蜜庵本膳 (已結業)

尖沙咀出晒名多好西食，特別是赫德道！今晚就同朋友黎左呢間文青食店食番個晚餐先！😋豚三昧丼（西京燒豚、豚角煮、西京燒黑豚腸）$128 ：燒豚肉好腍，仲煮得好香口，黑豚腸好有咬口，所以配埋白飯食一流，仲配埋麵豉湯（唯一係咸左些少）。日本🇯🇵紀州南梅蘇打$38: 紀州南梅酸酸地咁配上有汽soda，飲完好舒爽。抹茶蘇打 $42: 濃滑清香既抹茶🍵味配上有汽soda,不會太甜。期間限定：春和日麗pancake （櫻花🌸寒天、櫻花忌廉、櫻花小豆蓉）$108: 擺盤好靚，最岩打卡，粉色系既pancake第一次食，個cream 好滑，加埋櫻花🌸寒天好Q彈，細細塊pancake易入口。美人軟雪糕🍦$38 ；豆乳配上甘酒（無酒精）等天然材料自家製既軟雪糕🍦，雪糕好滑，味覺清新獨特，有回甘既味道！😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

尖沙咀赫德道和寶勒巷一帶，有不少酒吧，而且每次經過都係晚上，整條街都滿晒人，所以一直給我的印象係好熱鬧。今次下午經過，酒吧尚未營業，實在冷清很多，看見一間以日式和風裝修嘅餐廳，亳不考慮便進內。店舖面積不大，只有中間幾張木枱，而靠牆四邊位置都設計成面壁高枱，目測可容納二十人。下午茶時段食物方面選擇不多，所以order了當中最飽肚的咖哩烏冬配炸雞（$58）配玄米茶，黎到嘅時候真係好迷你，只有平時食飯嘅飯碗size，爬兩啖已經食晒，不過炸雞味道不錯之後當然要試試佢地嘅米粉班戟，叫左一個期間限定春日味道米粉班戟「春莓大地 Cherry Blossom Strawberry」，（$158）🌸🍓包括日本草莓、櫻花忌廉、櫻花小豆蓉、櫻花求肥卷餅、櫻花寒天.杏仁寒天和十勝紅豆蓉，賣相精美，打卡一流，不過味道沒有驚喜，不過不失，食到一半已經飽到漏總括來說，食物質素中上，半玻璃屋設計透自然光，環境夠光猛，服務友善，而美中不足的是原本想同朋友靜靜談心，可惜廚房係開放式設計，實在有一點兒嘈吵和破壞氣氛

今次去嘅呢間餐廳好特別，同平時一般食到嘅日式pancake唔同，佢係標榜用米粉整成嘅pancake，聽講食落去會比較鬆軟，而且比較健康添佢嘅材料大部份都係日本黎嘅，所以就同朋友去試吓啦。入到去就俾佢嘅裝修吸引住，係一種以日式為主嘅木系主題，入面個氣氛都有一種好relax嘅感覺。去嗰日係晚飯時間黎，本來仲諗住叫兩個飯類嘅野，點知原來pancake係有得咸食嘅所以就叫個和牛漢堡扒咖喱pancake喇~ 濃濃嘅咖喱汁配埋pancake都幾夾鹹鹹甜甜咁好特別，加埋個和牛漢堡扒好正雖然睇落份量唔多，但都幾飽肚下，而且無論pancake定係塊扒都好高質~好正呀跟住另一個就係豚肉三味丼，分別係三種同豬肉嘅定食~首先係好好味嘅豬肉腸，仲有燒到香脆嘅豬腩肉，咁第三樣呢？ 第三樣原來擺咗喺飯嘅下邊係啲汁煮嘅豬肉，加埋個面鼓湯啱啱好~佢呢度都有啲唔同嘅飲品，我就叫咗杯焙茶cocktail~ 竟然俾佢諗到用日式嘅茶配埋酒精整呢杯野出黎，真係好特別啊味道都好好，出邊絕對搵唔到呢個配搭呀~最後我哋仲叫咗兩款雪糕添，一個就係咖啡味嘅雪糕另一個就係用米酒整成嘅雪糕，而且特別嘅係冇落奶嘅，食落去就非常之健康，唔會好甜但

