蟹仙海鮮私房．蒸氣石碢 (環海大廈)

營業中

休息中

餐廳入面有魚缸可以俾你睇當日嘅新鮮海鮮食材，可以揀自己嘅心頭好揀好想食嘅套餐之後呢就可以坐定定等職員幫我哋調校時間去蒸海鮮啦今次同朋友嗌左個尊貴海鮮套餐太平洋饅頭蟹圓滾滾既外型好可愛細細隻咁 食落好嫩滑鮮甜⋯⋯⋯⋯⋯⋯⋯⋯#^蟹黃大元貝特色海鮮醬大大粒配上蟹黃醬，超入味！野生奄仔蟹好大隻奄仔蟹超多膏 食落去啖啖都有肉㗎🧡🧡🧡食落好鮮甜 推薦必試！琵琶龍蝦龍蝦食得多 琵琶龍蝦肉質都幾爽彈牙台灣九孔鮑魚鮑魚肉質好爽彈 啖啖肉 都算好大隻加拿大野生海虎蝦虎蝦都幾大隻 蝦肉鮮甜扎實！蝦頭仲要有膏🫡🫡🫡海鮮粥食晒所有野 最後職員按大家嘅喜好加入蔥花，菜脯。本身粥底已經有豬骨同埋粟米，再加上海鮮係蒸煮之後精華落晒下面嘅粥入面！個粥好鮮甜！食到最後仲有甜品椰汁雪燕真材實料！

海鮮蒸氣火鍋，好多年前曾經好風靡過香港，但好可惜我一直都冇機會試，今次終於同男朋友扚起心肝試一試香港嘅蒸氣火鍋，未入門，真係喺門口都覺得個裝修非常之有特色！我哋係平日嚟都坐爆曬人，我想言之生意真係非常之好。之前一路都未食過，所以今次揀咗最平嘅套餐，四百零蚊一位，但係滿足晒鍾意食海鮮嘅你，係咪超抵呢！套餐入邊有蟹、有鰻魚、有蟶子、有鮑魚、有大元貝、大蝦、仲有時令蔬菜仲有非常鮮味嘅粥底！初初以為會唔夠食，食吓食吓原來都真係非常之豐富！其中非常有特色嘅就係罕有藻食綠膏蟹！真係非常之罕有，其他地方食唔到！佢特別嘅地方係呢隻蟹係食草食嘅，啲蟹膏係墨綠色，好似墨魚汁咁樣，識落甘香可口！最尾嘅粥底，因為吸收咗前面所有海鮮嘅鮮味，所以都真係非常之好味，大家一定要嚟試吓！

今日跟朋友搵食 帶左我黎試海鮮蒸鍋餐廳環境都幾闊落 每檯都有個蒸鍋仲可以見到放海鮮既水缸睇到啲海鮮勁新鮮 職員仲會推介有咩海鮮係要試或者特別今次就試左個尊貴海鮮套餐✨炸魚皮等食既時候 職員送左個即炸魚皮比我地試熱辣辣 脆卜卜 但又唔油膩 冇平時個啲咁硬身 果然即炸係唔同啲✨罕有野生奄仔蟹好大隻 平時好少見咁大隻嘅奄仔蟹職員都話好少可 而且係野生既奄仔蟹超多膏 食落好鮮甜 推薦必試！✨太平洋饅頭蟹呢個係第一次見 第一次食 好可愛既外型細細隻咁 食落好嫩滑鮮甜職員話平時少見 因為本身係深海生長係短短既交配期後先會上岸 所以好罕有✨野生琵琶龍蝦龍蝦食得多 琵琶龍蝦都係第一次食外表雖然唔太靚仔 但食落其實都幾似龍蝦肉質都幾爽彈 鮮甜多汁✨台灣九孔鮑魚鮑魚肉質好爽彈 夠晒大隻用刀叉食好過癮✨大西洋野生青口青口都好鮮甜 而且個頭都唔細 ✨加拿大野生海虎蝦虎蝦都幾大隻 蝦頭仲要有膏✨韓國釜山珍珠蠔雖然叫珍珠蠔 但未蒸前都幾大隻蒸完雖然細番粒少少 但都好鮮甜✨大蟶子蟶子食得出好新鮮 肉質好嫩滑 冇沙✨蟹黃大元貝粉絲元貝食得多 蟹黃元貝都係第一次食 元貝大大粒 加埋蟹黃食又係唔同風味✨有機蔬菜籃食晒海鮮

