詠藜園四川菜館 (已搬遷) 新店位置

今日下午4點半到黎到，見到有下午茶餐(星期一至五，2點半到5點)，叫左一碗擔擔面加豆漿($29),價錢同同區餐廳就差唔多，不過以下午想食小小野黎就偏貴。擔擔面既湯底好特別！有少少花生醬味，偏杰，微辣。味道唔錯，幾開胃！另外見到有小食，12可以加餃子，紅油抄手，生煎包咁。都幾吸引。不過今日自己一個食就無食到，下次可以試下！以前都黎過呢到食，以前會額外收費，例如水同花生，今次無收到，睇黎都算係進步左。

好耐無食四川野👅下午茶時段黎食可以平d食多幾款唔同的小菜✨ 小籠包 $26/4隻 鮮甜多汁 熱辣辣送上👍🏻👍🏻✨ 生煎包 $12/2個Size比想像中小 餡料亦不算多✨五香牛肉麵 $35清湯底 麵質煙韌 不過不失✨ 擔擔麵 $26會想再次食的擔擔麵麵質和牛肉麵相同 煙韌好食加上花生香味 食完一啖口有餘香👍🏻*男友認為無以前小時候那麼好吃🤷🏻‍♀️但我已心滿意足😆.大家如果想食四川野 不妨黎試下 趁下午茶時段 平少少的價錢食多幾款不同的小菜下午茶價都幾抵食👍🏻

大約八點嚟到竟然仲要等位，就知道呢間餐廳果然名不虛傳，等咗大概15分鐘，好彩餐廳外有幾張膠凳俾食客坐吓。未入座已經睇定餐牌，呢度逢星期一至五都有唔同嘅特價食品，好抵食。涼菜有手拍青瓜，醋汁多，酸酸鹹鹹，如落多啲蒜蓉應更好味冇估到特價菜式咁大碟，有成五款料，有菜類又有菇類小籠包嘅外皮都算幾薄，雖然內裡嘅肉汁唔多，但食落熱辣辣的呢個擔擔麵係改良版，感覺花生味重，辣味唔重，可能因改良版所以調味較多較鹹，口感豐富～炒麵固然多油，但個人認為呢碟可接受。麵條較多，而鱔糊嘅醬油入味，味道濃郁水餃餡多，點啲辣油食即畫龍點睛，味道好夾。呢間餐廳嘅食物款式真係好多，而且全部都有返相當水準，下次要再嚟試埋其他菜式！

預祝母親節，家人堅持食呢間，一於試下。八點入座，好full。一坐低冇一分鐘，已經前前後後俾三個侍應催落單，使唔使咁急呀。叫左小籠包、雞絲粉皮、淆肉、銀絲卷、醉雞、酸辣湯、咕嚕魚塊、炒鱔糊、招牌紅油擔擔麵、四川擔擔麵、鹹肉津白同豆沙鍋餅。一啲啲好食，同埋唔算好貴。食完侍應秒收野，又趕我地走，我地出聲話想坐多三分鐘先唔趕我地。真係食得唔安落。銀絲卷 - 係叫俾小朋友食，佢食哂，應該幾好食。四川擔擔麵 - 正常，花生醬幾香。紅油擔擔麵 - 👍🏻👍🏻好好食，酸酸辣辣，超級開胃。小籠包 - 👍🏻👍🏻皮薄多汁，小朋友都食左兩個酸辣湯 - 似碗仔翅，好水，麻麻炒鱔糊 - 好多韮王，同埋唔係好食到鱔糊味。鹹肉津白 - 淨係食左菜，正常。

很久沒去過詠藜園了, 這天正好在附近, 就去光顧一下.坐下, 店員即送上收費的魚皮花生($5), 和熱茶(每位$4).還沒到晚飯的點, 所以店內比較空閒, 店員也抓緊時間在吃晚飯.冷盤點了鎮江肴肉($38), 大豆芽菜($26), 熱食點了肉絲炒年糕($68), 回鍋肉客飯套餐($50).鎮江肴肉, 共有8塊, 雪的冰涼, 很適合夏天作為開胃前菜.大豆芽菜, 也是很不錯的選擇.點了肉絲炒年糕, 但送上了雪菜肉絲炒年糕, 反正價格一樣, 也就沒有退了. 味道比較清淡, 但還是可以的.回鍋肉客飯套餐, 配例湯和白飯.湯是青紅蘿蔔瘦肉湯, 挺美味的.回鍋肉則有點過火, 肉比較糙, 這個需要改善一下.老店的伙計, 對客人還是有點愛理不理的, 想要親切服務的, 可以降低一下你的期望.

