蟹仙海鮮蒸氣鍋 (龍崗道)

營業中

休息中

今日同朋友搵飯食，一向重質不重量嘅我們😋只要好食就連價錢都唔睇！朋友在OpenRice 比咗兩個選擇我😍我見地方鄰近屋企，加上好愛海鮮嘅我倆就去咗呢間，位於九龍城嘅分店😋出奇地水準非常好👍🏻沒想到海鮮嘅鮮味十足店長介紹嘅野生🦞膏🦀都好好食每人order完一個餐後，竟然要share多一個餐😆😆自始我倆就成日心心念呢間隱蔽海鮮店🥰但為食嘅我倆依然要嚟喜歡食海鮮嘅朋友，不防試吓不談價錢，只談品質「鮮」不過大食如我倆嘅真係食一個餐唔夠㗎

蟹仙，之前同朋友食過，一直都想再食，今次襯男友生日，就決定帶佢黎食餐好，擦餐勁的海鮮餐。聽個名就一定係食蟹好正，呢度出名的是蒸海鮮，食完感覺是超級新鮮，但價錢真心可以接受，我哋揀了價錢中等那個餐$399一位，開頭驚唔夠食，但食完真心飽。由於疫情關係，所以等了一陣先入座，餐廳又量體溫，搓手，還會發放信封給你裝口罩，最特別係，佢會用過蒸氣爐幫你先消毒碗碟，蒸氣溫度達到120度，真係咩菌都死曬。好快海鮮就上台啦，嘩，隻蟹勁多膏，龍蝦，蚌，賴尿蝦，生蠔，鮑魚，龍躉片，虎蝦等等，睇到都流口水🤤店員會幫你蒸，所以你只要等食就可以啦，店員會接順序一樣一樣幫你蒸，每一樣海鮮唔同時間，時間較得真係岩岩好。除了新鮮外，真係唔知用咩黎形容海鮮，虎蝦好彈牙，肉好爽，凍食賴尿蝦，好正，呢間蟹仙係樣樣都新鮮，真係一分錢一分貨，食海鮮唔可以慳。鮑魚蒸3分鐘黎，一點都唔煙銀，爽口，全部都唔使再Jim醬油，就咁食已經原汁原味。店員最後幫我哋蒸蟹，主角登場，等左好耐，蒸左6分鐘左右食得。好多膏啊，店員會走過來介紹餐廳的由來，說餐廳老闆係做蟹的批發，全港數一數二，會留返新鮮靚蟹在店舖出售。食完隻蟹都覺得個餐廳名冇改錯，真係

同事住喺九龍城附近，早排生日食完強烈推薦，趁住今個星期收早，同先生提議過嚟食海鮮大餐，最愛海鮮嘅佢當然唔會托我手踭。餐廳地方寬敞，座位之間空間感好夠，座位以卡位為主，感覺舒適。入座後店員隨即將餐具碗碟放入蒸籠消毒，然後再換上新嘅鍋具烹調食物，非常貼心。期間仲不忘為我哋介紹食物，原來老闆自己做海鮮批發，有成40年經驗，每朝早仍然堅持自己去碼頭揀生猛海鮮拎落鋪頭，非常用心。餐牌有五至六款套餐，我哋點咗尊貴海鮮套餐，有九款海鮮加一份有機蔬菜籃，加上粥底，夠哂豐富。最先送上嘅係冷盤——冰鎮野生皇帝瀨尿蝦，尺寸非常大，完全對得住「皇帝」呢個稱號，肉質爽彈，味道鮮甜。元貝尺寸雖然唔算珍寶，但勝在肉質厚實，味道鮮甜；九孔鮑魚大大隻，蒸完都冇縮水，肉質細嫩而且有咬口，另外必須一讚嘅係佢哋嘅海鮮清洗得非常乾淨，冇得彈！龍躉片魚味鮮濃，肉質清爽有口感，魚皮仲帶有膠質，食得出非常新鮮。由於今日冇馬刀貝，所以店員轉咗象拔蚌俾我哋，同樣新鮮，口感清爽。慶南蠔雖然尺寸的骰，但入口鮮味十足，丁點腥味都冇，令人想食完再食。重頭戲當然係落重本嘅龍蝦同肉蟹，望住店員喺旁邊嘅魚缸即捉即劏，非常生猛，上枱嘅時候蟹爪仲識郁！澳

