蘇山雞飯

營業中

休息中

蘇山雞飯 在返工長沙灣成日都食覺唔錯又唔貴，今日同朋友來到太子都二話不說再來吃，$292/2人勁飽抵食招牌海南雞飯配油飯和冬瓜湯，每次都會叫，雞肉夠嫩滑而且油飯味濃又大碗，湯入面有雞什好少地方有得飲同食，味精不太覺好快飲晒海南豬扒叻沙摻摻，輕微辣幾香椰味湯底，油麵和米粉份量都多入味，豬扒味道正常可以配小食當然叫每次必食加$15鮮油咖央多士，多士脆口而且牛油勁香又大片，咖央甜甜一齊食勁好食。另外再加$29馬拉盞椰菜苗，都幾大碗味道都幾惹味飲品加了$12轉特飲凍蜂蜜桔仔水，偏多咗少少蜜糖，最後加多少少剛好，幾清甜清新幾好飲。朋友就叫凍奶茶正常勁耐冇食喳喳見$42就叫一個摩摩喳喳伴雪糕2人分，來到份量2人剛好，椰汁味濃入面材料勁多，仲有仙草條有驚喜，甜度我就覺甜咗啲但朋友就鐘意食

出餐都算快，海南雞飯同叻沙味道都唔錯，對得住個價錢👍🏻唯一唔太滿意嘅係覺得啲特飲細杯左啲，如果可以用番正常飲品杯size就好，特飲味道不過不失，唔差但又唔算好好飲。總括黎講都值得大家經過入黎試試呢間餐廳

同為食姊妹係太子做完運動，消耗完體力當然要補充，突然諗起蘇山雞飯係太子開了分店，一直都未有時間去試試，一於今日去食個豐富午餐新品醬油雞一於點來試試，最喜歡吃這裏的雞油飯，粒粒分明香雞油味， 雞肉滑嫩，點上3款不同醬汁更加惹味龍蝦叻沙米粉，大大隻龍蝦啖啖肉，叻沙湯又香又滑，米粉吸收湯的味道，配上魚蛋，魚片，豆卜，芽菜，通菜，整個組合，十分美味炸雞翼必點之品，炸得外皮非常酥脆，咬落肉汁Juice醬油雞腳，爽口入味追加鮮油咖吔多士，多士塗滿甜甜的咖吔醬，再夾入一片厚厚的牛油，雖然非常邪惡，但加入牛油的香味，味道更豐富很喜歡看這裏的特色飲品，清新的鮮檸檬薏米，撈起粒粒煮熟的薏米，真材實料，雪糕斑斕奶茶，賣相吸引，飲落淡淡斑斕味加茶味，雲呢拿曲奇餅雪糕香甜美味

放工行過見到排長龍，招牌幾搶眼一睇就知食雞😂就咁比佢吸引左排埋一份，人龍都去得幾快10分鐘倒就有位啦👍🏻鮮油咖央多士 $15一食就令我覺得排隊入黎值回票價，超好食!薄脆既多士，厚厚既鮮牛油，香甜咖央醬，一路食d汁一路滴，超邪惡但係完全不能抗拒🤤脆炸鳳尾蝦春卷 $20鬆化春卷皮包住原隻蝦，點酸辣汁好食☑️星洲叻沙海南雞摻摻 $80賣相吸引👍🏻先講叻沙，湯夠熱夠香濃，椰奶味突出我中意☑️佢d魚蛋，魚片頭全部都係彈牙既，米粉加油麵兩種口感再加埋掛湯力強，好好味😋海南雞份量比想像中多🤘🏻啖啖肉，皮香肉滑脂肪薄薄，再加埋佢個辣椒汁就變得好惹味，真係明點解要排隊☑️黑白雞飯 $93朋友想一次試哂兩款雞，海南雞有水準已知，醬油雞口感較爽，皮位有醬油香同玫瑰露香，好入味👍🏻配薑蓉都好正。油飯應該有用雞湯煮，整得好香，粒粒分明。肉骨茶 $10跟餐加既，胡椒味好出，有兩件肉骨又有豆卜，抵👍🏻野飲跟餐要左凍椰奶 $18同埋雪糕斑斕奶茶 $18，好中意雪糕斑斕奶茶，斑斕同奶茶既味道幾平均，再加埋球雪糕，成個texture更厚更滑，味道唔會死甜，正🫶🏻

