蟹仙海鮮蒸氣鍋 (龍崗道)

營業中

休息中

聽日1／7 放假，緊係出食餐好既，九龍城有地鐵，一於食呢間蒸海鮮啦，第一次食呢間野。叫左399hkd套餐，但假日前，茶位都要加錢又要加一，2個人要成一千鬆啲落樓。。。有凍蟹，幾多肉，係咸左啲鮑魚都幾大隻，有口感青口元貝就正正常常，無咩特別然後就係龍蝦啦，叫左琵琶龍蝦，未食過麻，樣子唔太好lol 係好味既。仲有澳洲青年龍蝦，算多肉，正正常常。最後就食菜同食粥啦，個粥無乜鮮味...服務就算一般，成日無人理，又唔係爆場，影響晒餐飯。性價比差啲。

蟹仙海鮮蒸氣鍋，位於九龍城龍崗道，進店內幾乎滿座，幸好事前有預約留位，原來粥底蒸氣海鮮是那麼受歡迎，這間店的食材新鮮相信也是它吸引的地方。這個套餐包括的海鮮有很多種，首先是大虎蝦，店員較好時間，等幾分鐘後就可以食，蝦肉新鮮，蒸熟時間剛剛好。九孔鮑魚確實有驚喜，爽口彈牙，容易咬食，相信這就是時間的重要性。青口，刀貝蚌，大元貝，珍珠蠔等貝殼類海鮮只要蒸熟時間較好，吃起來又帶有海水味。大奄仔蟹相信是我最喜愛的食材，因為蟹糕是要用「爆膏」來形容，只是這個已經值回票價。琵琶龍蝦，龍蝦都是很棒，肉質鮮嫩，帶有肉汁。有機蔬菜吃過之後，最後可以吃吸收了所有海鮮精華的粥，整件事十分完滿。飲品揀選了一渣柚子蜜，夠味好飲。

今次去到九龍城，一間專做蒸氣海鮮嘅餐廳食晚飯。海鮮只要夠新鮮，用最簡單嘅烹調方法，唔使調味已經做到極致鮮味，呢間店做到呢一點。因為每一種海鮮都有自己最佳蒸氣煮熟嘅時間，較岩時間後就食得。我地嗌左個每位399蚊嘅餐，海鮮種類好多，包括，大虎蝦，九孔鮑魚，青口，刀貝蚌，大元貝，珍珠蠔，大奄仔蟹，琵琶龍蝦，龍蝦等等。其中特別欣賞嘅係大奄仔蟹，啲膏係勁多，爆哂個隻，睇得出係極新鮮，蒸完拎黎食啲膏係有一種回甘味，肉質係一梳梳好掂。琵琶龍蝦雖然大隻，但肉唔多，不過有樣野叫貴精不貴多，佢嘅肉質同鮮甜味係完勝左龍蝦，食完之後就係有種品嚐過黯然消魂飯嘅感歎。食完海鮮再食埋有機蔬菜，就會黎壓軸粥底食，海鮮精華同海水已經入哂落個粥度，真係鮮味無限。

店內面積唔算大，有幾張卡位，幾張非卡位，卡位寬敞舒適。一坐低，店員就會即時幫我哋蒸一蒸啲餐具，消毒3分鐘，有少少潔癖嘅我即刻加分🆙🤣 蒸海鮮嘅時候全程都由店員幫手：放海鮮、調教時間、夾起海鮮，完全唔需要自己落手，我哋淨係負責食呢part😆 枱側邊有個位拉出來可以倒海鮮殼，呢個動作都係店員主動會幫手操刀。蒸緊海鮮嘅時候店員會講解每樣海鮮個產地特點，同埋點樣食先最好食，超細心！店員仲有分享話用稻草帽蓋住係因為稻草會吸左啲草青海鮮味😵店員特別建議我哋食海鮮唔好點豉油，要試最原本嘅海鮮味，所以我哋都聽話無落過任何調味咁食～•🥢 尊貴海鮮餐 $399蟹仙有唔同嘅海鮮餐選擇，我哋揀咗$399個餐，一共有九種海鮮加一碗蔬菜加粥底。一開始店員會放入粥底材料，有芋頭、米粒、粟米、豬骨，無鹽無味精。然後就開始蒸海鮮喇～📸 花蟹蒸咗隻花蟹先，因為蒸嘅時間係最長，同埋店員話要完全攤凍哂先係最好食，我哋真係差唔多食哂其他海鮮先食攤凍咗嘅花蟹，肉質嫩滑結實，蟹膏係實淨有甘香。📸 黃奄蟹仲食咗另一款蟹叫黃奄蟹，呢款蟹有好多膏，啲膏又滑又香😲同花蟹嘅膏係完全唔同㗎！黃奄蟹啲膏好食好多，而啲蟹肉係一絲絲嘅質感，同花蟹嘅

