蘇媽.蘇媽馬來西亞茶餐室 (已結業)

想食蘇媽 蘇媽好耐🍴🍴今日又嚟到深水埗 上次經過已經好多人今次都唔例外啦夜晚7:00到 大約等左半個鐘位雖然真係等到幾熱😂 但想食咁就冇辦法啦本來好想食老鼠粉 但太大份嘅關係我哋冇叫到所以唯有叫小d份量 試左味先講吓呢個雞飯 頭先見到佢嗰飯綠色都已經吸引左 話係班蘭味 但就唔係話好出陣味首先雞 咖喱味同椰香味比例啱啱好 滑！吾（鞋）另外佢有啲配菜個人就好鍾意佢個魚乾仔 完全係調香左成個飯既味蕾👍🏼 但個份量就真係唔多啦食星馬菜唔少得咖央多士啦 啲醬都夠 但冇話太大嘅驚喜👍🏼呢個沙嗲串燒正呀首先佢燒到好香脆之餘入邊吾會乾 之後講個味道啦佢個沙嗲唔會蘇椰香味 因為有時啲沙嗲醬會d椰香味蓋過咗本身沙嗲嘅味道👍🏼 推介至於綠色嗰杯班蘭沙冰😂😂 冇乜班蘭味如果好怕甜嘅朋友仔可以叫其他飲品😎

平時見到依間餐廳好多人排隊，今晚一於黎試下，睇下係咪真係咁堅！？餐廳既裝修幾有東南亞色彩，人太多要搭檯，張檯又細，所以好窄。不過野食先係重點，嗌左招牌既肉骨茶，皇帝骨賣哂唯有揀一字骨，餐牌好細心講明食肉骨茶既步驟，首先撈好蒜蓉、辣椒、黑豉油同頭抽而成既醬汁，再飲一啖熱湯，再將肉骨點醬黎食，食完再加熱湯，無記錯係無限添飲！個湯一飲落去完全唔夠熱，飲得出有藥材味，但係偏淡，一字骨食落好鞋口，點完醬一樣唔好食！檳城亞參叻沙食落又辣又酸，完全唔係想像中既味道。辣死你媽一樣唔夠熱，味道算係正常，飯亦帶有少少椰香。招牌老鼠粉痴哂底，燶味大過焦香，食落甚至有D苦味。唯一可取既係咖咉多士，咬落外脆內軟，咖咉甜度適中，再一次證明多人排隊唔等如好食！

為食++： 😋😋😋😋由佢第一日開就一直好想試既「蘇媽·蘇媽」果然係名不虛傳。平日中午時段黎到都已經滿座，好彩等左5分鐘到就有位啦✌🏻✌🏻環境： 地道茶室裝潢，雖然餐廳細細但都唔會有好迫既感覺食物：今次試左「辣死你媽」配咖哩雞🍛，味道十分地道，再加錢配埋馬來拉茶，簡直一絕。

一直都聽呢間好多人等位同埋食，所以同男朋友上個weekend都過深水埗試吓。我哋喺門口大概等左15至20分鐘左右就入得去。自己用蠟筆畫單，牆身都貼住有教你點樣食肉骨茶😛環境唔算好大，應該全世界都係搭枱食😂。椰汁咖央多士。無我想像中咁甜，可以接受，男朋友就話椰汁味好重。我又覺得okay。另外我哋叫咗個豆卜金菇肉骨茶，比我想像中細兜好多😅仲要40幾蚊。肉骨茶個湯可以任添🤤，豆卜/金菇點醬食好好味。蝦醬喇沙，加咗蝦醬我都預咗佢會濃味，但我無諗過咁辣！😂食到流晒鼻水。食到尾都覺得有啲鹹。大豆芽菜就有啲普通，試一次就夠。老鼠粉望落好似好吸引，但其實食落係冇乜味😓同男朋友係要加肉骨茶嗰啲黑醬油先覺得有返啲味。我叫咗檸檬薏米水，好大杯好好飲🥰最後埋單$286，冇想像中咁好食😶

一行5人, 專門嚟試下佢既肉骨茶, 係門口都已經聞到好香既味道啦~排隊齊人入座我眼見佢每張枱都會有教你食肉骨茶既次序, 有晒圖案~首先用蒜蓉, 辣椒, 豉油, 頭抽做好一個調味醬, 然後就可以飲碗湯, 記得個湯可以任加...我覺得呢間比起出面個D比較重藥材味, 但好香~飲完湯之後就可以將肉點醬食我地當然要試埋佢其他野啦~叫左個招牌老鼠粉, 入面有豬肉碎、豬肉腸、黑醬油、甜豉油、胡椒粉、蔥 仲有隻雞蛋好好味~但可以再重手多少少~另外仲有個叫辣死你嗎（Nasi Lemak ）配仁噹牛肉, 椰漿飯，蝦片，牛肉，花生，魚乾仔，烚蛋同埋Nasi Lemak既靈魂參巴辣椒醬, 我覺得都唔錯~仲有叫埋玻璃魷魚配通菜呢個好香口好好食~椰香咖央多士好足料又夠香脆好好味~大致上呢間可以再次嚟食~唔錯!

