蟹點

營業中

休息中

今天放假和友人去了行山，行完山後途經海怡半島想著找地方吃飯，遠遠看見一個招牌在一座建築物的樓上很樣眼，所以就很自然的走了過去看看，原來這裡有個好像大排檔的店，有泰國菜，中菜，店名用蟹來做招來，故名思意這裡蟹就一定是最得手的，見到地方都很大，很濶落，坐位與座位之間都相隔不會很近，環境設計有點像外國渡假的食店，入到去好像在旅行一樣，不似在香港。就是這樣吸引了我們入去坐下來。坐下後就急不及待的點菜，見到有一些孖寶都很吸引，但當然主角蟹一定要點，孖寶雖然有咖喱蟹，但是最吸引的是海報上的白胡椒蟹，平時咖喱蟹都食得多，白胡椒蟹在香港就真的沒有吃過，雖然孖寶沒有白胡椒蟹，但單點都要一試！孖寶除了咖喱蟹外，我還看到另一款孖寶是泰式燒雞半隻＋馬拉盞炒通菜，就一於叫這個！ 有白胡椒蟹，就當然不少得叫個蒜茸包來點汁食。蒜茸包第一個上枱，香噴噴的蒜茸已經很吸引，蒜茸包烘得很香很脆，又不會很乾，胡椒蟹未到已經忍不住吃了一片， 很好味，留返幾片陣間用黎點胡椒蟹汁先！白胡椒蟹隨後就上枱，熱騰騰的鐵板，侍應跟著淋上白胡椒汁，香溢撲鼻，第一時間就拎起蟹腳食，隻蟹用上斤半大肉蟹，吃上去啖啖肉，白胡椒汁也很惹味，胡椒辣味充

今個星期放大假，約埋朋友去鴨脷洲行玉桂山，行到身水身汗本來諗住去鴨脷洲街市食海鮮，但朋友話响鴨脷洲邨有間叫蟹點，食海鮮都好正，於是即刻轉場舖頭位於一座獨立建築物樓上，佔地好大，仲有露天位，不過咁熱都係揀返坐室內一睇個菜單不得之了，選擇多到呢：有粵式小炒，泰式，仲要有埋潮州滷水，而海鮮選擇更加之多，真係諗到頭都大。最後揀咗呢度招牌菜百胡椒炒蟹，泰式燒雞半隻同菠蘿炒飯炒蟹係放喺鐵板度上菜，而店員會係上菜之後淋上白胡椒汁，個味香到不得了，而蟹肉都好新鮮，又大隻，幾抵食跟住半隻泰式燒雞醃得好入味，又唔會燒到好乾。而個醬汁都係自家調配，點雞食一流菠蘿炒飯就好大路，但裏面嘅海鮮都好足料，食完兩個人啱啱飽。而且仲有得免費泊車，正👍

住咗喺呢區成20年，真係第一次喺呢頭行山，行完山胃口特別好，決定過黎呢間蟹點食餐勁呢間餐廳最大特色就係幾乎乜都有得食，平時過時過節約親友食飯都會揀呢間，包保啱曬大家嘅口味由於今日只係3人行，當然要叫我地最最最終於食嗰幾味啦！白胡椒炒蟹無論在於打卡定係味道而言我覺得係必點之一，大大隻蟹，上枱嗰陣jar jar聲，每次post story，身邊嘅fd子都會忍唔住哇哇聲，味道好足，尤其是個重點白胡椒味，未上台已經香氣撲鼻，而且白胡椒味道同肉蟹真係好夾，唔會搶咗蟹肉本身嘅鮮甜，反而增添幾分惹味。講到蟹肉又係有讚無彈，啖啖肉而且好彈牙好甜，蟹鉗預早碎好，好容易就搣到。個蟹蓋又係一大精華，好多好多膏，叫碗白飯撈埋食，真係一流。另外我都好欣賞餐廳會附送埋圍裙手套，咁就一定唔怕污糟啦另一大心水之選就係豬手，起曬肉係基本啦。我最欣賞係佢味道唔會騷，我好驚炸豬手有陣醃過嘅騷味，但呢度唔會，所以食極唔膩，最重點係配埋佢本身嘅醬料，酸辣酸辣咁，配肥美嘅豬手真係非常夾非常開胃蝦醬蒸五花腩就係今次心血來潮叫嘅，同我想像中嘅有d出入，佢呢款味道帶甜，醬油味比較重，而且上面嘅薑絲都比較搶味，唔會話好勁蝦醬嗰種鹹。輕口

