影片
更多
2017-11-16
525 瀏覽
聽聞呢間餐廳星期六日很多人排隊等位，所以專登揀平日下晝兩點幾嚟到，果然不用排隊就可以入坐。 首先一讚係餐廳職員很細心， 原先我哋坐喺門口位， 正當我哋想落單時，男職員請我哋入去入面坐，佢話門口位多人經過， 怕我們被碰到， 服務很貼心。食物方面， 很有南洋風味， 我以為自己去左馬來西亞😆首先係肉骨茶，十個讚滿分，我會俾七個讚佢先上兩碗肉骨茶，後再上骨， 肉骨茶較為 深色，入口有少少甘，有淡淡嘅藥材味，但略嫌當歸及蒜頭味唔夠突出，唔算濃烈，不過味道都好貼近馬來亞嘅肉骨茶。 然後佢嘅一字骨，肉質不太軟亦不太硬， 有少少嘅藥材味，但佢嘅黑豉油，唔夠甜，好似點緊老抽咁，完全唔係個隻味，呢度扣左啲分。 總括嚟講湯同骨都ok， 值得一試。之後試佢嘅咖央多士，我會俾八個讚佢嘅多士烘得好脆，咖央醬充滿耶香， 甜度剛剛好， 如果啲醬可以搽多啲就好喇。點左佢嘅羅惹豆卜，我會俾七個讚豆卜份量唔多，炸得夠脆唔油膩 ，重點係個醬汁， 呢個醬有少少花生粒， 有少少辣， 馬拉盞味夠重， 幾惹味， 醬汁濃度適中，不過少咗啲，唔夠恬哂嗰幾嚿豆卜。如果佢有新加坡嗰隻水果羅惹就好喇。最後試埋佢嘅辣死你嗎仁噹牛肉， 呢個只有六
食物方面， 很有南洋風味， 我以為自己去左馬來西亞😆
首先係肉骨茶，十個讚滿分，我會俾七個讚
佢先上兩碗肉骨茶，後再上骨， 肉骨茶較為 深色，入口有少少甘，有淡淡嘅藥材味，但略嫌當歸及蒜頭味唔夠突出，唔算濃烈，不過味道都好貼近馬來亞嘅肉骨茶。
然後佢嘅一字骨，肉質不太軟亦不太硬， 有少少嘅藥材味，但佢嘅黑豉油，唔夠甜，好似點緊老抽咁，完全唔係個隻味，呢度扣左啲分。 總括嚟講湯同骨都ok， 值得一試。
之後試佢嘅咖央多士，我會俾八個讚
佢嘅多士烘得好脆，咖央醬充滿耶香， 甜度剛剛好， 如果啲醬可以搽多啲就好喇。
點左佢嘅羅惹豆卜，我會俾七個讚
豆卜份量唔多，炸得夠脆唔油膩 ，重點係個醬汁， 呢個醬有少少花生粒， 有少少辣， 馬拉盞味夠重， 幾惹味， 醬汁濃度適中，不過少咗啲，唔夠恬哂嗰幾嚿豆卜。如果佢有新加坡嗰隻水果羅惹就好喇。
最後試埋佢嘅辣死你嗎仁噹牛肉， 呢個只有六個讚
見到佢綠色嘅飯初頭諗住會有陣班蘭味， 但食落其實冇特別，無咩香料味，好似同白飯差唔多。不過飯粒煲得軟硬適中，都ok 啦。
魚仔同花生都夠脆身，幾可口。
個參巴醬幾惹味， 辣度適中 ， 有蝦米香味，唔錯。
牛肉呢度要扣分喇， 韌左啲， 無肉味，味道似茶餐廳啲咖哩牛腩， 但就唔係咖哩味只有辣味。 不過四十蚊成大碟飯，唔可以要求太多
總括嚟講我嚟呢間餐廳係為左要試佢嘅肉骨茶，好彩都尚算可以，我仲添左兩次湯☺ 而佢嘅咖央多士都好好味，下次會嚟試埋佢嘅 亞參喇沙。
張貼
