蟹點

營業中

休息中

這間位於鴨脷洲村內熟食亭的蟹點，主打肉蟹外，還有泰國菜、潮州菜及多款中菜，食物款式很多，而且份量十足。以大碗盛載啤酒，幾有特色。招牌白胡椒蟹以鐵板上的肉蟹，上枱後淋上白胡椒汁，又香又惹味，肉蟹蟹鉗跟我手般大小，入口啖啖肉，十分鮮甜，胡椒汁帶微微辣香。脆皮炸大腸炸大腸炸至香脆，中間有點肥膏，但完全無豬騷味。羅漢扒豆腐豆腐份量超足，外皮煙韌中間嫩滑，還有些雜菌及粟米筍，有淡淡蠔汁鮮香。泰式秘製咖喱牛腩配蒜茸包咖喱汁比較稀身，有少許椰汁甜香，牛腩炆至肉質鬆化，還有少許牛筋，味道不會太甜，配上香脆蒜茸包簡直一流。

喜歡吃蟹嗎？如果同時又想吃泰式料理，怎麼辦？與住在鴨脷洲的友人談天時告訴我，他家附近有一家店，能符合我要求，今天襯得閒便去試試，果真在樓下，已聞到餸菜的香味！經一輪防疫手續，便被引領入座，那裏雅座寬躺，十分舒適！我們點叫了金沙黃金蝦丶薑蔥炒蟹丶泰式必食孖寶（泰式臘腸香芋焗飯配蒜蓉炒芥蘭）及椰青。金沙黃金蝦$48端上來色澤金黃，每隻蝦都均勻被「金沙」包著，咬一口，外脆內軟，咸味適中，好味！薑蔥炒蟹蟹炒得剛熟，蟹肉鮮嫩可口，調味到位，豐富的薑片丶蔥段丶洋蔥片包圍著，香噴噴的，果真夠鑊氣，正！泰式必食孖寶泰式臘腸香芋焗飯 配蒜蓉炒芥蘭$168每一口飯都有豐富的配料，香芋粒丶冬菇粒丶臘腸粒丶脆香的腰果丶洋蔥粒丶肉碎、肉米粒等等，調味得宜，夠香、夠熱、夠鑊氣，吃了一碗又一碗！芥蘭新鮮脆嫩，配著蒜蓉炒，又另有一番美味，值得再試！椰青就是喜歡飲椰青，夠清甜。

離遠已經見到個屋頂招牌，本來以為係街市入面熟食市場嘅一間中/泰菜，點知原來全層！（熟食中心有兩層）好誇張，環境好乾淨光猛，多人但感覺好舒服,係有d嘈，係室內大排檔嘅feel. 港島真心（無偏見無歧視）乾淨過九龍行經附近嘅公屋群，全部都好乾淨。兩本menu, 好多款菜式，餐廳似係日頭做點心之類，夜晚做小菜。中、泰菜menu各一。兩個人無咩可以食到，見到人地推介食蟹，揀咗個套餐，有咖喱炒蟹同炒雜菜，加蒜蓉包點蟹～超大兜咖喱蟹！好大隻！勁大兜！心諗gg了，點食得晒仲好貼心有圍裙同手套，最後食到成手都係~點麵包食，點極都仲有，食到底都仲熱嘅d咖喱！隻蟹好大，好新鮮,每個位都好多肉。套餐跟6塊蒜蓉包雜菜真係好雜，木耳，椰菜花西蘭花，椰菜，紅蘿蔔之類，好香蒜味，有好多炸蒜。實在太多選擇啦，想食芒果糯米飯又想食椰汁西米糕，最後揀咗西米糕,糯米飯應該會太飽囉.