繼早前在屯門黃金海岸酒店的星加坡餐廳「沙嗲軒」吃了一道特別的「鴛鴦肉骨茶」後，最近我又在這間「蘇山雞飯」的太子分店吃了一道「黑白雞飯」（$93），同樣地一黑一白，把白的海南雞與黑的醬油雞合而為一，讓我可以一次嚐到兩種不同的風味。其實我吃的是套餐，除了海南雞加醬油雞飯，還有「雞油飯」和「冬瓜雞雜湯」。這天的雞都幾靚，皮光肉滑，各有各好，雞油飯中規中矩，雖然沒有我在「沙嗲軒」吃的那麼有水準，都算過得去。另一個晚餐吃的則是「星洲叻沙摻摻」（$/74），這摻摻的材料有蝦、青口、魚蛋、魚片、豆卜、芽菜和通菜，雖然沒有最正宗的摻摻應有的螄蚶，材料都幾豐富，不過這摻摻的靈魂叻沙湯底味道稍嫌未夠濃郁，香則香了，但椰奶下得不夠多，就不是我最喜愛的味道。因為我與老婆仔都想吃多點菜，而跟餐小食或蔬菜都有半價，所以我倆就各取所需，分別點了「惹味雞雜怡保芽菜」（原價 $50，跟餐價$25）和「參巴辣蝦醬通菜」（原價$42，跟餐價$21）佐餐。「惹味雞雜怡保芽菜」的芽菜都算肥美，而且份量也多，不過雞雜只得雞腎，沒有雞腸和雞潤，就令我有點失望。「參巴辣蝦醬通菜」倒好，通菜翠綠吸引，參巴醬惹味得來又不算太辣，味道適中

又係收工諗食乜時間，去完天下貓貓買嘢行下行下見到有間食叻沙就去試下，喺香港真係好小地方有好食叻沙，難食既就大把！餐廳裝修不錯，坐位寬敞，叫咗叻沙雜錦湯飯、白咖喱老鼠粉、4串沙嗲、參巴醬辣醬通菜同兩杯飲品，食物嚟到賣相吸引，見到非常有食欲，點知一放入口真係非常驚嚇，叻沙湯飯個味好似普通即食麵叻沙湯D味咁，冇嚟鮮味！！老鼠粉個湯直頭冇味，女朋友問我佢係味失去味覺，我試一試個湯真係得小小咖喱味連鹹味都冇，之後問店員有冇咩調味料可以加，佢答話可以比D豉油同黃辣醬我地加，真係比佢吹脹，唔覺得會夾味囉！！再試埋個菜同串燒，菜得菜味同小小蝦醬味，一D都唔辣，串燒雞肉好小小，牛肉比鬆肉粉拿到好難食，埋單$266連加一，講真價錢係唔貴，但味道真係好唔掂，其實做廚房煮嘢食真係唔使試下味先比客人食嗎？連咁基本既事都做唔到叫人點會再嚟幫襯，試完一次一獲過以後都唔會再嚟！！

