蘇媽.蘇媽馬來西亞茶餐室 (已結業)

相隔唔夠三日我又再嚟食過啦！哈！哈！哈！今次係同朋友一齊食👍🏻因為朋友係肉骨茶fans所以就叫左個雜錦版嘅，裡面材料多不勝數有豆腐卜、雞腳、骨、金菇豬腳仔......仲有最重要嘅油炸鬼😋😋真係好好食！之後就同上次一樣叫左辣死你嗎同必食嘅咖央多士🥪雜錦版嘅肉骨茶真係好適合兩個人或以上食，因為材料豐富而且可以一次過滿足曬大家嘅選擇困難症。望住餐牌唔知揀邊款好嘅話，雜錦一定係必定之選👍🏻👍🏻👍🏻

當日18:45到達，等咗around一小時就入座一坐低，落完order，店員就會每人俾一碗肉骨茶，而且仲係可以添加嘅👍🏻叫咗幾樣野食，每樣都幾有水準，特別係滷肉卷同咖央多😛不都幾重口味，食完之後都幾口渴😂我哋仲叫咗4杯野飲，呢4杯野都幾好飲😛我建議想飲重口味嘅就揀恐龍蛋咖啡同斑蘭椰汁冰，想清清地嘅就揀檸檬薏米水同埋冬瓜龍眼冰😂Btw呢間鋪頭得好少位，所以好多時候都要同其他人搭枱，想坐低慢慢食，慢慢吹水嘅，我就唔建議揀呢間啦🙈🙈

話說今日下午冇節目,又唔可以太早返屋企所以相約友人去排隊食好西一點九左右去到,排我前面都有十個號碼....但唔緊要,為左好西等下都ok既等左大約半個鐘,到我了簡單一張相,睇晒我食咩啦~檳城阿參賴沙米線,加多杯拉茶本應係想叫有椰汁個隻,睇錯了...依款比較辣,有蝦醬跟,味道不錯的...但對唔太食得辣既我黎講,辣多左啦拉茶夠茶味,夠熱,甜甜地,好味可惜我味蕾已被辣味影響,試唔真...嗚總括黎講都係好食既,價錢親民想黎既要有排隊既人理準備啊以上食評只反映本人立場,如有雷同,實屬不幸

未試過食馬來西亞嘢咁岩行街見到又咁多人排隊就試下啦👍🏻我地一行四人👨‍👩‍👧‍👦食左一個豬肚肉骨茶、辣死你嗎、兩件咖咉多士、雞絲湯河同蝦油麵。咖咉多士個醬夠曬豐盛，味道好香椰香味👍🏻👍🏻豬肚肉骨茶有濃烈嘅當歸味道，又有杞子，仲要係好似去左馬來西亞咁可以飲完再添。餐廳仲教大家要混左個醬先飲肉骨茶，再點醬食條骨，最後就飲多次肉骨茶🍽。最後辣死你嗎就係斑蘭飯加魚干、參巴醬、咖哩雞。斑蘭飯嘅斑蘭味好香好突出🤤總括而言，一讚👍🏻👍🏻👍🏻

人氣馬來西亞餐廳，時隔半年依然熱度不減，究竟半年後嘅評分有冇高翻啲呢？回頭率：🌕🌕🌕🌑🌑環境：🌕🌕🌕🌑🌑服務：🌕🌕🌕🌑🌑份量：🌕🌕🌕🌕🌑味道：🌕🌕🌕🌑🌑等候時間：15min價錢：120/pal【sorry都仲係我大食正常人均80-90左右】◆Summary◇馬來西亞菜，似茶餐廳設計要搭檯。肉骨茶無限任添，食物選擇多樣，味道普通得很穩定，半年後分數依然冇變🤦🏿‍♀️推介皇帝骨肉骨茶同辣死你嗎配仁噹牛肉。主要食人氣，整體性價比中等偏低。————————————————————————◆辣死你嗎配仁噹牛肉◇ HKD50😍性價比之選，份量夠大味道又唔錯‼️椰漿飯帶有淡淡的椰漿味，口感略黏帶奶香，搭配一旁的辣醬相當惹味又唔會太辣🌶牛肉煮得入味軟爛，連一向唔中意牛腩嘅我都食得津津有味。側邊仲有花生小魚乾蝦片等等配料，夠曬香口👅可惜辣醬唔夠多，蝦片又太腍。◆沙嗲串燒(豬牛雞共6串)◇HKD75🙂好普通。沙嗲醬味道偏甜花生味濃，份量俾得慷慨，可以食到粒粒花生🥜串燒肉質就普通，所幸燒得未算過火尚能保持肉汁◆拉茶☕️◇ HKD19🙂滑&甜。茶味唔濃，都係港式奶茶啱