朋友新搬入海怡半島，話樓下的餐廳又平又正！今日我地終於都去左試一試，又真係好高質又抵食！呢度有潮式，泰式同中式的菜式任均選擇！好適合一家大細/朋友聚會。薑葱抄蟹：呢個薑葱抄肉蟹真係我食過咁多中菜舘裏面最出色！！首先炒得非常夠鑊氣，薑和葱的味道都非常出，蟹肉結實新鮮！食落去非常鮮甜，一點兒腥味都無。餐廳非常好會提供埋手套比我地，我地個個都食到讚不絕口。餐廳中菜出色，但無想過泰式料理都非常有水準，生海蝦冰鎮過後，肉質更為緊緻有彈性，加上蒜片和辣椒片點上特別調製的醬味道甜鮮層次更豐富。沙巴龍躉仔價錢不貴只係$148一條，夠4人食用。清蒸後的龍躉肉質嫩滑，可以食得出魚肉本身鮮，而且蒸魚豉油不會過鹹，剛好。最後仲叫左炒芥蘭和白飯，整頓飯經濟又實惠！！！下次一定同屋企人再光顧。

晚上想吃海鮮小炒找到了蟹點這間餐廳🙆🏻‍♀️🥰金沙黄金蝦 $48咸蛋黃炒至起沙沾滿每一隻蝦身，十分濃香咸蛋黃味😍😍😍😚招牌白胡椒蟹 $498份量真的十分充足，服務亦很貼心，準備了圍裙跟手套，白胡椒味道不會太搶，蟹肉鮮甜😋😋😋燒豬頸肉炒飯 + 鐵板香葉鮮胡椒炒海鮮 $188炒飯非常香口有獲氣，豬頸肉邊邊有點焦但還是很香甜好吃😜炒海鮮有青口，墨魚和蝦，配燈籠椒一起炒，加了點辣椒，整體偏辣一點，不吃辣要注意🤣人均$403.5，吃了一枱海鮮小炒十分滿足😜

係咩風吹我嚟鴨脷洲呢？就係聽講呢間啲中式小炒好掂👍🏻 今日收工特登過去～ 環境好似酒樓咁，嘈吵熱鬧，平日晚上坐滿客，應該都係做街坊生意～ 餐牌食物多到我選擇困難症又發作了😵‍💫 辣酒煮花螺$188辣汁超惹味，又辣又香，花螺吸引哂辣酒食落爽嫩又辣得過癮，香料滿滿，食完一粒又一粒😋尖椒炒牛柳粒 $108一上枱聞到好香，炒得好有鑊氣，牛柳粒非常嫩而且入味好juicy多汁，配尖椒一齊食，微微辣好開胃～薑蔥魚腩煲 $188魚肉件唔算多骨，肉質外脆內軟，薑蔥炒得好香口，味道豐富～蝦膏唐生菜煲 $78唐生菜爽口，份量好多，撈勻蝦膏來食鹹香惹味。生蝦刺身 $108冰凉泰式生蝦刺身晶瑩剔透，彈牙新鮮，點醬汁食酸辣好味😋 芒果沙冰 $38 大大杯芒果沙冰，又甜又凍，解辣一流😄

和女朋友去一個平時少去的地方吃晚餐，就是去鴨脷洲，吃馳名白胡椒蟹。餐廳内部裝修是以航海為主題，環境寬濶，二人可坐大枱，店員有禮。招牌白胡椒蟹(大蟹)498元，蟹的重量約一斤半，十分巨型。白胡椒蟹是用鐡板盛載，一來有助保持溫度，二來有助散發香氣，三來有吱吱聲響。蟹肉肥美鮮甜，醬汁惹味，配料是包括白胡椒、紫洋蔥和川椒葉等，味道層次豐富，色香味俱全。招牌脆皮咕嚕肉88元，新鮮菠蘿伴碟，賣相美麗，咕嚕肉肥瘦合適，皮脆肉軟，肉汁豐富，酸味和甜味均恰到好處。泰式炸蝦餅原價78元，特價38元，蝦餅外層香脆，內層彈牙，沾一點酸辣醬，十分滋味。椒絲腐乳炒通菜78元，份量足，通菜剛剛熟，顏色翠綠，醬汁味道正常。總結：環境寬濶，食物美味。

天氣凍凍地就好想食打冷，今晚嚟到鴨脷洲西村街市一樓嘅食肆，呢度裝修好有特色，而且非常乾淨無街市的臭味。餐牌價錢大眾化，約100多元就有一碟！香脆蠔餅，打冷必點！食落去每啖都咬到蠔仔，好落本！蒜蓉粉絲元貝(四隻)，蒜蓉炒過再蒸，粉絲索晒蒜蓉的精華，配飯一流！金沙黃金蝦，蝦廚師已經處理過去頭去腳，再炸到連殻都可以食埋。金沙即是鹹蛋黃，少許鹹香更加惹味！芒果糯米飯，食完主菜梗係要食甜品，嚟到打冷店叫到泰國菜甜品好神奇，但個人好鐘意食！呢度嘅芒果糯米飯同泰國店食到嘅一樣，值得一讚！潮式蠔仔肉碎粥，好大窩，足夠4-6人食，蠔仔份量非常多，性價比一流！