總店喺長沙灣嘅蘇山雞飯喺太子開左分店, 食過佢嘅肉骨茶同Kaya Toast一直都想encore, 喺太子咁方便又易揾今晚同fd黎左食.🥢新加坡白胡椒肉骨茶好少機會食到, 黎到必食一定係白胡椒肉骨茶, 聞到好香嘅白胡椒同肉骨茶嗰種香嘅藥材&香料味, 排骨一下就離骨, 肉夠唒軟腍腍, 索滿湯嘅豆卜好味, 肉骨茶雖然帶豐富香味, 但飲左唔會一口都藥材味li個我like. 我揀左配米粉, 仲有油炸鬼, 味道非常正宗.🥢黑白雞飯一碟食匀海南雞同埋醬油雞兩款, 兩款都充滿油香雞肉嫩, 我地碗雞件件都啖啖肉. 配碗油飯, 點附上嘅濃濃醬汁好味. 送嘅湯誠意十足, 有雞腎有冬瓜好飲.🥢脆炸鳳尾蝦春卷喺主餐牌order就可以半價來個小食, 現炸春卷夠唒脆口, 一定要點個醬更juicy好味.🥢鮮油咖央多士飯後邪惡dessert一定係Kaya Toast, 睇下塊牛油厚到一個點, 而我地更係成件啪, 烘得好香, 多士入面塗滿咖央醬好好食, 半價都係15蚊ja👍🏻.🧋仙草椰奶冰, 雪糕斑闌奶茶清熱嘅仙草jelly+椰奶, 大杯唔會太甜; 奶茶充滿馬來西亞🇲🇾風味, 推介!

太子站落車 一分鐘就到達這間人氣食店🐔👆QR Code 落單@susan_chichen_rice主打大份啖啖肉可南雞飯🐔今日餓底👭行完街🥵 冇乜胃口😥叫咗較醒胃嘢食 🐔🍚 就留待下次吧😆#娘惹咖喱牛筋腩飯 💰85+💰5轉烤餅牛筋腩軟腍 咖喱汁香濃少辣🌶帶點微酸既果味👍沾烤餅食😋#新加坡白胡椒排骨茶配米粉 💰88排骨燉到離曬骨 點埋醬料食👍湯底唔錯 加埋蒜蓉 更加香濃🧄食埋索帶湯汁嘅油炸鬼😋跟餐加配小食#参巴醬辣蝦醬通菜 💰21炒得惹味又唔會死喊👍#咖央多士 💰15必點✨️清甜嘅咖央+厚切鮮牛油🥪有夠邪惡😈😈 🏋‍♀️🏋‍♀️🏋‍♀️Sawadee小食😚#泰式魚餅 💰38🥵降溫梳打🍹 #香茅薄荷特飲 💰18#吉仔菠蘿梳打水 💰18

有日煩緊唔知晚飯食咩，諗到朋友推薦過既人氣店蘇山雞飯，近近地去試下太子分店，叫左招牌蘇山雞飯同肉骨茶試試佢！當日係星期一至五Dinner時間，鋪頭多人但好彩唔洗排隊。招牌蘇山雞飯($85)：雞。相。當。嫩✨！無骨，啖啖肉，一啲都唔嚡口。雞份量略嫌少，有啲唔夠喉，勁後悔冇加碼半隻雞😩。油飯同三色醬油正常發揮。新加坡白胡椒肉骨茶($88)：佢係新加坡派既肉骨茶，有胡椒既香辣味🔥，味道相對馬來西亞派既就有啲單一。排骨食落唔算太淋，勝在份量足，有配搭油炸鬼。特色小食拼盤：跟餐加錢加左小食，豬肉條最好味，蝦春卷夠香脆，炸雞翼同魚餅炸得香口🔥。性價比：另外仲嗌左個菜同飲品不過冇影相，人均～$150。跟餐加配小食/飲品幾抵。見到好多人都叫左鮮油咖央多士超吸引，下次會再試。黎得蘇山雞飯都係建議食翻招牌蘇山雞飯，絕對值得一試。另外可以加$10轉輕怡肉骨茶，一次過試哂兩樣，比較抵食！回頭指數：值得特登黎食🐥

經過太子藍馬之城地下，見有間蘇山雞飯，早前在長沙灣食過，食物味道唔錯，咁啱老友又話想食雞，便進入開餐囉☺️。星洲龍蝦叻沙摻摻，龍蝦半邊但🦞很大只，充滿了解甜蝦膏，肉質爽彈好正，湯底香濃入味帶點微辣，令人吃得開胃，摻摻是滑身的油麵夾爽口的米粉，加配了惹味雞雜怡保芽菜，爽脆清甜。獅城芽菜走地雞飯配白胡椒肉骨茶，雞皮很有彈性，雞肉爽口新鮮，入口嫩滑、中，點埋惹味醬汁更開胃。肉骨茶有微微的藥材味同胡椒味，排骨煮得淋又入味，肥瘦適中，加配了參巴醬通菜，醬汁甜甜的，炒得幾惹味。飲品要了檸檬薏米水跟凍金裝柑桔蜜，十分之清新爽口。

