蘇媽.蘇媽馬來西亞茶餐室

營業中

休息中

位於旺角的馬來西亞茶餐廳「蘇媽 . 蘇媽」今天經過有機會試下聽講佢地既肉骨茶好出名👍店內環境裝修比較中國風地方寬敞 坐得很舒適Lunch hour 時段亦都唔算太逼夾午市套餐好抵食最貴肉骨茶套餐都唔過$100仲有叻沙、飯類、撈粉麵都吸引最後我揀左肉骨茶（三層肉），配白飯油菜 $76肉骨茶含有當歸，川芎等藥材，建議視乎自己體質才進食。我一直很怕藥材的味道，但這款肉骨茶唔算勁有藥材味，甘甘地唔苦，而且感覺好補，對於經常夜瞓既我還不錯，很養生👍三層肉肥美適中，有啲似東坡肉，唔韌，配埋豆腐卜、金菇，加埋肉骨茶，味道好夾，餸飯一流飲品我揀左美祿暴龍究竟美祿恐龍同美祿暴龍有咩分別？答案係暴龍有雪糕😂美祿勁濃郁，正！甜品叫左班蘭椰絲卷好香班蘭味，好特別，鍾意食班蘭一定唔可以錯過

深水埗蘇媽好出名一直都好出名，但可惜成日都要等號耐先有位。自從旺角開左分店之後，我就成日都幫襯旺角嗰間，地點方便又大間，而且裝修都好有特色。百吉爹肉骨茶（大雜錦）黎到蘇媽當然要試個肉骨茶，可惜晚市去嘅時候，得返大雜錦。不過唔緊要，肉骨茶最緊要個湯底。個湯底飲落唔會有好重嘅藥材味, 非常容易入口，最正嘅係個湯係無限添飲。大雜錦就乜都有D，豬肉幾淋且味濃；豬手口感爽脆；三層肉帶油香，仲有油炸鬼響鈴等索湯食材。紫菜肉鬆咖央多士多士烘得香脆，咖央醬係厚厚咁鋪滿成層。幼滑嘅央醬加上紫菜肉鬆，鹹甜交織，非常特別。

#20241007 🤍📍 #蘇媽蘇媽馬來西亞茶餐室 @semuasemuahkg 旺角上海街618號地下G01號舖 🍽️深水埗｜沙田｜荃灣均有分店➖➖➖➖➖➖➖➖➖➖➖➖➖➖➖➖➖#百吉爹肉骨茶 #大雜錦 $148💭 有幾款肉骨茶揀，叫左款咩都有既，入面好多料，有一字骨、豬腳灣又有三層肉，但唔知點解啲一字骨都係連住啲肥美既三層肉🤣如果要全部食晒啲肉都幾肥膩下，配料有啲金菇、豆卜，然後會有幾舊油炸鬼同響鈴點湯，唔使驚啲湯好快無，因為啲湯係任飲架🤩不過啲湯係用當歸同川芎呢啲藥材去煲，奉勸都係唔好飲咁多🍲.#辣死你嗎配仁噹牛肉 $72💭 擺盤都幾打卡able📸有綠色既椰漿飯，椰漿味唔出但無左白飯既香，仲有青瓜🥒花生🥜乾魚仔🐟蝦片🦐蛋🥚再有個參巴醬，而個仁噹牛肉就好似平時食開既巴東牛肉咁，老實講唔係好特別🙈.#特製辣椒板麵 $66💭 反而呢個有啲驚喜，板麵唔係好淋果隻有啲咬口，配料有豬油渣、蝦乾、肉碎、魚仔等等，將啲配料同埋個溫泉蛋撈埋，可能個蛋汁有溝淡既作用，食落又唔係好feel到郭辣，但整體尼講係惹味唔錯既🍜.#旺角美食 #🐷在旺角 #深水埗美食 #🐷在深水埗 #沙田美食 #🐷在沙田 #荃灣

返工返到好攰，即刻去呢間好有馬來風味嘅餐廳慰勞吓自己🤤🍽️ 馬來老鼠粉話說食咗咁多次呢間馬來西亞嘢食，都未試過佢哋招牌嘅老鼠粉，今次就試一試佢廬山真面目，原來老鼠粉嘅意思係客底銀針粉，仲有大量馬來西亞風味嘅配料，細魚仔呀，鮮蝦米啊🦐真係夠晒滋味！Lunch Set仲可揀一杯馬來西亞拉茶，夠晒幼滑！ 🍽️ 榴槤多士配雪糕好太耐冇嚟呢間馬來西亞餐廳，估唔到佢哋而家多咗好多甜品，食好啲～食豪啲，即刻叫多個榴槤多士🍨仲有雪糕🤤估唔到外型咁吸引成個香蕉船咁大，每個班戟包住厚厚嘅嘅榴槤肉🤤仲有雪糕，女人真係有第二個胃食甜品！