有一段時間冇食蒸氣海鮮，所以約朋友一齊食。我地點咗尊貴海鮮套餐，食物包括罕有大黃奄蟹、海星斑、琵琶龍蝦、九孔鮑魚、大虎蝦、野生青口、刀貝蚌、月亮貝、珍珠蠔同蔬菜籃，仲送咗甜品比我地。首先蒸咗海星斑食，淋上豉油同薑蔥，味道更鮮甜。罕有大黃奄蟹既蟹膏香滑，蟹肉琵琶龍蝦肉質晶瑩，煮熟後好彈牙。鮑魚口感軟稔，唔會咬好耐都咬唔開。虎蝦比想像中爽甜，而且有海水既鹹味。蠔同青口肉質都肥美，好滑溜。刀貝蚌同埋月亮貝既海水味重，食得出係新鮮。最後係用海鮮精華嚟煲既粥底，仲有豬骨同芋頭，入口軟綿，我地每人都食咗幾碗。食埋附送既甜品椰汁官燕燉雪燕，為呢一頓晚餐畫上句號。一共食咗900蚊左右。

食過其他分店，個人覺得呢間店整體質素都比坊間大部分蒸鍋店好每一個細節，每一款食材都好好，無挑剔好新鮮，好生猛，好足料，好心機，好好客，好態度，好環境，好出色，好價錢，一定再帶朋友幫襯

去九龍城買完野…諗下去邊開飯…經過蟹仙…咁擇日不如撞日…就食海鮮蒸鍋。因為之前都食過蟹仙好好味。坐低望下Menu, 豐儉由人…300又有400又有…因為同朋友都好鍾意食蟹…就點左個$499餐…因為呢個餐有兩隻蟹😍😍😍。呢度好有彈性…店員話糕蟹同奄仔蟹今日都好靚…主動提議可以每樣一隻咁就試齊哂。其他海鮮就有月亮貝…刀背…美國青口…半條東星…越南虎蝦。我就好貪心加左隻本地龍蝦😍…食完海鮮就到肉類…有安格斯牛肉…豚肉…蟲草雞…芝心小籠包…醬爆牛丸…爆汁貢丸…少少菜…食定所有野仲有排骨粥、之後仲有椰汁燕窩…真係好鬼飽。首先蒸左條魚先…東星肉質好嫩滑…半條真係唔夠喉😋😋。跟住介紹下呢度既貝類海鮮…月亮貝…刀背同美國青口…店員話所有都係野生(見到黐住d海草)…美國青口比平時食到既青口大隻…口感有d似蠔…月亮貝就好鮮甜…肉質好嫩…刀背就比較有咬口…所有貝類都好重海水味…到主角之一既蟹啦…見到糕蟹同奄仔都爆哂糕…未食都覺得好好味…鍾意食蟹呢個餐啱哂。糕蟹d糕好似鹹蛋黃咁…好香…呢種糕就會比較實。奄仔d糕就剛剛相反…流心蛋咁…好香好creamy。未蒸時…見到有d糕係綠色既…店員解釋呢個奄仔蟹係呢個少域食

嚟到香港嘅美食天堂九龍城，想搵好嘢食一啲都唔難~今次蕃薯妹又嚟試吓呢間蒸海鮮專門店呢間「蟹仙」有幾間分店，之前試過新蒲崗同埋尖沙咀分店，兩次都非常滿足，所以對佢哋嘅品質同服務都有信心。同其他分店一樣，門口一定有大大隻招牌蟹，非常吸睛。佢哋嘅套餐有好多選擇，適合唔同胃口同埋喜好嘅食客，最驚喜係見倒有兒童餐，帶小朋友嚟食就唔使擔心小朋友無嘢好食喇由於我哋太耐無食過海鮮大餐喇 最後決定食最豐盛嘅「刁鑽海鮮套餐」$688一位。跟住落嚟我哋好似食緊殘廢餐咁，全程有專人招呼，幫食客續樣海鮮放入去蒸爐度蒸、計時，蒸好之後夾埋俾你，服務真係一流小食我哋揀咗蟹黃青瓜，原來咁樣食青瓜好好味！店員奉送炸魚皮，餸酒一流凍食野生大瀨尿蝦，真係好大條，好多肉！八頭南非鮑魚、越南大虎蝦、北海道生蠔、紐西蘭月亮貝黃膏肉蟹、澳洲龍蝦、野生琵琶龍蝦完全未食過琵琶龍蝦，店員推薦話好多食客都鐘意食，味道比起澳洲龍蝦更鮮甜，我覺得食落去似大蝦嘅味道。龍蝦都唔細隻，鮮甜彈牙！痴線咖啲膏多到咁！而且仲好多肉食，好甜。冰鎮澳洲龍蝦刺身等咗好耐，最期待嘅龍蝦刺身出場！咁新鮮嘅龍蝦用嚟做刺身真係鮮甜爽口，口質極好！食埋最後嘅蔬菜盤，店員

