蘇媽.蘇媽馬來西亞茶餐室 (已結業)

等的期望，食的失望，要等一定吾會再食!今次叫左 1.椰香咖央多 2.熱白咖啡 3.魚仔蘿蔔糕 4.豆卜金菇肉骨茶 5.砂煲老鼠粉 6. 檳城亞參喇沙米線1.我點的6種菜之中叫做得最好，不過黎個只要有多士爐，牛油，麵包，咖央醬，我8歲個兒生女都識整。2.熱白咖啡，配咖央多ok，過得去啦!3.如果合上眼精，我一定吾知自己食緊蘿蔔糕。4.難食5.味道吾錯，份量多，但~銀針粉，全部都係銀針 粉，極少餸，吾值，好似食緊齊粉甘6.吾想再食落去(我寧願食x仔雲南米線)總結，服務態度吾錯，肉骨茶添飲抵讚，裝修亦很有feel，但如果要花時間去等位，吾會再食，吾洗等都可以考慮。

今晚同老公&女嚟試新嘢，喺深水埗行街， 跟網上介紹嚟試吓囉。 等咗大半個鐘， 心捻應該唔錯， 上菜時間不用等太耐，服務亦不錯。一坐低有兩碗肉骨茶嘅湯， 我三個人點解得兩碗叫咗我最鍾意嘅喇沙 ， 嚟到見到佢係冇椰漿 & 冇豆卜，冇肉或蝦， 全素嘅，湯底帶少少酸 (跟食開嗰啲咖哩喇沙唔同)唔係心目中想食嗰款濃郁帶椰香嘅湯底， 個米線亦太淋，感覺失望 可能馬來西亞喇沙係呢個style? 蝦麵呢個亦冇驚喜跟住叫咗個肉骨茶(大雜燴)，即係有兩舊一字骨， 兩舊豬手， 兩隻雞腳，幾舊五花肉， 幾舊豬肚， 幾舊豆卜， 兩、三住金菇， 兩舊油炸鬼&兩舊响鈴。 料係好夠， 但味道略嫌淡咗啲， 唔夠濃郁。 以上最最最大問題係， 全部嘢都唔夠熱， 暖嘅~由其是肉骨茶要熱辣辣先好食架嘛。

聽聞呢間餐廳星期六日很多人排隊等位，所以專登揀平日下晝兩點幾嚟到，果然不用排隊就可以入坐。 首先一讚係餐廳職員很細心， 原先我哋坐喺門口位， 正當我哋想落單時，男職員請我哋入去入面坐，佢話門口位多人經過， 怕我們被碰到， 服務很貼心。食物方面， 很有南洋風味， 我以為自己去左馬來西亞😆首先係肉骨茶，十個讚滿分，我會俾七個讚佢先上兩碗肉骨茶，後再上骨， 肉骨茶較為 深色，入口有少少甘，有淡淡嘅藥材味，但略嫌當歸及蒜頭味唔夠突出，唔算濃烈，不過味道都好貼近馬來亞嘅肉骨茶。 然後佢嘅一字骨，肉質不太軟亦不太硬， 有少少嘅藥材味，但佢嘅黑豉油，唔夠甜，好似點緊老抽咁，完全唔係個隻味，呢度扣左啲分。 總括嚟講湯同骨都ok， 值得一試。之後試佢嘅咖央多士，我會俾八個讚佢嘅多士烘得好脆，咖央醬充滿耶香， 甜度剛剛好， 如果啲醬可以搽多啲就好喇。點左佢嘅羅惹豆卜，我會俾七個讚豆卜份量唔多，炸得夠脆唔油膩 ，重點係個醬汁， 呢個醬有少少花生粒， 有少少辣， 馬拉盞味夠重， 幾惹味， 醬汁濃度適中，不過少咗啲，唔夠恬哂嗰幾嚿豆卜。如果佢有新加坡嗰隻水果羅惹就好喇。最後試埋佢嘅辣死你嗎仁噹牛肉， 呢個只有六

