蟹點

營業中

休息中

天氣清涼，約埋朋友一齊去港島行山玩樂！因為行左成日消耗體力太多啦⋯⋯去到鴨利洲當然要試下好多人都話不錯的蟹.點餐廳食蟹！餐廳位於街市上，座位好多好大個場。餐廳食物好多元化，有大排擋感覺但又有泰國菜，門口又有新鮮海鮮！所以一次過真試唔到咁多，只好下次再食過！今次就必試佢的白胡椒鐵板蟹，套餐仲配有啫啫生菜🥬上菜前比定食蟹用品，方便進食拆蟹肉，鐵板上到餐桌熱煙陣陣，真係見到隔離桌的人都忍唔住想叫個食！蟹🦀️肉好厚，配上白胡椒汁真係好好味😋朋友忍唔住叫左個菠蘿海鮮炒飯，佢話好味到越食越想食😅

同好朋友喺附近行完山佢話帶我嚟呢間街市入邊呢間食蟹嘅餐廳呢度環境好大! 係街市1樓嘅全層！ 仲有啲戶外座位添平日下午嚟到, 見到有好多街坊喺度食嘢! lunch set好抵食！ $52 ! 好多款式又大份呢度仲有好多唔同嘅泰國菜、中式小炒、粥粉麵飯同海鮮!真係多嘢食都唔知點揀好!!! 全部都好吸引因為我哋行完山太肚餓, 所以我哋嗌咗好多嘢食！叫咗一個午餐(泰式滷水豬手飯) 呢個豬手飯都好多豬手， 好足料！豬手有肥有瘦肉， 好入味、又好冧~  肉質好嫩滑！一啲都唔鞋! 配合埋酸辣汁， 同埋下面嘅醃酸菜~ 好開胃！ 撈飯食一流!! $52 超抵食!金沙鮮魷(108)  即係鹹蛋黃炸魷魚！ 一放低已經聞到好香嘅鹹蛋黃味， 外層炸得超級香脆可口！ 連我好嘴尖嘅朋友都食到讚不絕口, 話要再嚟食嚟到重頭戲：咖喱炒蟹!!! $598一嚟到, 睇到我哋心心眼!  好大盤! 超級香! 賣相好靚! 咖喱點蒜蓉包($38) 食真係一流! 索晒啲咖喱汁~ 咖喱汁唔辣， 椰汁好香滑~ 甜甜地好好食!餐廳提供左手套俾我哋, 仲有兩款開蟹嘅工具~ 隻蟹大約一斤半~ 好新鮮!  超大嘅蟹鉗! 啖啖肉好正!咖喱汁撈飯

👉見到介紹，鴨脷洲西邨街市連food court🈶️好多美食小擋。原來1️⃣樓仲🈶️食海鮮、泰國🇹🇭菜、潮洲打冷、點心、小炒⋯⋯1️⃣店攪掂晒‼️👍.👆《蟹 · 點》設🈶️露天雅座，夜晚涼涼哋坐出面都幾舒服！😉室內環境好大，每張枱都隔有一定距離，空間感十足。📌避風塘炒辣蟹 $478 ～ 大大隻肉蟹🦀️已走油處理，保持肉汁，全部沾上脆炸蒜。成隻蟹蓋都係膏，仲有一疏疏嘅蟹肉超新鮮。🦀呢度嘅《避風塘炒辣蟹》預設《麻辣》味道，麻辣🌶比例剛好，唔會蓋過蟹🦀️味，麻辣風沙夠冶味，喜愛麻辣味的必點。👏📌金沙黃金蝦 $48 ～ 星期一至四晚市特價$48，一客也🈶️十多隻。非常超值‼️中蝦🦐炸到脆卜卜，蝦肉新鮮爽口，超重手咸蛋黃包🈵️成隻🦐，連殼都食埋。😋❇️泰式必食孖寶D $198 ～ 📌鐵板香葉鮮胡椒炒海鮮 ～ 鐵板上熱辣辣🔥，🈶️蝦🦐、青口、魷魚🦑，加入大量配菜⋯胡椒、香茅味突出而不辣。🤩📌燒豬頸肉炒飯 ～ 飯底炒香唔油，乾身粒粒粒分明，配菜又多，豬頸肉濃邊脆口，好味道！🥳