特別的日子，當然要食好D，今晚和老公一起來到九龍城的「蟹仙蒸氣石鍋」食海鮮慶祝慶祝。店舖位於龍崗道街口，開業已有一段時間，老板話第四間分店剛在銅鑼灣開張，能在這市道不景的日子開新店，一定是實力派。我們叫了兩份$399的套餐，共有九款海鮮，一份蔬菜籃和一鍋粥，全部都是原汁原味蒸熟的，夠晒健康。蒸每款海鮮時，服務員都會親自來按時間制，以確保海鮮是剛剛熟，不會過老。服務員要走來走去，在客人中穿梭，挺忙呢！《星班半條》迷理星班仔，肉非常嫩滑鮮甜，一食就知不是養魚。《大虎蝦》超大隻虎蝦，肉質厚實鮮甜彈牙。《九孔鮑魚、珍珠蠔》這兩款一齊蒸，服務員把時間控制得很好，剛剛熟的程度，肉質煙韌彈牙，值得一讚是鮑魚洗得非常乾淨。《刀貝蚌、月亮貝、青口》紐西蘭月亮貝和刀貝蚌，海水味濃郁。《奄仔蟹、琵琶蝦》最期待的奄仔蟹和琵琶蝦終於出場啦！奄仔蟹有滿滿的蟹膏，蟹膏濃滑似流沙蛋黃，非常滋味。蟹肉則鮮甜細嫩。琵琶蝦新鮮的程度可以當刺身食，肉質比龍蝦更鮮甜，更幼滑，簡直好食到停不了口。當然，連龍蝦頭都沒有放過。海鮮樣樣都很新鮮好味，完全不用點醬油。《蔬菜籃》有機蔬菜，是自家農場種植，粟米好甜啊。最後，當然要食埋這碗用

一直都好鍾意食蒸海鮮！因為「蒸」先可以食到海鮮嘅原汁原味，稍有少少唔新鮮都食得出！所以自己對於主打食蒸海鮮嘅食店都會好有要求！今日同朋友嚟九龍城「蟹仙」，估佢唔到、基本上令我哋成餐飯都好滿意！我哋揀咗《尊貴海鮮套餐》～呢個Package堅豐富呀！總共有10款菜式，等我逐一介紹下啦！首先上嘅係深海海星班我平時就最驚魚腥味，呢條星斑蒸魚蒸8分鐘新鮮果然係新鮮魚肉又滑又亂一啲都唔聲啊之後嘅海鮮分明就係俾我哋相機食先😂 用個又靚又大嘅大紅蟹盤上枱！即刻食慾大增啊！先蒸越南大虎蝦🦐～ 蝦肉結實彈牙，蝦頭膏鮮甜～ 負責我哋呢台嘅靚姐仲特登切咗個心形出嚟蒸添😆☺️之後係台灣九孔鮑魚、韓國慶南珍珠蠔～本身自己其實唔係特別愛好鮑魚啦，覺得無味、而且食親呢側邊通常都係好軟嫩、但咬到去中間個心呢就會韌啦！ 嘩！但呢度嘅鮑魚真係蒸得啱啱好，個心咬落一d韌都無！味道清甜，完全改善我一向對鮑魚嘅睇法～至於珍珠蠔🦪，其實都唔算細隻，蠔味濃郁鮮美，食完一隻唔夠😂忍唔住叫多半打～大西洋野生青口、紐西蘭刀貝蚌、月亮貝講到青口、出邊好多食肆都係急凍貨.... 食落完全冇味嘅！🙄一係就用極濃醬汁去cover雪味.... 呢隻野

今日同朋友行完街經過見到哩間新開食海鮮既餐廳就心郁郁咁想試吓。食完覺得係有驚喜既😆D海鮮新鮮，種類又多，岩曬我哩d超愛海鮮既人而且價錢優惠合理以後又多個同朋友既落腳點啦

都好鍾意食清蒸海鮮，特別係呢啲有鍋仲喺底嘅海鮮餐，簡直就係最正，今次嚟多九龍城呢間都幾出名食店，試吓呢度嘅海鮮餐。餐廳嘅環境光猛清潔，全晚都有專人服侍幫手蒸海鮮，而且談笑風生，態度都幾友善，令到成個用餐過程開心愉快。首先送上一盤新鮮嘅海鮮，有越南蝦、月亮貝、饅頭蟹、琵琶龍蝦，有好幾樣都平常好少食到嘅海鮮，所以心情都幾期待。其中最正嘅就係大王奄蟹，入邊嘅蟹膏多到開心死人，而且味道又甜又鮮，真係食極都唔夠，好想食多一隻。第一次食嘅琵琶龍蝦，肉質爽甜，都有啲驚為天人嘅感覺。台灣9孔鮑魚大大隻，色澤鮮艷，真係冇得輸。最後講囉海鮮粥更加係精華，粥底夠棉，又有海鮮嘅鮮味超正！

