蘇媽.蘇媽馬來西亞茶餐室 (已結業)

今日週六瞓到自然醒！心血來潮想試「蘇媽」馬來菜！嚟到餐廳雖然係下午三點幾青黃不接的時段、但仍然人山人海。手上拿到的輪候號碼#66、要等30個號碼、意外只排咗半個鐘、可以接受！特別欣賞這店的「肉骨茶」、除了味道啱口味外、並可無限量添加！加分！👍🏻溫馨提示：留意肉骨茶供應時間及四步曲食法（有附圖）麵點不過不失！除肉骨茶外、馬來西亞奶茶、咖央多士也不錯！可以再來！👍🏻😋😋😋二人前-皇帝骨肉骨茶羅惹炸豆卜檳城亞參叻沙米缐特製辣椒板面馬來西亞奶茶檳城白咖啡椰香咖央多士😋😋😋

朋友推介呢間馬來西亞店，剛好係下午茶時間，所以好抵食。叫左一碗叻沙麵同咖央多加白咖啡，叻沙麵同出面食既完全唔同，好多配料，例如魚乾仔花生碎洋蔥等等，都幾特別，口感豐富左。

最近見到啲飲食雜誌報導喺深水埗基隆街開咗間馬拉茶餐廳叫『蘇媽•蘇媽』超多人捧場！講到人氣指數爆哂燈，咁就抱住試新嘢嘅心態嚟食個 lunch。我同個 friend 大慨 13:15 去到...見到門口情況我哋真係 “Wah” 咗一聲，條人龍竟然排到出出面啲排檔！真條巧誇張呀！我哋登記左之後兜咗鴨寮街兩個圈都未仲有位。結果要等到 15:05！一啲都冇誇張...真係足足等咗差唔多兩粒鐘先有位！原先想嚟食 lunch 等到食下午茶；由於等得太耐超肚餓關係，所以我哋見嘢就博命叫...叫到成張枱都放唔晒！嗰辣死你你嗎配咖喱雞肉...個人覺得一般！個椰漿飯冇乜椰漿味..但係啲咖喱汁就幾正而且配料都幾多！以$40價錢食到咁大碟飯都算唔錯。另外，嗰湯咖喱米粉都幾濃味又吾太辣！肉骨茶就叫咗一個豬肚同一個三層肉。分別$25同$30！個湯都幾甜...藥材味唔太重！雖然碗肉骨茶細細碗...但係佢嘅賣點就係可以無限量 refill 啲湯👍不錯！至於咖央多就真係冇得輸！醬多而且上枱仲熱辣辣！拉茶就即叫即拉...香滑而且甜味適中，跟餐叫只係$8杯..抵！唯一覺得比較遜色嘅係嗰檳城香炸滷肉卷！佢喺用腐皮卷包住一啲豬肉碎

聞說呢間店開業無耐，但就口碑不錯。特登搭車過來一試，果然好推介。確實係好味，價錢又親民。首先試左個肉骨茶（皇帝骨），有微微中藥材味，肉骨炆得好入味，炆得好‘淋’之餘係有咬口。正量就唔多，得3塊肉會教您點樣正宗食辣死您嗎配咖哩雞肉飯呢個讚既係每一樣配料都有水準，非常用心，魚仔乾、花生等係非常脆口，微辣惹味。檳城福建蝦麵，個湯蝦味濃郁，啲蝦幼嫩爽口，第一啖食岀麵味好香蛋味。配個參巴醬夠曬惹味。咖央多士，脆口、熱辣辣、有椰香味😋拉茶好香好滑好濃茶味，即使凍飲都夠香滑夠茶味，難怪甘多人係岀面等位。值得再光顧😋

上次等40個人，今次都要等40個人！尋晚我未夠七點半去到，諗住等定位女友收工過黎有飯食，但都要等到九點幾先有位，想食既可以九點半先去等位，少人好多。皇帝骨佢話多人食，所以依家唔會好似以前咁成日無，我地叫左皇帝骨同一字骨，不過兩種骨都一般，好似食廋肉一樣，不過個湯幾好飲，藥材味唔重，重無限添飲。本來肉骨茶有諗過食大骨，不過等位時見人食到柴狗咁樣，所以都係咪攪世伯，如果再去，我會試下豬手或雞腳。咖央多好食，焗得脆個味又啱啱好。魷魚通菜要記得撈埋底果啲汁黎食，辣辣地個菜又炒得嫩。咖哩薄餅香口，不過咖哩唔夠香。咖哩麵椰味好重，湯濃。總括黎講，唔算特別好食，要排兩粒鐘先食到既話，我唔會再願意。

