蘇山雞飯

營業中

休息中

🐔可請職員落單 / 以QR Code自行落單📲🐔下午茶餐 ： 2pm - 6pm海南雞飯 (下午茶餐) $60可選跟油飯 / 白飯，飯量亦可加減。油飯，香！海南雞肉質滑得嚟有咬口，雞皮口感似食緊海蜇咁爽彈！ 即使肥膏位咬落亦爽身、唔油膩！ 這點不是每間海南雞店都能輕易做到，食得出過冷河過程處理得非常好。+$10 轉輕怡肉骨茶新加坡潮式肉骨茶湯底，蒜頭味、胡椒味香濃得嚟易入口，唔嗆喉！排骨，軟腍入味巴東牛肉椰漿飯$75可選跟椰漿飯 / 油飯 / 白飯，飯量亦可加減。巴東牛肉，分量多，椰漿味重，參巴醬、魚仔乾、花生粒，鹹辣味道撈埋椰漿飯一齊食，夾！炭燒豬肉串(4串）$38甜甜哋，有肉汁，燒得唔燶唔乾！參巴辣蝦醬通菜$38惹味，有鑊氣！蛋白杏仁茶$30甜甜的，滑溜椰青$42清甜！恐龍美祿$12滿滿美祿粉，可選多奶 / 少奶 / 走奶_______________蘇山雞飯長沙灣元州街411號義華大廈地下_______________

-//位於長沙灣·星馬餐廳✈️食物用心製作💖招牌菜有海南雞飯、咖央多士、星洲叻沙等📍星洲叻沙摻摻 $55大家都知一碗麵嘅靈魂，肯定係個湯底🍜呢個湯底唔單止濃郁 椰漿味突出🥥份量又多配料仲好豐富 有豆卜,魚片,青口,芽菜,雞蛋等不過一定要趁早食，啲麵好快會吸哂啲湯🤣📍豐盛辣死你嗎（雞+牛）$93呢碟充滿東南亞風味😂椰漿飯混合咗班蘭葉所以就係變成綠色嘅飯💚第一次見幾特別個人幾鍾意個汁唔辣架 牛肉仲好淋 好入味配埋炸過嘅花生🥜仲有好香脆嘅小鳳尾魚喺香港真係未食過，絕對係有另一番風味📍鮮油咖央多士🧈$28另一款必食推介👍🏻即叫即烘 香脆 熱辣辣🔥烤過嘅多士，夾住滿滿咖央醬+勁厚身牛油真係好足料 誠意滿分，卡路里要頂住啊😵‍💫雖然真係超級無敵邪惡，但變肥豬都要食🐷📍特色小食拼盤 $78呢個拼盤有雞翼、泰式魚餅、脆炸鳳尾蝦，順化豬肉串、仲有黑椒扎肉，5個小食各2件春卷炸得幾脆口，連埋泰式醬就更加惹味😝📍跟餐金裝·凍柑桔蜜+$15@1🍊 味道酸酸甜甜，飲落偏淡 唔會好

又有得出街食好西啦😍 長沙灣蘇山雞飯主打星馬菜剩係睇相都流哂口水啦🤤店內以黑白格仔地板 配以粉色磚牆卡位盡頭有個寫住海南雞嘅玻璃窗框🪟幾有特色👍▫️豐盛海南雞飯 ($128)黎得蘇山雞飯當然要試下海南雞飯😍呢個豐盛有成半隻無骨海南雞🐔無骨雞肉非常嫩滑 啖啖肉嘅感覺好好👍油飯吸收左雞油同斑蘭葉香味 配上三款海南雞醬汁👍隨餐仲有一碗冬瓜粒湯 入面加入左雞肝同雞腎 好入味▫️新加坡白胡椒排骨茶湯米粉 ($68)白胡椒肉骨茶算係比較少食嘅味道湯頭較清淡 配上米粉做湯底都幾夾🥰排骨肉質夠腍 加埋油炸鬼 將佢放入湯索哂肉骨茶嘅湯 有種外脆內軟感覺👍▫️恐龍美祿(特飲+$18)呢個星馬特飲點可以唔叫呢🦖冰凍美祿再加上美祿粉 奶味比較重 可以解下辣😂 ▫️青檸菠蘿梳打水 (特飲+$18)青檸加上薄荷葉 飲落好解渴 好清爽最後仲有一片片菠蘿可以食添🍍

