蘇山雞飯

營業中

休息中

呢間一直都人氣爆燈，難得見到唔洗等就入去食下，整體食物質素都好好，價錢唔貴。而餐廳好光鮮，雖然，地方唔算好大，但都大約坐到30人。餐廳係用自助落單，簡單方便。今次兩人叫左兩個餐加三份小食，每人平均百二左右。⭐獅城芽菜走地雞飯配輕怡新加坡白胡椒肉骨茶 $85走地雞既皮肉間完全無多餘脂肪，而且估唔到走地雞都可以咁滑，配埋三種醬，相當惹味。呢款肉骨茶唔係平時藥味個款，胡椒味好濃好出，唔咸飲落仲幾舒服。⭐巴東牛肉飯配江魚仔椰漿飯 $75份量都唔少，呢到既巴東同辣醬係分開，剩食巴東係唔辣仲多左份甜甜地既味道，加埋椰漿魚仔花生，香口又口感豐富。⭐鮮油咖央多士 $22超級邪惡美食，麵包烘過脆面，夾住厚厚既半溶既軟滑牛油，加埋椰香甜甜咖央真係好好食，必食之選。⭐炭燒豬肉串 跟餐+$20跟餐加小食一碟有三串，香口肥美，好Juice。⭐魚餅拼鳳尾蝦春卷 跟餐+$22跟餐加小食大碟各兩件，魚餅香口正常，春卷真係有成隻蝦係入面，非常鬆脆。

📌鴛鴦海南雞飯 (HK$88)平時食海南雞飯多數都係配清湯，今次竟然係配上白胡椒肉骨茶！肉骨茶有驚喜，比平時嘅重色傳統肉骨茶多了白胡椒香味，豬骨亦都煮到軟淋！海南雞飯分量正常，夾雜了雞胸和少許雞髀肉，連埋醬汁一齊食，撈埋油飯，唔錯！📌龍蝦叻沙摻摻 (HK$88)有魚蛋、主角龍蝦半隻！湯底味道濃沃，唔算話太辣，波士頓龍蝦足足半隻，呢個價錢嚟講絕對抵食！📌椰青 (加配HK$30)新鮮清甜！最緊要係夠凍呀！夏天飲就最啱喇，消暑解渴！📌香茅薄荷特飲 (加配HK$15)清爽之選～📌參巴辣蝦醬通菜 (小食 HK$38) 通菜嫩綠，炒得幾香！通菜真係我最愛食嘅蔬菜！📌炭燒豬肉串(小食 4串 HK$38)我原先以為係豬肉片，原來係免治豬肉棒，食落去又幾特別喎，幾惹味香口～

究竟兩個人可以食到幾多嘢😂今日經過長沙灣，見呢間幾光猛新淨，就試試啦😂叫咗都幾多嘢😂好開心🤤海南雞飯勁正，係一隻髀呀！都幾大隻😍好入味！雞肉好滑🤤🤤點埋個醬汁撈埋個油飯，真係perfect😍另外隨餐仲有碗雞雜冬瓜湯😋😋都幾足料大碗㗎😍推介👍🏻👍🏻之後叫咗個海鮮喇沙湯麵，上檯都哇咗一聲😂半隻大龍蝦呀😍😋超正！幾新鮮！好味👍🏻👍🏻湯底好椰香味，豆卜又索晒啲湯汁，好好食啊🤤🤤🤤另外3款小食，有魚餅，豬肉串同埋雞翼😆😆魚餅唔錯，好香，都有啖啖魚香味😋😋豬肉串好有驚喜，入味，又唔油！好食😋😋炸雞翼就冇乜特別，基本嘢👍🏻飲品我哋叫咗青檸菠蘿梳打水🤤都幾大杯，梳打水係成枝比你慢慢加嚟飲，幾好飲，唔算甜🤤👍🏻👍🏻-招牌海南雞飯配雞雜冬瓜湯 $108 隨餐加 Susan 雞翼 （3隻）-龍蝦另喇沙摻摻 $88 （豆卜、魚片、魚蛋、龍蝦、芽菜、通菜、蛋）-泰式魚餅（4件）$32-順化炭燒豬肉串（4串）$38-凍青檸菠蘿梳打水 $12/杯