好開心又到咗星期六 ! 辛勞咗一個星期，日日都唔夠瞓，終於可以瞓到黃朝百晏，一次過補番!瞓到中午，同老公揸車出去搵食。星期六周圍都好難泊車，我哋揀咗黃大仙呢間餐廳，除咗因為佢食物出色，亦由於附近有大停車場方便泊車。我同老公都好鍾意呢度嘅改良擔擔麵，湯底材料十足，味道濃郁，麵軟硬粗幼剛好，第二度係食唔到。小籠包亦都好好食，皮薄餡靚，咬開裡面啲肉汁 bit 出嚟。生煎包個底煎得好香，個包入面好有肉汁。酸辣湯方面，即使我唔係太食得辣，都覺得ok。

久未前來慈雲山腳鳳凰新邨「詠藜園」品嚐一碗遠近馳名擔擔麵。此店享負盛名多時一向客似雲來，招牌的滬式帶花生鹹香特濃湯底「改良擔擔麵」風采依然，蜜汁火方、奶油津白皆具水準。「詠藜園」以「四川料理」自居，過往在我心中卻是不折不扣的上海菜館，然而今日所點的口水雞，油夠紅，花椒足，香麻辣兼備，是一客在香港不易吃到的正統川味口水雞，使我修正看法，認識到「詠藜園」的確川滬菜系皆精。

上網睇到某飲食節目拍咗呢間詠藜園 心郁郁又想去試一坐底就嚟咗知魚皮花生又幾脆又香口 一啲油益味都冇夾下夾下就好快食晒首先嚟咗碟咖哩魷魚🦑睇相都見到同檯都有叫 就知知賣相幾吸引一食落口 原來係凍嘅小編仲以為係熱食嚟但個感覺又幾得意 好開胃味道偏辣 咖哩都香 有細個時食咖哩魚蛋嘅味道值得一讚嘅係魷魚唔韌，好易咬 但又唔係死淋而係一咬都bok一聲咬斷嗰陣爽口嚟到詠嚟園 緊係要食擔擔麵啦又幾大碗個湯同出面食嘅擔擔麵唔同 係好香濃嘅麻醬味 唔係花生醬味 唔係花生醬味 唔係花生醬味 好重要所以講三次 掛湯嘅麵好滑 口感都唔錯最後仲嗌咗個小籠包（唔記得影 所以將就下 係相中嘅最右嗰籠）小籠包又係好正 皮薄但唔易穿 入面嘅肉汁好香甜 而且肉餡有小小薑味豬肉都唔鞋*口

老字號有午市特價小食，有鎮江肴肉、五香牛展及醉雞翼，都係$32-34，好耐冇食過熏魚所以叫了一客五香熏魚小食，非常入味！配了一碟上海粗炒咁就係我嘅午餐。一個人要搭枱，午飯時間有點不方便，下次來一班人來可以坐哂成張枱更好。

聽過哩間上海店嗰名好耐架啦，成日都無時間走去食，今日終於行動啦喂。由於得兩嗰人，唔係嗌得好多野食，但哩度真係好多野嗌，點算好呀？？？下次一定要嗌番一枱人黎食，咁就可以試多啲餸啦🤪🤪🤪🤪講番哩度既環境先，真係俾到一種老上海既感覺呀，咩係老上海？傳統嗰種懷舊既感覺嚕🙋🏻‍♀️🙋🏻‍♀️話說我擔心好多人要排隊，時先打左電話黎話訂位，不過待應好有禮貌叫我兩位walk in得架啦，唔該哂，到時見啦🤗今時今日book位都咁好態度，平時嗰啲餐廳一啲禮貌都無囉！所以我係懷著愉快既心情黎食Dinner😍😍😍😍花多眼亂既情況下我地嗌左小龍包，紅油抄手，擔擔麵。。。小龍包有八隻都幾多，我同朋有每人四粒，食完都飽左一半，哩度既小龍包唔係話好薄皮既，但又未去到翔龍嗰隻厚身既，總括不錯啲，熱辣辣，好味呀！至於個紅油抄手好有驚喜呀我覺得，佢個汁同出面嘅汁係唔同嘅，呢度嘅紅油汁係多咗麻醬架，所以好耶味呢，我哋帶咗中辣，正！至於個擔擔麵就麻麻哋啦，$29一麵，以呢個價錢黎講，啲麵嘅份量係正常既，因為得好小🤪至於個湯底就可以濃番少少，多番啲麻醬就好啦，我建議可以用紅油抄手嗰醬撈哩嗰麵就不得了喇！

