蘇媽.蘇媽馬來西亞茶餐室 (已結業)

今次第二次食，同樣係好多人等位。晚上大概8點入到去，一心想食肉骨茶，可惜想要的部件都已經話賣哂😵所以沒有點。辣死你嗎配仁噹牛肉 Lasi Lemak Rendang Daging $50賣相吸引，配料豐富。椰漿飯味道尚算可以，配合青瓜、花生、乾魚仔，參巴醬等增加整個飯的層次，十分惹味😋但略嫌蝦片不太脆口。仁噹牛肉味道辣味適中，肉質亦不會太韌👍🏼（除仁噹牛肉外亦可選咖哩雞肉或參巴魷魚。）檳城福建蝦麵 (油麵) Penang Hokkien Prawn Mee $50賣相吸引，配料像魚片及燒肉都頗為豐富，可惜蝦只有一隻😅。油麵不像坊間的圓麵，感覺好像日式拉麵的方麵。湯底帶有濃郁蝦味，加入參巴辣醬令湯底層次增加，十分美味😋馬來西亞拉茶 $15有拉茶獨有的茶泡，雖不太甜但茶味亦有點不足。

聽講係捌哥嗰邊另起爐灶開嘅，捌哥我就未食過，但係蘇媽，sorry，真係唔會再嚟......等咗成粒幾鐘，一啲都唔值，食物真係好一般，幾失望吓......肉骨茶，肉質好，但係湯唔掂，好似豉油水咁，唔香又唔夠藥材同胡椒味，雖然任裝，但真係no thanks 芽菜太淋，味道都好一般。啲蜆瘦到阿媽都唔認得，又唔鮮甜。Ok嘅，鍾意食洋蔥會啱，不過都係一般貨式。飯完全唔好食成餐只有皇帝骨好味，其他嘢真係MMD...唔明白點解咁多人排隊，你哋真心覺得好好味咩？！

一直都好想食，今次終於約到朋友過黎食，好多人排隊～但值得去排隊食飯的一間餐廳。拉茶好香，好鍾意飲，有地道風味！咖央多士好味，但不特別。福建蝦米通粉，湯底好香蝦米和蔥油味，而且微辣湯，越食越想食～最後連湯都俾我飲哂，米通粉彈牙有口感，最有喜歡既一配麵。辣死你媽，椰香飯配牛腩，配合好好另外叫左個滷肉卷，不過太肚餓無影到相就食荷肚，香脆可口。整體感覺好好，食完好掛住馬來西亞，由於本人身體不適所以不敢飲肉骨茶同喇沙麵，下次必定再光顧。

一放工就即刻搭地鐵去深水埗,同朋友食佢最鍾意嗰間馬來西亞餐廳 ( 喺a2出口 直行大概3-5分鐘內到)嗰日勁大雨, 不過都係因為呢個原因所以 我哋唔使 好似平時咁 等20分鐘, 可以直接坐低因為我哋晏晝食得少嘅關係,所以叫咗好多嘢食 包括 椰香咖央多士 怡保肥仔芽菜 豆卜金菇...坐低冇耐店員就已經即刻奉上熱湯 (我嗰碗嫌少少油)豆卜同金菇 吸收曬肉骨茶嘅精華 非常入味同好食, 咖央多士 哄得剛剛好而且 咖央醬 份量恰到好處我哋嗌咗 百吉爹肉骨茶嘅皇帝骨, 份量畀兩個人食 非常適合 不過略嫌 肉質 唔夠嫩滑最後仲叫咗個馬拉咖哩雞肉撈油麵 , 不過呢個麵就 較為普通 下次可以嘗試其他 出色的

人氣店係名不虛傳 每次黎都要排隊肉骨茶湯可以任添 又香又濃又好飲 但唔會太咸餸飯一流 咖央多士 椰香比較重 烘起即上枱 仲熱 同埋超脆 每次都秒吞串燒都好食 個汁夠野味聽聞開左新分店 會keep住去食