正所謂聞名不如見面今次終於黎咗試依間超多朋友推介嘅餐廳話說放工即刻衝去深水埗大約六點九度去到 已經開始要排隊排咗二十分鐘度啦就有得入座了其實都幾多食物選擇有飯有麵有小食正咁我同男友就好貪心咁咩都叫小小比完單就即刻有伙計幫我地倒肉骨茶原來佢地係可以無限refill個湯藥材味幾香幾正我地叫咗個皇帝骨我覺得啲肉普通姐 但個湯唔錯所以整體都ok另外都叫咗個咖央多士 幾好味但最令我impressive嘅係圖入面後面個杯拉茶係真係超好飲 熱飲好正好有茶味🍵男友杯檳城白咖啡就普通啦都叫咗啲小食玻璃魷魚配通菜正常發揮檳城香炸滷肉卷好辣我地兩個唔辣得之人真係食唔到😂兩個人食到超飽 好想再黎試老鼠粉同埋拉茶bb😍😍😍

約三點鐘黎到蘇媽蘇媽，由地鐵站行過來約8分鐘。黎到見有小人龍。照拎籌排隊。等了20分鐘，終於入得去👣手寫書法顯得餐廳有文化氣息，也有傳統感覺。餐牌過膠，為了循環再用，支持環保的做法熱熱一字骨肉骨茶茶味濃得黎易入口，香味撲鼻，喝一口後藥味香韻在嘴裡飄逸猶存😌欣賞餐廳的肉骨茶係可以免費添加的~而一字骨，骨肉帶茶香，也帶🐷骨味。講起肉骨茶是湯非茶，普遍有兩種版本，一是新加坡肉骨茶，另是馬來西亞肉骨茶，前者的肉骨茶重胡椒味、後者藥材味濃。這裡喝的就是馬來西亞的地道味道凍啡就一般啦～還是熱拉茶好飲拉茶夠熱~茶味濃，也不錯。雖然天氣熱，但熱的拉茶會更香椰香咖央多士亦沒有令我失望，烘得鬆厚內裏的漿帶椰子香，甜度剛剛好😋配料很足夠，有蝦，魚片(魚片薄但夠香)，蛋，菜，湯味好滋味，微微香辣很容易令人上癮，煮得剛剛好~唔會太硬太淋~食完，孤獨又燦爛的女神連讚👍正😋荃灣開了新分店，住近果度既朋友，有興趣去可以一試~

今日去左人氣甚高長期要排隊喺深水埗嘅馬來西亞餐廳 蘇媽蘇媽👅 主要原因應該係因為價錢平同夠地道 我地大概下午茶時段去到 排左幾個就到我地啦😊一場泥到有乜可能唔試下佢哋個肉骨茶呢 我哋見皇帝骨係限量發售 所以就揀左呢個🤤 你都每張枱都會有教你正確食肉骨茶嘅次序 首先係用蒜蓉 辣椒 黑豉油 頭抽做好一個調味醬 然後就可以飲番碗熱湯 跟著就可以將肉骨茶點醬食用 記得呢到係無限加湯架😉 呢到既湯比較重藥材味 飲得出真材實料好暖胃 而且皇帝骨既肉超腍 點埋醬汁食唔錯👍🏻主食我地就試左比較特別嘅招牌砂煲老鼠粉 其實就係調左味嘅銀針粉加上肉碎 魚乾 雞蛋 蔥 等等嘅材料撈埋一齊食👅 用砂煲上食極都熱辣辣 份量好多 2個人都食唔哂 不過真係幾惹味😋另外我地試咗2款小食 分別係椰香咖央多士同埋檳城香炸滷肉卷 2款小食反而比較遜色🙈 咖央多士唔算好甜 不過可惜無乜牛油 食落唔夠香🤭 而檳城香炸滷肉卷感覺就似炸左既芋頭肉碎腐皮卷 只有一個非常非常非常辣既醬 食唔到辣嘅朋友無醬點會覺得比較乾身🔥飲品方面我哋試咗一杯檳城白咖啡 飲落濃滑 解喝一流👍🏻