好耐冇約朋友食飯, 朋友介紹呢間位於九龍城ge蒸海鮮, 店內座位唔算多, 加上而家有座位限制, 一早打定電話嚟留位防疫期間餐廳非常周到, 即場消毒所有器具, 令客人非常安心! 💪🏻海鮮餐非常抵食, 一個價錢包多款海鮮, 我地揀嘅套餐有越南大肉蟹, 超大賴尿蝦, 澳洲龍蝦, 台灣鮑魚, 越南大虎蝦, 龍躉, 象拔蚌, 元貝同韓國蠔, 超級豐富, 而且侍應照顧非常周到, 服務一流! 海鮮全部都超新鮮, 肉蟹龍蝦等更加係即叫即劏, 侍應仲好用心介紹各款海鮮, 超細心👍🏻

近來多數選擇黃店消費，打開個apps，見到九龍城區一間少有的海鮮蒸氣鍋黃店，與女兒膽粗粗入內一試，叫了兩個最平package，但食物一啲都唔馬虎，海鮮勁新鮮，店員服務殷勤，安格斯牛肉更是一流，店員見我飲啤酒仲送上一份熱辣辣脆仆仆魚片給我佐酒

好耐冇食過海鮮，但次次要食海鮮，唔係入西貢，就係去流浮山、屯門，山長水遠先有得食，淨係搭車都冇咗半日。朋友話九龍城有一間高質嘅海鮮蒸氣鍋 值得一試， 唔使五百蚊就落到樓，好似都幾抵， 一於跟佢去試下。海鮮套餐都有好多款，平均都有八到十幾款食物，可以按唔同嘅食物同埋價錢去選擇， 感覺都唔錯，起碼明碼實價， 唔會有海鮮價出現，免卻口同鼻拗嘅麻煩。侍應好貼心，一入門口就幫我哋量體溫，提供潔手液，仲喺我哋面前將啲碗同筷子食具，擺落個蒸氣鍋度，用高溫 消毒，食得安心又放心。好快趣就有海鮮上枱，款款海鮮望落都好新鮮。野生龍蝦望落都有成斤， 大過隻手板， 而且切完上枱仲識郁，好鬼生猛， 而且龍蝦嘅蝦肉好甜好彈牙。估唔到平時好少見嘅琵琶龍蝦都有得食 ，平時閒閒地一兩都成幾十蚊， 一隻琵琶龍蝦差唔多都要幾百蚊， 淨係食呢個都夠回本！ 味道比一般龍蝦更加 爽口清甜，好濃沃嘅蝦味同海水味，果然零捨不同。日本元貝好鮮味， 元貝大大粒，唔加任何調味料已經夠好味。另外仲有菲律賓海蟹、台灣鮑魚、 龍躉、貴妃蚌等多種海鮮， 食完之後仲有個粥， 配埋 豬骨、粟米、南瓜、芫茜等等嘅材料， 加埋好有海鮮味嘅粥底， 今餐真係

琵琶龍蝦有我手掌咁大，食落去肉質彈牙，新鮮非常，無比正斗！青年龍蝦肉夠長夠大，龍蝦頭仲有蝦膏，有料到。九孔鮑魚有咬口，配上蒜蓉芫荽醬料，完美配搭。越南大虎蝦，橙通透的外殼非常吸引，肉質甜美。深海龍躉片夠白滑，薄切上，完全冇骨，正！大元貝像一粒魚蛋，鮮味十足，滋味無窮。韓國蠔我比較少吃，但蠔味濃，在牙齒裏無味仍然蕩漾着。有機蔬菜籃更是五顏六色，營養價值高南瓜蒸完後非常腍身，很喜歡這種質感。果然是物超所值，而且沒有限時，吃得特別舒適。最後呢度仲有非常滋潤嘅糖水，喉嚨飲完真係好舒服。而家喺新蒲崗、九龍城同埋尖沙咀都有分店快啲去訂坐啦👍🏼👍🏼