第一次去13/11/2017 ☔在香港一直想吃馬來特色的店，聞説基隆街這家有肉骨茶，可惜來得不合時間，12:00這時段沽清，被告知17:00有得供應，但等不及了，唯有下次再來吧。我到達是3時左右，雖然整日下雨💦☔，小小的店座滿人，搭枱是必然的，也像我第一次來的也不少，叫了咖喱薄餅及拉茶☕，鬆軟的薄餅，美味滿足。此店的服務不錯，還有很多想吃的，是我下次會再去的店。👍😋第二次去14/11/2017⛅今日在深水埗又想去吃蘇媽，吃昨日我沒吃到的食品，下午2:00左右到，要輪候一陣取枱，今天2個人，叫了咖央多士，大骨肉骨茶，白咖啡，薄餅，老鼠粉。湯是可以添飲的，添飲的湯更加香濃味，我添了2次。這午餐吃得飽飽的，充滿能量。肚容量有限，下次想去吃椰汁飯😋👍

食物無宣傳講得咁好，味道一般，不過不失，肉骨茶啲湯和料唔夠熱，今日點皇好骨，居然無骨得肉，啲肉唔入味，還標明限發售，試一次就夠，服務員態度極差，超級唔專業，餐廳食物其次，服務態度令到消費者唔想再來俾錢受氣。

上次睇飲x男x雜誌介紹呢間野！今日行開附近諗住去試下！嘩！多人等到呢！結果等左一個鐘有多先有位，都唔緊要啦！叫左咖哩雞椰漿飯，沙爹，老鼠粉，咖央多士，愛他同埋兩杯凍拉茶！首先咖哩椰漿飯個椰漿飯係冇椰漿味既，個咖哩汁係淡到冇味既！好啦，算！我試老鼠粉！個粉又乾咬落去成口粉，真係冇勇氣再將佢放入口！再試埋沙爹，沙爹應該好難難食掛！點知個醬杰到好似XO醬咁，但係又好得意喎，都係冇味既！好，再試咖央多士！呢樣算係最正常既，不過佢同正宗既唔同佢加左麥芽糖所以好甜，好唔好食就見人見志啦！好啦重頭戲黎啦！叫左一個叫愛他既物體試下！佢地話係魚黎既用葉包住！一放入口，嘩！超腥，我勁鐘意食魚都頂唔住陣味！再咬咬下酸既，唔知以為壞左，真係食唔出係魚！最後兩杯凍拉茶又係經典既，好似奶溝水咁，完全冇茶味，茶餐廳奶茶仲好飲過佢！自問食野都唔算咀叼，但係呢間野真係難食到我要獻出我既第一次去寫食評！等左咁耐畀d咁既野我食！馬拉野邊有咁難食！仲有員工態度超差，真正貼錢買難受！倒貼番錢畀我都唔會再去

蘇媽真係睇住佢一日好食過一日，第一次食蘇媽講緊佢仲係巷舖，個時已經比佢地嘅喇沙深深吸引住，湯頭好濃郁，蝦味好鮮，食過咁多喇沙得佢一間有眼前一亮估佢唔到嘅感覺。事隔一年左右蘇媽已經開新舖，覺得真心抵佢開到新舖因為佢有實力唔係靠gimmick。當日11點半左右去到已經有幾組人係度排隊，一開門坐低無耐就坐滿晒。新舖店面設計好有味道，係基隆街別樹一格好搶眼。本來想叫一碗喇沙同椰漿飯，但係肉骨茶喺舊舖食唔到所以放棄咗椰漿飯。喇沙一貫地好食，我以為我下定咗每次嚟都一定要叫喇沙嘅決心，但係肉骨茶完全令我改變呢個想法！我本身唔多鐘意食肉嘅人，一來覺得食完紅肉之後胃好唔舒服，特別係豬肉好多時都有陣臭騷味，但呢度嘅肉骨茶（一字骨）係可以以香甜嚟形容！食呢個肉骨茶好特別，侍應會先針一杯熱湯比你，湯頭藥材味好清幽，肉香同藥材味好平均，唔會搶去各自風頭。暖完身就會上肉骨茶，舊一字骨肥瘦分明，一層油脂一層瘦肉，瘦肉好腍無起筋，油脂入口即溶！溶起口有陣陣嘅油而不膩嘅香味，食完之後侍應又會針多杯熱湯比你作完美嘅ending。好食嘅馬拉嘢其實香港地好多，但想返轉頭再食嘅唔多，蘇媽係其中一間，特別係佢嘅肉骨茶真係好有心機