尖沙咀近k11附近有一間非常日系的餐廳，名為「 蜜庵本膳」，餐廳以柔和的木製品裝修設計，擁有優雅舒適感，環境幽靜。餐廳食物選擇不算多，我來到的時候剛好是下午茶時段，來點一個輕型的下午茶套餐。「 茶茶火鍋一人前」配上香濃抹茶醬汁，用小型瓦煲火鍋盛上。 火鍋配料由日本草莓、明月蘋果、栗子、艾草玉子、白玉子及棉花糖。用新鮮水果及食物每粒沾上抹茶醬汁後再輕輕進食，味道苦澀中帶甜香，感覺很不錯。來到少不免也點一個「米粉班戟」， 今次來個反傳統大改革食過鹹味的米班戟，「 唐揚雞腿肉」即是唐揚炸雞腿配他他醬，配加拿大產100%有機楓樹糖漿。米粉、蛋、粟米粉來自日本，而發酵牛油來自法國。炸雞香脆可口，不油膩，而且雞肉好滑溜，沾上他他醬更滋味。 米餅班戟有很香的米醬及雞蛋味，點上甜甜的楓樹糖漿，味道很不錯。再來吃一個「 咖啡京茶軟雪糕」，淡淡咖啡香中帶點豆乳香濃，不算太甜，很好。飲品就點了甘酒是比較滋潤養顏，無酒精，是飲用的神仙水，我就叫來一杯「 日本產艾草豆乳甘酒」，賣相雖然不太討好，味道帶濃郁的艾草，飲完立即覺得血氣運行得很好。另一杯就是「 焙茶甘酒拿鐵」，茶味香濃，不苦不澀，感覺天然健康。

天陰陰，下著毛毛雨，非常適合去間cafe 嘆個靚靚下午茶。 尖沙咀又唔少特色嘅cafe，位於赫德道呢間日式嘅cafe，下午茶夠特別，不失為打卡嘅好餐廳。環境光鮮裝修別緻，好有日式嘅風味。坐落去好舒服，即刻消除咗陰天納悶嘅感覺。 呢度出名日本嘅甘酒， 其實係冇酒精嘅，而且仲係日本養顏護膚嘅神仙水添。 抹茶甘酒拿鐵， 同坊間飲嘅綠茶拿鐵味道差唔多，但係特別在加咗甘酒，多咗一陣甘酒嘅味道，與別不同。 唔好睇呢杯嘢黑漆漆， 其實佢加入左艾草，可以理氣血， 驅走濕寒。加埋甘酒，就係艾草甘酒豆乳。 但佢嘅味道唔係個個人可以接受。 抹茶蜜火鍋拼盤， 拼盤非常精緻有水果，棉花糖，栗子蕃薯同埋艾草玉子串，番薯好淋好軟熟加埋抹茶，甜到漏呀。 櫻花做主題嘅春回大地， 六層嘅鬆餅上面鋪滿咗櫻花嘅忌廉，仲有日本草莓，櫻花豆蓉等等， 真係食到舐舐脷呀。 最後當然唔少得呢兩款出名嘅素食雪糕啦。完全冇雞蛋同埋牛奶加入，所以非常健康，但口感卻非常幼滑。 左邊係甘酒雪糕所以稱為美人雪糕，因為可以養顏， 而右邊就係咖啡味嘅雪糕，食落好濃好香嘅咖啡味。

近排見到好多人嚟呢間餐廳打卡，見到啲食物賣相好精緻，吸引到我晚市都有好多選擇，有主食、甜品、飲品多款選擇。 飲品先叫咗杯幾日本紀州南梅蘇打， 味道酸酸哋，加埋梳打非常gur。另一款飲品叫咗焙茶甘酒拿鐵， 配上頂級日本抹茶蜜及自家釀製甘酒。 面上有好多奶泡，再曬上焙茶粉。 飲落去有培茶香， 奶味都濃。呢度嘅pancake相對地出名，因為係用日本米粉製作而成，試左個鹹點pancake，係日本和牛漢堡咖哩pancake一份有六塊pancake，份量頗多，一定夠飽。唯獨是咖哩汁如果多啲就更加好，不過咖哩汁比較濃味，所以掩蓋咗pancake嘅粉漿味。豚三味丼:有西京燒豚、豚角煮及燒黑豚腸， 配麵豉湯及前菜。 飯入面仲好多豚角添飯後甜品來個美人甘酒芭菲及焙茶咖啡雪糕。 呢度啲雪糕係冇用奶成份， 所以比較挺身。 豆漿味雪糕比較濃，咖啡嘅雪糕就比較甘苦。餐廳食物賣相靚，適合打卡影相。

喺香港10個女仔 , 當中有9個會鍾意食pancake, 我也不例外， 我喜歡食pancake的程度，真是高到一個點，就是每日吃也不會覺得厭倦。在很多的網絡媒體都見得到，近排流行吃 日式-pancake, 不論好食與否 , 只要是賣 日式pancake 的餐廳 , 總會成為打卡熱點 , 近日在 尖沙咀 就有一間叫 蜜庵本膳 的餐廳 , 好出名，嗰個年輕人都會去試下我都不例外。日本紀州南莓蘇打味道清新微甜 , 滿是春天的氣息 , 感覺很爽 ~春和日麗 Cherry Blossom 這個是限定產品 (期間限定春日味道) pancake 是好特別的米粉班戟，煎得鬆軟輕柔 , 伴上了櫻花寒天、櫻花忌廉、櫻花小豆蓉 , 入口時就好似可以大叫一句 .... 好好味呢 ! 真是不能抗拒的魔力 !!