好多時出去食海鮮都係份量少又唔新鮮但係我終於發現一個地方可以比我品嚐到原汁原味而且仲要係原隻嘅海鮮啦！呢個地方就係 蟹仙 啦！🤩🤩 依家佢哋原來已經開咗三間分店今日試咗佢哋嗰間原始店喺九龍城呢度 由於時間尚早店裏面唔算太多人我同朋友叫咗個二人餐每位大概$399裏面已經有10款海鮮 包羅萬有有時如果好彩店裏便會有獨有嘅白琵琶蝦非常罕有 通常如果即刻返貨客人亦都會預早落訂呢度每款海鮮都係原隻上唔怕偷工減料而且仲要係每日新鮮空運到港✈️唔洗去到其他國家先食到！以蒸氣石鍋嘅烹調方式就唔會令到海鮮嘅鮮味流失仲會將海鮮箇中精華同鮮味都保留係下層粥底🤤CP值咁高但係價錢非常抵材料包括：罕有大黃奄仔蟹、深海東星斑、野生琵琶龍蝦、澳洲青年龍蝦、台灣九孔鮑魚、越南大虎蝦、深海龍躉片紐西蘭刀貝蚌、日本大元貝、韓國慶南蠔、有機蔬菜籃！

九龍城真係搵嘢食嘅好地方，唔少泰國菜、潮州菜、或者火鍋店都喺度插旗， 淨係喺呢區諗食乜都諗到頭暈。 朋友話 想食海鮮，見到網上面有唔少人都讚呢一間蟹仙海鮮蒸氣火鍋店質素好高，專登嗌埋我去，人少少撐檯腳。餐牌上有好多款唔同嘅海鮮餐，可以按人數同埋budget去選擇，今次我哋就嗌住個套餐先， 有蟹又有龍蝦， 平時喺街市買一斤龍蝦都講緊三四百蚊，而家咁樣咁多款海鮮，望落都幾抵食。喺食飯之前，店員好細心咁幫我哋將所有餐具用高溫蒸氣消毒，確保乾淨衛生， 喺疫情之下呢個措施實在值得一讚。好快就有得食海鮮，呢個套餐總共包咗十款海鮮，分別係野生龍蝦、大大隻嘅菲律賓蟹、矜貴嘅琵琶蝦龍蝦、鮮甜石蠔、大蝦、龍躉片、台灣鮑魚等等。最抵讚既係龍蝦、蟹、琵琶蝦都係新鮮即劏即蒸， 店員喺劏之前會確保質素ok，先會拎畀客人食， 真係勁好服務。而我最鍾意嘅就係野生龍蝦，味道爽口鮮甜，肉質彈牙，食起嚟啖啖肉。而且超級多嘅蝦膏，非常甘香好味。跟住出場嘅肉蟹啖啖都係蟹膏， 蟹新肉質結實，蟹味香濃， 食到差啲想啜埋手指。嚟自台灣嘅九孔鮑魚亦係我另一個至愛， 正得啱啱好，唔會硬，入口好甜好鮮味。蠔都唔錯，好嫩滑，好肥美好甜。至於

最鐘意食海鮮既我，除咗海鮮要新鮮之外，而家疫情關係，衛生都好重要！今次朋友帶我去呢間💁🏻‍♀️位於九龍城既(蟹仙海鮮蒸氣鍋)，因為老闆係做開海鮮起家，所有海鮮都係親手挑選，所以特別有信心👍🏻一入門口除了基本的消毒液，量體溫外，店員亦會立刻遞上信封給客人放口罩😷，而餐具亦會即時作高溫消毒😊放心哂！套餐每位由＄299-＄999 不等，而我地就點咗個十款海鮮餐＄399！店員先放米和材料，待一陣蒸煮過程中，海鮮的精華和水份，自動滲入粥底，令粥底變得更濃郁👍🏻👍🏻！🦞澳洲青年龍蝦～好多膏 , 肉質爽口，啖啖肉！🦀罕有黃膏肉蟹～蟹肉蟹膏好鮮甜！🦪台灣九孔鮑魚～鮑魚大隻又彈牙！🐟深海龍躉魚～魚身好滑又冇骨，鮮味十 足！食完咁多海鮮，再食埋個🥬有機蔬菜，😅已經八成飽了！最後食埋碗充滿海鮮精華既南瓜排骨粥，超滿足！再加埋碗老闆送既椰汁官燕，清甜又滋潤😁😁！