朋友帶路行完山去咗鴨脷洲邨街市搵嘢食~這座就近地鐵出口嘅鴨脷洲西邨街市，結合了Food Court 和街市模式，裝修非常型格，乾淨企理，少有咁冷氣充足嘅街市！街市上一層有間 集合 咗廣東小炒，泰式，潮州菜的餐廳 …☀️🦀蟹點🦀。藍白色嘅裝修竟也有點地中海度假feel☀️⚓️⛴座位寬闊，有卡位也有大圓枱，啱晒一大班人聚餐。由於佔地全層，餐廳外圍設有露天座位，自成一各。一場嚟到梗係要食蟹～豈料餐廳話靚蟹返唔切貨，暫時提供唔到，又倦又餓突然之間個腦一片空白⋯⋯店員提議改食龍蝦，價錢同招牌炒蟹一樣，都好呀😍生猛游水南澳龍蝦🦞🦞薑蔥炒龍蝦$598（約一斤半）揀咗薑蔥炒龍蝦，夠晒原汁原味，最能突顯龍蝦嘅鮮味。以鐵板熱力再逼出香氣，果然冇介紹錯，龍蝦勁新鮮，啖啖肉，肉質結實鮮甜美味，伴以爆香嘅薑蔥，洋蔥，滋味滿瀉！不得不讚大廚功架十足，龍蝦處理得很好，薄薄的炸漿令龍蝦非常惹味！呢度仲有唔少泰式美食，店員解説堅係泰國師傅主理，味道正宗。👍🏻海南雞飯午市套餐$52海南雞肉質又幾嫩滑，仲好有雞味，泰式雞醬酸酸辣辣，啱我口味。海南雞飯附設嘅例湯～冬瓜湯夠清甜！油飯夠乾身而且份量好大！🙂🍚青檸梳打(跟餐+$10)🥤

行完玉桂山最好做乜？就係食海鮮，一路行一路諗住啲蟹呀蟶子呀，零舍行得快啲 蒜蓉粉絲蒸蟶子 (4隻$168)最鍾意就係粉絲蒜蓉好似唔洗錢咁，多到鋪過晒成條蟶子就啱嘞，非常滿意；蟶子都好彈牙鐵板薑蔥焗生蠔 ($238)聽到渣渣聲，就知鐵板嚟緊！夠多薑夠多蔥又多洋蔥，好香呀！蠔都大隻，夾埋啲薑蔥洋蔥一齊食，講起依家又好想食！薑蔥炒蟹 ($598)望返張相都已經流口水..... 店員有提供圍裙及手套，咁就唔洗怕污糟啦。隻蟹好多肉，而且非常新鮮，肉質鮮甜除咗海鮮，仲有泰國菜，總之成個menu就好多款式，淨係睇都睇咗好耐！而且坐得幾舒服喎，又乾淨。食完落樓下買餸返屋企，啱晒

是日諗住去香港仔水塘行山打卡影相，貪佢路程短又易而風景優美，行完山好餓，去左鴨脷洲西村街市搵食.呢間大大間座位舒服，食泰粵菜餐館，就決定試試佢.招牌白胡椒蟹 $598 （大蟹）每隻約一斤半.上菜時再淋上白胡椒濃汁，鐵板既熱度令白胡椒味撲鼻，吸引味蕾！.睇隻鉗就知隻蟹又大隻肉又厚，一咬落去就發現蟹肉新鮮彈牙，配合微辣惹味白胡椒醬汁，唔知以為自己去左轉新加坡，好好食！.紅燒脆皮BB鴿 $58BB鴿雖然肉唔多但勝在皮脆肉嫩，鴿肉稍為醃製了，配搭啤酒就一流啦.鐵板煎釀豆腐 $108呢個菜式好好味，豆腐件豆味濃郁而滑流流，釀係豆腐面既肉餅有冬菇蝦米粒，咸鮮味同豆腐一齊好夾.避風塘茄子 $58好香口既佐酒小食，茄子薄片沾上炸粉炸完再以避風塘式炒成，味道無得彈但略嫌炸粉偏厚了.下次係港島行山同朋友黎試埋佢地既泰國菜先！

終於征服了南港島玉桂山，無敵大海景一望無際。旅程完畢點都要醫肚，真係用了好多體力，食番啲好嘢才是完美。友人是地膽，帶去附近的一間中泰混合菜館。店內環境明亮舒適。薑蔥炒蟹中式做法。鐵板端上，隨著空氣中的香氣吸引眼球注視。薑蔥的味道樸鼻而來。簡直視覺，味覺的享受。啖啖蟹肉，夠曬鑊氣。咁大隻蟹，兩至四人份量，充足！豉椒炒花甲非常入味，花甲嫩滑。火喉恰到好處。原個椰青海皇焗飯飯粒滿滿是椰香，不會膩喉。海鮮有大蝦，青口，魷魚，口感豐富。