一次過可以吃到多款新鮮海鮮，魚、蝦、蟹、鮑魚、龍蝦、青口、蠔......都有，是不是很吸引呢！原來這間「蟹仙海鮮私房 蒸氣石碢」的「尊貴海鮮套餐」（$898/位）現正做特價，只需半價（$449/位）便可吃到多款蒸海鮮，當然吸引啦，而我這晚與太太來到吃晚飯，點了這個「尊貴海鮮套餐」吃，也甚為滿意。其實吃蒸海鮮主要都是吃海鮮的無添加原味，只要海鮮夠新鮮，生猛游水而不是雪藏貨，蒸的時間又掌握得好，不會讓海鮮蒸得過老或者不夠熟，便一定好吃。這間「蟹仙」，九龍城店我數年前去過，印象不錯，這晚來吃海鮮套餐，同樣覺得相當滿意，各款海鮮全都十分新鮮，而且每款海鮮在蒸的時候都有侍應代勞。他們既是熟手技工，在拿捏每款不同的海鮮需要蒸多久的間題上自然是駕輕就熟，得心應手，十分準繩了。這晚吃的海鮮包括有「日本野生大赤蝦」、「台灣九孔鮑魚」、「日本大元貝」、「韓國釜山珍珠蠔」、「日本深海石斑」、「大西洋野生青口」、「野生日本深海白刀貝」、「野生琵琶龍蝦」和「野生奄仔蟹」。這些海鮮全都十分新鮮，自不待言，而我最喜歡的就要算是肉色雪白、肉質鮮甜無比的「野生琵琶龍蝦」和美味爆膏的「野生奄仔蟹」。至於其他海鮮，擺放成心

朋友帶我食生日飯, 揀左呢間蟹仙, 一聽就知係食海鮮!!其實我未試過呢種蒸氣鍋, 感覺都幾好玩全程都有專人服侍嫁, 好似韓國燒肉咁有人跟~ 唔洗自己落手蒸海鮮其實真係好睇海鮮本身夠唔夠新鮮! 聽講呢間店既老闆係做海鮮入口 (睇佢店舖簡介haha) 所以對呢度既海鮮都有信心保證~~揀左個性價比最高既套餐- 每位$449 (共十款) 店員哥哥好細心咁解釋海鮮既產地同特性; 睇你自己想食邊d再揀返我地揀左”韓國釜山鰻魚”& “野生琵琶龍蝦”;是日精選係”黃金翡翠螺”& “蟹皇大元貝” 是晚最令人驚喜既係”野生膏仔蟹”個種海既鮮甜真係無辦法忘記 ， 黎到一定要試下就會明白我講咩嫁啦! “蟹皇大元貝”承接返D蟹黃 放埋落元貝到一齊食, 鮮上加鮮呢! 好正的“青口”食完呢隻新鮮既青口, 第一下既反應係覺得, 原來青口係咁既味嫁 OMG同平時食開既急凍真係唔同! 好食好多!!