今日好天約朋友行山，行左個小星既級數～南朗山，行完山到鴨脷洲食午餐，見到有個像外國的Fish Market 既原來係一座街市，1樓全層的是餐廳-蟹點，除了室內寬敞座位，仲有啲戶外座位添。餐廳裝修以白藍色地中海風情感覺。餐牌真係好多選擇，有非常吸引的海鮮、多款的泰國菜、中式小炒、潮州打冷，真係望住都有選擇困難症。一見牆上相片，被招牌白胡椒蟹$59深深吸引住，上枱時以鐵板上，店員幫忙灑上白胡椒醬汁，餐廳準備好圍裙，真體貼，見到隻蟹好大隻，大約1斤半，先食蟹身，肉質一絲絲，勁鮮甜，中間還有蟹羔，好香濃，即時想起之前去新加坡食的味道及感覺，非常有水準，仲見到超大嘅蟹鉗! 啖啖肉好滋味呀！黃金蝦($98)  即係鹹蛋黃炸蝦，見到大量鹹蛋黃，起沙，好香，另外叫了客蒜蓉包($38) ，本身蒜蓉好香，加上超級香脆外皮，再沾上鹹蛋黃醬，好好味。埋單仲發現下午冇加一，超抵食。

通常大事大節我哋成家人都會去鴨脷洲一間度食飯因為佢地方好大坐又坐得好舒服好多大台適合家庭聚會而佢哋啲嘢食海鮮又好食價錢又唔貴完全係家庭節日首選嗰日我哋嗌咗幾樣餸都已經超級飽啦

跟朋友到港島南區行山完畢，餓得要命。朋友即帶我到「西邨街市」，乘電梯上到一樓，來到「蟹點」。室內冷氣開放，使我涼快不少。朋友說「蟹點」的户外座位也不錯，景觀更開揚。❣泰式蝦球炒金邊粉金邊粉酸酸甜甜的，令人開胃。新鮮蝦球彈牙，芽菜爽脆，口感多層次。❣泰式串燒(6串)豬、牛、雞串燒燒得香氣飄逸，表面帶脆，內裡肉嫩，美味可口。配上泰式沙爹醬，味道香濃惹味。❣咖哩炒蟹(大蟹)金黃色的咖哩香氣撲鼻，味道香濃帶微辣，不會蓋過大螃蟹的鮮味。新鮮大螃蟹肉質扎實帶彈性， 味道濃郁，確令人回味無窮。❣薄餅煙韌軟糯，跟咖哩是好配搭。❣芒果糯米飯糯米飯還是熱的， 口感軟熟，又不會太黏口椰香飄飄，芒果清甜。每口都是香甜軟糯，滋味非常。❣泰式凍奶茶 順滑清爽。

打開餐牌真系有數之不盡的美食，泰國菜、海鮮、中式小炒、酸菜魚、烤魚甚至潮式打冷都有，真系要分好多次去食先試得完😂今次5個人試左8道菜：必點的是招牌白胡椒蟹$580，真系好好食，大約斤半1只，蟹鉗超大，肉質鮮嫩帶白胡椒味有驚喜的一道菜。招牌脆皮咕嚕肉$88，外脆內軟，有拉絲質感，味道適中不太酸。泰式生蝦刺身$108，擺盤精美，個人覺得只系不夠凍，欠缺爽彈感覺，但也非常新鮮！泰式酸辣芥末手撕雞(半只)$108，雞肉嫩滑，味道酸辣非常醒胃！泰式炸皮蛋蝦餅$48，外皮非常脆，好少泰國菜館可以做到，值得一試！泰式串燒(豬牛雞共六串)$88，火候拿捏得不錯，沙嗲醬也是自家制，非常惹味！薹蔥焗桶蠔$228，用的是美國桶蠔，沒有腥的味道，每只尺寸很大，每人試一隻已足夠！冰鎮蟶子皇$180，系廚師最新之作，餐牌上邊沒有的，如果要吃也需要特別要求，個人覺得俾象拔蚌刺身優勝，味道鮮甜！甜品：芒果糯米飯$68、椰汁西米糕$38不過位置比較遠，但開通左沙中線和南港島線真系方便好多，由大圍出發到達都系35分鐘左右，海怡半島A出口行3分鐘就到，非常推介！

