的香味鹹度足夠 我覺得辣度可以再加強

Having tried the Wing Lai Yuen in Whampoa countless times, I've decided to come to Wong Tai Sin to try this original place. Located at the foot of a hill, the restaurant is swarming with customers for a taste of the Sichuan delicacy.We ordered a couple of dishes to share and soy bean milk to top it off.Soy Bean Milk - fragrant and thick are words that I would use to describe this beverage. It's no wonder that everyone orders this. It also helps to neutralise the spiciness of the food. Preserved

當成日都食西餐 緊係要轉下口味黎到黃大仙 當然要去試試詠藜園詠藜園係一間老字號食四川菜地方細細但坐無虛席其實我每次都係叫#排骨擔擔麵 ($43)排骨炸得岩岩好 皮薄多肉擔擔麵又充滿花生香味一口肉一口麵一啖湯 Perfect 🤤而男朋友則點了#五香牛展川辣麵 ($41)我試左一啖 都幾辣下😂然後黎到必食#炸銀絲卷 ($19)真係超中意點煉奶黎食😆最後#紅油抄手 ($34)我覺得麻麻地 可能啲紅油同麻醬唔夾🙈BTW 啲啊姐嘅服務態度真係有待改善🙎🏻_________________________裝修環境：✨✨✨服務態度：✨✨✨食物質素：✨✨✨✨(5個✨為滿分)________________________唔信我嘅可以自己去試試😂

好耐冇食辣野，今日就黎左黃大仙呢間川菜館食辣野過下口癮🤘🏻🤘🏻果然無失望！食完之後超飽超滿足！首先就係咖哩魷魚😂魷魚好有口感，咖哩味好入味，但又唔會話太辣，不過魷魚份量太少，洋蔥相對好多好大塊，有啲唔夠喉🤦🏼‍♀️豆沙鍋餅就超正！特別係中間果幾塊，好多豆沙，仲要熱辣辣！川辣麵真心值得推介！唔洗連湯食都feel到佢既辣味🤤仲要一啲都唔貴！紅油抄手個皮好薄，但夾上黎又唔會散到到我最期待既小龍包！上到黎仲冒緊煙架，入面既肉仲好有鮮味添！最後仲未飽哂，就食多個上海粗炒！

詠藜園不嬲都係我同屋企人食川菜既第一選擇，冇食一排又心掛掛😋😋醉豬手酒味唔重，連我呢啲唔受得酒味既都入到口，做飯前小食一流😆咖哩魷魚一向都係爸爸最愛，點都要叫黎食，點知碟野啲洋蔥仲多過啲魷魚，有啲失望了😢豆沙鍋餅係必食!!!啲豆沙甜甜地，啱啱煎起既鍋餅熱辣辣，好正😋四個人食每人兩件啱啱好🙈平時都好唔鍾意食油膩野，雖然個川辣麵個湯全部都係油，但係油得黎夠香！最後爸爸仲想encore多一碗😂好啦，紅油抄手都係好油😂但係佢個油同川辣麵個油又有啲分別，呢個有香得黎仲有少少麻辣味😋

擔擔麵名不虛傳，係我食過最好食嘅！不過，真係有好多油分，要注意 ⚠️.回鍋肉係是日特價，大大碟先$50.花雕醉雞比較鹹.花生令人驚喜！無左層衣，完全無苦味。脆得黎唔硬，唔係市面上一般貨色 😋.不過呢度叫啤酒就比較貴

晚黑多人，搭桌的夫婦不欲坐走廊口，吾等當然花生一下。人多擠迫，實屬正常，人少之店，你也不欲內進嚐嚐吧。運動前還是吃正餐較佳，故取詠藜園棄車仔麵話梅醉雞，於平日吃的醉雞差不多，但是它多了一份甜味。話梅所配合的甜味，令到醉雞不是純粹只有鹹味、與及酒味，但是雞肉的肉質不算太過出色，因為雞胸肉亦都頗多，所以其實肉質一般，但是汁醬比較出色。雪菜肉絲炒年糕，這個反而意料之外，因為炒年糕非常之好鑊氣，而年糕還要厚切，也不會因其厚切而太韌，彈牙剛好，更具嚼勁，雪菜夠鹹、豆腐肉絲比較少，鑊氣搭救，不錯。炸銀絲卷，長長肥肥一條，內裏分成碎粒，外皮夠脆，點一些煉奶，甜味不錯啊，別具特色。老店小型，位置不多，因此，晚餐時間，去到六點，已經有很多人在門外等位，但是也總比起大家在商場輪候大牌子的連鎖店比較好吧

