蘇媽.蘇媽馬來西亞茶餐室 (已結業)

每次行經都有一堆人圍住呢間鋪仔，初初以為係賣野，睇真D原來係等食。後來去沙田河畔又見過佢既分店，但出奇地靜都冇乜客，所以要試，緊係揀多人既地方，湊下熱鬧。星期日下午，三人大約半小時可以入坐，但如果係一個人，應該唔駛點等，因為入面係會安排搭枱的。至於食物方面，椰香咖央多係必食既，包夠脆，牛油亦好香👍🏻👍🏻肉骨茶，我揀左一字骨，肉排夠腍但略肥。個人認為肉骨茶配飯會好D，但我家大爺要配油炸鬼，雖然都好食，但女生會覺得太油。至於福建蝦麵，個湯底有少少蝦味，食落有D似車仔麵。串燒，個人推介次序為豬-牛-雞，豬燒得外脆，但中間食到少少油花。牛雖入味，但有少少'鞋'口。雞則太普通，冇特別。最後，魚仔醬蘿蔔糕，其實可以不吃，因為酒樓的xo醬蘿蔔糕其實仲好食。臨走飲埋杯拉茶（不用加糖，口味偏甜），真正吃盡馬拉風味。

本人都喜歡肉骨茶，當地飲過新加坡、檳城、怡保、沙巴。。都各有不同，自己亦都煲過。。如果唔想大費周章而可以嘗到馬拉的肉骨茶，不防試下這間。當然不及當地的風味啦⋯⋯- 大雜錦： 肉骨茶都好多款選擇，有大骨、小骨、皇帝骨、一字骨。。今次我選擇吃大雜錦，即是有豬骨、豬雞、豬腸等等（溫馨提示：可以加湯）- 魚仔醬蘿蔔糕：蝦米蘿蔔糕蒸好後，加上魚仔醬- 檳城蝦面：湯底都唔錯店內也有本人都喜歡吃的喇沙，都不防一試- 咖央多士咖央唔太甜

當日比較肚餓, 所以兩個人好眼闊肚窄咁叫左好多野食。等20分鐘其實係比我地想像中快。我覺得呢呢間鋪其實好用心經營, 點解呢?1. 特定時段停止供應肉骨茶, 以確保肉骨茶質素穩定。2. 有張貼食肉骨茶既教學3. 叫一碗肉骨茶, 無限添飲肉骨茶湯整理黎講, 我個人好欣賞個湯, 因為唔會比藥材味搶過肉味, 淡淡地帶有甘草既甜味當然~對於重口味者就一D都唔適合啦!我個一字骨一條冧一條唔冧, 睇你地好唔好彩啦。玻璃魷魚配通菜個醬唔錯, 可以試下。當然拉茶都OK, 佢地係用鍊奶去拉,但又無我係新加坡飲既咁甜

早前到蘇媽想試肉骨茶，但咁啱去到嗰日賣哂下次要去試過！不過一場嚟到緊係要試下其他野！先食介央多士，麵包新鮮，香脆，中間夾左鮮油同介央，唔會太漏，恰到好處我飲左杯咖啡，咖啡味夠濃，個人略覺得太甜，下次可以叫佢小甜。蝦湯米粉，湯底好濃，米粉索哂啲味好夠蝦味，如果啲蝦用番啲鮮蝦會正好多。椰漿飯，好食，好少喺香港食到椰漿飯，就算食到我都覺得唔好食，但係呢度做嘅椰漿飯我覺得好好食，淨係食飯都食到一碗薏米檸檬水，我覺得大甜，檸味有啲假，應該係用濃縮檸檬汁沖，都係如果做鮮檸會正啲。

晚上7點到~只剩下2張2人枱(平日)剛好~即時入座店員即時倒2碗(熱)肉骨茶，俾客飲用好重豬骨味，藥材味淡淡滲出香味與傳統肉骨茶(重藥材味，明顯唔同)黑色瓦煲(迷你版)皇帝骨$48豬頸背部分(每豬只得兩片)口感又腍又滑(加上醬汁食，更惹味)一字骨$38近豬肚腩部份肋骨因為有脂肪，肉好香口(啖啖肉，肉好鲜嫩，充滿肉汁)辣死你嗎$48配仁噹牛肉(馬拉文 諧音~椰漿飯)椰漿飯加左斑蘭一齊煮(綠色好搶眼)有青瓜,江魚仔，花生，薯仔，牛肉粒配上參巴醬，味道好惹味，整體有不同層次口感，但椰醬飯(只得香味，椰醬味淡)通菜$26好辣~~~但惹味馬來西亞拉茶+$8拉茶(煉奶和淡奶結合)再來回拉8-10下頂層有泡泡出現，味道偏甜冬瓜龍眼茶$16好清甜，龍眼味特出，因為有冬瓜，飲完~喉嚨好清潤小瓦煲內~肉骨茶快凍(可以再叫店員加熱肉骨茶)肉骨茶唔似傳統重藥材風味(但有淡藥味)拉茶好馬拉風味，但(熱拉茶)偏凍，有小小失望。