店內裝修很有風味 好像真的置身於馬來西亞 肉骨茶還是自助放題喲！可以無限續飲！💫椰香咖央多多士 $15多醬 口感很脆 第一口真的會愛上！即使放久了沒那麼脆也很好吃😍💫辣死你嗎陪咖喱雞肉 $30其實一點都不辣 翻譯過來就是一個椰漿飯配參巴醬 青瓜 花生 乾魚仔 薯仔 蛋 還有咖喱雞肉 那麼多配料撈在一起 口感豐富 參巴醬很惹味！💫馬來西亞拉茶 $7（跟餐）拉茶很香很滑 而且不會太甜 不過下次想試下檳城白咖啡‼️肉骨茶無限續飲不過那些菜名真的好有創意

每次見都好鬼多人，有一次見唔使等就試一試，睇一睇過menu,D名好奇怪，要睇埋個圖先識叫，我叫左個招牌既老鼠粉同咖央多士，食落去完全冇特別，個老鼠粉只係食到豉油加蒜既味道，入面材料全部都係平野，都賣$6x,個咖央都係超普通貨，食左2-3啖已經唔想食，真係唔明點解每日都有人等位

蘇媽蘇媽，深水埗呢間分店就一定預咗要排隊，可以攞飛嘅，但係如果超過五個號碼呢就要重新輪候或者睇吓店員可唔可以到時再安排啦。去嘅時候呢，見到有客人同職員有少少嗌霎，因為輪候嘅問題，所以其實公平起見，就算你攞咗飛，都唔好大安旨意行開諗住有人留位。咁我就好乖乖咁企喺門口等位嘅，亦都好順利大約等左15分鐘就可以入座啦，可能係因為閑日同埋我係夜晚八點去嘅。1️⃣玻璃魷魚通菜呢個玻璃魷魚好好食，魷魚控必點，口感同一般魷魚好唔同，加埋通菜炸蒜黎炒，成碟野都好惹味，出街食多碟菜又好似健康啲！(自欺欺人mode🥰)2️⃣咖央多士呢個一定要熱辣辣啱啱上即食❗️係脆勁多‼️擺耐左再食，會淋身左，但又唔係唔脆，口感有啲似食放咗一日嘅薯片咁。入面個椰漿係甜甜地幾得意，比傳統嘅多士好唔同😍。3️⃣肉骨茶呢度嘅肉骨茶有好多唔同嘅大骨可以揀，今次試咗金菇同埋豆卜配肉骨茶，兩樣都好索湯好入味！提提大家：如果有嗌肉骨茶可以refill 🤟🏻。—#深水埗美食 #馬來西亞美食 #食好西 #相機食先 #香港美食 #foodiehk #hkfoods

.📍蘇媽.蘇媽馬來西亞茶餐室 好！風靡一時嘅馬拉菜！終於有時間去試下，等前排去完新加坡嘅🐷星期日知道多人，已經6.30左右去擺位，點知都等到8點先有得食，真係好唔cost effective😑但決定左要食就堅持下啦！啲野食整體都合格既，只不過等咁耐就唔係好值，同埋小食好食過啲主菜🤔性價比都高既，嗌咁多野都係$358埋單，4個人食到好飽🤰🏻結論 ⭕️可以一試 不會再試⭕️—————————————————————❣️雞腳肉骨茶（$35）🐷第一次有印象嘅肉骨茶，因為🐷爸話我飲過但我真係冇印象，然後🐷爸一直話好難飲，搞到連去新加坡都冇試過！但今次呢個肉骨茶好好飲，唔會話好大陣藥材味，又唔會好咸，不過🐷爸話雞腳唔夠淋.❣️砂煲老鼠粉（$68）🐭粉即係銀針粉，上面有d肉碎，有隻生雞蛋🥚，有d似窩蛋牛肉飯🤣嘻嘻撈呀撈，都幾好食，不過🐷覺得咸左小小，有啲似台灣肉燥，有d普通咁.❣️湯咖哩米通粉（$48）本身想食喇沙，但見到呢個同爸爸即刻想試下佢有冇我地上次係新加坡既水準🤣但當然冇啦，味道差幾條街！咖哩唔夠味，上次食係米粉溝麵，今次係米粉溝米線，都似嘅😂未食過可能會覺得ok吧.❣️辣死你媽配咖哩雞肉（$50）賣相