生日去海洋公園，之後6點幾去哩度食飯，叫左幾碟，食唔曬要打包，兩大一小！冬瓜湯好正，清清地，圖中幾碟送也是非常合格，個西瓜冰係食中菜也可以叫到，好特別，蠔餅皮脆蠔也好味大隻，已經plan緊幾時再去.........

偶然於鴨脷洲附近工作，得知附近有一間非常不錯的餐廳，於是便和朋友想約到來試一試。今次來到的是距離海怡半島地鐵站5分鐘路程的蟹點泰粵小炒王。顧名思義是泰國菜與粵菜都有得食的餐廳。來到蟹點，必然要試一試他的蟹，今次就叫咗泰國風味的一個孖寶套餐，咖喱軟殼蟹配馬拉盞炒通菜，剛上菜就聞到一陣陣咖喱香味，大量的椰汁令到整個菜充滿椰香，軟殼蟹亦炸得非常乾身，總共有三隻軟殼蟹，認真抵食。跟餐亦配上蒜蓉包，配上椰香濃郁的咖喱，亦是非常不錯的配搭。另一個主食便是店員大力推介的原隻脆皮炸豬手，這個真心大力推薦，可以算是食過的炸豬手裏面的三甲。炸豬手的表皮脆口而不會過硬，皮後的脂肪亦非常煙靭，豬手的肉非常嫩口，實在是一碟豬手三種口感，配上特製的酸辣汁，令人久吃不覺膩。海鮮方面還有豉椒炒蟶子王，大大隻的蟶子非常新鮮，難得連伴碟的青紅椒亦非常鮮甜，連配菜的挑選都非常認真，完全感受到蟹點力求完美的想法。最後食小炒當然要配上凍啤酒，蟹點還有提供集傳統飲酒和打卡於一身的戰鬥碗，認真夠潮！

朋友住海怡半島，今晚去了她屋企附近食晚飯，自從有了地鐵，去海怡半島就方便多了。這間店舖叫蟹點，當然要叫蟹食，叫了招牌白胡椒蟹$498，餐牌上見到有隻辣椒🌶️，應該就係辣，不過服務員話個汁可以分開上😋隻蟹非常大隻，只落了三份一的汁，不是很辣，我覺得蟹肉新鮮而且很惹味👍蝦膏啫啫唐生菜煲$78，份量很多，而且又爽又入味，熱辣辣食更好味。另外叫一個菠蘿海鮮炒飯$98，炒飯上面鋪滿腰果，又有提子菠蘿，炒得又夠香。甜品叫了千層糕拼西米糕$38，軟綿綿，不是太甜。

日日食生日飯食到肥咗幾個碼🙈今次一班buddy請食生日飯揀咗間冇雷公咁遠嘅餐廳😅喺鴨脷洲喎大佬其實揸車都係十幾分鐘姐😂唔好睇佢位置咁偏遠但係啲嘢超好食🤭仲要係平靚正嗰隻好搞笑佢分泰菜同中菜兩個Menu😆👍🏻白胡椒蟹&薑蔥蟹（$498）叫咗兩種唔同口味嘅蟹隻蟹超大隻肉質爽嫩👍🏻不過白胡椒蟹冇乜白胡椒味😆👍🏻招牌脆皮咕嚕肉（$88）我係咕嚕肉嘅fans呢隻咕嚕肉皮脆肉厚唔會成舊肥豬肉或者炸粉成尺厚十級推介😋👍🏻蝦膏啫啫唐生菜煲（$78）呢個菜好難難食😂👌🏻鵝件三併（$188）呢碟我一件都冇食到，因為對呢啲滷水拼盤嘅物體麻麻地😅👍🏻蝦乾金銀蒜蟲草花蒸勝瓜（$78）蒸勝瓜清清地幾好食蝦乾都幾大隻蟲草花略嫌少咗啲👌🏻酸菜蘿蔔海斑仔（$188）其實佢係一個酸菜魚不過我食開酸菜魚都鍾意食桂花魚因為滑啲斑嘅肉質會實啲同鞋啲🤭但係佢嘅味道係唔錯嘅👍🏻原隻脆皮炸豬手（$128）真正皮脆肉嫩略嫌肥膏多咗少少👍🏻咖喱炒虎蝦($238)呢個點蒜蓉包真係冇得頂呢度晚晚都爆曬棚記得提前book位啊