長期排長龍的馬拉菜店，面積細位不多是真的，長期受街坊歡迎也是厲害～到了週末排隊的人就變了年輕人喇～說味道，呢個咖哩雞“辣死你嗎”(Nasi Lemak)個咖哩好特別，酸酸辣辣的，有驚喜到一下，然後食落就覺得好乾，而且椰漿飯好像只有色沒什麼椰香，整體無咩爆點。辣拌麵看上去好吸引，篤爆隻蛋之後撈好，辣味都幾香，但個人覺得個麵太硬，如果可以揀辣度就好。・長龍的原因或許在於我無食果碗肉骨茶掛，我見人人抬頭都有碗，不過我就真係無太大興趣，也沒有心力再黎排多次了。

特色的馬來西亞菜的茶餐室，深水埗有兩間蘇媽，這家的餐室比較舒適一點，店內裝修是懷舊風，馬來西亞菜必試肉骨茶，狗仔粉，肉骨茶味道濃郁，先喝湯再吃骨，暖身，狗仔粉配料多，拌勻幹撈，正~點了小菜和馬來小食，異國風味。

朋友開車搭住我們去搵食，深水埗就多野食，但近街市附近開左一間馬來西亞店：出名肉骨茶超多人羅，我們5位成員，要等左1小時半個鐘好耐啊大雜會：豬肉骨，豆卜，金菇，肥豬肉，豬肚等等，肉骨茶和肉系分開，肉骨茶是無限添加真是好辣，麻醉晒整條舌頭👅，平時唔食辣的人，食了辣都飛起其實辣度停留口腔10分鐘就消失，之後就可以繼續食多士好香好脆，又抵食串燒食落不太特別魷魚爽脆，菜好嫩飲品大大杯整體都抵食，但排隊等候時間希望有改善

Happy New Year祝大家新一年身體健康、萬事皆順！今天倒帶去到聖誕節車爸爸假期最後一天的覓食記，大家準備好了嗎？Ok Let's Go Go Go....... 而我們的聖誕大餐則到了蘇媽.蘇媽馬來西亞茶餐室開餐，想吃良久的小店終於在這普世歡騰的日子品嚐到大快樂也！ 大約黃昏六時到達小等6、7張約15分鐘便可入座太幸運了吧！甫坐下用上店方提供的點菜紙選自己心頭好，每樣也想試懊惱著如何取捨真惡攪！ 如何難選擇肉骨茶必定要吃的，其它我們便每人選出心水美食拼湊豐富晚餐！ 桔仔話梅水＄23跟麵食或二款小食可享跟餐價＄16，大大杯的酸香桔仔話梅水很爽口，酸甜度恰好味道很正喔！ 馬來西亞拉茶＄16跟餐＄8便可很抵飲，試了一口甜道挺高而且茶香也不算特别！！ 牆上貼有肉骨茶4步曲，清晰哋教客人如何品嚐很週到呢！！ 先用桌上的辣椒、蒜蓉、頭抽及黑豉油，混好靚醬期待美味的一字骨。 侍應會先來碗熱湯而且是無限添飲的很慷慨！呷一口帶幽幽的藥材香氣，湯頭甜而不俗蠻可口，這夜我倆也喝了三碗之多呢！ 其後所點的美食亦陸續上檯，終於可以大快朵頤吃早餐喇！ 點了百吉爹肉骨茶(一字骨)＄38，跟油炸鬼＄12！

未曾嘗過馬來西亞菜式，在深水埗區竟然有一所懷舊風的馬拉菜餐廳，光看門面已十分吸引店舖走茶餐廳風格，搭枱剔紙下單，價錢親民，平日還有下午茶餐。先點了一份咖央多士，烘得鬆脆，配上牛油咖央醬，十分可口再來是招牌老鼠粉，其實是類似狗仔粉，配上特製肉碎，再加枱面的蒜末辣椒，很香口，值得一試！這道名為辣死你嗎，可選牛肉，雞肉或魷魚，我們選了雞肉。其實不太辣，綠色的飯是椰漿飯，特別香。雞肉略為鞋口亦不夠入味，不過勝在配料夠，又便宜這一餐2位＄84，十分划算，提提大家假日排隊人龍會較多呢

