更多
2021-06-07
2206 瀏覽
嚟到香港嘅美食天堂九龍城，想搵好嘢食一啲都唔難~今次蕃薯妹又嚟試吓呢間蒸海鮮專門店呢間「蟹仙」有幾間分店，之前試過新蒲崗同埋尖沙咀分店，兩次都非常滿足，所以對佢哋嘅品質同服務都有信心。同其他分店一樣，門口一定有大大隻招牌蟹，非常吸睛。佢哋嘅套餐有好多選擇，適合唔同胃口同埋喜好嘅食客，最驚喜係見倒有兒童餐，帶小朋友嚟食就唔使擔心小朋友無嘢好食喇由於我哋太耐無食過海鮮大餐喇 最後決定食最豐盛嘅「刁鑽海鮮套餐」$688一位。跟住落嚟我哋好似食緊殘廢餐咁，全程有專人招呼，幫食客續樣海鮮放入去蒸爐度蒸、計時，蒸好之後夾埋俾你，服務真係一流小食我哋揀咗蟹黃青瓜，原來咁樣食青瓜好好味！店員奉送炸魚皮，餸酒一流凍食野生大瀨尿蝦，真係好大條，好多肉！八頭南非鮑魚、越南大虎蝦、北海道生蠔、紐西蘭月亮貝黃膏肉蟹、澳洲龍蝦、野生琵琶龍蝦完全未食過琵琶龍蝦，店員推薦話好多食客都鐘意食，味道比起澳洲龍蝦更鮮甜，我覺得食落去似大蝦嘅味道。龍蝦都唔細隻，鮮甜彈牙！痴線咖啲膏多到咁！而且仲好多肉食，好甜。冰鎮澳洲龍蝦刺身等咗好耐，最期待嘅龍蝦刺身出場！咁新鮮嘅龍蝦用嚟做刺身真係鮮甜爽口，口質極好！食埋最後嘅蔬菜盤，店員
今次蕃薯妹又嚟試吓呢間蒸海鮮專門店
呢間「蟹仙」有幾間分店，之前試過新蒲崗同埋尖沙咀分店，兩次都非常滿足，所以對佢哋嘅品質同服務都有信心。
同其他分店一樣，門口一定有大大隻招牌蟹，非常吸睛。
佢哋嘅套餐有好多選擇，適合唔同胃口同埋喜好嘅食客，最驚喜係見倒有兒童餐，帶小朋友嚟食就唔使擔心小朋友無嘢好食喇
由於我哋太耐無食過海鮮大餐喇 最後決定食最豐盛嘅「刁鑽海鮮套餐」$688一位。
跟住落嚟我哋好似食緊殘廢餐咁，全程有專人招呼，幫食客續樣海鮮放入去蒸爐度蒸、計時，蒸好之後夾埋俾你，服務真係一流
小食我哋揀咗蟹黃青瓜，原來咁樣食青瓜好好味！
店員奉送炸魚皮，餸酒一流
凍食野生大瀨尿蝦，真係好大條，好多肉！
八頭南非鮑魚、越南大虎蝦、北海道生蠔、紐西蘭月亮貝
黃膏肉蟹、澳洲龍蝦、野生琵琶龍蝦完全未食過琵琶龍蝦，店員推薦話好多食客都鐘意食，味道比起澳洲龍蝦更鮮甜，我覺得食落去似大蝦嘅味道。
龍蝦都唔細隻，鮮甜彈牙！
痴線咖啲膏多到咁！而且仲好多肉食，好甜。
冰鎮澳洲龍蝦刺身等咗好耐，最期待嘅龍蝦刺身出場！咁新鮮嘅龍蝦用嚟做刺身真係鮮甜爽口，口質極好！
食埋最後嘅蔬菜盤，店員就會幫食客煮粥，我覺得呢個海鮮粥係全個套餐嘅精粹，之前店員將龍蝦頭都放咗入去煮，全部海鮮嘅精華都蒸咗入個粥度
個粥入面有粟米、芋頭同豬骨，加埋海鮮精華同埋菜莆，好正
我同朋友都飽到暈嘅時候，店員再奉上一碗椰汁燉雪燕，為我哋豐盛嘅海鮮餐畫上句號。滿足
張貼