.📍蘇山雞飯 📍香港長沙灣元州街411號義華大廈地下我真的想像不到長沙灣周五晚上8:45居然還有人在店外排隊🤔我就來排排看，點了走地雞飯配冬瓜湯(85hkd)、迷你星洲叻沙(38hkd)、麻辣玻璃魷魚通菜(48hkd)，個人覺得必點走地雞飯，走地雞比海南雞的雞味更濃，口感也很嫩滑，油飯真的好好吃😋粒粒分明吃起來很香，下次一定會再點這個❣️小吃我們直接選了甚麼都有的小食拼盤(78hkd)和鮮油咖央多士(22hkd)，拼盤有雞翼、鳳尾蝦春卷、黑椒扎肉、豬肉串⋯每款都有兩件😆但本場最佳一定是咖央多士😭牛油好厚好邪惡😭配著咖央完全停不下來😭飲料選了青檸菠蘿梳打水(跟餐+9hkd)和美祿恐龍(19hkd)，梳打水清爽不會過甜，而且自己倒汽泡水好有儀式感😂不過我獨愛美祿恐龍🔥

朋友推介嚟呢間食星馬菜，於是呢晚收工，就同男友過嚟橕吓枱腳。鋪面唔算好大，但裝修都好骨子，座位同座位之間都保留距離。我地坐低咗之後，店員馬上拎咗兩杯熱水俾我地，服務尚算周到，抵讚！我地揭咗一陣餐牌，每樣食物都好吸引好想食！同埋而家已經先進到可以用QR Code落order, 非常方便呢！我地終於點咗呢度嘅招牌菜：海南雞同叻沙摻摻！另外，仲加配咗啲小食同飲品！五分鐘之後，熱辣辣嘅食物上枱啦！海南雞非常嫰滑，雞皮晶瑩剔透，爽口彈牙！仲有三款特色醬料配搭食用，感覺真係好似去咗新加坡咁呀！脆炸鳳尾蝦春卷好香脆，泰式魚餅好好味！星洲龍蝦叻沙摻摻，有油麵同米粉兩溝，好飽順化炭燒豬肉串，又係好嘅小食鮮油咖吔多士，飯後甜品麻辣玻璃魷魚通菜，上枱時都係熱辣辣，風味十足！恐龍美祿，好大杯！上枱時太興奮唔記得咗影，飲到一半先記得是晚懸掛三號風球，但仍然有不少食客陸陸續續前來光顧，可見這間食店是相當受歡迎呀！以後過開嚟長沙灣都會嚟食吓嘢呀！

環境光猛，一邊卡位，另一邊就挨牆有梳化，落單自己scan QR code落，上菜速度可以話極速⚡️7:00pm開始人流不斷，6:45pm前入座都唔洗等。✨味道72分，環境70分，服務68分。.🔸鮮油咖央多士($22)⭐️多士夠脆夠熱，夾住塊厚厚既鮮牛油，加上甜甜既咖央，雖則邪惡但好香口。.🔸豐盛海南雞飯(半隻) ($128)⭐️配油飯，雞雜冬瓜湯，海南雞都有半隻。海南雞好嫩滑，好入味，夠多肉，皮厚薄ok。油飯勁正，每粒都吸到雞油同斑蘭香，夠色水。雞雜冬瓜湯，入面有冬瓜粒，仲有雞腎，其他雞內臟。.🔸新加坡白胡椒肉骨茶配白飯+油條($78)唔係傳統好濃郁好深色果隻肉骨茶，係新加坡潮式肉骨茶。肉骨茶顔色偏淺，味道較清淡，胡椒味出啲。.🔸馬拉盞炒椰菜苗($45)味道偏鹹左少少，馬拉盞個鹹香都可以既。.🔸凍爆爽檸檬茶(+$9)茶底夠濃，檸檬都不吝嗇落四大片，味道好夠。.🔸金裝柑桔蜜(+$15)有點太甜，可能落太多柑桔蜜。

