蘇媽.蘇媽馬來西亞茶餐室

營業中

休息中

昨晚做冬大魚大肉後，今日和女朋友來旺角食小食醫肚，特登嚟呢度品嚐吓久違嘅馬來風味小吃，以前在星加坡經常有得食，但回港後就鮮有機會品嘗正宗馬來特色小食了！先嚟個招牌小食-咖央多士，係必食的！但見到新出嘅夾有肉鬆，就試吓呢個新口味！外觀金黃酥脆，一啖食落，外脆內軟，咸咸的肉鬆伴住濃郁嘅椰香，咸甜交融，更加可口！跟住叫咗馬來沙爹串，我揀咗雞、牛、豬各一串，肉質鮮嫩，最正嘅係佢地特製嘅沙嗲醬，裏面嘅花生碎為幾串燒肉類增添𥩔魂！再嚟一碟玻璃魷魚炒通菜，爽脆嘅玻璃鮮魷配上爆香嘅大蒜和辣椒，錦上添花，正正係以前在馬來西亞食嘅味道！女友點咗馬來拉茶，香滑嘅泡沫點出馬來特色，但我嫌味道比較濃和偏甜，所以我揀咗一杯較為正氣嘅檸檬薏米水，清吓腸胃，這亦是我在星加坡時經常飲的！這頓小吃，食得開心，今我回憶以前在星加坡時的日子！

大家對蘇媽蘇媽都唔會陌生，今次同朋友黎試旺角店😆環境好有地道風味，周圍有好多懷舊佈置🫶🏻高佬麵配雞扒麵條撈滿特製醬汁，啖啖濃味～最吸睛係麵上嘅大雞扒🤪🤪份量誇張🤣外焦內嫩 啖啖肉～另外鐘意食入口即溶肥叉燒唔好錯過蘇媽招牌馬來惹味黑叉燒。叉燒色澤誘人，表面微焦🔥咬去油脂滿滿，可配個馬來風情椰漿飯🥥🍚魚仔醬蘿蔔糕幾有驚喜，蘿蔔糕的口感柔滑，魚仔醬的鹹香出色有鮮味🐟來點甜必食椰香咖央多士，金黃的多士外脆內軟，搭配椰漿香甜的咖央醬😆飲品唔少得馬來特產桔仔話梅水同馬來西亞拉茶，桔仔話梅水好解渴清爽🍋‍🟩帶有淡淡的酸甜味，配重口味嘢食啱哂！拉茶夠哂經典🍼茶香濃郁，奶香四溢🤪

成日聽人講蘇媽.蘇媽馬來西亞茶餐室嘅食物唔錯，今晚剛巧經過，就順便進入開餐啦。餐廳地方夠闊落，裝修得精緻有特色。檳城福建蝦麵（轉米粉），食材有大2隻，夠鮮甜有彈性，另半肥瘦的豬腩肉，魚片及通菜，湯鮮甜濃郁，因米粉好索湯，店員另再加湯給我真貼心。百吉爹肉骨茶(豬腳彎)，豬腳彎份量有4件，肉質軟淋有彈性，充滿豐富嘅骨膠原，配搭滋補藥材的當歸、川弓同杞子，連豆卜都索晒肉骨茶的甘香味，飲完成身暖晒，夠滋補養顏。

這間人氣馬來西亞餐廳其中一間分店位於旺角上海街，主打正宗地道的馬來西亞菜。店內環境寬敞舒適，牆身畫上特色的壁畫等，如置身馬來西亞的茶餐室，適合多人聚會。必試這裡的招牌肉骨茶系列，自家秘方烹調，肉味及藥材的比例更加適中，如當歸及川芎等藥材，苦中帶甘、甘中有鹹，溫潤而有餘韻。豬腳彎肉骨茶 - $88嚴選上等豬腳彎，煙韌彈牙的豬皮及嫩筋充滿膠質，瘦肉的比例多，嫩滑彈牙又健康，可蘸上肉品沾醬，分別加入蒜蓉、辣椒、黑豉油及頭抽，依據自己的喜好斟酌份量。椰漿飯(淨飯) - $18粒粒分明的米飯香氣明顯，充滿斑蘭及椰漿味，入口清爽。恐龍下蛋(咖啡) - $38有一球幼滑細膩的雲呢拿雪糕，撒滿特濃的美祿粉，還有香脆的美祿脆脆，怡保白咖啡奶香極濃郁，甜而不膩。

