蘇媽.蘇媽馬來西亞茶餐室

營業中

休息中

蘇媽。蘇媽馬來西亞茶餐廳位於荃灣、深水埗、旺角都有分店。⁣旺角店在「618上海街」，是市建局將二級歷史建築的上海街10幢戰前唐樓用四年時間活化，變成經典唐樓群的新景點，店鋪的風格都走懷舊路線，保留了歷史陳跡。⁣⁣蘇媽。蘇媽店內的裝修佈置、地上階磚，牆身的掛畫、擺設， 都很有60年代懷舊感覺。⁣⁣🔸檳城福建蝦麵 $55⁣湯底蝦味濃郁，蝦味鮮甜，油麵底，材料有兩隻蝦、腩肉、蛋半隻，馬拉風味十足。⁣⁣——————————————————-⁣⛳️ 蘇媽.蘇媽馬來西亞茶餐室 (旺角)⁣旺角上海街618號地下G01號舖⁣⏰星期一至日 11:30-00:00⁣*最後落單時間 23:00⁣

一字骨好大件，夠淋同入味，但個肉骨茶底始終都係捌哥好味啲。咖央多士好多醬但塊牛油可以厚番啲，naan既麵包體好煙韌，可惜中意表皮脆脆地果隻。旺角店幾大間，朗豪坊再行過啲就係，同橦仲有其他野食，就係因為蟲二爆場先落嚟食。...#test_mk#test_yellow______________________________🏠 蘇媽.蘇媽馬來西亞茶餐室 💛📍 旺角上海街618號地下G01號舖______________________________ig : eatesterhk

又係平日下午唔洗排隊時間入去食，抗疫期間唔可以外遊，呢間餐廳會帶比你有置身乾淨版的檳城感覺，我點咗檳城亞參叻沙米線$52和凍拉茶$18，套餐價凍拉茶平咗$7（原價$25)，叻沙米線食食吓覺得幾辣，所以要order一杯凍拉茶舒緩下個喉嚨，雖然我叫了少冰冇叫少甜好彩飲落唔覺太甜十分適中，呢個叻沙米線十分正宗，雖然我不太喜歡個味道，但係我一定會再光顧蘇媽試吓其他食物，呢個價錢喺香港來說算抵食不過，侍應經常掛住傾計，我叫了幾次都聽唔到，反而坐cashier的收銀員聽到我落order, 幸好佢哋都非常有禮貌

試過排深水埗同荃灣店，係條街到熱辣辣，兩次都排左約九個字都無位就算，未食已經中暑啦！今次係去完上海街618, 又未到晚餐時間，見竟然唔洗排隊，就入去喇。都幾多選擇，但我只係行街行到攰想飲杯野食個小食，無下午茶set, 小食都四十幾蚊，要叫三個小食飲品先會計平d, 唉，三個小食我地兩條友邊食得落丫，散叫啦！要左個豬腳灣肉骨茶，我係寒底，朋友係熱底，個肉骨茶放低已經聞到好重藥材味。我飲左一碗都已經覺得燥燥地，而朋友只飲左一啖，佢已經飲唔到，好彩隻豬腳唔係同個湯底一齊煮，佢都有 d野可以食下。話說有次我係深水埗排唔到蘇媽就轉左去捌哥捌哥，佢地既間格同食物都好似，我亦有叫肉骨茶，但佢果個無咁重藥材，大眾d, 朋友飲到，而我亦可添飲。飲凍白咖啡有炭燒味，加埋煉奶，天時暑熱，都係呢杯野最正！咖映多士，正常。總括黎講，份量少，無set, 略貴了，完全不值得排隊試！

呢間食過不下五次，因為野食特別之餘價錢夠平民，經過見到上海街618竟然都開左🙌🏻不過都幾多人下要預左等🙈-椰香咖央多士 $26第一次食呢度嘅咖央多，呢個真係要推介‼️裡面咖央醬多到就快流出黎🤤首先試到椰香，之後斑蘭葉香味就慢慢溢出，超鍾意班蘭味嘅我表示好滿足🥳多士烘得夠脆，有種外脆內流心嘅感覺！！-檳城白咖喱油麵 $52白咖喱湯底偏清同淡，試真d都有椰香味，個湯底好好味😌裡面就有半隻蛋🥚、d蝦🦐啊墨魚丸同豆芽咁，麵底係油麵，感覺有d似車仔麵😹下次想試下喇沙💁🏻‍♀️-馬來西亞拉茶(熱) $22d泡泡浮曬係面，底嘅奶茶好香好幼滑，味道同港式奶茶差無幾-美祿恐龍 $33呢個有少少失望，原本以為會飲到脆脆之類嘅野，現實就係普通嘅美碌面頭加美碌粉，$33飲杯凍美碌就真係有d貴😂