趁復活節假期天氣咁好，一早拉老公起身去行山，簡簡單單行下香港仔水塘，初級BB行程，非常適合新手老公去行。行完已經非常肚餓，決定搵間餐廳安撫一下肚皮。餐廳位置街市樓上，不過環境乾淨寬躺，空間感十足。原隻脆皮炸豬手侍應拿過來的時候真的有點嚇親，份量超級大，外皮炸到卜卜脆，肉嫩可口，而沾上少許酸醋汁可以減少油膩感，惹味可口，令人食不停口。咖哩炒蟹（大蟹）肉蟹體型龐大，蟹鉗差不多有手掌2/3長，蟹肉鮮甜美味，每一口都啖啖肉，超滿足，咖哩香滑而且充滿椰香，加上其他蔬菜鮮味，超贊👍🏻飛天通菜通菜炒得好有鑊氣，入口辛辣惹味，咸香得宜。鹹檸樂第一次見鹹檸樂當然要試吓，味道清新，而且估唔到又幾夾。

今日行完山之後， 落到鴨脷洲。突然之間好想食海鮮。 竟然比我們找到一間《蟹點》這間餐廳好特別不只是一款菜式它有不同類型嘅菜式有泰國菜，有中式打冷。亦都有海鮮。 太好了！餐廳門外已很特別，裏面都幾寬敞都有不少顧客。它還有露天雅座。來到一定要食他的薑蔥炒蟹，點解?這裏的蟹一定要試。上枱時，已經聞到蟹味十足。那隻蟹嘅size係大過我隻手。因為蟹鉗已經同我手係一樣大。味道非常非常新鮮， 啖啖肉！薑蔥味道帶出蟹肉嘅鮮味！之前望價錢好似不便宜。但當食完之後，就覺得非常之抵。因為出邊要買一隻足一斤半蟹，相信都不平。另外我們叫了一些串燒，有雞肉有豬肉。還配有泰式鳳爪。可惜今次沒有試牛肉。因當日無牛串燒。那個沙嗲醬簡直是絕配，沙嗲醬內的花生粒，真的很嘢未。最吸引之處那些串燒是好厚肉，好有口感，不是那些溥切切的。朋友一直都喜歡食蒸蛋。今次最特別地方就是花甲王（蜆肉，）蒸蛋。相信這個配搭真的會令蛋類更鮮味更甜。果然真的，這個蛋滑到好似豆腐花，好新鮮從未食過這麼好味的蒸蛋。我們試了泰式飲品， 叫了龍眼茶， 這個龍眼茶很清龍眼味， 不太甜。這個天氣飲很適合!

今日係香港出行完山，落山後剛好可以食lunch, 去左西邨街市的「蟹點」食中午飯先！中午有不同的套餐 但朋人同我行完山都好肚餓，決定叫「招牌白胡椒炒蟹」，另外再單點炒飯同沙爹牛肉煲。先上「沙爹金菇牛肉煲」，熱辣辣的不停在出煙，沙爹醬味好濃烈，配上肉質鮮嫩的牛肉同大量金菇，色香味俱全！好想配飯食多幾口！「招牌白胡椒炒蟹」再等一陣就上菜，胡椒汁在客人面前澆上鐵板，濃烈的胡椒味噴鼻。肉蟹有1斤半，都先分件拍碎了蟹殼，方便客人。蟹肉吸了胡椒味 十分惹味。食完一件又一件。呢到提供圍裙同手套，好貼心！「章魚雞粒炆飯」也是即叫即整，熱度十足，炒飯粒粒分明，章角都雞肉粒都落足，差唔多啖啖都有。想不到呢個飯為這餐加分不分，再加上蟹的胡椒汁，也另有一番風味。

六點前食晚飯又有乜嘢好驚，仲要食得浮誇啲，位於鴨脷洲西村 @蟹點一直以來都係街坊食堂。餐廳佔地足足一個冬菇亭咁大，裝潢和一般小菜館無異，以藍色海洋為主題，最巴閉係菜式包羅萬有，中式、潮州、泰式、當然最出色係佢哋嘅海鮮。我哋係衝著蟹而來的，兩個人叫左招牌白胡椒蟹 $598肉蟹足稱足一斤半，以重量級鐵板奉上，店員在客人面前倒上白胡椒汁，白胡椒汁在鐵板上舞動，超療癒而且香氣撲鼻，還有紫蘇葉和紫洋蔥。而最吸睛當然係兩隻巨鉗，蟹殻已預先卜開，幾下手勢我已經拆咗肉，嘩！我至愛嘅系啖啖肉，蟹肉鮮嫩多汁，點小小白胡椒汁惹味。其他部份蟹肉和蟹鉗質感略有不同，肉質比蟹鉗更扎實，一梳一梳咁，鮮甜無比，值得花點時間去品嘗。紫洋蔥香而甜，加上辛香的白胡椒汁，正！好味到我將所有洋蔥吃光。吃過濃味海鮮，要食返啲蔬菜平衡下羅漢扒豆腐$78以蠔油炆煮成濃汁，加上炸豆腐、玉米荀、甘荀、菜心、雜菇等，蔬菜多，足料喎。炸豆腐吸汁一流，醬汁咸香滿滿，調味得宜，美味可口的素食菜式。泰式凍奶茶 $20茶味略淡，口感都吾太滑，解喝可以。啤酒 $33/支戰鬥碗都系雪到凍冰冰㗎，飲勝！