蘇媽一向都出名飲無限添飲嘅肉骨茶，不過我之前飲過就覺得唔係太岩口味，因為嫌佢藥材味唔夠濃，反而佢嘅咖咉多同埋奶茶風就好鐘意食！佢哋嘅馬拉熱奶茶真係好正！奶茶香濃，仲有一陣濃濃嘅馬拉風味，飲落去好順口，加上佢會係茶上面沖一層泡泡，飲落熱辣辣、充滿奶香，我自己飲奶茶偏向鍾意偏甜，所以呢款好岩我😍至於咖咉多士，外脆內軟，搭配咗牛油同煉奶，甜得啱啱好，每一口都好滿足。加上好香既椰香味，口感更加豐富！🍯

招牌砂煲老鼠粉幫大家試下😆，老鼠粉=銀針粉，上面有香味十足既豬油渣、豬肉碎、魚乾、銀魚仔🤩🤩再加多粒雞蛋係上面👍係熱砂鍋度撈埋佢，色香味都齊晒😋😋份量頗大，建議二人分享😅辣死你媽配烤雞脾🍗一睇個名就比佢吸引左😂🤣辣死你媽=椰漿飯，雞脾大大隻😋😋切開有汁水流出黎，滿分💯👍👍👏🏻👏🏻配埋沙茶醬同伴碟既銀魚仔，香辣咸鮮，乜都齊哂，之後再一口椰漿飯，完整收尾😋👍馬來西亞拉茶（凍）甜度剛好，喜愛拉茶既朋友仔一定要飲🤪桔仔話梅水（熱）一杯好開胃既熱飲，酸酸甜甜，特別啱宜家秋冬天既天氣😊😊

10月11月都係去旅行嘅旺季，同朋友好久沒見面，所以約個Happy Friday 吃個飯。 天氣有啲涼想食肉骨茶，每當係香港食肉骨茶，我總會想起蘇媽蘇媽的肉骨茶。 平時搭車經過上海街，見到蘇媽蘇媽嘅分店，好有懷舊馬來西亞舖頭嘅特色，已經想試好耐，所以今次就揀咗呢一間。店舖在老香港建築物地下，裝修充滿馬來西亞風味，擺設富有香港特色，見到屋企嘅萬壽無疆茶壺，充滿懷舊色彩暖水壺。 肉骨茶皇帝骨，分量兩至三個人可以一齊食。肉骨有五六件，配菜豆卜，金菇，非常入味。店員主動為我哋加湯，同係新加坡和馬來西亞一樣。熱湯暖胃，驅走寒氣。 檳城阿參喇沙，阿森係一種魚，佢啲魚肉碎，撈埋香菜，洋蔥絲，闢走佢嘅腥味。佢嘅粉好似粗嘅米線，完全吸收曬所有精華，是一種很難複製的特別味道。玻璃魷魚配通菜，通菜好新鮮，配上去嘅辣XO醬，好惹味。 好耐都冇食過魷魚啦，勁多，好爽口。 檳城福建蝦麵，呢個係馬來西亞好出名，必食美食之一，鮮蝦濃湯配油麵，味道異常嘅夾。除咗新鮮嘅蝦，仲有魚片，雞蛋，擺盤好靚。 三個人食三百五蚊左右，晚餐嚟講都算經濟實惠，而且地點喺旺角，非常方便。我哋一邊傾計，一邊睇到絡繹不絕嘅客人入來食飯，證明蘇