三小姐今之去左黃大仙吃老店詠藜園 ！點了差不多十個菜。和大家慢慢分析。1. 沙鍋雲吞雞差不多是最值得食的菜， 個湯好清不多油又有雞味， 如果再煲耐一點點應該會有更多精華出三黎， 個雲吞好薄， 好好食 。 2. 大蔥炒黃鱔 已經很炒地方有得吃這道菜，因為功夫多 ， 師傅都懶整 。 個黃鱔炒我剛好 ，爽口又不會成碟菜濕粒粒， 很有鑊氣，蔥又爆得香！ 必點！！！ 3. 茶樟鴨呢道鴨道不好意思要負評了 ！ 鴨有燻過的味但道吃不到茶燻的香氣，隻鴨又肥多膏， 燻得太乾， 吃完都不知吃了什麼。4. 擔擔面擔擔面和出外的有所不同， 不會有濃濃的花生醬味， 要看口味才會知好不好吃， 三小姐就覺得太咸！ 5. 小籠包這個可以輕鬆食 ， 夠熱夠餡多 ， 皮不算薄。 但都很抵吃 ！ 6. 鎮江肴骨 這知很好吃， 個汁炒到剛剛好 又濃味， 肉骨不會炸到很乾， 吃下去很香口 有肉汁！ 要食 ！ 7.豆湯鍋餅煎得十分脆的外皮， 看個人喜不喜歡，香口的 豆沙餡不會太甜！ 8. 即整擂沙湯圓這個湯圓我極力推薦要試！ 真係好好食，外皮軟軟好糯米， 「in in un un」 真係好好食， 個餡有原粒芝麻，好香 又有少少

自從無咗四川樓之後...好味嘅擔擔麵係香港越嚟越搵啦...每次食到好一般嘅擔擔麵就會好掛住黃大仙嘅詠藜園...每次都唔會令人失望... 無論麵嘅質地..湯嘅味道都恰到好處..另外小籠包都係不二之選...另外川辣麵係媽咪同家嫂嘅至愛...平時小吃嘅佢哋每次都會一人食晒一碗.. 細佬既第二最愛係牛筋麵.. 今次仲試咗魚香茄子..鑊氣滿分..好快就俾我哋K.O.左啦.. 紅油抄手雲吞皮厚咗啲.. 期待下一次再去過

成日搭車經過詠黎園都好想一試，但每次見到門口排著的人龍都卻步。今次行運，等左10分鐘就有位了。先來一客鮮肉小龍包，必食之選，完全冇得輸，即叫即蒸，所以要耐心等一等。皮薄有彈性，肉汁清爽，唔似加左大菜扮肉汁的貨色，師傅好野醉豬手係我的至愛😍花雕酒味好香，個汁唔會太咸，一口豬手一口花鵰汁，勁好味！如果酒味再重啲就好（唔好酒的人應該覺得剛剛好）酒鬼即刻要叫多支啤酒送🤤另外叫左個四川擔擔麵，好香的花生味，我連湯都飲哂👍🏼仲叫左個鎮江肴肉，好彈滑的肉汁膠原啫喱!

屋企人愛上左依間餐廳，特登帶埋我去食👍🏻我地係平日夜晚去，已經人山人海😮我地都要同人地搭枱！冷盤方面呢，我地就叫左醉雞❤️啲雞都好嫩，酒味夠濃，好好食👍🏻小籠包完全係皮薄餡靚👍🏻入面既湯好濃郁，仲要新鮮滾熱辣，啖啖享受😋依個絕對要推介！佢係十方，薄薄既包包住蜜汁火腿同脆片，口感好豐富，又唔會膩，仲要唔係度度都有得食架👍🏻👍🏻👍🏻最後我地仲叫左豆沙鍋餅做甜品🙈雖然賣相一般，但勝在塊塊都煎香脆，豆沙餡好足料，好食👍🏻不得不提既係，依間店既伙計好有人情味，亦好注重食物既質素同顧客既感受！見到我地成枱食物食唔切，會提議我地食左邊樣先。有菜要上但我地未食晒既時候，又會好貼心咁等我地食咁啲先上碟熱既比我地☺️咁有人情味既餐廳真係已經買少見少啦❤️