之前幾次閒日經過(午餐/下午茶時段),  都係人頭湧湧,諗住搵次得閒少少先再去試過啦, 正好今日得閒, 就試排一陣食個茶餐,呢度係行"簡約裝修"的, 如果無人講中文, 真係會以為自己仲係檳城未返來添,講返個茶餐,  我叫左 : 茶餐A - 椰香咖央多士 + 馬來西亞拉茶 + 檳城白咖哩麵 $41椰香咖央多士 , 係絕對好食過香港阿坤的, 但又未去得到 SG 茶檔既水平,馬來西亞拉茶 , 係最值回票價的, 但感覺上好似好"熱氣"咁, 但絕對夠滑夠茶味的檳城白咖哩麵 , 呢個係味道唔錯的, 但又未去到要 encore 境界, 之前有 blooger 推介過一隻神級白咖哩即食麵, 我試過都係唔合我口味, 所以應該唔係呢間唔好食, 而係白咖哩唔太合我個人味道

黎到深水埗再唔係只係局限食維記同公和, 今次小丸子就食平靚正馬來西亞餐, 品嚐馬拉風味👅蘇媽嘅舊店亦係深水埗嘅桂林街, 係短短營業左年幾就開左呢一間新店~今日黎到新店, 人氣依然好旺盛, 拎完籌號都等左9個字左右, 建議可以去附近打個圈再番黎就時間岩岩好啦➡ 一字骨肉骨茶完整大大舊一字骨配以藥材味, 味道剛剛好! 只係咁岩我嘅一字骨入面有好厚身嘅肥膏, 下次轉下豆卜金菇先~但重要嘅係肉骨茶無限添飲, 小丸子都飲左2大碗😌*注意舊店係冇肉骨茶*➡ 辣死你嗎配仁噹牛肉聽個名以為會辣死寶寶, 但當咁多樣配料加埋一齊大啖食都唔係好辣~包括有椰漿飯, 參巴醬, 青瓜, 花生, 乾魚仔, 薯仔, 蛋同牛肉~其實都幾多料下, 所以唔好俾個菜式名騙左以為好辣😂➡ 玻璃魷魚配通菜呢個好正, 玻璃魷魚爽口彈牙, 小丸子食到停唔到口, 佢唔淨只煮個通菜俾你咁簡單佢仲加左個特別醬料同落左好多蒜粒, 真係好夾同好好味➡ 椰香咖央多士超好食同邪惡嘅多士, 咖央醬甜甜地好好味,多士脆卜卜正正子~小丸子一開始已經勁想食呢個多士, 然後難得👦都覺得超好味,呢個要encore呀下次都會再黎試下其他未食過嘅馬拉野食,串燒,

新開張既茶室，都算多人排隊，兩點幾都到都排左半個鐘到，價錢好親民😍質素平平，係性價比唔錯咁解。椰香咖央多士好好食！咖央醬甜甜地，好多好邪惡多士脆脆，滿足！辣死你嗎配咖哩雞肉(標準) ($30)辣死你嗎其實係馬拉譯名既參巴醬，唔辣架，仲有小小甜，味道好有馬拉風味，雞肉同薯仔唔算好夠味，不過都過得去，30蚊無要求咁多😛用既米飯同平時食開既唔同，米質比較幼身，係咪馬拉風味黎架😂😂提提個飯好快凍呀唔夠熱，記得唔好掛住相機食先🤣🤣一字骨肉骨茶($28)肉骨茶先上湯比你飲，後上一字骨。肉骨茶做得幾好，個一字骨無比藥材味蓋哂，味道剛好。檳城香炸滷肉卷($22)依個係GM覺得最好食既，滷肉卷入面有芋頭碎，類似粉果咁既咸，炸埋一條咁幾滋味！魚仔醬腸粉($18)其實好似係xo醬，個味係ok既，但d腸粉唔得呀，一舊粉團咁，無腸粉既層次感。話知你啦薄餅配三式咖哩薄餅正常，但唔係好食得出係有三款咖哩，咖哩中有薯仔，咖哩唔辣的，整體不過不失。

新店要等就梗架la 好彩預多左時間 等左廿分鐘左右就有枱 算係咁la 肉骨茶口味大眾化 藥味唔出 反而有d清甜feel 記住枝骨要點醬食 好食好多 個位隔離有教你點食 等緊野食個陣要睇下la 椰漿飯佢隻綠好有Halloween feel 食落得淡淡椰子味 似油飯多d 米係比較長身個隻 唔鐘意長米嘅可skip 檳城白咖哩麵未加參巴醬個湯底偏咸 加左個辣味又中和返喎 個醬都幾辣下 可以小小小小咁加 慢慢試啱個味 麵身爽滑 粗幼不一 呢個唔錯白咖啡不嬲都幾鐘意飲白咖啡 佢有個幾得意嘅after taste 所以幾甜都阻止唔到我對佢嘅愛😻#蘇媽蘇媽馬來西亞茶餐室 #hkfoodies #food #hongkong #foodies #malaysianfood #hkfood #吃貨 #hkigers#吃貨人生 #hkig

