蘇媽.蘇媽馬來西亞茶餐室

營業中

休息中

約咗friend去旺角行街，發現蘇媽開咗新店，唔洗諗，下午茶時間，唔洗排隊所以即刻入去食。其實我哋lunch咗無幾耐，所以叫咗個椰香咖央多士，嘩你睇吓幾多咖央，正呀🤩❤️❤️❤️飲品叫咗，吉仔話梅水同檸檬薏米水，咁就一個美滿嘅下午茶😋👍🏻

今日工作外勸，合作伙伴揸車順戴我到旺角朗豪坊，到達都已經14:00後，過晒食晏時間，我提議工作伙伴食呢間，行到去都需要登記等位，大概10分鐘唔夠就安排量體溫入座。工作伙伴提議食大雜錦，因為上次食過眼闊肚窄嘅關係，所以冇叫其他食物。落咗單之後先上兩碗肉骨茶，湯頭香，咸淡適中，藥材味唔太重。大雜錦一到，份量真係冇得輸，有豬捧捧骨、豬腩肉、豬手、豬肚、雞腳、豆卜同金菇。捧捧骨同豬手入口即溶，肉質鮮嫩。豬腩肉肥瘦適中，食落肉質彈牙，豬肚就冇咩特別，最緊要唔會有臭豬肚味。雞腳入晒味，一入口皮骨分離，骨膠原十足。跟呢個鍋仲有一碟炸響鈴+油炸鬼。油炸鬼索咗啲湯汁喺半脆情況下送入口，滋味無窮！炸響鈴一浸即食，別有一番風味。兩個人食呢個雜錦鍋唔洗叫其他嘢已經好滿足。

蘇媽原來喺旺角開左分店！新店樓底好高，裝修睇得出好花心思！好靚👍🏻👍🏻一坐底叫完菜，店員就送上每人一碗肉骨茶😍 可以任添👍🏻 藥材味較濃，好飲！女店員仲好貼心提醒我地M到就唔好飲😆 對身體唔好喎！加分！！🥘招牌砂煲老鼠粉：銀針粉、蝦米、肉碎、生蛋等，撈埋一齊食，超級惹味！！！🤤 🥪椰香㗎央多士：多士非常香脆！好多㗎央餡料，又甜甜地👍🏻 做甜品/ 餐前小食一流！☕️豬肚肉骨茶：正常不錯～豬肚爽口，呢配肉骨茶肉味較濃👍🏻☕️馬來西亞拉茶(熱): 店員提醒可以少甜👍🏻 茶滑～亦帶有淡淡茶香～ 推薦！

早前試過深水埗既蘇媽蘇媽食完番唔到轉頭，知道早前旺角開左新舖比深水埗舖大啲，今日的起心肝去試試。黎到上海街既蘇媽蘇媽，一如以往係要等一段時間。入到舖頭我地今次揀左大雜燴既肉骨茶，老鼠粉，炸滷肉卷同埋椰汁斑蘭冰。慣例侍應會先比肉骨茶你飲。先上枱既係椰汁斑蘭冰，甜甜既椰汁真係好爽，老鼠粉一上枱就聞到好香，連埋窩蛋，魚干，肉碎撈埋一齊食，口感豐富，而且味道好濃好啱我口味。之後再上大雜燴，入面真係咩都有，豆卜、金菇、一字骨、豬肉、豬肚、油炸鬼同埋響鈴，好好味，所有肉都係感受到佢既鮮味而且口感豐富，茶味有肉既甜。最後上埋炸滷肉卷，加埋佢地提供既辣醬，係有食臭豆腐既感覺，雖然話係滷肉卷，不過我覺得入面既芋頭先係主角。蘇媽蘇媽要食既重有好多，下次再食過!

約咗朋友傾啲嘢，諗住試下新嘢，馬拉菜都幾有特色就試下囉。個位置都有啲奇怪，附近都係五金舖，街口仲搭緊棚，差啲以為行錯路。去到要人齊先入得，等朋友好在628新開都叫有啲特色嘢行下，仲可以喺門口睇定食咩入到去樓底好高好闊落，裝修都幾有特色。我地兩個都唔係好肚餓，叫了一個招牌老鼠粉同多士。我幾鐘意個老鼠粉，口感其實同狗仔粉一樣，砂煲咁整就好香口惹味，有少少辣，但我唔食得辣都接受到。份量都幾足，兩個人share都夠飽。朋友就好欣賞呢個咖咉多士，麵包外脆內軟，𥚃面流心甜甜地，好香椰汁味。喺旺角呢頭呢間都幾有特色，唔洗食嚟食去日韓菜，價錢又唔貴，疫情過後可以encore

