蟹仙海鮮蒸碢大公館

營業中

休息中

一路都以自己做海鮮供應為賣點既蟹仙。之前已經食過九龍城，價錢拍住西貢，但質素唔比西貢差，重點係唔會好似西貢咁比人搵笨今日係附近做野。行過銅鑼灣見到都開左間。原本都唔會lunch時間食蒸海鮮。但都好奇睇睇個菜單。一睇先發現有午餐食。唔係蒸海鮮。有蒸飯有刀削麵等等。。。都有十款八款選擇。我就叫左個刀削麵食。個蟹皇味好正滿到流出黎，雖然睇落似係碗仔翅刀削麵咁。但真係足料。而價錢唔係特別貴。識揀都揀特別小小既午餐啦。以後又多個選擇啦。

我公司附近有間「蟹仙」新店開業，同事們決定今早開完會後，一定要食過富貴午餐🥣，慰勞一下自己，有幾富貴🤔🤔睇吓就知😁😁蟹粉芫荽煎餅🥞配白麵包$118「蟹仙」餐館推出一系列以蟹粉為主題嘅創意套餐，大家不妨一試，蟹粉菜式之設計講求濃淡之間的平衡，屬精華所在，蟹粉味道甘香濃厚，只需配搭相對清淡、簡單嘅食材就能突顯其鮮味，平衡油膩感，夾埋淡味白麵包，滋味無窮。另外以濃烈芫荽煎餅，又香又脆夾搭着嘅蟹粉，更提升整體蟹粉鮮味😍😍蟹粉皇富貴羹配飯$108以前魚翅撈飯，今時今日蟹粉、花膠，海參，木耳富貴羹撈飯，真係富貴逼人，一口一口花膠海參，撈滿蟹粉皇嘅湯飯，好滿足👍👍👍

Overpriced for the service and quality, the menu and the description is very misleading, you could always get something similar somewhere else at only a fraction of what they are charging here. What a bad experience. I would not recommend this restaurant.

無意中係openrise搵到呢間蒸海鮮！ 叫左個promotion既套餐，拆實$500位，佢既蟹同蜆都好新嘅，好鮮甜😋，只係個青口係覺得似急凍貨。佢地位廚房師父不時有行出嚟介紹左d海鮮既既來貨同我哋既意見👍🏻佢亦有主動解釋今水青口唔係好靚🤗！本身食蟹都唔係太大興趣，不過佢地既青蟹，同琵琶蝦，雖然唔係好大隻，不過肉就好鮮嫩！推介大家要食琵琶蝦👍🏻

今次叫左個2人海鮮🦞套餐餐廳環境乾淨，開始時會先用蒸氣消毒餐具食物有人會幫你蒸埋計好時間夾比你唔洗自己蒸😎先食海鮮—》肉—》菜—》粥海鮮好新鮮，蟹啖啖肉😋食完個餐都已經好飽

這家海鮮蒸鍋不僅好吃，店家還格外熱情！我們中午到訪，雖然店家以晚市為主，但中午依然可以點海鮮蒸鍋，滿足了我們中午大吃一頓的願望。有多款套餐可以選擇，我們點了439一位的尊貴海鮮套餐，包括九款海鮮，蔬菜以及海鮮粥底，其中最重磅的奄蟹我是第一次嘗試，味道很特別，肉和膏都非常豐富！除此之外，最推薦琵琶蝦，肉質緊實且十分香甜，絕對是吃過最好的蝦肉。此外帶子和大青口等都相當新鮮好吃，全程由店家控制時間及順序，服務相當貼心。除此以外，店家還額外贈送非常好吃的蝦丸及牛肉丸，還有椰汁甜品一碗，被我們全部吃完甚至還想再來一碗！！總體來說實在是非常好的店家，海鮮新鮮且少見，味道忠於原味，我們一定會再來光顧～祝店家生意興隆💗

叫了個$10xx 兩位的套餐，他們的凍蟹、膏蟹真係好正！非常鮮甜、蟹膏亦好甘香。琵琶蝦反觀鮑魚、貝類的海鮮就麻麻，海水味極重、好咸。肉丸就ok, 雞肉好滑好味。人手唔算多，但服務態度很好。吃完還有甜品送- 椰汁燕窩。若每枱有濕紙巾供應會比較好。

今晚於蟹仙慶生， 選了2人餐， 其中蟹升級了菲律賓野生大蟹膏蟹， 好好食， d 膏好滑溜， 比硬的蟹膏好食，聽店員講呢隻蟹出面食成2千蚊一隻， 所以真係不錯。其他海鮮都好， 青口個人喜歡法國藍青口多啲， 會比較creamy. 爆醬牛丸都好食， 其他肉同丸都ok.個粥幾多料。 有排骨同粟米，很甜。食哂仲有壽包同燕窩送， 不錯。整體店員招呼幾好。 會主動換碟， 介紹食物， 每樣食物都會煮好哂， 內臟都清得好乾淨。不限時， 今日6點坐到收工*** 😍

未試過琵琶蝦咁好食，貝殼類蒸到啱啱好～出邊食鮑魚平時都好似食鋸扒咁、但係蟹仙蒸既鮑魚好淋好滑，雖然短短開張我都幫襯過兩次，唯一缺點就係要行樓梯上去一樓或者需要去隔離商業大廈搭上去，但係最後服務員態度非常

今年嘅生日飯揀左去舊年喺openrice bookmark左但一直冇去試嘅蟹仙，訂位時都唔知銅鑼灣店係新開嘅，嚟到經店員介紹先知呢間係第三間分店😝經店員介紹後得知店主本身係海鮮供應商，所以海鮮質素都有保證。我地揀左$439/客套餐，一開始食嘅鮑魚、珍珠蠔都係鮮味十足，到食野生青口時就清楚知道平時食嘅雪藏青口同新鮮野生青口嘅分別，係真係好有海水味。龍蝦、馬刀貝同第一次食嘅月亮貝都只可以用鮮甜嚟形容。最後嘅海鮮就係大黃奄仔蟹喇！今次仲要遇到重皮蟹添✌🏻✌🏻d蟹膏甘香、蟹肉鮮甜令我印象深刻，真係好好味👍🏻👍🏻

海鮮一流， 籠仔蒸飯元貝彈牙回甘， 蟹粉鮮甜濃郁，虎蝦肉質嫩滑， 蟹棗丸彈香甜鮮極， 活青口入囗散發濃厚海水味。 海鮮套餐及種類選擇眾多，精選海鮮套餐物超所值， 實屬必試之選。