這日我們去了位於尖沙咀的蟹仙，聽說這裡有些海鮮品種在外面很少吃到，比較少有，當然要去吃吃看！🤩我們這次吃的是尊貴海鮮🦞套餐，有多達10款，有罕有藻食綠膏蟹、太平洋饅頭蟹、野生琵琶龍蝦、台灣九孔鮑魚、大西洋野生青口、加拿大野生海虎蝦🦐、韓國斧山珍珠蠔、黄金翡翠螺、蟹皇大元貝、有機蔬菜籃，最後還有糖水～💯這裡有店員幫忙計時⌛️蒸，實在太幸福了～☺️😍其中最特別的是蟹仙獨家🈶鰻頭蟹🦀，平時在街市很少見🤭，薄殼，一鉗就碎了～🤣吃下去新鮮鹹甜、海水味重，🌊用蒸的方法烹調，原汁原味，特別有鮮味！😋另外來自菲律賓的奄仔蟹🦀也是比較少吃，蟹仙也是少數可以入到貨的餐廳，🥳每日由菲律賓🇵🇭新鮮空運到港，蟹膏香濃、用小叉吃的蟹肉很鮮甜！😋個人最喜歡吃蟹皇大元貝，大大粒，蒸的時間剛好，蒸出來連汁和蟹皇一起吃 ，特別鮮甜！😋吃完海鮮之後吃蔬菜再吃吸收了海鮮鮮味精華的粥，有種獨特的鹹鮮味～🌊最後還有甜品椰汁雪燕糖水，又是完滿的一餐！🥰Info店名：蟹仙海鮮私房．蒸氣石碢地址：尖沙咀天文台圍2號環海大廈2期地舖

突然諗起好耐冇食過蒸海鮮，見蟹仙嘅海鮮餐仲做緊優惠，又可以重遊舊地食爆膏奄仔蟹😆套餐有鮑魚、元貝、濟州鰻魚、虎蝦、野生青口、生蠔、刀貝、琵琶蝦或者龍蝦、同埋最重點嘅爆膏奄仔蟹一如以往全程都有職員幫手蒸同處理海鮮，輕輕鬆鬆坐定定就有海鮮食所有海鮮都好新鮮，生蠔、野生青口、刀貝等都比平時喺出邊食到嘅甜同有鮮味因為平時比較少機會食到琵琶蝦，所以今次都揀左琵琶蝦，雖然琵琶蝦唔算好多肉，但肉質真係超級甜不過最最最好味都係奄仔蟹，真係爆晒膏，好好味食埋最尾個粥底同埋椰汁官燕飽到不得了

這是一家令人鼓舞的餐廳，因為他們的套餐價廉物美貨真實料，擁有喺深海嘅饅頭蟹，同埋佢哋肥肥美美好大隻嘅奄仔蟹，另外青口真係值得一提，因為根本唔使點豉油就已經有一浸海水嘅鮮味，有時候佢哋會有唔同嘅事令海鮮，例如你可以選擇帶子或者刀背等等店員亦都會向你提出他本身的意見，整體感覺如果你在這家店舖吃一個最基本的套餐已經有賓至如歸的感覺如果你在升級吃他們的龍蝦刺身等等，那就更加完美。另外這間集團有很多分店店舖港九新界，所以呢其實就近你都會有一間！

門口有隻好大隻嘅蟹都幾得意，今次叫咗佢個尊貴海鮮套餐。加拿大野生海虎蝦，啲蝦肉都幾爽口彈牙，同埋切到個心形出嚟，呢度最好係有人幫手處理埋啲海鮮。台灣九孔鮑魚同韓國斧山珍珠蠔，隻鮑魚好有口感點埋啲醬汁勁好食，隻珍珠蠔好滑肚甜，店員幫手蒸嘅食材真係啱啱好。韓國釜山鰻魚，呢度嘅鰻魚真係必食， 出面食鰻魚通常都係燒嘅，要間餐廳好有信心先夠膽做蒸，蒸 完出嚟之後我都覺得好好味啖啖肉。蟹皇大元貝，估唔到佢隻扇貝咁鮮甜，上面配咗師傅特製嘅海膽醬。大西洋野生青口同紐西蘭刀貝蚌， 佢呢度啲海鮮呢全部都好新鮮，同出面自己買嘅好唔同， 聽店員講佢話呢度個老細做海鮮買手做咗好多年，所以入嘅貨都靚好多， 呢度食嘅海鮮真係充滿鮮味同埋有好濃烈嘅海水味。野生琵琶龍蝦， 雖然佢啲肉就唔算好多，但係一咬落去就覺得好彈牙，同埋有好勁嘅海鮮鮮味，超級好食。之後就到主角出場野生膏蟹， 一蒸完見到爆膏勁開心，啲肉都好多同埋好實淨，淨係食呢隻蟹都值回票價。
最後食埋蒸咗勁多海鮮嘅粥底，個粥好鮮味同埋充滿海鮮味真係超正。 仲有蒸蔬菜同埋糖水，個餐真係幾抵食，有好多唔同款式。係呀係呀。