吃過幾次蒸氣火鍋，但都沒老公的份兒這次為慶祝節日，他就偷偷的向這店預訂座位，食餐好的！因應最近疫情店方的防疫意識都算做得不錯！先用消毒液幫顧客消毒雙手，分發乾淨信封給顧客擺放口罩枱面上還放有一大包的濕紙巾可用！套餐的選擇有好多最後我們選的是$999/2位的「包羅萬有海鮮二人套餐」共18款食物！落單後，店員就先開高溫蒸氣來蒸餐具，作消毒之用！先來的是貝殼類海產，有日本大元貝﹑台灣九孔鮑魚﹑韓國慶南蠔及紐西蘭刀貝蚌鮑魚爽口彈牙﹑刀貝蚌夠爽脆﹑扇貝大粒又嫩，惟鮮甜味不算好突出以蠔的蠔味最為濃郁突出！蒸的時間恰好，蠔仍很嫩滑！大虎蝦的肉質爽口，蝦味鮮甜，蝦頭有好多蝦膏！！野生大瀨尿蝦，長度長過手掌！！店員幫我們剝殼切好，方便進食！瀨尿蝦是唯一沒有即蒸的食材，但鮮甜度同樣十足，好多汁，肉質實淨不會霉！！瀨尿蝦同樣有膏啊～～～澳洲青年龍蝦，蒸的時間剛剛好，肉質非常爽口彈牙又帶點嫩滑感！味道鮮甜，又帶點微微的膏香，很好吃！！越南頂角膏蟹及大黃奄蟹各一半據店員介紹，這兩款蟹，一款是軟膏，一款是硬膏因我們未試過就建議半半，看自己喜歡吃哪一款多些～～兩款蟹都是爆膏的狀態膏蟹的size略為大隻膏蟹是硬膏，大

最近已經甚少外出食晚飯，有點鬱悶，閨密話不如提早為我慶生，盛情難卻，於是揀咗九龍城嘅蟹仙。進店時，客人入坐前店員會把枱、椅、餐牌用消毒劑清潔一遍，為客人提供酒精搓手液清潔雙手，亦提供信封讓客人放好口罩。枱面亦有乾濕紙巾提供，而食具亦會在客人面前蒸煮一段時間消毒，防疫措施做得非常好。今日我哋揀咗$399 嘅尊貴海鮮套餐，有9種海鮮+有機蔬菜籃：肉蟹半隻、龍蝦半隻、琵琶龍蝦半隻、鮑魚、龍躉片、生蠔、蟶子、元貝、虎蝦、蔬菜籃🥬、粟米南瓜排骨粥，仲有椰汁雪燕官燕送。調料可以自己揀，海鮮本身已經好鮮甜，個人喜愛少量調味。先來蔬菜籃、鮑魚、元貝、蟶子、生蠔、龍躉片、琵琶龍蝦、虎蝦。除咗肉蟹、琵琶龍蝦、龍蝦係半隻之外，其他海鮮都係每人一件(隻)，而蟹可以揀肉蟹或者膏蟹，想食邊種自己揀。生蠔肥美、龍躉片新鮮。店員首先拿來粥底材料，倒入蒸氣石鍋內，然後才開始蒸海鮮。店員幫我哋將海鮮放落鍋，夠鐘就過來夾俾我哋，好服務👍首先講吓主角~ 蟹可以揀頂角膏蟹或肉蟹，我哋都係揀肉蟹。喜歡佢肉質結實又鮮美，滋味無窮。龍蝦肉質彈牙，鮮甜美味。蠔隻夠肥美，多汁味鮮，蠔味十足。琵琶龍蝦肉質非常爽甜，啖啖肉，好正呀！海鮮蒸嘅