今日去食下午茶，點了$60海南雞油飯套餐，另加$10可轉肉骨茶～另外，亦點了鮮牛油咖央多士～海南雞無骨頸滑，亦有1/4雞份量鮮牛油咖央多士，又香口又好味肉骨茶重胡椒味，刺激好味，又有兩大舊肉骨，肉質都滑，$10真係抵

實不相瞞小編極鍾意食星馬泰嘅食物，發現長沙灣有一間極高人氣嘅星馬菜，放假就走嚟食，故吾到平日都坐滿，每個坐位都好大好舒服，裝潢好光明招牌海南雞飯配雞雜冬瓜湯 (🌟96.53/100) 💲60嚟呢到必點菜式之一， 廚師好貼心每一件都起曬骨， 包食到啖啖肉， 搭配三隻醬汁：海南雞甜醬、泰式酸辣醬、姜蓉，雞肉滑lu lu好有雞味，而且雞皮好似啫喱，就算肥都忍吾住食曬😂海南雞甜醬，咸甜咸甜，更能突出雞嘅香氣；泰式酸辣醬，酸酸辣辣好開胃，雞飯可以做到粒粒分明，而且每粒飯都好有雞油同班蘭香味，雞雜冬瓜湯，飲落去有淡淡嘅胡椒香，雞雜一定要點薑蓉，原本淡淡嘅雞雜瞬間升華咗令一個層次😋檳城黑豉油叉燒 (🌟95.64/100) 💲98叉燒邊變烤得焦香脆口，而且肥瘦即中，口感嫩滑，甜甜的蜜汁香，完全冇豬騷味，仲要係厚切，勁滿足😋麻辣玻璃魷魚通菜（🌟93.43/100）💲48玻璃魷魚口感嫩滑，爽脆；麻辣醬麻香十足，而且食得出落咗好多香料，如果有得賣，都想買一樽🤤；通菜好新鮮，爽脆，一啲都唔老👍🏻鮮油咖央多士（🌟92.88/100） 💲28一定要趁熱食❗️半溶嘅牛油搭配甜甜嘅咖央，極之邪惡，咬落去好滿足🤣成個口

難得早收工，黎咗呢間食星馬菜嘅餐廳食返個下午茶。餐廳裝潢有星馬特色，冇得去旅行都可以黎呢到感受下旅遊氣氛。鮮油咖央多士 (餐) $32香甜咖央醬加埋大大塊鮮牛油，多士烘得香脆，一路食d半熔嘅牛油就係多士入面爆發出黎，勁香勁邪惡。海南雞飯配雞雜冬瓜湯 (餐) $60餐廳嘅招牌海南雞飯，海南雞嫩滑冇骨而且非常鮮味，雞皮滑溜爽彈，雞汁飯香而不膩。原本雞飯係跟冬瓜湯，不過只要加$10就可以轉配輕怡肉骨茶。雖則係輕怡版，但都有兩條骨，腍身入味。茶湯係胡椒味偏重嘅新加坡式肉骨茶，胡椒同蒜味香濃，入口微辣暖胃。兩杯跟下午茶餐餐飲我哋都加$28轉咗做椰青。椰青冰凍，香甜多汁，仲可以食埋椰肉添，正。麻辣玻璃魷魚通菜 $48呢款通菜非常惹味，魷魚爽口，重點當然係個醬汁，麻、香、辣俱全。黑椒扎肉(6件) $35同平時食嘅越式扎肉有d分別，扎肉係輕輕炸過嘅，口感比較實淨，黑椒味好香。手作蛋白杏仁茶 $38叫咗碗杏仁茶做甜品，餐廳自家製作，杏仁味香濃，質感細滑冇渣，加埋嫩滑蛋白，唔錯。。。蘇山雞飯 (長沙灣)長沙灣元州街411號義華大廈地下。。