海鮮蒸氣鍋有質素的越來越少，想食得健康，性價比高，首選蟹仙，有多間分店，今次到了尖沙咀天文臺道的環海大廈分店！職員就先同用蒸氣將啲餐具消毒咗一次，夠晒衛生，海鮮係師傅每朝親自揀，品質有保證！$449套餐入面已經有鮑魚、青口、元貝、刀貝蚌、虎蝦同海蠔，仲可以自己揀琵琶、龍蝦、刀貝蚌同大元貝。而饅頭蟹或者鰻魚就要當日師傅揀咗邊款啦，今日就好好彩可以食到饅頭蟹！每款海鮮蒸既時間都唔同，每一次都會由職員幫我哋蒸同拆殼，食得好舒適。店舖入面有大大魚缸裝住啲新鮮海鮮，人均消費400多元，吃到這樣新鮮又原汁原味的食材實在難得！

蟹仙海鮮私房．蒸氣石碢 (環海大廈) (尖沙咀)尖沙咀天文台圍2號環海大廈2期地舖--尊貴海鮮套餐$449一位用現金或者轉數快俾錢仲會送椰汁雪燕甜品，勁多雪燕好足料😋😋-野生膏仔蟹太平洋饅頭蟹鮮味又嫩滑，睇落細細隻但鮮味同肉身嫩滑感就係海鮮中數一數二～一年只有三至四個月可以品嚐，非常罕有-澳洲青年龍蝦台灣九孔鮑魚大西洋野生青口加拿大野生海虎蝦韓國釜山珍珠蠔黃金翡翠螺蟹黃大元貝有機蔬菜籃-海鮮粥蒸海鮮嘅精華會流落去煮下層嘅粥，店員會粟米同排骨放入粥內煮，蒸曬所有海鮮之後，再加入蔥花+菜脯就可以食粥了🔥粥底非常鮮甜，連埋菜脯食好有咬口，仲有勁多排骨，真係好足料！🫶🏻-

而家喺尖沙咀要搵一間唔限時食飯嘅餐廳真係好難！今晚想同partner傾下野，佢就帶咗我去食蒸海鮮。位置有啲唔方便，不過勝在唔限時，座位舒適。我哋揀咗$449嗰個套餐。我初頭以為佢啲蒸籠係燈罩😂第一round黎既海鮮盤～台灣九孔鮑好甜好彈牙除咗新鮮，我覺得佢嘅烹調時間好重要，佢哋拿捏得好好。野生琵琶龍蝦有啲驚喜蝦膏香滑，蝦肉肥美鮮嫩蟹皇大元貝唔錯加咗蟹粉個味道好特別，更加香口提鮮綠膏蟹好食蟹膏口感滑，甘香咸鮮，肉質結實鮮甜，好新鮮翡翠螺，虎蝦，釜山鰻魚不過不失，都有應有水準～海鮮粥底加上菜譜簡直一百分食完勁滿足啊，下次都會再同朋友嚟蒸蒸佢🤣