早兩日試咗附近嘅一間馬拉菜，今日試返原本想試但上次太多人排隊冇試嘅一間。菜式好似大致相同，但係呢邊個叻沙係一啲叻沙味都冇㗎囉， 就連咖央多士、 沙嗲串燒都比較遜色。 推介嘅老鼠粉我都唔覺得係特別好味， 係銀針粉加咗啲餸咁囉。至於，咖哩雞肉同埋蘿蔔糕可能已經叫做係比較好嘅菜式。 唔使排隊還可以一試，要排隊嘅話我就覺得唔值得喇。最後，肉骨茶話就話可免費添加，但係我哋再叫佢加嘅時候只得一半多少少........ 再去機會不大

今日我同家人三人黎到呢間食馬拉菜，聽講都幾多人等位，所以我地早少少到來都等左三十分鐘才有位，入到去地方唔係好大，環境似馬拉的一般茶室，我們急不及待就點菜了。首先係馬拉沙嗲串燒，一碟有三串，味道好有馬拉風味，沙嗲味濃，牛肉都算幾嫰，好惹味！呢個薄餅個名好得意，叫做話知你啦薄餅配咖喱，薄餅少少煙靱，大約一塊面咁大塊，配上香濃咖喱汁，簡直係絕配！我地叫左一杯桔仔話梅水和一杯凍馬來西亞拉茶，桔仔話梅酸酸甜甜好醒胃，凍拉茶入口好滑，但我覺得應該熱飲會好飲一點，因為啲凍溝淡左茶的味道。食得馬拉野就梗係唔放過佢地既椰香咖央多士啦，好有椰香味，咖央香甜，多士都好烘得好脆，好地道！呢個個名仲搞笑，叫辣死你嗎配仁噹牛肉，但其實一啲都唔辣，只係馬拉文叫法譯做中文先咁搞笑，牛肉好腍，好香好入味，椰漿飯好有椰香味，但如果好鐘意食椰漿飯既朋友可能會嫌佢唔夠，但整體都好好食！檳城白咖哩麵，入面得幾舊豬紅，半隻鹹蛋，有啲芽菜，有幾隻蝦仔，用料不是一啲貴野，勝在個白咖喱都幾香，但唔算抵食！檳城香炸滷肉卷，每碟得兩件，但佢新鮮炸起，好脆，味道有一點鹹香味，點埋個辣椒醬就會幾辣，唔食得辣就唔好點醬了。百吉爹肉骨茶用上一字骨

「香港篇 - 深水埗」“蘇媽·蘇媽 👩🏻” 🌟🌟🌟🌟/5今日帶媽媽來蘇媽嘆馬來西亞美食😋🔻辣死你嗎配仁噹牛肉 🌶🤯 ($50)“辣死你嗎” = Nasi Lemak 只係譯左做中文音😂其實一d都唔辣🙈係好香既椰漿飯配上魚乾仔🐟同🥜、🦐片😋色調好靚💙仁噹牛肉係牛腩筋 又淋又入味🤤🤤椰漿飯可以再重d椰漿味就好啦🙈🔻皇帝骨肉骨茶 ($54)皇帝骨鬆軟超級淋😍😍又保持到筋既爽口🤤好想知係豬既咩位置來 煲湯一流😍肉骨茶幾重藥材味 但唔會接受唔到👏🏻佢教你先飲一碗肉骨茶再食肉再飲多碗🙈要調個醬汁再點肉食 好似食湯渣咁😂🔻椰香咖央多士🥪 ($22)🤩🤩🤩必點🤩🤩🤩咖央醬幾重斑蘭味😍😋又甜又有椰香🥰多士烘到香脆 搽滿咖央醬同牛油😍😍你都好難話唔好食🙈🙈😍😍😍🔻拉茶☕️ ($12跟飯/麵)🤩🤩較重奶味🍼但👩🏻話拉茶就係較重🍼味🙈依方面我👩🏻係專家😂飲得到泰式奶茶既香料味 正😋💁🏻‍♀️蘇媽完全dominate左成條街既食肆😂😂勁多人排 我地1215去到要排到1300🤯不過有可能d員工做野效率低😂叫左肉骨茶記住添茶呀‼️