見到又有新開店，有好多好多人在門口等位，就想同屋企人入去試下！味道都ok嘅...但牛腩牛根真係幾硬，未夠冧，而叻沙湯底唔夠味，有待改善！我諗之後，我都會再返來食個老鼠粉嘅😏

行完山走落黎呢間餐廳，朋友見門面幾靚，決定拎張飛，排左15分鐘先有得食，不過門口個侍應都幾識做，唔會要人白等，叫我地行個圈再返黎。店舖裝修都幾新淨，好多招牌，都幾有特色，最緊要張枱都好乾淨，地板都乾淨，我原本打算叫個招牌老鼠粉食下就算，加個桔仔冰。點知老鼠粉好好味，佢聲稱幾辣，但一D都唔辣，反而好好味，於是我地係咁加單，叫多左個椰漿飯，有少少似海南雞飯D飯，但有椰子味，而且綠色飯好得意，之後又叫多個炒蜆，魚仔醬好味道，D汁好正。串燒方面都唔錯，不過最正係肉骨茶，我就唔識食骨，所以叫左個豆卜金菇，幾入味，不過最正係舉手呢佢就會幫你再添肉骨茶，飲到夠為止，我FD話一字骨好好味，至於魚仔醬蘿蔔糕，用黎當糖水都唔錯。佢D碗都幾得意，細細個，拉茶就似係一般奶茶，不過滑少少，有個愛他愛他的食物，用竹葉包住，原來係魚肉黎，都唔錯，幾特別。食完咁多樣野剛剛飽，其實佢每樣野都係廿、三十蚊左右，平到傻，可惜我地叫左佢半張MENU野食，所以埋單每人都要一舊水，誠意推介像埋桔仔冰，食辣野像桔仔冰簡直係種享受。其實佢位唔係好多，但都冇催我地走，好人。

成班同事拉隊試新野 其實我早早就已經見過呢間 但舊鋪係坐條街 所以就打消去既念頭新鋪裝修靚就岩時間3點3下午茶 a+b+c $29第一時間來個肉骨茶大雜薈 $88肉骨茶味道幾清，有別平時甘苦味道 奈何啲料一食就知白烚再放落去 完全無味 所以成碗無乜點食到之後叫左4個下午茶餐 a+b+ca揀左 腸粉 三色咖喱薄餅 蘿蔔糕 咖央多腸粉:一舊舊粉團 好很難食薄餅:四款中最出色 香口，咖喱味濃 推介蘿蔔糕:不過不失 無乜意見咖央多:過脆 失去多士口感b揀左蝦面 板面 辣死你媽飯 湯面其中蝦面我覺得最出色 湯重蝦味 出面好難食到 辣死你媽都好有特色 綠色飯係班蘭，應該!好香 另外2個面面質好硬，唔識欣賞c 我揀左拉茶，好味，馬拉奶茶香港唔係度度有PS d服務真係好曳，落單話我寫錯，係我面前撕左我寫果張order紙，明明係佢寫錯好顛之後叫佢幫我落佢又唔肯，但到最後佢都依然係入錯單，想點食食下都見有兩位靚仔落單時同啲侍應有誤會起身走人 唔憂做唔好甘啦，我都係有比錢食飯嫁!扣左一百分

我叫的幾款食物好味👍🏻，待客細心👍🏻🔹一字骨肉骨茶好味，味道平易近人，略嫌一字 骨唔夠腍身🔹招牌老鼠粉，好吃，個醬油好香🔹話知你啦薄餅，好吃，皮脆內裡軟軟的，夠 熱，咖哩汁香而不太辣🔹柑桔話梅水，順喉，好飲（本來想試冬瓜龍眼 茶，姐姐話無龍眼😱但唔係啱啱開鋪無幾耐 咩？）🔹檳城白咖啡，一般❤️肉骨茶無限添飲，我同老公都各飲4碗🤤❤️本來攞兩個人位，到我地個陣，姐姐話有bb呀，叫我地等等，俾個好d嘅位我地，窩心⭐️12點正開始售賣肉骨茶，但去到都要排半個鐘，仲要係人流無停過