幾年前食過屋企附近嘅元朗分店，覺得佢啲海鮮生猛，烹調時間掌握得好，整體印象唔錯。可惜元朗店關閉了，好耐都無食過。今晚同老公一齊wfh, 好想食蒸海鮮，但又唔想買餸，決定貢出最近既尖沙咀食佢！認住呢隻蟹位置有啲偏僻，行到我成身汗。就係呢個招牌蒸籠，好可愛哈哈我哋點左$449/位既套餐海鮮無得呃人，望落已經好精神值得一讚係佢啲海鮮洗得好乾淨～份量唔算多，每款都係人頭計。重點想讚呢個蟹皇大元貝未試過食元貝上面加蟹皇原來蟹粉會令成粒元貝嘅鮮味再提升蟹粉好鮮甜，元貝十分彈牙第一次食野生琵琶龍蝦我覺得佢嘅蝦肉比澳洲龍蝦更加幼嫩同鮮甜係我最期待嘅綠膏蟹爆羔，超鮮，蟹肉都好結實肥美，十分鮮甜完全無令我失望釜山鰻魚肉質鮮嫩，加上薑絲一齊食，完全無腥味。不過個人認為蒸鱔無調味料始終都係爭少少，燒會更正更適合。最後個粥底夠熱夠綿。有排骨，粟米，芋頭等材料，再吸收埋海鮮嘅精華，無得頂食埋幾碗粥就夠晒飽啦～事隔幾年再食，水準依然雖然無華麗嘅裝修，但贏在新鮮，會再幫襯。

呢間位於尖沙咀嘅蟹仙餐廳真係超級正!佢哋嘅二人海鮮晚餐有十多款唔同種類嘅海鮮,包括一啲貝殼類,仲有隻顏色靚靚嘅奄蟹。呢隻奄蟹真係鮮嫩多汁,一啖落肚,仲要配埋醬汁,味道簡直要命!餐後更送上一碗海鮮粥,湯頭鮮甜,加埋D燕窩甜品,整頓飯真係豪華又滿足。套餐價格合理,不過既然嚟咗蟹仙,一定要食呢度嘅海鮮!服務人員都超級友善,環境又幽靜舒適,非常適合同閨蜜、情侶、家人一齊來撐場。真係食完超滿足呀! What a nice experience!

今晚嚟尖沙咀食蒸海鮮，海鮮的確係蒸先食到原汁原味👍🏻今晚叫咗$449嘅套餐，海鮮有：🔸蟹皇大元貝🔸韓國釜山鰻魚🔸加拿大野生海蝦🦐🔸台灣九孔鮑魚🔸黃金翡翠螺🔸大西洋野生青口🔸韓國釜山珍珠蠔蝦肉新鮮爽彈，翡翠螺蒸得剛好，火候全由店員控制，果然掌握得啱啱好！鮑魚洗得好乾淨仲已去除內臟，蒸完一拮就食得，好方便🤭日式鰻魚飯食得多，蒸鰻魚真係第一次😳 鰻魚件肥美又厚肉，估唔到蒸完無縮水之餘仲幾彈牙，點少少豉油調味，呢個有驚喜👍🏻店長話蟹皇醬係自家製，放響元貝上一齊蒸，特別鮮甜😋今晚最後兩款海鮮係：🔸野生琵琶蝦🦞🔸野生奄仔蟹🦀琵琶蝦雖然外表醜陋，但食落肉質爽彈鮮甜，貓奴喜歡食琵琶蝦多過龍蝦😋估唔到食海鮮都有故仔聽🤓我哋今晚食嘅係野生奄仔蟹，奄仔食得多，由來真係無深究過🤔 原來奄仔蟹係從未受精產卵嘅bb雌蟹，啲膏鮮甜軟滑，蟹肉可以一梳梳咁挑出嚟食，真係清蒸先可以食到嘅鮮味😋size都幾大隻😋食完海鮮仲有菜食，粟米好甜！🌽最後一定要留肚食呢個全晚嘅精華！拆好蟹肉食返個吸收晒海鮮精華嘅粥😍食到飽飽仲有甜品送，係暖暖嘅椰汁雪燕，甜度適中好香椰汁味，呢碗想encore呀🤤餐廳當晚都幾多人，啱三五知己收工食吓海