詠藜園四川菜館 (已搬遷) 新店位置

「詠藜園」是多年前和一位好友的共同回憶依家佢嫁了去外國了...今次想黎回味一番星期日的下午...試過幾次假日Lunch時間黎超多人門口等位其實對於黃大仙區街坊食肆黎講都算誇張咦...今次1:30黎到唔洗等位就坐得不過店內已經差不多坐滿人了人數：2位地點：黃大仙站A出口，斜路向上步行約5分鐘Walk in：食飯時間好多人，肚餓想即刻食就試下避開繁忙時間環境：大大間，打通兩個舖位，室內呈U型服務：做開街坊生意，店員有親切感，又快手食物：2個麵食、1份小食注意：需要俾茶價每位＄2、花生一碟＄5唔好睇少客花生，花生外面是有咸香的蛋黃炒過，脆脆香香，正！招牌擔擔麵 $29雖然有改良擔擔麵，不過要試梗係要試招牌啦有店長俾「LIKE」喎味道無論湯底定麵質？！非常好味，加上辣辣地，所有味道配搭得好好招牌菜實至名歸價錢都係＄29咋唯一係細碗左少少一個女仔Lunch唔夠飽不過價錢是絕對合理四川川辣麵 $29另一款店長俾「LIKE」麵＋酸菜...+黑色的湯底複雜的味道我未試過親身去到四川食過不過覺得呢碗一定跟到傳統好有風味唔錯的紅油抄手(八隻) $34唔似一般好紅噹噹既賣相加了花生醬淡了色不過我覺得好好食張

其實之前都試過幾次食呢間四川菜，覺得幾有特色同埋味道唔錯，所以特登簡左星期日book7點鐘，帶埋屋企人去食多次，但點知今次簡直係一個disasterBook7點鐘一張四人檯，去到係門口到呆等左差唔多半個鐘先話有個二人位叫我地搵兩個人坐住先，冇錯明明係book左四個人都叫我地分開兩批入去坐……離曬譜搞多3個字先搵到張四人檯比我地一齊坐埋，依個時候已經遲左9個字，再落單等野食黎已經遲成差唔多一個鐘，上檯果時d野食都有d凍，可能係侍應太忙，廚房出完餸都冇人拎上檯。真心希望呢間野既服務會有改善，唔係只會趕走d熟客

daddy 第一次帶我地黎呢到食...先知原來詠藜園係有返咁上下history 的, 同埋呢到最出名既係擔擔面真係估唔到......差不多8點幾9點黎到...門口都仲有好多人等緊位, 當然我係其中一個啦....等左差不多半個鐘 !!! 7個人都仲要搭台, 好old school, hahaha叫左個餚肉 $38, 呢個就一般般, 我覺得d肉有肋...跟住仲有皮蛋豆腐 $46, 呢個好好味 !! 豆腐超滑, 皮蛋好香~ 最主要係個汁.....調得岩岩好跟住小龍包$56....未影相就唔小心比人食唒啦....hahahaha咁估到估到好好味啦~~~ 肉汁 ! ! ! ! 不過係皮唔夠薄姐...跟住我屋企既最愛~~~ 炸....銀....絲.....卷 $19~~~~~~~!!!!!!!好味 !!! 加埋condense milk , excellent ! i really do love it so much !~! 主角...擔擔面!!!! 叫左2碗, 真係好正, 面質幼而滑, 花生味重, 小辣我覺得岩岩好個湯底真係100分 我想自己食2碗 $29跟住仲有呢個超足料既沙鍋雲吞雞 $13

成日都嚟呢度開餐，因為呢度啲嘢好平，質素都唔錯。每次黎食都會叫佢個鳳尾魚，可惜最近休漁期無得食小籠包好味，如果個皮薄啲就更加好～另一個必食推介係擔擔麵，真係好正，個湯好香（花生醬）有得走辣，但係辣既比較香不過唔記得左影相添之後叫咗個唔知咩炒年糕同埋豆沙鍋餅，豆沙鍋餅母親大人好鍾意食，煎得好香，個年糕就不過不失啦。最後上咗個牛筋腩煲，牛筋好林好入味，不過份量比較少，而牛腩就有啲鞋啦，但味道幾好。不過呢度啲位都比較迫，同埋夜晚食都好多人下，要食最好就book位啦！