要食海鮮，真係要跟朋友搵食，今次一行幾人嚟到九龍城嘅超級海鮮專門店，就真係食到好嘢啦！呢度嘅海鮮豪華專貴套餐，做緊半價， 399一位，有好多超正又罕有嘅海鮮，自己真係唔識得食，好在有朋友帶路，介紹今次食到唔同海底世界嘅極品，揀幾樣喺度分享一下先。罕有大王奄蟹爆多蟹膏嘅蟹，又唔算多但係都鮮甜，最正嘅蟹膏入口好似雪糕咁，海鮮獨有嘅鮮味充滿口腔，好食到震！韓國慶南珍珠蠔鮮味十足而且大大件，口感入口即溶，真係極品。琵琶龍蝦第一次食呢隻龍蝦， 叉住個蝦尾一拉就成個龍蝦肉出咗嚟，啖啖肉好爽而且非常有鮮味。台灣九孔鮑魚超大隻勁有口感，真係好耐未食過咁大隻鮑魚，又唔會太硬身，蒸熟嘅時間剛剛好。越南大虎蝦估唔到有香甜嘅膏紐西蘭刀貝蚌啲房大大粒，好重海水味，味道比較咸，所以未必人人接受到。

海鮮大餐啊啊啊😋 - 尊貴海鮮套餐 $399 1. 半條海星斑老闆娘話係海魚來既 蒸真係原汁原味 好滑好impressive 2. 鮑魚鮑魚好大隻仲一啲都唔煙韌 同埋最抵讚係佢會預先幫你清理好 已經離左殼 3. 珍珠蠔蠔好飽滿 超新鮮 好creamy好好食 4. 琵琶蝦第一次食 老闆娘話難得有貨所以一定要試下 味道有啲似龍蝦幾彈口 5. 大黃奄蟹啲蟹膏真係不得了 多到爆哂出來蟹腳嘅肉都好飽滿 鮮甜 6. 粥底火鍋好清甜 有得簡加蔥同菜脯 食埋岩岩好飽哂Bonus: 炸魚皮😇因為我係電話訂位嘅 咁啱老闆娘認得係我打電話嚟 所以坐低無耐 佢送咗個炸魚皮畀我食 個炸魚皮feel到係啱啱炸出嚟嘅 因為仲暖同埋炸得好脆好正Overall推介指數：4-4.5/5Staff每次都會幫手放海鮮落蒸爐蒸 夠時間就會來幫手夾落我哋個碗部 完全唔驚辣親 全部海鮮都食得出好新鮮 同埋最緊要係清潔得好乾淨 服務好好 全程都唔使郁 食哂仲有個冰凍椰汁糖水 💯

雖然依家好多食蒸氣海鮮嘅舖頭，但依間都仲係咁多人支持，平日夜晚都滿座，今次試完終於明白點解！因為依度海鮮除咗新鮮之外，服務都好好，店員會好詳盡咁解釋俾我哋聽每款海鮮嘅特點，又會幫手蒸海鮮，完全唔需要自己操心！另外依到仲會按客人嘅喜好幫客人配搭，絕對係難得！今次第一次食所以想咩都試啲，就試咗佢嘅$399套餐。首先嚟咗嘅有台灣九孔鮑魚、越南大虎蝦、大西洋野生青口、韓國珍珠蠔、紐西蘭刀貝蚌同月亮具，基本上呢幾款都係比較有咬口同鮮甜！而個珍珠蠔都令我驚喜，細細粒但口感軟滑，又夠哂甜。然後就係食琵琶龍蝦同大黃奄蟹，肉質非常爽口，唔需要任何調味，個蝦味已經好出好鮮。另外依個黎自菲律賓嘅大黃奄蟹係只係繁殖左一次嘅蟹，啲膏係好滑好甘甜！蟹肉都好正，嫩口又多汁！最後，當然仲有蔬菜同埋結合左咁多海鮮精華嘅豬骨粥！煲落有成四、五碗，個粥除咗豬骨好香之外亦都食到海鮮嘅甜味，好正！原來仲有椰汁官燕送，唔太甜，雖然幾飽但都忍唔住食埋佢！依餐真係勁圓滿，下次想再食海鮮嘅時候一定會再揀依間。