今天晚上看完復仇者4後，剛好要去深水埗買點東西，記起上次非常多人等位的蘇媽，今次再慕名而去，踫踫運氣看有沒有位，拿籌後要等10張枱，應該很快吧，誰知一等就1小時過去了......好難才等到有位，索性就點個最貴有大姆指推介的大雜會肉骨茶$130(無論貴或平，湯都是任加的)，牛肉Nasi Lemak, 雞satay, 加多碗椰漿飯，招牌老鼠粉，埋單300，依味道及性價比來說，絕對唔平!點解? 首先，湯底藥材味唔夠正宗，其次材料非常"下欄"，都係豆泡個d, 而湯內所有的肉都好硬，連腩肉都好硬，豬肚乾硬又無味，好似湯渣咁，雞爪無剪腳甲， 油炸鬼同響鈴唔脆.....無樣好食收費130...(無言)而牛肉Nasi Lemak就牛肉少又硬，椰漿飯除左顏色靚係無椰漿味既，旁邊的辣醬無香味，連炸蝦片都是軟的，非常無誠意! 我是由小食印尼及馬拉餸長大的，一試便知龍與鳳...... 而沙爹的醬雖然味道不錯，但雞肉應該是用冷藏雞肉及完全沒有燒烤過的香味，能該不是用正宗的炭燒處理方法吧! 而70元的老鼠粉，同乾炒牛河可謂同出一撤....完全唔值!我食過官塘及佐敦的星馬及印尼餐廳更好食更正宗更平，慕名而來食過就算

一來每人就有碗任加的肉骨茶(無湯料) 見對面食set份量少又貴我就散叫了1飯+1餸+小食2人share百吉肉骨茶$54只有2舊不大的肉(不包飯) 茶味跟任加的不同味，味道比較濃椰將飯有椰香味，大碗推介馬拉茶香濃偏甜少少(可接受肉卷無咩料唔岩口味…(伏黎898多士好甜…(估計馬拉野甜果d都係偏甜總結：$54得2舊細肉上到台我下左出黎…最抵食係碗飯(XD就咁用任加茶+飯一齊已好味sorry) 未試過可一試，試過唔洗再試完~(XD) 都幾特別同平時工廈頹/自稱馬拉菜唔同嘅~(2月食的，之前找不到投稿食評位而且沒打算再去…唯有用貼舊圖)

上次時間太趕食唔到蘇媽，今次時間充裕，我同男友6：30pm拿籌，等了一個小時才能入座。 門面相當古雅，內裏就有點簡單的懷舊感。牆上如墨寶般的畫，其實是菜式名字。餐牌過了膠，用顏色筆剔，之後擦掉又可以循環再用～～抵讚我唔係好清楚馬來西亞菜，就只知道肉骨茶。原來肉⻣茶都有好多部位選擇，我地就揀咗皇帝⻣。另外也點了辣死你媽配仁噹牛肉（個名好搞笑）、馬拉沙爹串燒三串和椰香咖央多士，再要多換白飯和馬來西亞拉茶。點完野一碗熱辣辣的無料肉骨茶隨之送上（齋湯，免費）。感覺到濃厚的藥材和肉味，一定要熱的時候喝，涼了的話就會覺得有點咸。很快皇帝⻣肉⻣茶也送上，湯感覺分別不太大，不過就配了兩塊肉豬肉，非常嫩口。覺得只吃豬肉太清，桌上有豉油、蒜粒和辣椒粒沾來吃。辣你你媽配仁噹牛肉是大大的一碟，中央是青色的椰漿飯（上面有半隻蛋），圍著除了有牛肉，還有蝦片、小魚乾、花生、青瓜和辣醬。個人覺得個辣醬不算辣，辣不死我飯既椰味好重，我不太喜歡。牛肉反而味道不錯。配菜方面，魚乾不錯，其他普通。串燒分別是雞，牛，豬各一串，超多沙爹醬。火喉夠，燒到竹籤末端都全黑。雞同豬都嫩滑，不過牛就覺得燒得過熟，有點靭。咖央多士好脆，椰味