黄大仙呢間四川菜館都算幾出名，每次經過都見到有人排隊，幾旺場，所以今晚決定一試兩個人星期一晚，七點半入到去，已經九成滿座，好多一家大細一圍枱食飯。半隻花雕醉雞雞肉好嫩滑，淡淡花雕酒味，份量唔多，所以兩個人好快食曬招牌擔擔麵麵啱啱好，唔會過腍，花生味偏淡啲，個湯都幾辣下 。以$29呢個價錢，抵食，唔錯之選糖醋斑塊類似咕嚕肉既味道相近，無乜驚喜之作炸銀絲卷呢個我幾鐘意，點完之後，厨房即新鮮炸出黎。里頭軟熟，點練奶好好食。$19唔算平架，但幾好食凍豆漿$6杯，見幾抵飲，叫左杯試下。一早用膠杯倒好，放係雪櫃，有客叫就直接攞比你。一黎比較細杯，二黎味道好普通，無乜豆味，比較淡總括而言，價錢親民，食物唔差，但勿期貨過高。可能我期望太高，有啲失望。

很久之前在紅磡試過一家差不多名堂的食店，一試失望後再沒有去試差不多名堂的店舖光顧，不知是否同出一家。 但家人介紹話這家店味道不錯跟紅磡完全不一樣，於是未嘗一試，昨日放工一行二人就到此店試試，坐下一看餐牌便下單，叫了鱔糊炒麵味道爽而不糊口不油膩、小籠包皮厚薄適中抵食，砂鍋雲吞雞肉比較鞋口同欠鮮味。總括以上食物比想像中好，味道除雲吞雞外，其他也不錯，因人數小未能試到其他食物，期望下次一家人到此店品嘗更多菜式，再能分享更多。

四川菜？又帶點上海菜！呢間水準食左2年都維持倒。通常都食蒜泥白肉，小籠包，京蔥炒牛肉，白肉整得薄身，醬料香甜，帶輕微辣，小籠包夠熱，帶湯，皮薄，呢間夜晚7點開始人多，每日都有幾款食品特價！

見到出名所以試試，大失所望。第一，訂了枱叫人準時到，但時間到了卻一直給不出枱來。還說前一枱沒吃完，有人遲到所以遲吃，他們不好意思叫人走，好難做。吓，那訂枱的意義是？最後遲了廿五分鐘先有。一開始還不讓提前點菜，說很快上枱，咁就比枱黎啦。飯菜正正路路，但沒有特別驚喜的。本以為會辣，但都不辣，也沒有麻辣的味道。基本上所有菜的調味都一樣，吃到的只有水煮類的菜會有一點點麻，但魚片只舖了上一層，下面全是荳芽。小籠包就更一般啦，皮太厚，比起某些連鎖式餐廳還遜一籌。言過其實而已。

今日係一個想食四川野既心情，唔理落雨，照去係黃大仙既呢間四川菜名店。雖然就唔算近地鐵站，落雨濕濕，但佢既食物吸引左我地過黎幫襯左呢間野都有好幾年了，難得既係一直維持高水準而價錢實惠。今日pi 熊倆點了五樣菜，分別係： 醉豬手、炸銀絲卷、膽膽面、過橋水餃、雲泥肉。醉豬手： 味道普通、無深刻印象，純粹無醉雞先點呢個，不會再試。炸銀絲卷：唔夠熱，皮唔脆兼多油，下次不點。招牌膽膽面：始於都係招牌野實無出事，新鮮熱辣上個下已聞到香氣，香而唔會太辣，帶有花生麻香，面質煙韌，一個字過橋水餃：水餃本身香，但個汁唔係話好夾雲泥白肉： 好好食，香，甜，惹味既辣，加埋少少蒜，神來之筆，必試。叫左五樣野埋單都唔駛200 蚊。順帶一提個南乳花生香口脆卜卜仲有南乳味，好驚喜。 所以雖然有兩道菜唔太吸引，但整體仍然係值得坐車一試