We had visited theoriginal restaurant / corner shop on Kweilin Street (near the Golden ComputerArcade) many times before as we liked the authentic Malaysian food from there.When we heard that theynow had a restaurant serving Bak Kut Teh, we had to go try it.   Many food blogs and reviews said that there was always a queue and waiting timeaveraging 1 hour.  So we decided to go there early, arrived before 6:00pmand we found the restaurant was already full.   We were lucky thatthere were 2 last sea

尋晚平安夜諗住蘇媽會少人啲諗住去試下啦 點知都係勁多人 排既過程已經有好多朋友，bloggers pm我話呢間好伏 叫我唔好哂時間排 不過岩岩喺第一郡食左餐飯 諗住都可以等下 卒之7:45開始等到9:30先入到去 排左1 hr 45 mins食左一堆垃圾 浪費左我平安夜xAnniversary既兩個鐘 呢個故事教訓我好評可以唔信 劣評一定要聽😡辣死你媽 $40 😋: 3/10價錢係唔貴既 但味道真係完全唔成正比 最多係充飢 首先所有野都只係微暖 椰漿飯係有色冇味既 咖哩雞唔知放左幾多個鐘 有圖有真相 乾到？最後真係唔想浪費食物先格硬擺哂入口算 排到咁耐食呢個質素啲眼鏡碎跌到一地都係😑一字骨肉骨茶 $38 😋: 5/10肉骨茶味道正常啦 雖然可以任飲 但完全冇驚喜冇想添既衝動 重點係嗰兩舊一字骨 好似阿媽煲左七日七夜啲瘦肉咁 韌過擦紙膠 真心吞唔到 看圖吧檳城白咖哩麵 $40 😋：4/10又係好頹 似係煮到腍哂既即食麵+芽菜+豬紅+蝦仔 完全唔好食 真心即食麵仲好食😑千祈唔好中伏千祈唔好中伏千祈唔好中伏

八點半去以為不用排隊，點知都係要等，等左40分鐘先入座！免費加湯好讚，不過我自己鍾意濃啲肉骨湯，肉質唔錯，喜歡一字骨，肥瘦都有，拉茶我喜歡！總體唔錯，性價比高會再去咯！

今天路過蘇媽食,睇見好旺場,以為有好野,即管入去一試, 點知中哂伏.叫左 ' 話知你啦薄餅.' 配咖哩. 咖哩無咖哩味,無香味,淡而無味,加二塊普通油煎餅,真系不知所謂, 難食! 叫左杯拉茶,毫無茶味,又細杯,又貴.比街邊普通餐廳絲襪奶荼,差九條街.  真係激死 !

之前有報道介紹話呢度嘅肉骨茶好正 仲有得無限添飲! 咁凍嘅天氣最啱黎食啦😊難得老公今日請咗假陪我 就趁呢個時間去食啦 適逢平日 我哋5:50pm嚟到已經要排隊啦(可想而知假日應該排長龍) 不過好彩前面都只係有六七個人 等左一陣就入得啦大家要食就緊記夾岩時間啦！難得有限量嘅皇帝骨($48)當然立即嗌一份俾老公 而我自己就食一字骨 ($38)呢度好得意有好多唔同嘅程序 先來係混醬 就根據佢指示加入蒜蓉辣椒同埋兩隻唔同嘅豉油 調出來個味道好正 少少辣 又有啲蒜蓉嘅香味 豉油唔係好鹹但係又可以吊出豬肉既鮮味👍🏻係食肉之前 佢會先斟左肉骨茶俾你飲左先 飲完之後再食裏面啲肉 老公嘅皇帝骨比較鞋身（但老公鍾意 ） 我嗰份一字骨真係一條單骨嚟㗎 我就鐘意一字骨多啲😋因爲滑身啲好味啲 同埋始終有啲少少肥肉夾雜係啲肉入面 唔會太鞋 又唔會太肥但又滑啲👍🏻叫兩個小食就可以用優惠價叫嘢飲 我哋叫咗咖央多士（$17）同埋辣炸雞翼 （$28）叫咗杯呢度出名嘅拉茶（$8）咖央多士要趁熱食 裏面啲醬有少少似椰子糖 偏甜同埋杰身炸雞翼就係自己點辣醬嘅 唔算太惹味 不過不失 可以試其他野拉茶我就覺得比較甜但係老公就話甜得