來到旺角上海街的分店，因為在唐樓的地舖，善用懷舊特色來裝修，加上擺設舊式單車和舊式廣告壁畫，除了有馬來西亞特色，還吸引顧客打卡。皇帝骨$148二至三人份，是這裏的招牌菜。馬來西亞食物，怎麼能缺少肉骨茶呢？份量挺多的，排骨煮的湯，煮完口感還很爽口，浸在藥材湯裏吃著又有藥材香，聞到舒適怡人，再喝香甜的湯，立刻暖胃。檳城阿參喇沙米線$64，有新鮮蝦膏濃香，夾起蝦膏已經垂涎了。米線吸收湯味，又有青瓜絲、菠蘿等清甜味道，配辣味的湯，非常開胃。檳城福建蝦麵油麵$68，有豬腩肉、蝦、魚片等配料，湯底也是濃濃的蝦味，當是海鮮湯底了，油面配這些肉類吃，覺得更香，大讚！玻璃魷魚配通菜$72，上面鋪滿炸蒜蓉，醬汁微辣，拌勻通菜和魷魚，吃著雙重口感。比起泰式炒通菜，馬來西亞味道就是偏香口的。總的來說，食物性價比高，無論家庭朋友來吃都一定滿意味道，怪不得門庭若市，而且很適合打卡呢！

唔係第一次食蘇媽 , 最初喺銅鑼灣分店試過一次就一試難忘, 好開心，佢喺旺角朗豪坊附近開咗分店, 可以好容易就食到。招牌砂煲老鼠粉未食過老鼠粉煲可能會俾佢個名嚇親 😂 其實係一個砂鍋裏面有米粉, 魚乾, 蝦乾, 豬油渣, 花生等等, 熱辣辣上一邊攪拌一邊香氣撲鼻, 整得好好! 我覺得好正宗好值得試! ☺️玻璃魷魚配通菜本身唔係好食得辣, 所以叫佢分開上自己度辣汁, 佢哋好好肯安排! 玻璃魷魚本身唔會好重味, 關鍵係辣汁同埋用玻璃魷魚掛住啲汁! 通菜都非常好爽口唔油膩, 下次會再叫😊

次次經過旺角都被佢外貌設計吸引好想入去一邊食一邊欣賞。今次有時間的起心肝入去試下佢😜一踏入去已經感受到古式古香懷舊風味😮欣賞完裝修後即刻睇吓有乜馬來西亞美食先，餐牌入面有好多美食😘但今次試左未試過嘅肉骨茶先，再加碟魚🐟仔醬蘿白糕、油炸鬼和特飲似水榴槤🤟肉骨茶(三層肉)白飯，油菜：待應熱辣辣送上，份量好足，三層肉肥瘦均匀，肥肉望落似好肥，但入口即溶肥而不腻🥰豆卜索晒個湯好好味，肉骨茶入口濃香好杰，濃濃藥材味和濃濃嘅肉味，大家冇搶大家嘅味，恰到好處👍👍👍魚🐟仔醬蘿白糕：蘿白糕煎到外脆內嫩，入口感覺有d蝦米粒🤔加埋魚🐟仔醬嘅鮮味和辣味，更加惹味☺油炸鬼：唔知馬來西亞係唔係唔同中國做法，食落口感需然外面都係脆，但內裏就比較煙韌结實😉齋食已經好食，但原來浸落肉骨茶裏面，索滿肉骨茶個口感更加正💯似水榴槤：賣相已好靓，入口濃濃嘅榴槤味，對喜歡榴槤愛好者一定要試👻👻👻真係要來多幾次先可以試埋其他馬來西亞美食，另外順帶一提如叫肉骨茶食，飲完唔夠可以添加😎😎😎

用平民的價錢品嚐地道馬來西亞美食🇲🇾✨有三間分店的「蘇媽•蘇媽」開業近七年。餐廳以懷舊風格為主題，牆身和角落佈置成六七十年代的布景，同時亦擺設了一些現今已經找不到的玩具和裝飾，這裏彷如帶你回到過去品嚐一餐歷史悠久的星馬菜，非常有風味❤️🍞招牌小食 - 椰香咖央多士 ($42/4件)多次到訪蘇媽，仍然都會必點，因為這個椰香咖央多士真係得呢度先至食到，佢嘅餡料係斑斕椰香味，再加上非常香脆的多士，咬下去酥脆又帶點甜甜的味道，真係要趁熱食先得架✨🍽️招牌菜 - 辣死你嗎配烤雞髀 ($68)「辣死你嗎」係馬來西亞文 Masi Memak 的讀音，亦都係椰漿飯的意思。一邊咬一啖雞髀，再食一啖滿滿椰香味的椰漿飯，真的非常邪惡🌝菜式還配有花生、魚仔和全熟蛋，再用上竹籃和油紙盛載，很有置身馬來西亞餐廳的感覺✨🍽️檳城白咖喱海鮮米通 ($68）香濃的白咖喱，小辣又帶點甜味，非常惹味，粉面方面可選擇米線/油麵/河粉等，而我選擇了香港已經很少地方可以吃到的米通，這裏的米通亦很有驚喜，米通滑身爽口煙靭彈牙，用白咖喱湯底配襯米通，非常出色，推薦推薦😙