📍蘇山雞飯 - #YFF長沙灣 💎-最近食咗呢間有唔少food blogger大推既南洋菜餐廳。呢間小店主打海南雞飯，用料同烹飪手法都心思十足，而且經濟實惠，難得地理位置較隔涉都引來唔少人特意前往惠顧。-💡招牌海南雞飯 配 輕怡排骨茶 (下午餐 $60 + $10)海南雞選用咗三黃雞，雞皮帶油香，而且雞肉夠滑嫩。值得一提嘅係呢到嘅油飯，食落粒粒分明，較坊間嘅多咗一重香味，而且唔會太油膩。睇過店舖既報導後得知，佢地浸煮米時用上咗雞湯、蒜、蔥同椰汁，再加乾蔥、蒜、薑黃同埋班蘭將飯炒香，而且刻意用上細size啲既電飯煲黎煮飯，以防配料香味分散，非常有心思。我地另加$10轉配輕怡排骨茶，呢款係一款新加坡風味的白肉骨茶湯。呢款肉骨茶有別於馬來西亞黑湯的濃重藥材味，反而白胡椒味較重，相對上較清淡，比較容易入口。肉骨茶裡面有兩大嚿排骨，肉質非常軟腍鬆化，輕輕一咬就化開。💡鮮油咖央多士(下午茶餐 $32)烘至脆口既多士搽上咗一層香甜嘅咖央醬，椰香味十足，再夾上一層溶溶地既凍牛油，食落外脆內軟，冰火交融，絕對係完美既飯後甜品！是日減肥大計失敗🥶💡獅城芽菜走地雞飯 配 迷你喇沙 ($90)至於呢款走地雞就

同2位朋友一行3人去食星馬菜🔅我地叫左海南雞飯+輕怡肉骨茶～ 蛋白杏仁茶，鮮油咖央多士同埋烤餅飲品叫左2個椰青+1杯奶茶海南雞飯個海南雞真係好出色！超級滑既雞肉，配埋海南雞汁真係一流！個辣醬超級出色！真心推薦輕怡肉骨茶都好好味～ 大滿足不得不提誠意推介鮮油咖央多士！超級好味！個鮮油又厚又大件，入口即溶，加埋咖央一齊食真係享受！多士都好香脆蛋白杏仁茶好香好滑～ 仲有隻蛋係杏仁茶內，美味可口！椰青都好清甜美味呀！！好正！奶茶是超滑的星馬奶茶，超級香滑！大贊烤餅都烤得好香口呀～～

依間蘇山雞飯出名性價比高 今日特登黎試吓係咪真係咁正黎到已經下午茶時間 仲要係平日 但係都仲好多客人 差唔多坐滿 舖頭入面幾大 裝修好有東南亞風味～佢有下午茶餐 另外亦可以散叫 選擇甚多好彩我已經一早決定要試海南雞飯😆▶️招牌海南雞飯配雞雜冬瓜湯 ($60)雖然係下午茶餐 但係份量同正餐冇分別 一樣咁大份🐔海南雞唔少 連皮而冇乜骨 食落好香雞油味 雞皮做到好似啫喱咁 非常之嫩滑味道本身少少鹹 另外仲設有三種醬：海南雞甜醬 泰式酸辣醬🌶姜蓉可以自己選擇味道 我自己就鍾意海南雞甜醬🥰整體海南雞唔錯 做到同白切雞嘅分別 不過如果厚肉啲就更完美！🍚油飯好有驚喜 同一般出面見到黃色嘅油飯唔同 佢呢個係啡色嘅首先味道上 可以食到有香茅味 微微帶啲班蘭香味同埋蒜味 食落夠晒鹹香🤤之後米飯口感好 佢比較硬身少少 似炒飯質地 粒粒分明 間中有飯焦😍仲可以做到粒粒米都充滿油香 好平均 唔會感覺好似撈唔均咁👍🏻最好係油飯食落感覺唔油膩 冇咁快飽 所以即使好大碗飯 一個人都可以食到🥄雞雜冬瓜湯材料有冬瓜 雞腎 味道相對清淡而唔油 亦唔似味精湯 雞腎咬落好彈牙 好似鮑魚咁😂不過冬瓜就有啲硬▶️超冰凍椰青🧉 (+$2