星期五晚難得一家人都準時放工, 便相約去深水埗尋找美食。四個人點了一個捧捧骨肉骨茶,兩個麵, 一個菜,一個咖央多,一個咖哩薄餅 和一份蘿蔔糕肉骨茶  我是為了它來的, 加上可以添飲 教我喝完一碗又一碗,基本上喝了三碗都飽了一半。玻璃魷魚配通菜魷魚好新鮮彈牙 辣辣地幾好味 辣度都算頗辣 大約是米線店的3-4小辣怡保雞絲湯貴刁由於妹妹不食辣的，故點了這個主食。不過不失 清清地的一個麵叻沙 (米線)香料味太重 母親大人完全接受不了的味道 我本人就覺得還可以 只是有別於平時的喇沙 故此落差大了點。咖央多 很好吃 淡淡的椰香配上像班蘭的淡香 一個字 好食！魚仔醬蘿蔔糕：也不俗 又係辣辣地 幾香口  蘿蔔糕整得不會太爛太軟身。話知你啦咖喱配薄餅：咖喱太重口味 比較像印度咖喱的味道，反正不是人人都接受得了的味道 但個薄餅就很讚!!這次光顧覺得價錢加了，但食物的質素好像失色了點，沒有impress到我，好像勾不起我第三次光顧的衝動。

話說我係附近學完車，不嬲鐘意食馬來西亞野既我，上openrice見有人推介呢間蘇媽，所以我就一於黎試下佢係味咁好味先！係對面行緊過去見到門口聚集左一堆果間就係啦記得問職員拎飛，唔好傻更更係度等我自己一個等枱，中午12:30到 等到12:45左右自助下單，你地都見到好幾款肉骨茶，依家已經賣曬！剔左跟蝦醬，點知辣到出曬汗，好彩有杯凍咖啡，提醒各位小心！上wiki 睇返原來「亞參喇沙gei 湯底味道比較酸，用到羅望子、鯖魚、香茅、南薑、蝦膏去煮，麪底通常係粗米粉，而餸就多數有魚肉、菠蘿、青瓜、洋蔥。」涼心涼，味濃郁，我覺得甜度適中你睇個湯底埋單$70 只收現金

想念馬拉菜，決定要獎勵一下辛苦了一個上午自己，每次經過想來食，都見到好多人係度排隊，所以多次都冇機會食，今次決定要等！果然皇天不負有心人，我地等左5mins左右就入到起，午市繁忙時間，可以這麼快進去，真係好感恩！好欣賞呢度都好環保，用可以搽掉的卡點餐，餐牌選擇還蠻多的。希望它不會死甜，上面的泡泡是精華，個人好鍾意！伽央多士醬份量剛好，剛烤起格多士，外脆內軟，配上清甜的伽央醬，好美味！福建蝦麵 雞絲麵

I was in the area buying computer parts and remembered a friend mentioned that the side street stall selling nasi lemak has moved to a shop. So I decided to try it as I have walked past their previous side street stall many times and never tried.  Had to walk to ki lung street under the hot sun now, I was not craving for Malaysian food as I always get to eat with my frequent travel, all I wanted was to find out how good they were. Bak kut teh is almost impossible to be good in HK because you nee

等咗差不多一個鐘個 #肉骨茶 係茶肉分上湯，第一啖清，越飲覺得越濃，仲可以添飲一字骨清爽彈牙，即刻追單咖哩薄餅，新鮮熱騰騰上，都唔錯，不過唔係特別到一定要試椰漿飯都係正路野所以最最最正都係肉骨茶🤤

蘇媽好茶餐廳感覺😆，俾個餐牌自己勾選食物。揀左三款小食類同飲品。▫️▪️▫️椰香咖央多士 黎蘇媽最主要想試個咖央多，甜度岩岩好，但係唔夠香🤔 未去過真。馬來西亞既我唔識分正唔正宗，只係唔係我最喜愛既口味。▫️▪️▫️話知你啦薄餅配咖哩話知你啦薄餅熱辣辣脆卜卜，好難唔好食既☺️▫️▪️▫️馬拉沙嗲串燒 （豬、牛、雞各1串）豬同雞比較好，牛唔知食緊咩，不過最主要個沙嗲醬姐。再去一定唔揀佢。▫️▪️▫️凍桔仔話梅冰 (前）桔仔話梅冰飲落唔人工，好開胃～▫️▪️▫️椰汁班蘭冰 （後）椰汁班蘭冰好多奶好漏，好彩唔係我飲既😎➰原本想叫肉骨茶，可惜好多種骨都無😅 下次再試啦～