海鮮蒸氣鍋近日越開越多我同男朋友今晚一於試下呢間<蟹仙> 因為男朋友重點想食靚蟹🙆‍♂️海鮮套餐由$299至$688都有 我哋第一次嚟食揀個中價位嘅$399 包十款海鮮連蔬菜籃啦🙆‍♀️海鮮都好豐富喎 有蟹有龍蝦有元貝有蠔 樣樣都咁吸引🙆‍♀️食之前侍應會用125度高溫蒸餐具（ 消毒） 確保食客食得衛生又安心👍越南大虎蝦蒸既時候排成心形 🧡 好得意 食落好爽口 仲有少少蝦頭膏好鮮味💁🏼‍♂️💁🏼‍♂️日本元貝同台灣九孔鮑魚都算大隻 肉質爽甜 點豉油食夠晒味💁‍♀️深海龍躉片好有魚味 魚皮位充滿膠質好稔 入口鮮甜嫩滑💁‍♀️💁‍♀️💁‍♀️ 啖啖肉超好食龍蝦我哋試咗兩款 我就鍾意食野生琵琶龍蝦多啲啦🙆‍♀️ 因為龍蝦肉較實 味道濃郁啲甜啲💁🏼‍♂️💁🏼‍♂️💁🏼‍♂️💁🏼‍♂️ 澳洲青年龍蝦就比較清淡細滑💁‍♀️💁‍♀️💁‍♀️蟹仙真係店如其名 橙黃金黃色既蟹膏爆曬出嚟 令人流晒口水🙆‍♀️ 軟膏同硬膏各佔半尤其係軟膏 味道濃郁鮮甜 整個口腔都充滿蟹膏味太霸道啦💁🏼‍♂️💁🏼‍♂️💁🏼‍♂️💁🏼‍♂️而蟹肉都好新鮮 一絲絲咁入口鮮甜最後食埋個南瓜排骨海鮮粥 綿密粥底夾住海鮮既清甜 唔錯💁‍♀️最後仲有碗糖水 好滿足

實在太耐冇出街食飯 今晚一於要食D好嘢 決定食蒸海鮮 咁就好味又安全啦☺️好多人都推介話九龍城呢間蟹仙好抵食 平時食海鮮起碼都要五六百蚊起跳 呢間價錢平好多😯 海鮮仲要每日新鮮到港 今日就試一試佢個$399刁鑽海鮮套餐究竟有幾刁鑽🤣職員會幫你放海鮮落去蒸 服務超好 完全唔使擔心自己會將海鮮蒸過龍👍海鮮好新鮮 一睇就知又大又靚 尤其係貴妃蚌同九孔鮑魚😍 九孔鮑魚彈牙 肉質都好爽嫩 完全唔使點醬料食原味都好鮮😋😋貴妃蚌肉厚又鮮美 蒸完都仲脹卜卜 一咬落去好juicy🤤重頭戲就梗係食龍蝦同蟹啊😍澳洲青年龍蝦蒸4分鐘啱啱好唔會老 🥳 蒸熟後的龍蝦肉好雪白 雖然味道就偏清甜淡口啲 但肉質緊緻 仲有少少蝦膏😍職員幫我哋蒸蟹嘅時候仲特別介紹 老闆做海鮮批發 所以海鮮價錢先可以做到咁優惠😯今晚既越南膏蟹就好似係由少女轉化到媽媽既階🤣所以軟膏硬膏都有兩種口感一次過食得到 蟹超正爆膏 好滿足阿😋😋最後食埋少少蔬菜同個南瓜海鮮粥 真係勁飽又抵食😝

最近疫情當道，出街食飯都要份外小心，揀食店都要諗過度過，最理想係一人一份、而且係全程望到食物的烹調過程。除咗食物要啱心水外，我都會留意一下食店有冇防疫意識，衛生程度合唔合格等等。同老公商量過後，決定去食蒸氣火鍋。比起傳統火鍋，蒸氣火鍋相對衛生得多，每一款食物都係自己面前蒸熟，而且唔會生熟同在一鍋。唔駛經廚房，在餐檯上烹調，過程令人放心。入到店內，店長同店員的防疫措施，都令到我更加安心同滿意，可以好好享受呢餐飯。一入門口，店員就遞上酒精搓手液，為每一位客人潔手。一坐低，除低口罩，眼明手快的店員有遞上全新信封，確保細菌唔會周圍飛。係我哋睇緊Menu之際，店員亦好貼心咁幫我地將所有餐具用高溫蒸氣消毒，連酒精濕紙巾抹餐具都慳返啊！我哋兩個人，點左一個中高價位的海鮮套餐，有十款海鮮，仲有蔬菜同粥。優惠價都唔使四百蚊，算係好抵食。滿滿的海鮮，裝滿兩個大碟，令人睇見都流晒口水。令我哋感到驚喜的是，海鮮全部都好生猛，大部份上枱後依然識郁。唔同的海鮮，需要唔同的烹調時間。但呢啲事情都唔需要我哋操心，店員會定時定候幫我地方海鮮樂精架，同埋將熟透的海鮮放到我哋碟中。十款海鮮，每一款都有唔同的鮮味。蠔肉好滑溜