咁耐冇去旅行，又好想食下東南亞嘢，於是就search下附近有邊度可以食到肉骨茶或者海南雞飯，然後就搵到呢間野，啱啱又喺地鐵站附近好方便，於是就搭車去試一試。入到去睇一體餐牌，令我非常之驚喜嘅係，入面嘅肉骨茶唔係喺藥材味，而係好少喺香港搵到嘅胡椒味，老闆話專成由馬來西亞進口所以咁特別。而且除此之外，亦都有海南雞飯同埋咖吔多士。簡直係一次過滿足晒我三個月願望。要特別提一提嘅係，胡椒味嘅肉骨茶喺香港好難搵到，呢間店都整到係星加坡食嘅味道。真係希望佢可以開多幾間分店。嗌咗個兩個冰凍椰青，啲椰青肉都好嫩同啲水都好鮮甜，後來先至發覺原來仲有阿華田恐龍，早知一樣嗌一個！下次一定要試埋呢杯阿華田恐龍。

聽住係長沙灣嘅朋友講，呢間舖成日都排長龍，人龍店梗係要黎試下❗️Gogogogogo‼️🌖巴東牛肉椰漿飯 $68巴東牛肉🐮有咬口得黎又唔會死實實，醬料味道濃郁，啱重口味人士！眼見有辣椒🌶️，但其實完全唔辣，唔食辣嘅朋友可以自己清曬一碟，仲話下次黎食都會考慮再order；椰漿飯嘅椰漿味唔算好濃，但獨立食嘅話係一定食得出椰漿味。🌗烤豬肉串（4串）套餐加配價$18啖啖肉，不過表層油左少少。🌖星洲龍蝦叻沙摻摻 $88本身想叫蝦叻沙，點知鬼掩眼叫左龍蝦🦞叻沙🙈。喇沙味道適中，豆卜吸滿叻沙湯，放入口咬開嘅時候噴湯汁出黎嘅感覺最正😆😆。一份摻摻正常有半隻龍蝦，我地得到半隻龍蝦殼😳，搵勻成碗都唔見有甩左出黎龍蝦肉，唔通係拆碎左d龍蝦肉放入湯中一齊熬湯🤔，問返店員原來舊龍蝦肉真係甩左出，隨即就補返半隻龍蝦比我地勒～～～跟餐仲有咖央多一份，薄薄一層咖央醬加埋厚厚嘅牛油🧈真係極邪惡，好彩四人同行，每人食四份一件，罰惡感先無咁重咋🙈🙈。🌖招牌海南雞飯 $68成碟都起曬骨，食用超方便～～雞胸位置都好軟滑！一啲都唔柴👍🏻。雞皮都幾爽口唔會油淋淋，餐湯好重胡椒味，仲有好多粒無渣蘿蔔。🌖白胡椒肉骨茶 $73肉骨茶有兩大路線

【鮮油咖央多士】可以話係星馬菜必食之一，兩塊薄脆麵包皮夾住嗰一大塊厚厚嘅半溶牛油🤤 加埋精髓嘅咖央醬，呢個味道真係冇得輸，牛油入口溶化，感覺好🈵️足！食得星馬菜，當然唔可以錯過海南雞飯同叻沙啦😋 而呢個【招牌海南雞飯配迷你星洲叻沙】套餐就可以滿足哂你2️⃣個願望！海南雞味道好出色，皮滑肉嫩，帶少少雞油脂香，跟埋油飯就perfect池啦！ 而迷你叻沙配料都唔少，有大蝦、豆卜、米粉油麵，都有大約7-8口份量架！.另一個招牌菜【Susan豬手飯配魚丸湯】都要大讚一下👍 豬手份量大大碟，好好食！呢個價錢再跟餐包埋飲品，真係好抵食！必試！

今日黎到長沙灣搵食見到海南雞飯專門店就決定入去試下招牌係海南雞飯，但仲有好多新加坡菜式喇沙，肉骨茶，椰漿飯等等招牌海南雞飯我見8成既客人都叫左，令我好期待到放左入口就知道點解咁受歡迎雞件好滑，好軟淋帶一點爽口，口感岩岩好雞味好濃好入味將因喜好點上3種醬汁一定有一種你會愛上黃飯亦好入味，口感剛好一啖雞一啖飯食到停唔同獅城芽菜走地雞飯雞件同樣出色，非常推薦肉骨茶好地道，一定要試順化炭燒豬肉串好肥美既豬肉咬開d油香爆哂出黎用黎送飯都係一流馬拉盞炒椰菜苗用馬拉盞炒好開胃椰菜苗好嫩好新鮮好好咁中和左食完正餐膩感推薦