下星期將會出發馬來西亞沙巴，但對於由細到未品嚐過馬來西亞美食嘅我來講，對呢個國家嘅食物毫不了解。於是朋友帶我去咗呢間深水埗嘅蘇媽蘇媽。門面幾靚有特色，不過原來冇得預約，我哋喺門口就企左一個鐘先有得入😓如果要去嘅朋友記住留意呢一點。入到去座位比較窄，不太舒適。一坐低肉骨茶一人一碗，飲落香濃有少少藥材味，而且係免費無限添飲，非常正。我地試咗：椰香咖央多士-香香甜甜的椰香味馬拉沙嗲串燒(豬肉/牛肉/雞肉) 沙嗲醬汁幾好食，但豬肉同牛肉都有啲“銀”招牌砂煲老鼠 -用砂煲有feel，上面d肉碎加生雞蛋🥚總括嚟講口味好濃，啱晒重口味嘅人，但諗返係要用1小時等，就自己衡量值唔值得啦

早幾天吃過馬來西亞菜後，對馬來食品念念不忘。知道香港近期有不少有名氣的食店，大獲好評。瓶子心思思，便找伙伴吃了。晚上的蘇媽，也有很多捧腸客，排隊的人源源不絕。六時許到達，等了十多分鐘，有位置了。坐下來研究menu之際，店員又要求換位置，繁忙時間吃飯，互相遷就一下是常識吧。蘇媽是沒有冷氣供應的，現正值炎夏，確是一大挑戰。為了吃，你能忍受嗎？瓶子來，是為了必點的肉骨茶。皇帝骨，在餐牌標示限量發售，那得try了。不得不佩服，蘇媽能把肉骨茶無限供應，多喝多少喝多少，絕對可喝到飽。熱騰騰的肉骨茶，散發一陣藥材味，個人對藥材味不抗拒，是真正的風味。肉肉是半肥瘦，浸在肉骨茶內，中和了油膩感。湯咖哩麵（米通粉）即是咖哩麵，也類似喇沙。米通粉，都是以熱水開粘米粉搓成條狀。彷彿是較長的通粉，又像狗仔粉，口感軟稔稔，配濃郁的咖哩湯很搭配。來到最期待的咖央多士。多士是薄薄的白麵包，烘後金黃微脆，塗上厚厚的咖央醬，甜甜的真滋味。一頓豐盛的馬來料理。

今日特登入深水埗，就係為咗試哩間人氣好高嘅馬來西亞小店。第一次來要等35張檯，打算去西九龍行個圈返來，點知啱啱過咗第六個，店員話過5個號就要重新排，結果吃唔成。今日好好彩，只係等16張檯，今次唔感行開，30min左右就有位了。一座低，店員就會倒一碗肉骨茶俾你，味道都幾濃郁，我哋添飲咗一次，滿足。我哋叫咗砂鍋老鼠粉，即係銀針粉，好夠味，份量足。可惜有幾樣骨嘅肉骨茶都沽清，我就試下個豬腳彎，都好好味，可能因為可以添湯，所以份量細D。拉茶味道偏淡，茶味唔夠膿。咖央多士香脆，唔會太甜，好味。兩個吃到飽飽，已經飲唔落第三碗肉骨茶了。下次先再試其他它啦！

原本有同事介紹這間餐廳d椰漿飯同肉骨茶好好食，諗住今晚一於就帶埋女朋友嚟試下。於是，一嚟到門口就見到好多人起到拎飛等位，咁我地就拎左張14號嘅飛，然後等左差吾多45分鐘左右，服務員差吾多叫到接近我地嘅號碼時，跟住就比左份menu我地畫野食先 ，點知無幾耐， 服務員果位啊姨居然跳過左我地個號碼，一叫就跳到2x號 ，直到我問佢點解14號都未叫，你就跳過左我地號碼？ 之後果位啊姨完全無理會我地，仲繼續起到叫到26，27號。之後我重複再問佢一次，佢仲離譜到比2x號嘅客人先行入座，然後先同我講（啊 系喎 叫漏左你地添），而且道歉都無聲，仲要叫我地等多陣，我心諗 點解等嘅系我地而吾系排我後面嘅人呢？最後足足等左個幾鐘先到我地入座，呢種服務態度實在令本人極度不滿，而且完全無道歉也無誠意，重點系對我地嘅待遇吾公平，相信下次都吾洗再幫襯！！