本應打算與 honey 一齊行下山，點知去到目的地附近時，天氣不似預期，天陰陰想🌧，於是索性係附近搵嘢食，醫下個肚仔先 😜…四圍👀下，見到有間「蟹點」，於是去試下。一入內就見到餐廳地方好大、座位寬敞整潔，海鮮款式多多，裝修佈置又有海洋氣氛，而且仲有露天茶座添！🥢 薑蔥炒蟹 $598 ～ 呢個薑蔥炒蟹，真係冇得彈 ，一上枱就聽到咋咋聲、熱辣辣、香噴噴。隻蟹好大隻，尤其蟹鉗好多肉、夠實正又鮮甜，真係食到嘴喐喐！🥢 豉椒味菜炒鮮魷 $108 ～ 又係另一驚喜 啲鮮魷好鮮甜又彈牙，配合鹹酸菜、三色椒、洋蔥一齊炒，好夠鑊氣好惹味！🥢 泰式無骨海南雞飯 $56 ～ 雞肉滑嫩，配合油飯一齊食 一邊食一邊飲凍泰式咖啡、特飲薄荷荔枝梳打 $22，真係超爽！

話說成朝都好似陰陰地天，但係我哋都決定去行山，行完山之後，去到鴨脷洲有間好出名食蟹嘅舖頭，叫做蟹點。午餐嘅餐牌好抵，個個餐都好想食！佢係泰國為主嘅菜都有🥰🥰🥰最後我哋兩個人，叫咗兩個午餐，再加一個咖喱炒蟹。咖喱炒蟹一到嘅時候，大家都O咗嘴，超級無敵嘅大兜😂😂😂😂但係我哋都食得晒，因為真係超級好食，咖喱嘅香味，香辣得來又唔算辣到食唔到🤭🤭好好食。早知個咖喱汁咁好食，我就淨係嗌薄餅都夠。另外兩個午餐，我哋叫咗海南雞飯同埋黃咖喱雞飯，平時食開青咖喱雞嘅我，今次對黃咖喱改觀，呢個黃咖喱超級好食，甜甜地，有辣辣地。真係超級好食呀呢間餐廳😍😍😍雖然係午餐，但係我哋食到好似晚餐咁多。好彩啱啱行完山，如果唔係肥都肥死。不得不提嘅係，佢仲有個戶外座位，如果好天嘅時候一定係好chill😎😎😎不過因為個天好似就快想落雨，所以我哋坐咗陣就轉返入室內。下次一定要再嚟食！而且間舖算係好大，室內同室外嘅座位都好充足☺️☺️☺️

行山加美食這樣的安排很受歡迎。餐廳位於玉桂山附近，先去玉桂山行山，再去享用美食。餐廳的内部環境寬濶，桌大舒服，侍應有笑容。薑葱炒蟹(大蟹)598元，大蟹一隻，約重一斤半。薑葱炒蟹是用鐡板盛載的，上桌時發出吱吱聲響，香氣四溢。蟹膏甘香，蟹肉鮮甜，薑葱味和蟹味很夾，紫洋蔥吸收了蟹汁，十分滋味。金銀蛋肉崧浸翡翠苗88元，一大窩，翡翠苗翠嫩，金銀蛋惹味，豬肉味道正常，湯底清甜。自家製千層糕拼西米糕38元，每款兩件，熱千層糕煙韌，凍西米糕甜。白飯每碗15元，飯粒軟硬適中。總結：食物美味，環境寬濶。

暫時都未能外遊，唯有自製一日遊行山兼食海鮮，在網上推介行鴨脷洲玉桂山 近市區好方便，我哋選擇了較為簡單的小玉桂山路線，在利東邨出發行大約1小時行完落山就是海怡半島站，行至附近的西邨街市好有漁人碼頭感覺，被這間蟹點餐廳外貌吸引了，决定在這裡食海鮮。 經西邨街市搭𨋢上一樓，這間“蟹點”地方很寬敞，有室外又有室內， 估不到街市樓上的熟食檔可以這樣乾淨企理，有種東南亞排檔風味，旅遊感覺返哂來。這裏的招牌白胡椒炒蟹非常推介，熱辣辣鐵板上，白胡椒和九層塔很香濃帶起蟹肉鲜味，肉蟹大大隻啖啖肉$598都抵食 再配埋一支朝日大啤加埋冰凍的戰鬥碗絕配。這個花甲王蒸水蛋非常大碟，鋪滿大大隻的花甲，滑嘟嘟蒸蛋吸收了花甲的鲜甜味。泰國串燒豬牛雞各兩串， 這個值得一讚串燒肉大大串，外邊燶邊香，內裡有肉汁配沙爹醬好惹味，燒出水準來。食埋個芒果糯米飯甜品非常滿足。其實這裏除咗食海鮮粤菜，還有泰國菜、鑊氣小炒非常多樣化，下次call齊朋友挑戰行真玉桂山然後在這裏再拆餐豐富的。