cash only，我取了飛後去㩒錢，朋友在門口等位，大家都知銀行好近，兩個燈位就返到，店長大人竟然跟我朋友說“叫我快D”。店長大人，第一，我去㩒錢，係因為您cash only, 我唔係去泊車買煙做其他野，我行開都係為了favor您鋪頭嘅rule。如果我走開是因為做自己事，那是我問題。第二，我們之後是沒人排的，您催甚麼呢？第三，您甚麼時候給我飛，5分鐘內，心中有數，我們只有2人，又不是10人，係咪一定要等齊人先入座呢？第四，您都知銀行最快兩個燈位加部ATM都要時間大概幾耐啦，一來一回我唔衝紅燈都要5分鐘啦，咁您想我衝紅燈還是打爆ATM直接拎錢呢？多議您啊店長，因為您的態度，我一蚊都無洗在您的餐廳。

好耐前食過深水埗果間蘇媽蘇媽 仲好記得 本身好多食客排緊隊 忽然間停電 好多人走曬冇排隊 我哋堅持地喺度 十五分鐘後有番電就可以入座啦 我諗如果冇停電就真係有排等 最近經過上海街又開咗間蘇媽蘇媽 店內都大左好多上面仲有一層 係上海街二級歷史建築內 真係好古色古香 椰香咖央多士 $26因為好肚餓嘅關係 相都唔記得影就食曬 咖央個餡好多爆曬出嚟 唔算好甜 真係好邪惡 招牌沙煲老鼠粉 $78原來真係好大煲 我哋兩個人食都有啲飽 開頭唔知咩老鼠粉 原來就係銀針粉 配料有啲蝦米 魚乾 肉碎等等 不過味道就我自己覺得麻麻 反而想試下辣死你阿媽 椰汁班蘭冰$33杯嘢飲仲貴過個多士 但又真係幾特別 班蘭味同椰汁味都幾夾仲有些小西米喺底 棒棒骨肉骨茶 $76棒棒骨好入味好林 非常易入口骨肉分離 仲有啲吸味嘅金菇同豆卜 吸曬啲肉骨茶味 好好食 重點係可以添飲 兩個人嚟食 食唔到啲咩 其實仲有好多款小食可以試下 唯有下次再去啦

今天跟女兒來這家餐廳吃飯，我點了個辣死你媽牛肉飯，名字太過癮了。上面有咖喱牛腩和牛筋，一點都不韌，椰漿味出色。配菜還有花生、乾魚仔，非常惹味。女兒叫了沙爹豬肉，串燒熱辣辣，豬肉也不會太肥，一份有三串，吃得過癮。咖央多士一共有四小塊，裡面有綠色的咖央漿，個人覺得如果咖央可以多一點斑斕味就會更香。還點了一杯熱馬拉奶茶，一小杯，糖度事先預好的，不會太甜，但茶味可以更濃。下次來的話，想試一試這裡的甜啊品。

💛💛💛💛💛又係必食黃店之一第一次黎旺角分店 好明顯大好多有兩層 而且坐得無咁迫今次叫左咖咉多士呢個真係食幾多次都好食麵包好脆 入面好多咖咉醬好夾好好食 一人一份係必須的🤣但如果再熱d會更好仲叫左個撈啦啦呢個又係必推個醬加上大大粒蜆肉真係一試難忘好香好有鮮味仲有咖喱米通粉有少少辣但幾開胃米通粉夾埋個湯好食仲有好多配料 豆卜 魚豆腐 墨魚卷 薯仔一碗好大碗好豐富呢個味好香 推薦

想不到旺角的新分店店內面積超級大比起深水埗店可能大十倍有多完全不用等位，非常好檳城白咖哩麵 - $52豆角、芽菜、魚旦、蝦、蛋、豬紅、特色參巴醬辣度可自選，可走辣走辣後的湯底只剩下椰漿那溫順回甘的滑順感如加入特色參巴醬，湯頭會香辣濃郁得多玻璃魷魚配通菜 - $48特色參巴醬的味道較為辛辣，可另上醬汁一定要蘸上一點才有娘惹的味道椰香咖央多士 - $26咖央醬濃香幼滑，又有牛油及椰子味，沒有過甜的感覺店員提醒要熱騰騰時食用否則凍了的口感較差馬來西亞拉茶 - $15使用煉乳，故味道會偏甜的奶茶頂端有層泡沫，喝時感覺特別香特別滑順