上星期趁放假，便跟他到尖沙咀【蜜庵本膳】食創意日本菜。 店內特設半開放式廚房，可直擊美食的製作過程。店內環境雅緻舒適，可輕鬆歎美食。出發前做過點資料搜集，知道店內有特色米粉班戟、熊本和牛、甜品等美食。【和王牛漢堡咖喱】HKD188牛魔王又出動啦，今次點了一個即叫即做、極具創意的咖喱和牛米粉班戟。班戟用上米粉取代麵粉，可令質感更綿軟；再配搭熊本縣A5和王牛及特製香辣咖喱，賣相吸引，令人食指大動！切開後，清晰可見層層疊的鬆軟班戟，上面有層厚厚的免治和牛漢堡，軟滑和牛沾滿微辣的咖喱汁，味道不錯！【炸三文魚柳伴芝士菠菜濃汁】HKD108大廚先將厚厚的三文魚柳炸得外脆內軟，把魚油鎖緊，配以帶有微辣的明太子醬，最後淋上香濃的芝士菠菜醬汁，令視覺及味覺豐富起來，帶來估不到的驚喜！ 隨餐仲附送湯物及漬物添！餐後少不了飲品及甜品。店內提供「丸石釀造純米酒調配果酒」及「金宮燒酎雞尾酒」。我們叫了充滿果香的【魅惑之梅酒】HKD58及咸咸酸酸又醒神的【檸檬塩高球】HKD58。 甜品方面，店員見我們有選擇困難，便推介我們【提拉米蘇芭菲】HKD88及【美人軟雪糕】HKD38。芭菲用上咖啡京茶軟雪糕、朗姆酒餅、芝士

最近心心念念好想去日本旅行，既然冇得去日本咁一於食日本菜當補數，之前成日經過呢間餐廳都俾佢日本風嘅裝修吸引，喺門口仲見到佢哋用日本米，非常難得入面採用暖色系嘅裝修，令人感覺非常舒服，我揀左坐係窗口位，可以一路食一路望住條街chill下佢哋嘅定食套餐非常吸引，啱晒一個人食但係又三心兩意想叫好多個餸既人。沙律菜非常新鮮鮮甜。香菇菠菜係一樣非常有營養嘅菜式，菠菜完全冇澀味，調味得非常出色。柚子風味燒雞亦都唔錯，雖然係燒雞但唔會俾人油膩嘅感覺，而柚子味亦都非常清新。季節野菜鍋就啱晒想健康嘅人，呢個嘅味道就比較清淡。好吸引到我嘅日本米，一粒一粒非常有咬口。食日本菜點可以唔配味增湯呢。食完之後仲有甜品，美人配美人雪糕，雪糕香滑可口，為我今日呢一個悠閒嘅午餐作完美嘅句號。

早前看到友人分享 已急不及待想去試試看 餐廳除Pancake外，更有提供飯，烏冬等等選擇也算多，環境也舒適焙茶甘洒拿鐵用上頂級焙茶蜜加上店家自家釀甘酒焙茶味道適中，面上泡沫也夠厚身，帶點米酒的酸味，可惜的是不夠熱，只有微溫日本產艾草豆乳甘酒艾草能理氣血，止冷痛男友說味道不錯咖哩和牛漢堡Pancake店員有説Pancake是用米再磨成米粉而造成，吃起來會更鬆軟賣相不錯，有不少蕃薯乾伴碟 和牛味濃郁，配上咖哩汁的確不錯Pancake鬆軟，但個人覺得味道被咖哩汁蓋過帶點可惜美人軟雪糕，咖啡京茶雪糕咖啡京茶雪糕咖啡味非常濃，吃後回甘 美人軟雪糕用上甘酒加白米製造，無酒精帶點米香，雪糕挺身且 港鐵尖沙咀/尖東站 N3 出口, 步行約3分鐘

我同同行友人都好中意食日式定食，覺得一個盤咁拎出黎好有feel，所以今次就試下呢間。星期日既中午人流唔算多，有幾枱人，我地揀左bar枱坐，環境好舒服好啱同🐢🍯傾下計(｡･ω･｡)職員服務態度超好，令人好有係日本既感覺！！☑️自選三主菜定食 $128明太子玉子燒+牛油雜菌燒帶子+辛香咖哩雞鍋(๑˃̵ᴗ˂̵)و 食物一小碟一小碟咁擺得好精緻，份量啱哂女仔，好有日本風情～ 但係雖然擺得好靚，可惜今次揀既食物味道普通，期待下次黎試佢地既甜品同其他主菜吧⊙︿⊙