喺港島行完山超級肚餓，急需要搵間好食嘅餐廳醫肚！呢間蟹點岩曬😍菜式選擇非常之多，最後決定揀招牌菜避風塘炒蟹😋避風塘炒蟹（大蟹，每隻約一斤半）$628避風塘炒蟹一向都係香港招牌滋味，正宗道地美食，令人難以抗拒！💗炒蟹色澤金黃，入口蒜香濃郁，蟹肉肥大肉厚，肥美結實，係新鮮喺飼養即叫即煮，蟹肉鮮甜可口，超級新鮮又大大隻。蟹鉗又大又入味，仲大個隻碗，簡直係啖啖肉，食到最後一口都不想放手。💗麻辣蒜酥香氣撲鼻，酥脆非常酥脆，火候、用料恰到好處，香蒜爆到粒粒鬆脆可口，完全滿足味蕾，色香味俱全，炸蒜送飯一流。💗蟹殼都有細心敲碎處理過，更入味而且方便食用。😋香脆炸蠔餅$88💗蠔餅即叫即炸，非常鬆脆而不油膩，蠔十分飽滿，又大隻又多，加上芫荽等配料，令味道更加香濃惹味，可口味美。💗蠔餅不會好厚粉，好足料，又厚又大份，而且蠔嘅份量好多，幾乎每一啖都食到蠔嘅鮮味。😋紅燒脆皮BB鴿 $58💗皮脆肉嫩，燒到熱辣辣上碟，肉質鮮嫩，汁多味美，色澤金黃，光滑油亮，十分惹味總結：食材新鮮足料，肉質鮮嫩美味，炒吓令人一次難忘， 香口惹味，會再來！😋👍🏻

MTR南港島線開通後，到玉桂山行山郊遊方便得多。累到半條人命，拖著半癱的身軀去西邨街市Food Court暴食一番犒賞自己！這間餐廳主打海鮮、泰國菜和潮州菜，Menu選擇花多眼亂。室內座位空間感足，整齊企理，還有露外雅座，邊吃邊感受日落兼吹吹風，寫意非常。為了在運動後補充蛋白質(藉口)，來個海鮮大餐！薑蔥炒蟹 $598從遠處已感受到其陣容，以鐵板上菜，滋滋聲和熱煙不斷，讓人垂涎欲滴。1斤半大蟹非常足秤，新鮮厚肉，連蟹腳也被我們肢解乾淨。薑蔥份量多，所以蟹肉也很入味，好味到連蔥蒜也清光。值得一讚，落Order後店員主動提供即棄手套、鐵鉗、蟹腳叉和圍裙，細心舉動讓我們吃得輕鬆方便。金沙黃金蝦 $48 原價$98，但禮拜一至四有限定優惠，而且份量不減，CP值很高！中蝦連殼與鹹蛋黃醬一同快炒，蝦殼已變脆身，不用剝殼直接進食也沒有問題。整體鹹蛋黃惹味的鹹香和沙沙感很容易入口，邪惡到令人一口接一口。椒鹽鮮魷 $98鮮魷雪白新鮮，份量頗多，炸粉漿有一點厚度，炸得很鬆脆。這種香口下酒菜如果配個啤酒就完美啦！

星期六晚七個人熄咗七餸一湯.杏汁豬肺湯，白胡椒蟹，鹹蛋黃蝦, 椒鹽鮮魷, 蒜蓉粉絲蒸蟶子，泰式燒雞，通菜馬拉盞，及雜菜.菜單好多嘢揀，基本上你諗的想要嘅一嗰度都有。地方乾淨價錢合理。食海鮮以後唔使去到西新界九龍咁遠。有啲似去咗泰國和星加坡大排檔食。除咗海鮮仲有其他泰式,潮州菜及小炒。啲海鮮都幾實惠，每人食咗＄290班朋友已經想約再去了

朋友安排早上先遠足登上鴨脷洲出名的玉桂山，然後落山到這別緻菜館吃風味海鲜😀藍色外型的舖位好有希臘小島海邊食店感，遠在對面街上已看到，極搶眼👍🏼店外更有典雅開揚露天座位😀侍應带引至內面座位，冷氣開放充足，甫坐下侍應便殷勤推介炒龍蝦菜式，看亦是主力菜式，不想推卻好意，點了薑蔥炒花龍蝦一隻😋以鐵板做盛器，上桌時熱氣騰騰，香氣四溢，龍蝦肉彈牙爽口，材料質素勁佳，廚房火候處理到位，好介紹無選錯👏👏😋😋再來了一道花甲王蒸水蛋，水蛋滑香燙，混了花甲鮮味，可以取代主食😋😋意猶未盡見店内有泰，潮菜 推廣海報，再點了泰式無骨海南雞半隻😀雞肉嫩滑鮮味，骨頭完全去掉，咬落啖啖肉，廚師好手勢😋😋👏👏街市上蓋一所難得有心機食肆👍🏼👍🏼