上一次為左佢而黎...點知食唔到...今次平日放假...特登再行過黎....終於順利食到!!之前好多報導都係話佢個肉骨茶好正宗，今日黎到當然係食佢喇....亦同之前報導一樣~ 一坐低係會有肉骨茶飲的....唔好以為係涼茶....呢碗真係肉骨茶...仲係正宗馬拉肉骨茶...同星加玻的唔一樣....馬拉肉骨茶係藥材比較多，所以顏色會比較深色!呢碗野係好飲的....而且都幾肯定係冇加味精!到主菜上場，雖然都係肉骨茶，但呢個同佢送個碗係有明顯的分別!分別在於呢碗係肉味比較重~ 頭先個碗就冇咩肉味，只有藥材味~舊骨又如何呢? 有肉骨茶味既~ 係鞋口嫁喇...但未到吞唔到的地步，因為本身肉骨茶的肉就係要扔落去煲..所以呢個情況係正常...如果唔鐘意食好柴的肉....咁就真係唔好特別叫肉骨茶了...真係唔岩你...一路食一路見隔離既人食喇沙...個樣都幾好食..下次再黎就食喇沙~如果唔駛排隊...絕對值得食...要排隊就...見人見至.....

經過新開嘅上海618，見到蘇媽係地下開左分店。深水埗個間長期排長龍，今次人少少，即刻排隊拎飛入去食下。新裝修仍然維持深水埗鋪的特色，舊木門同舊式木桌椅，仲有D畫都好靚，充滿著馬拉風情。首先，一坐低就會每人一碗免費的肉骨茶，更加可以添飲，D藥材味好正。佢嘅辣死你嗎配參巴魷魚超級惹味，綠色飯就最岩打卡用。我係食辣之人，個參巴醬嘅辣味對我黎講岩岩好，D蝦片亦都好香脆。同埋佢嘅棒棒骨肉骨茶，棒棒骨夠大件，真係啖啖肉，但藥材味就唔夠濃。整體黎講，食物質素唔錯，不過唔可以坐得耐，要同朋友傾計就有D難啦。

其實之前已經一直都好想試 奈何兩間分店都唔係我常去嘅地區，所以見佢喺旺角開咗之後即刻去試！餐牌上嘅食物種類有好多，所以我都忍唔住一個星期內已經嚟咗兩次，想試吓唔同嘅食物嘛！😋兩次都有大概等左15分鐘左右，都唔算太多人，加上旺角分店都幾大下，有兩層，好闊落。裝修好有馬來西亞懷舊風味，特別係啲牆嘅圖畫好靚呀🤩不過雖然佢地方大，但坐位都有茶餐廳嘅感覺，會同隔離枱坐得好近，唔太適合一大班朋友嚟聚會或者傾計。.always wanted to try this malaysian resto 😊 but didnt want to travel all the way to sham shui po or tsuen wan just to try it 🤣 finally the opened a new branch in MK so no excuses 😆 this place is super big 👍 with two levels! the decor is super traditional malaysian vibes 🤩 overall, the food is real

Our all time favourite 💙平時去開深水埗個間（本店），今日去旺角店⋯大好多有兩層⋯坐得舒服啲⋯三層肉肉骨茶🥣 ❤️❤️❤️個肉骨茶好濃郁⋯可以自己整自己嘅豉油，（頭抽，老抽，蒜蓉，辣椒），最緊要佢可以任refill🤩 其實係馬來西亞都係任斟⋯我好似飲左4碗⋯炸豆卜😋唔知點解我覺得好好味⋯脆卜卜😋砂煲老鼠粉⋯❤️❤️❤️超級之推介⋯好香口⋯有啲魚仔，蝦干，肉碎⋯每次必叫🤩下次一定要試腸粉！！ #蘇媽蘇媽 #砂煲老鼠粉 #三層肉肉骨茶

蘇媽蘇媽又開分店啦，今次進駐旺角，選址經過活化既上海街😀🔸椰香咖央多士🔸 多士烘到好脆，餐廳好大方落左好多咖央醬，食落又香又甜🤤鐘意甜品既朋友仔要試下😉. 黎得蘇媽蘇媽點可以吾試下肉骨茶呢🤭嗌左🔸棒棒肉🔸肉質幾嫩吾鞋口，食落啖啖肉🍗伴上辣椒、蒜蓉、豉油一齊食更加滋味🤤呢度既肉骨茶係無限添飲❤️肉骨茶顏色較深，藥材味濃郁，好鐘意飲🥰當日飲左好多碗😂😋.🔸砂煲老鼠粉🔸即係銀針粉😀材料豐富，有流心蛋、蝦米、乾蒜、葱花，肉碎、乾魚仔等配料，撈埋一齊食好惹味❣️