一向都好鍾意食小菜，今日個朋友帶我黎左佢屋企樓下呢間蟹點話好多唔同種類既野食，起初我都唔信，後來望望個餐牌真係幾多野食除左中式小菜，仲有泰國野同潮州野食見到餐牌仲有D特價小食，我地叫左個金沙黃金蝦  $48估唔到份量都唔少，而且咸蛋黃味十分濃郁，真係好邪惡呀餐廳原來最出名既係佢地既炒蟹，我地就叫左個薑蔥炒蟹隻蟹真係好大隻，啖啖肉，薑蔥炒得勁香好好味另外仲叫左個豉椒炒涼瓜，炒得都幾有鑊氣，口感好爽最後我地冇叫飯就叫左個豉油皇炒麵，炒麵炒得好乾身又夠味真係好耐冇食過咁好食既炒麵

今天特意到鴨脷洲與朋友吃飯，來到這家位於2樓的餐館，環境很大很寬敞。我們坐下之後一眼就看中招牌白胡椒炒蟹，決定來一隻。 我們還叫了大澳蝦糕五花腩，原隻脆皮炸豬手，還有脆皮炸大腸。當然，因為我們十分餓，所以也叫了蒜蓉包，白飯和油飯各一。 蒜蓉包先來了，外脆，中間的蒜蓉味算是比較重，好吃。 大概等了10分鐘，炸豬手就來了！份量驚人，我們蘸著酸辣汁吃得開心。炸大腸正常發揮，炸得外脆內軟~ 而大澳蝦糕五花腩真的很邪惡 肥肥的，入口鹹香立馬衝出來，很好吃！最後主角當然是白胡椒炒*巨*蟹, 因為真係很大很多肉。肉質鮮嫩，白胡椒味道配得剛好。我們吃了都讚呢！總的來說，這家我是推薦給朋友們一起來吃的~

帶朋友嚟試呢間新派大排檔，地方大，乾淨，價錢平。呢度除咗海鮮之外，佢嘅小炒亦都好正，佢係集合廣東菜同泰菜於一身。我哋今次平咗低，所以冇限時，平時weekend呢度好爆，會分兩輪。呢度每台都可以優惠價錢$38叫一個餸，四選一，我哋揀咗黃金蝦。我哋原本想叫白肺湯，點知冇晒白肺，所以我哋叫咗杏汁豬肺湯，中規中矩，上次嚟飲好飲啲。鐵板薑蔥號，鍾意食好嘅你一定要試，鐵板煮法非常香，我哋連啲蔥都食晒。另外我哋叫咗豉椒炒蟶子，蒜蓉粉絲蒸蟶子，豉汁炒整得比較老，蒜蓉粉絲蒸相對出色，好味。咕嚕肉係一個非常出色嘅小菜，排骨肥瘦適中，個皮亦都炸得好脆。白胡椒蟹上次食好好味，今次爭咁啲汁，同待應反應，佢哋即刻再上一腕汁比我哋𣺉上去，即刻正返晒。鍾意食麵嘅，豉油王炒麵都一定要試，夠晒鑊氣，再加埋辣椒醬，正到爆。

好味過泰國的咖喱蟹！作為海鮮怪最歡喜去熟食巿場吃海鮮，新鮮又抵食，今次試鴨脷洲的蟹點。黃金蝦-每隻蝦肉都爽口彈牙，鹹蛋黃好香好足料，殼都可以食埋-重點係大大碟都只係$48，CP值好高，價錢平都可以好好食！杏汁豬肺湯-好大鍋，絕對係4-5人份量。-欣賞佢真係有杏仁碎，口感Up!-豬肺好似有煎香過咁，完全冇怪味，淨食豬肺都好正咖哩炒蟹-賣相完全係幅藝術畫，打卡一流-咖哩唔會辣，好香椰同蛋味-蟹肉好厚肉好新鮮好鮮甜，真係足成大隻蟹！-沾埋蒜蓉包真係大滿足！