上網睇過呢間評語極好就約左朋友去食，打去book位已經full左，去到等位等左15分鐘左右。店內面超級逼，要搭枱，唔同人唔完d餸張枱唔夠位放，格局令我胃口大減呀。叫左幾樣野食，餃子，擔擔麵等等，味道普通，同期望有d落差，價錢亦唔算親民。最好食係當日侍應介紹的蒸蜆，好鮮甜，連d青椒都好好食，不過呢碟餸唔係招牌。因為太逼冷氣唔夠，食完即刻起身走啦，食得都幾辛苦，埋單每位約$150，覺得貴左d，平時食上海野呢個價位已經坐得舒服，呢間試一次就夠

今日去開黃大仙，求神拜佛保佑梗係要醫下個五臓廟啦！之前知道呢間餐廳好出名.四川上海等傳統菜式通通都有.我地叫左3款，樣樣都幾大份。1:擔擔麵2:青椒焗蜆（另加粉絲）：值得一試再試，因為蜆味係青椒下更鮮美，粉絲另加雖然要加錢，但值得既，吸曬d汁，配飯一流3:蒜泥白肉粉皮： 個汁整得好好味，粉皮薄而長，不會一夾就散，正！餐廳既牆內貼滿推介食物，餐牌上有好多菜式，下次最好人多可多叫幾個，建議人多既最好預約，好多人等位的

今日早左放工，就兩個人過嚟食。五點幾冇乜人，諗住可以慢慢坐啦。我叉叉佢媽媽，六點幾，叫人快啲走，我未食晒啲嘢就叫人走啦。個擔擔面越嚟越差又唔再講，個酸辣湯又要賣特價，又要唔好食，又唔夠料又水lau lau。小籠包皮薄嘅，不過呢就冇汁嘅不過鱔糊係幾好食嘅，個鱔都幾新鮮，韭菜又唔痴牙。識咗10幾年，我諗今次食完之後，一年之後都唔會嚟嘅喇🤯🤯🤯。早幾年見到美味齋執笠，就知道佢冇晒對手，點知越做又愈差，幾十年老字號都冇用呀。5流食物， 9流服務呀

為咗碗麵來，麵，餃子，味道好一般唔係住附近，可以唔洗來要比$5 既小食，唔好揀毛豆，霉綠色，見到都唔開胃，要茶位既茶，以為會熱d有茶味，點知無味又唔暖，同普通餐廳茶既hea 茶一樣

詠藜園經常係美食推薦到見到，首當其衝就一定係佢招牌擔擔麵，對京川菜頗感興趣既我想試左好耐！十二點幾到左，當時客人都未算多，但慢慢客流增加，不變既係每台都差唔多會叫招牌擔擔麵我特登為左佢而來，好期待！招牌擔擔麵叫左小辣但完全無辣味，唔叫辣可能仲無咁油添！食落完全食唔出有咩特別，麵質軟淋，個人偏向有口感既麵質，所以佢對我黎講淋左些少，失望。但可能係幼麵，質地滑，好易入口。湯底稠身、聞到香既花生味，但食落就無花生味，麵條淨係有少少鹹鹹地，唔知點解咁出名可能我抱太大期望，所以失望啦！雖然價錢平，但份量都相對少。醉豬手一放落黎，酒味係扑鼻而來，好濃酒香。不嬲對哩種似肥膏既食物無興趣，但係同伴建議下試左一舊，估唔到又唔差喎！食落豬皮彈牙，膠質好足，唔油膩之餘仲好似食緊骨膠原咁。不過就無咩肉，哩個正常既，但係聞到既酒香依然食唔出酒味，同埋偏鹹，我食一舊都覺得鹹。小籠包好似去到邊都想嗌，但真正好食既，真係好難揾即叫即蒸，等既時間較長，出到黎冒住煙，好似好吸引。食落就普通到一個點。皮唔厚，都算薄既；夾住都唔會穿，唔係因為佢皮整得啱啱好，只係因為入面淨係得個肉餡，可以講係完全無湯可言，似係食緊一塊皮同一舊