長沙灣附近比較多office一路都覺得呢度d餐廳都係以喂飽各打工仔今日friend介紹話開咗一間海南雞好有驚喜決定試試今日放工餓爆，叫咗孖寶海南雞、豬比飯、小食拼盤、架央牛油多士。滿足到不得了。先講下個雞飯椰香十足，飯粒粒分明，看上去算是比較尖細的米粒。咬後會留下淡淡椰香之後會再迎來濃厚的米香。如果再濕潤一點點，就滿分了。雞滑嫩，而且不會太乾，水潤水潤地，搭配三色醬，食到停唔到口。很建議黑醬油，有驚喜。白胡椒肉骨茶新加坡的潮式肉骨茶，與馬來西亞的不一樣。沒有那麼的重口味。大量白胡椒的香氣，然後是藥材香。排骨頭很大塊。但有一點柴～其他都很不錯。豬比飯入味很足。皮彈滑的。最加分係個人私愛的炒花生同搭配很台灣味的酸菜。試過你就知，很驚喜，差d想外賣配菜。總體來說，已經加入了突然想吃東南亞菜，就會腦海中出現的那個選擇了

成日聽人講話長沙灣好多高質食店，今次一於過嚟搵食，搵到呢間網上已經好多正評嘅食店下午茶時段嚟到就試吓下午茶餐➡️輕怡海南雞飯配輕怡新加坡白胡椒肉骨茶 - 雖然喺下午茶餐但份量都好足，大大碗飯而雞件都有5-6件。碗肉骨茶都好足料但就略嫌唔太夠肉骨茶味➡️星洲叻沙摻摻 - 油麵夾米粉，而配料份量好足，有青口，魚蛋，魚片，蝦同豆卜➡️泰式魚餅拼脆炸鳳尾蝦春卷，不過不失，相比之下鳳尾蝦春卷好味過魚餅➡️樽仔咖啡，同老闆吹咗幾句先知雪山冰廳都喺佢哋，怪不得佢哋都有雪山名頭嘅樽仔奶茶/咖啡，我就覺得奶茶好飲過咖啡整體佢哋嘅下午茶餐份量足夠又抵食，食物質素唔錯，價錢合理，不失為一個好選擇

海南雞飯餐雖然部位唔靚但肉質夠淋滑油飯麻麻地，偏乾硬而且唔香叻沙真係可以唔需要特別試喇！唔難食但亦唔好食！三款醬都非常出色 滷水豬手飯皮夠Q但又夠淋滷得好入味，但調味偏咸哩個似港式滷水唔似泰式咁會甜整體品質都唔錯可以再食😌

去開長沙灣揾吓有咩茶餐食見尼間幾OK有肉骨茶又有海南雞飯雖然係茶餐但都要$58凍飲加$3肉骨茶～唔太入味有點失望海南雞飯～雞OK!但無乜雞味！但個飯麻麻哋熱薏米水～都係麻麻哋

今日去咗一間食星馬菜嘅餐廳，性價比極高，好正，不過好多人要早啲去等位，好彩條人龍都去得快～獅城芽菜走地雞飯 配輕怡新加坡白胡椒肉骨茶 $85我超鍾意白胡椒既肉骨茶，辣辣地好惹味🤣個豬骨好淋！可以餸埋飯，豆卜都好入味。正👍🏻 走地雞都係雞髀肉，加分😍同埋佢可以揀多飯，大食嘅朋友都唔使驚～佢仲可以加唔同小食，魚餅同春卷都炸得好香口～鑊氣路邊炒裸條 $78呢種裸條同出面食有啲唔同，不過佢好多料，有魚片、蝦、蛋、臘腸，食到你飽到傻😂 建議兩個人share，一個人真係搞唔掂😂味道唔錯，抵食之選馬拉盞炒椰菜苗 $45馬拉盞都可以揀少辣/唔辣，叫左少辣都唔算辣，完全可以感受😃 都係性價比好高，好大碟，食通菜食到悶可以試吓呢款👍🏻