香味十足既馬拉菜 💯⁣⁣⁣一直以來都好想試蘇媽蘇媽 不過之前喺深水埗太遠一路都冇去到 而家喺旺角都有得食 🥳 試完就明白點解佢分店越開越多 🤣 ⁣⁣⁣⁣⁣⁣/棒棒骨 $76/⁣⁣⁣馬拉菜嘅肉骨茶偏重藥材味 一開始都有啲擔心接受唔到 但原來個湯熬都好香 飲得出煲左好耐 亦都唔會有藥材既苦味 😆 棒棒骨煮得好腍好入味 啖啖肉好正 😋 入邊仲有肉骨茶同金菇一樣索曬啲湯底精華 👍🏻⁣⁣⁣⁣⁣⁣/仁噹牛肉 Nasi Lemak $55/⁣⁣⁣椰漿飯煮得好香 撈埋辣醬同埋魚乾一齊食 好惹味 ☺️ 牛肉有少少似咖喱牛腩 同樣夠入味夠香 👌🏻 而且份量都唔少㗎 🤪⁣⁣⁣⁣⁣⁣/招牌老鼠粉 $78/⁣⁣⁣呢個就有少少似用豉油王黎炒 用砂鍋夠晒鑊氣 加埋係肉碎係入邊有唔同嘅口感 食到最尾仲有少少「麵焦」添 🤩 ⁣⁣⁣⁣

差唔多成年冇去過旅行，特別掛住新加坡菜，新加坡鄰近馬來西亞所以兩個地方嘅菜式都好相似。 因為行街經過見到有肉骨茶所以特別興奮見到都幾多人喺度等緊，我哋首先攞咗個籌，然後入去新開嘅618商場行街，入邊好有文藝氣息。行吓影吓相，大約半小時左右已經有位啦。 老公係食肉獸所以我哋叫咗個棒棒肉骨茶，棒棒肉好林，好惹味！ 另外我哋叫咗個紗煲老鼠粉，大家唔使驚，唔係食老鼠，原來老鼠粉嘅意思即係話銀針粉。同樣味好濃，比較特別，出邊比較少有機會食到。 我哋叫咗個蝦醬炒椰菜苗，一個個迷李嚟嘅椰菜，一啖一個，感覺好特別，不過食食吓有啲似芥蘭，越食越覺得苦，可能我哋食唔慣我哋叫咗好好味嘅咖央多士，嚟到卜卜脆，餡料夠，超級鍾意食，不過一定要即刻食，因為冷了林左冇咁香脆。 仲飲咗兩杯特別嘅飲品，有拉茶，味道香濃我哋超鍾意❤️我哋最後encore佢啲嘢飲，叫埋斑斕椰汁🥥🥰出乎意料好味，我覺得佢間餐廳嘅嘢飲比較有驚喜。

終於開分店黎鬧巿喇，我尼個懶人就可以試試！差不多成9點幾先去到仲係爆滿要等位(坐得好密集，疫情之下小擔心) 好彩都快，而且出面有個大餐牌可以睇定食乜，一坐底就叫得，餓死~ 毫無疑問每枱都有叫肉骨茶，我地揀左一字排肉骨茶，仲有好多款揀原來湯係你一落左肉骨茶系列就會另上，可以任添，夠熱，好香濃嘅藥材味，但飲第二碗時有d偏苦一字排d肉帶少少油脂好易夾開，好滑唔肥，要淋d湯等佢冇咁乾，一定要點佢地個蒜末醬油食！另外叫左魚仔醬啦啦(蜆)，新鮮抵食，不過我麻麻地個魚仔醬，唔多夾之餘似腥腥地嘅xo醬，但男朋友又幾鍾意最後湯咖哩米通好食，非常索汁堅辣，豆卜可以再淋d同多d餸就好lu~估唔到飲左碗半湯之後成晩訓覺個人都暖笠笠

次次經過蘇媽蘇媽都好多人,今次平日唔算話好多人,所以可以等下試一試係咪咁好味☺️等緊既期間去左隔離618行下先睇下野😆前後20分鐘到就有位喇棒棒骨肉骨茶 黎到當然要試下佢最出名既肉骨茶,只要叫肉骨茶佢既湯都可以免費添加,個湯味道好濃,好似藥膳咁,除左棒棒骨,入面重有豆卜同金菇,棒棒骨好好味😋玻璃魷魚配通菜呢個通菜係辣既,好入味,連埋魷魚一齊食唔錯另外叫左一個凍同熱既馬來西亞拉茶,奶味比較重同比較甜,不過都好飲總括係幾好味同好正宗,下次都會再食同試埋其他野食😋