My families and I went to a restaurant called "Crab point"(蟹點) located in1/F, APIER, 322 Ap Lei Chau Bridge Road, Ap Lei Chau(鴨脷洲鴨脷洲橋道322號西邨街市1樓)Customers can order both chinese cantonesr cuisine and Thai cuisine.Have the best of the both worlds!!"Grilled beef skewers in Thai style"泰式沙嗲牛肉串燒HKD$98/6 skewers 串..The beef is moist and tender!!..Nice seasoning and lovely smoky flavour!!..Pairing with satay sauce...Delish yet value for money!..Generous portion!!"Salted yolk shrimp"金沙黃金蝦HKD$48..The shr

今日由親戚帶路，去左屋企附近嘅街市食小炒！估唔到屋邨街市有咁好食嘅中泰fusion菜今日係星期一夜晚，見到full house就知道去岩餐廳有齊中式&泰式menu不過實在花多眼亂，揀左好一陣子先決定到食乜！咖喱軟殼蟹先嚟個泰式口味嘅！咖喱汁比較稠身，用嚟沾蒜蓉包食一流咖哩味好香，再有少少嘅椰奶香，不會太多，岩岩好，每整體好有層次！軟殼蟹又夠香脆完全唔會好油膩！金沙黃金蝦哇呢碟黃金蝦 只係$38咋！勁抵食仲有成10隻添。雖然價錢咁抵，但一啲都唔hea，蝦隻實淨而爽口，每隻蝦都沾滿咸蛋黃非常惹味！除咗黃金蝦$38之外，仲有幾款都好抵！鐵板黑椒豬手呢個非常之有睇頭好大碟，同埋香味四溢，吸引埋隔離檯嘅食客！豬手肉質好軟腍，筋位完全唔韌，食嘅時候仲好有彈性，勁好食泰式酸辣鳳爪酸辣味啱啱好，醃得好入味不過鳳爪可以再淋啲會更好！泰式炒芥蘭味道不錯，不過芡汁多左啲！食泰國菜一定要飲椰青！椰青肉好易起，好軟滑

家人訂了此飯店食生日晚飯，我哋訂17位(分3張枱)，訂位時店員話需分時段，如訂6:15pm，需8:15pm便要還枱，我哋絕對理解食店節日前後食店係想做多幾轉生意，所以我哋都ok嘅!訂枱時職員又話可以來料加，需加一服務費。我哋當晚準時到達，也買了5款海鮮拎去加工，另外叫多7款餸，起初每款叫2碟，後來再加多一碟，初初都係正常速度上咗7個餸，之後等了起碼有20分鐘以上都仲未有其他餸嚟，我們同侍應講，當然話跟跟啦!但仍然再等都還未到，大約7:45左右才到第7個餸，跟著最後3個餸都都陸續嚟埋，當時已經到了8:05，幫我哋落單的侍應仲好似皇恩浩蕩咁同我哋講最多比你哋食到8:15便需要交枱喇!我哋即刻忍唔住話係你哋遲上菜，食都要時間啦!無理由仲催我哋快啲交枱呀!佢仲要話佢哋更喺先做自己啲菜先啦!即時話來料加工係唔會同時間順序處理的，如做不到不應話可做加工菜，安排處理完全不妥當。仲要有一款餸每枱叫咗一碟，但只嚟咗一碟，到我哋埋單時check單，發現佢哋無嚟的兩碟餸照計數，佢哋無扣減，同佢哋講噃啦!雖然有減返，但佢哋態度好差囉!仲大大聲囉! 還有我家人把淨餘的食物打包回家食時發現蟹拑裏還有橡筋未清理好便