「蘇媽﹒蘇媽」是馬拉文「甚麼都有」的意思，它本來是深水埗一家外賣店，後來升呢開設餐廳，主打新加坡馬來西亞菜，餐廳裝修以馬來西亞懷舊冰室為主題，配以瓦磚和木製桌椅，很有懷舊的感覺。今次已經是第二次來，蘇媽門口依然有一堆人在排隊，等了快半個小時終於有位👏🏻👏🏻星馬菜的代表作是肉骨茶，而蘇媽的肉骨茶更加是主打可以免費無限添飲。牆上貼了飲肉骨茶4步曲：先混醬（蒜蓉，辣椒），後飲熱湯，再嚐肉骨點醬，最後再添熱湯，肉骨茶可選一字骨、三層肉、豬腳或豬肚等配料，香噴噴的肉骨茶帶有輕微的藥材味，真材實料卻又不會有苦澀味，冬天飲完暖粒粒很舒服😋😋除了必試的肉骨茶，推介大家要點砂煲老鼠粉，老鼠粉即是銀針粉，熱辣辣出爐的砂煲還有糍糍聲，趁熱攪拌窩蛋、蝦米、辣椒、蔥花、豬油渣等豐富的配料，十分惹味！😈😈其他招牌還有的「辣死你嗎」（椰漿飯）、咖央多士、檳城白咖哩麵等，每款都抵食夾大件而且好味道〜 下次去深水埗除了吃豬潤面不妨考慮一下這間性價比高的星馬菜！

一日聽到同事講起去佢去旅行食的肉骨茶是幾好食咁 令我突然也想試食下肉骨茶所以就在網上查了一下就找到呢間蘇媽餐室餐廳的位置都算易找的 就在深水埗a出口直行過兩至三個街口轉入去就可以見到了 不過唔知是唔是太出名的關係 都過左lunch時間了 2點多都仲有咁多人排在門口 要等差不多50分鐘左右先可以入去餐廳食野坐下後 職員俾我們一張menu是可以用蠟筆寫的 方便也可以循環再用的 設計得唔錯耶都算是幾環保的感覺叫左一個皇帝骨的肉骨茶 論茶而言 藥材味都幾濃 個中藥味也是肉骨茶的特色 呢間的肉骨茶最正的地方是可以添飲個茶的 沒有話限飲幾多碗 我連續咁飲左兩杯呢 飲落去很暖胃的 而個肉就整得很淋身 都幾入味 的確值得推薦一試 而個沾肉的醬汁餐廳也有指引話落幾多分量的醬油同辣椒同蒜會比較美味 另外叫左呢個咖哩牛肉飯 聽說也是推薦menu之一 不過驚豔程度就沒有肉骨茶咁大了 個飯本身比白米飯更香甜 而旁邊的花生小魚乾蝦片拌上飯一齊食個陣 個口感也算是比較多層次的 個咖哩牛肉都幾入味同香 但唔算太辣 真是辣的是旁邊紅色的辣醬 真心建議如果唔太食得辣的人唔好直接將醬拌上飯食也另外叫左一杯椰汁斑蘭冰飲下解

深水埗好多美食係人都知，今次我同朋友去咗試蘇媽蘇媽原本滿懷期待嘅心情去食，仲要等左一個鍾先有位，心諗一定冇伏啦點知食到成肚氣💔咁我同朋友就嗌左辣死你嗎配仁噹牛肉碟飯個買相幾好，而成碟飯最好食就係d魚仔同花生依兩樣都係香脆嘅  ，d牛肉就比較老😭，蝦片就唔太脆椰香咖央多士多士爆醬香囗，可作為餐前菜，非常開胃，值得推介❤️檳城亞參叻沙滲滲建議食唔到辣既朋友唔好食，而且可以試其他款因為依個叻沙咩料都冇😭因為碗麵太辣 所以加左杯凍桔仔話梅水可以講係好飲嘅清涼潤喉 服務態度方面係好差好差好差，d侍應可以完全當你透明，等好耐先會黎上菜速度係快嘅