呢間馬拉餐廳喺朗豪坊對面雖然喺旺角鬧市，不過佢喺上海街所以喺旺中帶靜嘅地點入到去佢幅，壁畫好搶眼仲掛住咗架單車喺度都覺得好特別嘅室內設計同裝修用QR code落單叫左檳城香炸滷肉巻同檳城福建蝦麵等嘢食嘅途中就係冇發現佢個地下係以前細個間學校canteen嘅地磚覺得好有親切感碗麵好好味，雖然預計佢會有啲辣，但係呢係完全唔辣嘅對於我嚟講最鍾意食佢嗰嚿五花腩，因為有入口即溶嘅感覺個湯底都幾好飲唔會好頸渴個滷肉卷賣相可能有啲普通但係食落去都係好脆口雖然佢配咗啲辣嘅醬，但係我覺得如果有喼汁就好啦而家仲新出咗個紫菜肉鬆咖央多士睇落好吸引，但係我已經食唔落啦，下次再嚟啦

食品選擇算多，我點了高佬麵配仁當牛肉，麵嘅份量都相當大碟，入面有很多的牛腩，牛腩夠味，但不夠淋，如果再淋少少就好，麵的色澤很好，一睇就知入味，但鹹咗少少，再配合佢旁邊嘅沙茶醬、魚仔和花生，會比較濃味。

甲必丹咖哩雞扒 $72咖哩雞扒用上濃郁嘅甲必丹咖哩醬，帶有馬來西亞地道嘅香料風味，辣度適中，好惹味🍛雞扒煎得外皮香脆，肉質嫩滑，而且好大塊啖啖肉高佬麵配豬軟骨 $68麵條彈牙爽口，吸滿濃郁嘅醬汁，咸咸甜甜幾特別，拌勻溫泉蛋漿一齊食，口感順滑豬軟骨燜得非常入味，入口軟腍🐷 加埋花生碎同魚仔乾，好香口馬來西亞拉茶（熱）$24熱拉茶香濃幼滑，茶味濃郁而唔會過甜檸檬薏米水（凍）$30檸檬薏米水清甜解渴，帶有淡淡嘅檸檬清香，酸酸甜甜，粒粒薏米都好有咬口📌蘇媽.蘇媽馬來西亞茶餐室 (旺角)地址：旺角上海街618號地下G01號舖🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong #蘇媽馬來西亞茶餐室 #咖哩雞 #高佬麵 #馬來西亞拉茶 #檸檬薏米水 #旺角 #甲必丹 #豬軟骨

媽媽話好掛住馬來西亞好想食馬來西亞菜，我就帶咗佢黎蘇媽，等佢解下相思之苦。椰香咖央多士多士烘得香脆可口，咖央味道非常濃郁，加埋牛油，好味得來又非常邪惡。怡保雞絲湯老鼠粉老鼠粉即係我哋嘅銀針粉，老鼠粉口感爽滑，雞絲嫩滑，湯底鮮甜美味。桔仔話梅水味道酸甜開胃，非常大杯。魚仔醬蘿蔔糕蘿蔔糕煎到外脆內軟，加上魚仔醬味道鮮味香辣，10分惹味。檳城福建蝦麵用咗蝦去整，味道鮮甜濃郁，加咗參巴醬帶點辣味，令到我哋一啖接一啖，入邊嘅材料有蝦，魚片，豬腩肉，雞蛋，通菜，芽菜，非常豐富。