已經係第二次再嚟喇！因為實在太掛住😏香港都好少地道嘅馬拉食品，尤其是價廉物美就更加少有！呢間餐廳可以喺短期入邊開第二分店就知道佢嘅受歡迎程度啦！之前去馬拉嘅時候飲過呢杯桔仔話梅水，一試難忘！返到香港之後都有試過唔同餐廳嘅，但係冇一間媲美馬拉嘅味道！喺呢度就可以搵得返果隻感覺，酸酸甜甜，感覺好開胃！大少就唔使問一定係飲咖啡啦！自問好怕食有任何藥材味嘅食物，所以之前喺馬拉都唔會食肉骨茶！嚟到呢度，聞到佢啲湯咁香，大少又話個湯好甜，我都忍唔住要試吓！點知真係有驚喜，個肉非常之稔，亦都好有肉骨茶嘅味，肉骨茶湯底好甜，都可以蓋過一啲藥材嘅味道！開始可以食少少辣之後，見到喇沙都會想試吓，呢度絕對唔會令你失望！湯底夠香夠濃又夠甜，個棉質又啱啱好！呢個咖喱麵就反而比較辣，我以為佢會比較似喇沙咁，但係佢真係香辣啲，同喇沙嘅感覺截然不同！本來已經好飽，但係見到隔離枱食咖央多士，又忍唔住好想食！好在最後真係有叫到嚟食，因為係十級好味！ ！ ！佢唔會好似外面一般餐廳咁樣好孤寒，呢醬好似要慳住慳住咁！仲要係甜度啱啱好，絕對唔會覺得有膩的感覺！食落去嘅時候真係好脆㗎好期待下一次再去食啊！

So amazing , We had to wait because it’s so popular but my husband and I from Australia thought it was totally worth it !!! Amazing food and atmosphere, super authentic too

新開小店見到食評唔錯就黎試下菜，星期五晚上8點幾黎到門口已經有一班人等緊位，等左大約一個鐘左右入得！話晒係小店，鋪頭細細得十張8張檯。坐底即刻叫野食，狗仔粉，喇沙，串燒，蘿蔔糕，炸豆卜，玻璃魷魚通菜，仲有杯桔仔酸梅水，埋單只係210蚊，好抵食，2個粉面就普普通通啦，串燒好香，個汁較得剛好，啲肉都好淋，個蘿蔔糕似係港式XO醬炒蘿蔔糕咁，個醬鹹鹹香香都幾好味。最推係個玻璃魷魚通菜，魷魚好脆口，通菜有啲似蝦醬通菜咁，好大碟只係30幾蚊整體價錢好合理，份量多，只係鋪頭較細，坐得冇咁舒服，員工有禮貌。值得再黎一試

好味道的食物能舒壓，這個心情低落沮喪的星期六，與好友外出散心。選了在家附近的深水埗的蘇媽幫襯，雖然大約等了二十分鐘，但換來是一頓美味的午餐，掃走了壞情緒！咖喱湯麵：油麵軟硬適中，咖喱味香不太辣，豆卜入味、白灼薯仔爽口配合咖喱剛好、雞肉因吃食給了朋友，不知道味道如何。咖央多士：脆口、咖央醬不太甜兼份量適中拉茶：茶香、滑口，不太甜👍🏻餐室裝潢雅緻復古，乾淨明亮

我印象中未食過馬來西亞菜，知道系深水埗開左間平價既餐廳，當然要去試下啦，搭MTR深水埗站C2出口直行大約4-5街口轉左。鋪頭門口好華麗，店舖內外裝修好懷舊，擺設係好90年代feel，好鐘意成間鋪既設計同感覺好舒服，忍唔住狂影相。19:40去到好多人等位，等左50分鐘，等位期間已經寫好食物紙，一入座就即落單。枱上既擺設好靚 檳城白咖哩麵 HKD40 (圖上方)奶白色湯底，有椰漿既味，配料有豬紅,雞蛋,蝦，味道清甜帶香，岩哂鐘意飲食清淡既朋友。湯咖哩麵 HKD40 (圖下方) 香濃而不辣，唔好睇成碗野紅色以為好辣，賣相黎既姐，配料有雞肉,薯仔,豆卜,魚片，成碗麵都好正，非常岩我胃口，價錢好合理。椰香咖央多士 HKD17 多士好鬆脆，味道好普通但好想一食再食馬拉沙嗲串燒/3串(雞,豬,牛) HKD40每串得少少肉食，一上枱心唸唔係掛!! $40得甘丁多? 個汁唔辣甜甜地幾特別冬瓜龍眼茶(凍) HKD16 (圖左) 似清涼茶既味，飲唔出有冬瓜/龍眼味，茶裡有幾粒龍眼乾馬來西亞拉茶(凍) HKD11 (圖右)好香滑既奶茶，第一啖好香，第二啖好滑好重奶味，勁推薦飲馬來西亞拉茶，一試愛上！埋單HK