今日毛毛雨 真係好好瞓瞓到自然醒感覺真係好舒適令我回想起之前去日本玩既感覺 一樣都係咁毛毛雨自自然然就上網搵下有無D 日本feel既午餐 之後就搵到呢間個名好特別既餐廳 入到去門面個感覺好似入咗muji咁 好簡潔之後叫咗個自選三主菜定食我叫嘅有 雜菌帆立貝南瓜高野豆腐醬油煮主食係關東煮配白飯甜品係甘酒豆乳雪糕🍦令我最懷念嘅係依個個白飯因為喺香港從來未食翻過係日本先食到既白飯明明其他餐廳都係用珍珠米不過就係佢哋呢間嘅珍珠米先可以食返日本嘅味道雜菌凡立貝係用牛油一齊煎炒 夠晒入味甜品甘酒豆乳雪糕 口感好似乳酪味道就有少少好似豆腐花嘅味不過亦都唔會太濃而當中還有少少米嘅香味如果佢呢個雪糕可以有外賣嘅話我可能會經常過嚟食🍦

今日和太太往尖沙咀信號山公園, 之後途經赫德道見到蜜庵本膳這間好似櫻花顏色的門面, 於是便去這餐廳食lunch, 餐廳好闊落, 很有和式餐廳感覺。我們點了兩份自選三主菜定食, 我點了蔥花吞拿魚醬配日本蛋黃, 牛油雜菌燒帶子、白湯關東、十穀飯、味噌湯、沙律、雜菜、咖啡梳打和京茶咖啡雪糕；太太則點了南瓜高野豆腐醬油煮、柚子風味燒雞、大根牛尾、十穀飯、味噌湯、沙律、雜菜、荷蘭夜特飲和甘酒雪糕。蔥花吞拿魚醬配日本蛋黃蔥花吞拿魚食落鮮甜, 拌上香甜蛋黃一起進食, 口感豐富；牛油雜菌燒帶子雜菌有金菇和秀珍菇食落爽口, 牛油味香濃、帶子食落鮮甜；白湯關東湯底清甜可口, 關東有魚餅, 獅子狗、鳴門卷、芋絲和白蘿蔔, 魚餅, 獅子狗和鳴門卷食落彈牙, 芋絲和白蘿蔔食落爽口鮮甜；十穀飯食落軟硬十足, 口感豐富；味噌湯鹹度適中, 湯底清甜, 湯內有切絲的紅蘿蔔和白蘿蔔, 味道鮮甜爽口；沙律和雜菜新鮮爽口、咖啡梳打咖啡味道香濃, 甜度適中, 配上梳打水飲落口感清新；最後京茶咖啡雪糕是餐店自家製雪糕, 香濃咖啡和賠茶食落香濃軟滑, 甜度適中；太太的南瓜高野豆腐醬油煮豆腐香滑；柚子風味燒雞食落肉質鮮嫩,

最近見到有啲food blogger推呢到嘅班戟，不過我今次就唔係tea time去，所以就試吓佢哋嘅lunch set～自選三主菜定食 $128 都幾多選擇，我揀了十穀飯、冷盤：蔥花吞拿魚蓉配日本蛋黃、燒/炸物：山芋素揚、鍋物：大根牛尾煮，跟餐送餐湯、沙律同甜品。原本以為只可以喺日本安心食生蛋黃，但呢到主張用高級食材，所以好放心喺到食蛋黃撈吞拿魚蓉，蛋黃流出嚟、以至同吞拿魚蓉mix埋一齊，都係令人幸福嘅感覺🤤💕山芋素揚口感外微脆內爽口，唔會太熱氣，追求口感必叫！大根口尾煮嘅精華喺哂啲大根到，送飯食一流🥰作結嘅係咖啡京茶雪糕，店員話佢哋嘅雪糕都係無蛋、無奶嘅，食落口感比平時嘅雪糕滑溜，有咖啡嘅濃之餘，亦有培茶嘅香，出色啊～如果你鍾意睇我嘅食評，不妨關注我，支持吓我，謝謝你☺️💕

上次讚左，今日其他無去既同事就要去食下究竟係咪咁好味今次無叫牛尾，試左另外既關東煮，吞拿魚他他同柚子脆皮雞老實講關東煮比較失望，5夠熱而且味道偏咸，吞拿魚撈落飯就非常一流，但飯太大碗撈5到成碗飯就有dd美中不足柚子雞好香柚子咪，肉味5錯，皮夠脆！要大家欣賞下就係d餐具，係今次食評既重點真係好令，其實上次都已經影過，今次個碗既顏色真係太令粉肉色配十穀飯真係一絕，令到味道都增添不少大家去食真係可以欣賞下佢地d咁精緻既餐具，小菜碟都好令讚讚讚