詠藜園，由細食到大的川菜館，對它總有一份感情。是日跟老公回娘家，難得媽媽沒煮飯，就特意帶老人家到詠藜園晚飯相聚。雖然是平日，但也要排15分鐘才吃到，咁多年黎生意都KEEP住咁好!自小喜愛吃辣，或多或少都是被父母感染。詠藜園的口水雞不算太辣，但醬汁特別香濃，份量又大碟，比起一般川菜餐廳大份好多！雞絲粉皮係老公至愛，個人覺得詠藜園的麻醬做得蠻出色，黏稠狀況也非常到位。每次跟媽媽吃中菜她就特別愛吃四季豆炒豆瓣醬，這碟炒得好好味，夠「林」又有豆瓣醬的香辣，好久沒吃過這樣好味的四季豆啦！最後有螞蟻上樹，是我在詠藜園最愛的菜式之一，每次都非常期待！這次也沒有失望，炒得又香又辣，多年來味道質素都保持得這樣好，難怪長期現人龍呢！要多多支持老店！

黃大仙出名的四川菜館不得不提詠藜園，一行四人去詠藜園晚餐，6:30左右到，好多檯已經係留坐，好彩仲有最後一張檯，遲少少都要等位!首先來前菜花雕醉雞，雞尚算嫩滑，但酒味不夠香，有點可惜。再來是日優惠-上湯小黑木耳， 上湯唔係想像中的清雞湯或魚湯，反而係加左辣椒的芡汁，黑木耳有少少翕(up)味，唔知係咪煮之前冇出水…真係便宜莫貪。招牌擔擔麵就分別叫左辣同走辣，走辣後有濃厚的花生醬味，而辣的別有風味，麵質夠爽口，值得一試。韭黃鱔糊的鱔糊分量都足料，味道有點咸，配炸銀絲巻剛好中和味道。過橋水餃，至少要叫10隻，但朋友話水餃唔大，20隻才夠，食落又確實味道唔錯，要多幾隻先夠喉。醬汁有D辣，似紅油抄手的汁，醬汁先係這道菜的靈魂，必定要一齊食!最後仲有叫生煎包，但趁熱食就冇影相。包底有芝麻，包中間夠晒肉汁，最重要係夠熱，食完真係好夠飽。整體而言，老字號確實有可取之處，但真係要叫返馳名菜式會好D ~ 否則都係難逃一伏。

招牌擔擔面， 幾乎每次必点。花生香氣濃郁。過橋水餃上面加入大頭菜增加味覺享受，配上辣椒油，喜愛辣必大呼過癮。家鄉陳醋骨，醋味香濃，輕咬離骨，送飯最佳。見隣台點了酸辣湯窩巴，下次必定一試。

之前在網上看到很多食評讚好，都想試下和紅磡那間同名有甚麼分別？來到時約七點，有一、兩檯等位，等了幾分鐘已經可以入去，叫了檐檐麵，和回鍋肉。檐檐麵𥚃面的花生是＂益＂，味道普通，不算好味，另外回鍋肉似上海多過四川，因為四川D肥肉炸過。我覺得這間只算普通。😉

Both service and food were decent. Their dan dan noodles was okay and their sui long bao was terrible.

雖然是幾十年老店，但菜式亦堅持創新。店員推介了青椒焗蜆，不用油，所以絕不油膩。蜆汁全部被青椒吸收，可惜辣辣，不敢吃太多。家鄉陳醋骨非常腍及入味，陳醋味道非常之香。雖然是特價菜色，但絕不欺塲清瓜拉皮，粉片非常爽口，醬汁亦不會太濃。到這裏開飯，總是讃不停。