$200一餐晚飯，飽到嘔，服務十分好！上菜快！落完單，即有一碗肉骨茶飲，仲可以refill，難怪愈黎愈多人幫襯！裝修又好有特色！大推！😋😋😋😋.🥘棒棒骨肉骨茶 $76 (4.5/5) 肉骨茶係馬來西亞🇲🇾個種，重藥材味而唔係胡椒個隻，個人唔係藥材愛好者，但完全可以接受依種味！😍豆卜吸晒所有精華，棒棒肉忟到勁淋，再點上醬汁(自助溝黑鼓油、頭抽、生蒜🧄、辣椒🌶️)，真係好好食 ！.🍚辣死你嗎Nasi Lemak 配仁噹牛肉 $55 (5/5）好地道椰漿飯！綠色有淡淡葉味，令人想食多幾啖，配超濃味牛肉，係絕配！🥰牛肉好多，又淋，少辣🌶，好好食！性價比高！加埋啲配菜：花生、雞蛋🥚、魚乾、蝦🦐片、參巴醬，成個飯好豐富！重口味人士必食！.🍞珈央多士$26 (5/5)十分脆！夾住濃濃椰香嘅珈央醬，同邪惡滿滿嘅牛油🧈片💓💓真係勁正！.柑桔🍊好清潤啊！🥰

我哋一行三人7:30先攞位，平日夜晚都好多人幫襯，我哋要等15張枱度，等左20分鐘，就入到座五個餸辣椒大蜆：$128，食完數原來有14粒蜆左右，沒食到沙粒係蜆裏頭，辣椒醬夠辣，蜆肉都大粒馬拉沙嗲串燒(雞肉：$45有三串，雞肉肉質ok，唔會好硬身椰香咖央多士：$26，不過不失，食落去仲有啲斑蘭同椰香味玻璃魷魚配通菜:$48，落order嗰陣職員幫我辣椒醬另上，魷魚爽口，沒腥味，通菜煮得比較軟身檳城亞參叻沙米線：$52，個湯汁雖然酸酸辣辣，但唔會話太辣，加埋米線份量足夠，係我咁多個野食入邊我最鍾意嘅飲品方面：叫咗檸檬薏米水，冬瓜龍眼茶，桔仔話梅水三杯嘢飲ok

三月初黎食既，嗰時叫做新開幕諗住深水埗到咁多人，開多間新會唔會少人啲呀居然...等咗差不多成粒鐘先有得入座有得入座已經成2點半啦好誇張😩冇啲耐性都唔好黎排隊店內裝修好光猛但店中間啲枱枱凳凳係好好好逼逼到點？係你食野抬高個手都怕撞親隔離呀🤔我都明香港地人多租又貴，想塞多啲人係正常既但真係太密集囉，希望趁疫情關係你地可以改善下，唔好放咁密啦飲品：7/10，正正常常啦食物：7.5/10個肉同啲汁幾香，撈飯食係唔錯，錯在啲飯較濕😂多士：6/10好普通真係😂😂食物唔係話難食但又唔係特別出色成間餐廳最大問題係排隊又耐，食物都唔係上得快，由抵達到食得要成粒鐘以上就一啲都唔值。價錢又唔係抵食喎，我就唔太明有咩咁吸引啦🤣唔會再黎食lu

呢家香港個時勢，你話搵邊間餐廳食無諗過度過就假既，當然食得自然要對得起自己良心之餘又要好食係有啲難度...呢間馬拉菜餐廳近排開得幾快，除左良心之外味道應該都係佢彈起既原因。一坐低先送上一人一碗肉骨茶，味道濃而不膩，唔夠隨時可加添...誠意十足。肉骨茶(棒棒骨)肉骨茶同贈送的一樣，而棒棒骨煮得不算入味但不算淡，味道還好，而肉質略為不到位，即既失去嫩但未到火候既淋。檳城白咖哩滲滲味道較淡，我個人口味偏重所以覺得有點不夠味，印象中檳城白咖哩應該超重口味，差啲差啲，當然淡口味會較適合香港人。最後亦加添了咖央多士咖央味道很難難食，少少建議...麵包不同烤得太脆以致失去麵包中心的軟糯與烤脆的反差，而牛油可以再厚啲，令客人食到冰凍固體狀既牛油與微熱既脆口麵包反差，咁就prefect!總括而言，有誠意有質素但可改進。

今日去旺角行街，四點幾想食少少野又唔想太full ，無意中發現左呢間食肉骨茶嘅店舖，諗住行過去睇吓。行到過去見到裝修幾得意就入咗去啦。入到去要探熱之後，安排左去二人座位，中間有背板隔開座位與座位之間。店內嘅裝修非常特別，牆上掛滿一幅幅壁畫。

食環境，食服務。肉骨茶 ～ 湯有應該有的藥味，自己加了蒜蓉 完成了 有蒜頭味 的茶湯，在 不濃的 湯內 可找到了 清甜的感覺，這個 新鮮的口感 使我嘗到 沒 肉骨 味 的感覺。一字骨的 新鮮肉色 內 也完全表現了 新鮮 一詞，咬開後 那嫩白 的肉色 表達了 出於泥而不染 的 淨肉味，食用時 加了 黑鼓油 便有了 味道。