呢2日天氣好反覆呀, 忽然間涼咗好多, 今日去長沙灣時見到 ❥⧽蘇山雞飯 ❥⧽有肉骨茶食, 即刻入去食, 等自己可以暖笠笠。餐廳有好多卡座位, 枱與枱之間有足夠距離, 都坐得幾舒服。𓊈白胡椒肉骨茶配白飯+炸油條𓊉肉骨茶偏重胡椒味, 唔會太重藥材味, 容易入口, 肉嘅份量好多呀, 肉質軟腍, 配白飯食或者油炸鬼食都好好味。𓊈炭燒豬肉串𓊉大大力推薦呢個豬肉串, 燒得好香而d 豬肉好嫩滑亦充滿肉汁。𓊈海南豬扒咖哩烤餅𓊉豬扒好厚身有咬口, 咖哩香濃, 用嚟蘸烤餅食, 好好味。𓊈恐龍美祿𓊉面層有美祿同朱古力碎碎, 見到已經好開心, 充滿童真嘅感覺, 味道唔會太甜。𓊈金裝柑桔蜜𓊉酸酸甜甜好開胃, 裡面仲有薄荷葉, 加埋一齊好解渴。✧✧ 整體食物同飲品都好好, 職員好 nice, 我唔知點解 QR code 落唔到單就即刻幫我手寫落單, 值得再去呀。

🇭🇰長沙灣-蘇山雞飯今次想推介既呢間～係位於長沙灣既隱世馬來西亞菜😍佢既地方好闊落 而且招牌光猛 小編就係俾佢好靚嘅招牌吸引咗入去試🫣平日既下午茶時間入去都不停有人入去食 犀利！而且佢係用電話自己落單 個程式仲要幫我計埋加野飲優惠 唔使我自己再慢慢計幾錢 超方便👍🏻⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗👅鴛鴦海南雞飯 +$10配肉骨茶(⭐8/10) $88🔻胡椒肉骨茶 食辣之人既我就愛爆🤪佢既胡椒味好重 辣辣地 好啱我口味 仲要果日涼涼地 飲返呢個湯暖身一流 裏面仲要有兩三舊肉 好足料🥰小編本身未飲過肉骨茶 因為好驚藥材味～～但見網上介紹話呢間唔會 我就試咗 又真係喎 我以後可以嚟呢到飲啦☺️感覺好補身～🔻 海南雞飯係佢地呢到既招牌菜～～每隻雞會分配咗三個醬汁：甜醬油，薑蓉，泰式辣汁😍而我最鍾意點既就係辣汁～酸酸甜甜好開胃☺️雞飯仲要有爽口既雞腎做配菜👍🏻海南雞切得好靚 冇乜骨 而且好多肉㗎！！油飯粒粒分明 配雞食好正☺️而肉骨茶亦剛好令油膩感覺消除～👅Susan豬手飯(⭐7/10) $55 雖然呢個飯係下午茶餐～但佢俾既飯量同餸一啲都唔少！！真

#📍 蘇山雞飯 (長沙灣)長沙灣元州街411號義華大廈地下🔸豐盛海南雞飯(半隻) $128🔸新加坡白胡椒排骨茶配白飯+油條 $78🔸特色小食拼盤 $78🔸仙草椰奶冰 (轉套餐+$18)🔸乳酸蝶豆花梳打 (轉套餐+$18)🍒點評時間終於有機會去食蘇山雞飯啦平日再加上疫情期間 餐廳都唔算好多人 坐得好舒服 疫情過後大家要多啲支持地區小店👍🏻𝖑豐盛海南雞飯(半隻)𝖑一黎到份量超大份🤩海南雞好嫩滑又肥美🤤仲要幾有雞味👍🏻油飯索哂雞味超正👍🏻👍🏻👍🏻特別喜好個酸辣汁 覺得加左唔少分🤣𝖑新加坡白胡椒排骨茶配白飯+油條𝖑充滿胡椒味嘅肉骨茶令新加坡旅行嘅感覺返哂黎😍唔會好重藥材味 好易入口🤩排骨又燉到好嫩 吸哂肉骨茶味勁正🤤𝖑特色小食拼盤𝖑入面包雞翼、泰式魚餅、脆炸鳳尾蝦春卷、黑椒扎肉睇返menu係包呢4樣但我果份好似多左幾樣🤩🤣蝦卷係我最中意嘅一樣炸到好酥脆好好食😋好味指數😋：⭐️⭐️⭐️⭐️抵食指數😛：⭐️⭐️⭐️⭐️⭐️服務指數⚜️：⭐️⭐️⭐️⭐️環境指數🧽：⭐️⭐️⭐️⭐️#foodie #foodiehk #hkfoodie #hkfood #foodbloggers #hkfoodbloggers #hkgirl #ins

