蘇媽.蘇媽馬來西亞茶餐室 (已結業)

見呢排好多人都推薦呢間餐廳，就決定慕名一試。 夜晚七點幾，有二十多人喺前面排隊，大概等咗半個鐘先有得入座。檳城福建蝦油麵湯底有非常香濃嘅海鮮味， 配料亦都非常豐富。椰香咖央多士表面香脆，入面鬆軟椰漿飯冇想像中咁重嘢香椰漿味，但仍然有淡淡椰香味，又甜甜地。魚仔醬蘿蔔糕重點一定係蘿蔔糕上嘅魚仔醬， 食落有啲似xo醬味， 再加上魚仔乾嘅鮮甜味，非常鮮味。恐龍下蛋千祈唔好同恐龍蛋搞錯， 因為一款係美祿底，而呢一款係白咖啡底。