見呢排好多人都推薦呢間餐廳，就決定慕名一試。 夜晚七點幾，有二十多人喺前面排隊，大概等咗半個鐘先有得入座。檳城福建蝦油麵湯底有非常香濃嘅海鮮味， 配料亦都非常豐富。椰香咖央多士表面香脆，入面鬆軟椰漿飯冇想像中咁重嘢香椰漿味，但仍然有淡淡椰香味，又甜甜地。魚仔醬蘿蔔糕重點一定係蘿蔔糕上嘅魚仔醬， 食落有啲似xo醬味， 再加上魚仔乾嘅鮮甜味，非常鮮味。恐龍下蛋千祈唔好同恐龍蛋搞錯， 因為一款係美祿底，而呢一款係白咖啡底。

上星期六傍晚六點鬆d到餐廳，門口已大排長龍，最終等了大約一個鐘頭先有位😢🍴肉骨茶（一字骨）hkd46食馬拉菜點少得肉骨茶，今次叫左一字骨，炆到好淋，肉骨茶湯藥材味好濃，而且飲完仲可以免費添飲嫁！🍴椰香咖央多士 hkd22多士新鮮即整，烘得夠香脆，加上滿滿咖央又不會太甜好正🤤！🍴辣死你嗎配咖哩牛肉 hkd50咖哩牛肉味道濃郁帶點香辣，但椰漿飯就略欠椰香，整體較普通。🍴招牌砂煲老鼠粉 hkd68本身好期特呢個粉，因為唔係好多地方有銀針粉食，望落賣相好好配料同份量好多，但味道偏淡 失望！

下午2點去到都要等20個🙈不過turnover好快~只等了30分鐘就有位了！下單之後，侍應姐姐會拿著碗和鐵茶壺來到，然後把熱騰騰的肉骨茶倒出。肉骨茶香味四溢啊！>百吉爹肉骨茶(皇帝骨)肉骨茶熱湯超香濃，帶有重重的藥材味~雖然一碗有點小，不過肉骨茶湯是可以添飲的🥰皇帝骨的肉軟身但不會太老，沾上自調醬汁，豐富了肉的味道~值得值得~>椰香咖央多士多士好脆好香口，滿滿的咖央帶點椰香，不會太甜不會膩！好正好好食❤️>招牌砂煲老鼠粉砂煲老鼠粉(銀針粉)的拌料好多...份量都好多！砂煲裡的生雞蛋是靠砂煲的熱力變熟...所以上台後就要快點把所有材料拌勻~我食到泰式炒金邊粉的味道🤣惹味十足好好食！>馬拉沙嗲串燒(豬牛雞)3串正正常常，肉是有嚼勁但也不算太老，唯一值得的是沙嗲醬味道不錯！都可以一試🙊>話知您啦薄餅配咖哩普通，咖哩和薄餅都沒什麼特別，可以不試>熱桔仔話梅水好飲，酸酸甜甜的，感覺可以消滯~>凍馬來西亞拉茶我沒喝拉茶所以不知好不好喝，但朋友好像說不錯。總結，下次會再來吃的！重點: 記得要早點去，聽說晚上會更多人排隊的！

Great price for a good authentic Malaysian food around Sham Shui Po ! A lot of food choices with a perfect portion and spicy ness. I like to come here because I can order couple of dishes and walk out with a happy smile and full belly. I’ll recommend to try curry naan and buk kut teh soup with short rips and the glass squid with vegi! The corn cake was a bit dry. I’ve found this restaurant has a vintage style decorated and service is good.