其實想食好耐，但又遇上疫情，又試過幾次去到，已經關左門，今次專登叫外賣試吓，果然無失望🧡🧡🧡🌟鴛鴦海南雞飯海南雞都好滑好香，再配埋一個油飯，唔算好油膩。再配埋一個肉骨茶，個茶好重胡椒味，好好味😋最鍾意飲湯。🌟娘惹咖喱牛筋腩飯咖哩唔會好辣，而牛腩炆到好林,唔會好硬咬唔開😋🌟鮮油咖央多士呢個係我最期待嘅C2C雖然外賣送到黎都林晒，但都好好味😋🌟脆炸鳳尾蝦春卷春卷都好香口 心好脆好香口，好出色🧡

📌 蘇山雞飯 📍 長沙灣元州街411號義華大廈地下 ☎️ 56488622*☼*―――*☼*―――*☼*―――*☼*―――*☼*尋日食咗間東南亞菜好失望。為咗補償自己，今日去試咗一間喺長沙灣好多好評嘅餐廳。由於趕住番屋企，所以無留低當食而係嗌咗午市套餐外賣。午餐好多選擇，又雞飯又麵又椰漿飯。不過我呢個海南雞控就梗係揀海南雞叻沙啦💫星洲叻沙海南雞米線（$68包熱飲）非常足料嘅叻沙。入面有豆卜、魚片、魚蛋、芽菜、通菜、海南雞。全部分量都好多！雞肉無骨好鮮嫩， 有雞味，雞皮爽滑！湯底叻沙味香濃，少辣而帶有好重椰香！😋😋😋😋一定會回頭試下佢其他食物。整體好食指數：🌕🌕🌕🌕🌕🌕🌕🌕🌕🌑（9/10)*☼*―――*☼*―――*☼*―――*☼*―――*☼*

緊急警示⚠️ happytummy提示長沙灣有間超高性價比高嘅星馬餐廳 蘇山雞飯🇸🇬🇲🇾哈哈大家有無比個alert嚇親🥲 Any肥 前排去開長沙灣 去咗好多foodie推介嘅蘇山雞飯食下午茶 發現真係好抵食 要出個提示提提大家🤪招牌海南雞飯🐓 海南雞皮爽肉滑 配上三色醬 (黑豉油 薑蓉 酸辣雞汁) 有無人認同海南雞最正係嗰層雞皮啫喱🤤 重點係個飯！有別於平時嘅普通油飯 雞飯用上日本花菇 元貝 仲有廿種香料入味 每粒飯都有雞油和斑蘭嘅香味🍚下午茶本身會附送雞雜冬瓜湯 加$10就有輕怡肉骨茶 雖然話係輕怡但都好大碗 有兩大條排骨 性價比好高💯 而肉骨茶屬於新加坡潮式口味 以胡椒味為主 湯底比較清淡易入口🍲鮮油咖央多士🧈🍞 烘脆咗嘅熱多士 加厚切冰凍牛油 同埋滿滿咖央醬 簡直係完美配搭 邪惡的食物都是好食的😈參巴辣蝦醬通菜🥬 呢排啲菜咁貴 呢度$38 又抵又好味 唔係唔order啊嘛😂 辣辣地有啲辣椒粒同蝦米仔 又惹味又健康🌶🦐 Susan雞翼🍗 大隻隻脆卜卜雞翼 雞翼醃製得好入味 有少少南乳味香脆可口 餐廳細心地分開雞翼同雞鎚 食起上嚟方便好多🤩大大個椰青冰凍清甜 食完咁多惹味嘢 飲返啖椰青