某天路過太子， 剛好到了飯點， 於是就在附近尋家餐廳吃飯， 今晚選了蘇山雞飯，因為想吃雞。我點了黑白雞飯套餐， 配肉骨茶， 最後忌不住多點了一份咖央多士，準備打包。選黑白雞的原因很明顯就是想一次過試哂兩款口味， 雞肉一點都不肥膩，雞皮也是爽爽脆脆的。飯是油飯，頗香但有一點點硬。雞飯配了三款醬，薑油、黑醬油及甜酸辣醬。原本的雞油湯我轉了肉骨茶。這家的肉骨茶很有胡椒味，是我喜歡的辛辣味道。咖央多士製作十分認真，厚厚的鮮牛油配著新鮮鬆脆的多士，咖央醬香而不甜膩， 我沒忍住即場吃了一件。

成日經過依間新加坡馬來西亞菜，好似幾吸引咁，今日又經過，決定試吓，入到去，裡面明明有梳化位，但偏偏叫我哋四個人有老人家坐門口果張枱，門口啲櫈係圓櫈來，無椅背的，我哋最後自己調咗去坐卡位，坐坐下見另外又有一家人入來，有大有細，又係叫佢哋坐門口位，佢哋都好似我哋咁，見裡面其實有更舒適的座位，就自己調過去，反而啲職員係會安排兩個三個果啲客坐入面梳化位🤔，依個做法有啲奇怪.食物方面叫咗龍蝦叻沙摻摻（1人份）$110、怡保魚丸手撕雞湯粿條$60、豐盛海南雞飯餐（半隻）$138，另外加配鮮油咖央多士及熱鮮檸檬薏米水，鮮油咖央多士一開四，外脆加埋成舊牛油咖央個味無得輸，龍蝦叻沙湯底微微辣，唔食得辣嘅人應該也接受到，半隻龍蝦🦞，加啲魚蛋豆卜魚片條半隻蛋，份量也ok.至於海南雞我覺得唔夠滑，另外我比較鍾意食無骨海南雞多啲，整體來講都還可以.#新加坡菜#馬來西亞菜#麵#叻沙#Laksa#晚飯#dinner

餐厅位置在太子地铁站E出口上来见到对面中国银行向右过马路行50米就到，中午时间过来不用等位，跟网上KOL介绍点了双鸡饭，基乎全部是油鸡，只要3块海南鸡，还不如直接给我油鸡饭好了，饮料需要单独点，人均消费120左右吧，鸡肉味道很一般，普通茶餐厅60-70的水平，只能说来一次就够了，不会来第二次，因为之前很多香港KOL推荐才来，其实觉得都是花钱请这些人来，他们拍的和我来吃的是两码事，之前看评论说香港本地人不会去吃，确实是。。。。

最近不少網紅推薦所謂 全港最好吃的雞飯，今日週末特意出去試試啦，當我滿懷期望嚟到蘇山雞飯太子店，店鋪門口無網上吹捧的要長期排隊等餐的情況，等咗大約10分鐘可以入座，我點咗 推薦嘅 黑白雞飯，其實係油雞加海南雞，油飯油飯：顏色唔吸引，黑乎乎的，味道一般，飯比較軟身，無油飯嘅香味油雞、海南雞：味道一般，肉鞋鞋地，唔夠滑，似擺咗係雪櫃一段時間再拎出嘅口感雞雜湯：中規中矩，無特別可言總結：名過其實，大失所望，唔會再食第二次

同朋友慶祝生日，網上有好多好評，都好低食海南雞好味，肉骨茶都好味，咖吔多士都好味但好邪惡，炸蝦春卷好好味，仲叫左個串燒拼盤都好正朋友叫左杯好邪惡恐龍美綠凍飲，麻麻地老鼠粉同通菜普通