呢間餐廳都okay1. 流動率高: 一去到 見到好多人排 鋪又唔算大 以為實等好耐 點知15分鐘到就有位 👌🏻 2. 價錢: 價格算平民 食物都算大份 所以性價比高3. 味道: ummm我覺得都ok 叫咗個”辣死你嗎” 但其實係一碟椰汁咖哩雞加咗特制辣椒醬嘅飯😂 個辣椒醬幾野味🙈 不過個飯...無椰味 同啲咖哩....比較普通😂😂😂sor要求太高咖咉呢幾好味🤤 雖然同當地嘅味唔係一樣 但食完都令我好想去馬來西亞🙈奶茶太甜👉🏻👈🏻總結 我覺得唔錯啦 始終網上介紹嘅都一般般 但起碼呢間唔係伏先😂 希望宣傳出名之後都keep到啦👍🏻

平日過了午飯時間還是客滿。食客門面在區內顯得特別吸引。大概等了15分鐘有位。肉骨茶藥材味不濃。店主希望能夠平衡肉和藥材味道。一字骨，腍得黎又不失咬口。玻璃魷魚通菜的調味偏甜。味道偏甜，辣味容易接受。愛與不愛，見仁見智。

中午與下午茶中間的時段去到，有少量人在等位。我一個人，所以即刻有位，當然係搭枱啦。Laksa我已經揾到間又平又正嘅，所以唔會喺呢到俾$40食囉，今次專程係來試我好掛住嘅肉骨茶。叫咗個一字骨，holy shxt!! 1. 份糧小到不堪!!--扣分2. 個碗仲細過餵貓的兜兜，舊肉d肥膏仲多過肉--扣分3. 收我$38一個肉骨茶夠膽死唔跟任何嘢，例如白飯或油炸鬼--扣分。4. 唯一可接受係可以無限添加湯，但湯不夠熱--扣分。5. 肉骨茶味道普通，沒有肉骨茶的感覺。可能有人不喜歡藥材味，但個人喜歡所以嫌佢沒有藥材味--扣分裝修係幾有懷舊feel, 但舖面與枱的比例令地方變得狹窄。部份員工態度頗差，不過喂，呢度係深水埗，係咁㗎啦。。。(係咪應該咁諗？🤔）下午茶時段3:15先開始，但沒有肉骨茶特價。

我以前食過沙巴的肉骨茶，味香湯濃又有藥材味！今晚去試過，味道明顯比較清淡，有甜味但不夠濃，全冇藥材香味！食材份量算OK（骨、腩肉，雞腳、豬肚等）, 但完全吸收唔到肉骨茶的香味（我估佢地只係將食材放入肉骨茶內滾一滾），所以食材味道好淡，似白烚，做唔到肉湯合一的效果！我太太自己用沙巴買的肉骨茶湯包煮，味道比蘇媽媽還要好得多！不過每人口味不同，我就喜歡濃味帶點藥材香的肉骨茶，所以今次有點失望，也不會再試了！

"蘇媽.蘇媽馬來西亞茶餐室"算係有兩間,位於深水埗不過一間只有6個位,似Bar枱依間就有20-30個位左右7點到我地就拎左飛先(叫緊79號,而手上係102號)結果等左大概90分鐘無限任fill, 肉骨茶4步曲之前有試過肉骨茶,但唔似今次甘食無特別整個醬我好中意佢既黑醬油,甜甜地,似配海南雞既醬檳城白咖哩滲滲 $40油麵MIX米粉特別左上菜時,湯底只有椰汁味,要後加咖哩醬好香,辣味唔會好勁而麵唔特別~玻璃魷魚配通菜 $36玻璃魷魚上既應該係馬拉盞好香,有少少辣配玻璃魷魚一流百吉爹肉骨茶(大雜錦) $108一字骨,豬腳彎,豬肚,雞腳,豬手仔,豆卜金菇每一款我地都會試試不過要有醬先好食但肉骨茶可以non-stop refill特製辣椒板麵 $40如果中意食辣既,可以試~我地一行人4個人,好可惜小食試唔到愛他愛她如果少人D,我估會再去飲肉骨茶~