喺旺角行完街，突然想食馬來西亞菜，於是就入咗蘇媽，今次星期六中午時間嚟到，依舊坐滿食客。裝修上最有特色係牆上有一架單車，真係好似去咗馬來西亞咁。我哋一行兩人，叫咗以下嘅食物：🌸辣死你媽配烤雞髀（ $68 ）：烤雞髀烤得外皮香脆，入面雞肉唔會鞋口，不過略嫌調味不足，須沾上旁邊嘅辛巴醬先較為濃味，不過有少少辣，椰漿飯搭配乾魚仔及烤花生一齊食，整體搭配不錯👍🏻🌸椰香咖央多士（ $42 ）：多士烤得外脆內軟，一咬落口脆卜卜，入面嘅咖央醬亦十分足料，充滿甜甜的椰香味，值得一試。🌸似水榴槤飲品（$48 ）：杯上插咗一支孔雀嘅牙籤，雖然飲到有榴槤味，但味道唔算濃郁，同埋有啲稀，有進步的空間。總結兩個人埋單百零蚊👍🏻

咁啱去開旺角食嘢，見到四點幾嗰陣蘇媽蘇媽出冇人排隊入去梗係要入去試吓。入到去裝修好有馬來西亞特色同埋入邊好寬敞點咗個辣死你媽牛肉飯同高佬麵配雞。味道同喺馬來西亞食一樣，美中不足係咖喱唔夠辣，同埋嘢飲要散叫。價錢$60-70 一個飯到。

位於旺角上海街的「蘇媽.蘇媽馬來西亞茶餐室」，係一間裝修充滿馬拉風味的餐廳🍴店內樓底高，空間感充裕，予人感覺舒適餐牌圖文並茂，種類繁多，定價適中檳城福建蝦米粉湯底濃郁微辣，散發着鮮蝦香氣～米粉幼滑爽口又吸湯，正呀！配料有鮮蝦、豬腩肉、雞蛋、魚片、通菜及芽菜，味道同口感都好豐富檳城白咖喱海鮮米線奶白色的湯底，帶陣陣椰香；配上惹味香辣特色參巴醬及軟滑彈牙米線，滋味絕配✨當中仲有：青口、蜆肉、魚蛋、豬紅、鮮蝦、雜菜腐皮卷、豆腐魚蛋等等配料，新鮮又美味椰香咖央多士餐廳招牌推薦👍🏻麵包多士烤得香脆可口，中間夾着充滿椰香的咖央，甜而不膩，好好食怡保白咖啡以低溫方式烘焙的白咖啡，味道香醇，別有風味

夏天天氣熱辣辣， 想去東南亞旅行又實在太熱。如果想食地道嘅馬來西亞菜式， 超級推薦呢一間《 蘇媽蘇媽 馬來西亞茶餐室》。餐廳位於旺角上海街， 鄰近旺角朗豪坊，行過去都只係幾分鐘。餐廳裝修走懷舊風， 地下的一磚一瓦都非常有風味。 而且舊式唐樓樓底相當高， 空間感十足。呢間馬來西亞餐廳嘅食品相當地道，風味十足。一坐低就梗係叫返杯《凍怡保白咖啡》， 所謂的白咖啡，就是在炒咖啡豆的時候加入砂糖，令咖啡豆充滿焦香，口味獨特。 由於用拉沖嘅方式去炮製一， 所以充滿著氣泡， 口感綿密細滑。呢一碗《 檳城阿參叻沙》， 最啱就係鍾意酸酸辣辣嘅朋友。 呢碗米線用料相當豐富， 有味道帶咸鮮嘅魚蓉， 爽脆嘅青瓜同洋蔥，另外加入了辣椒，同埋秘製醬汁，食起來味道酸辣過癮。另外餐廳的《馬拉沙嗲串燒》亦同樣好味， 六串的串燒可以選擇雞牛羊各兩串， 肉類醃味充足，帶點咖哩香氣。 燒起來火喉十足，那一碟沙爹醬更是畫龍點睛， 味道帶甜， 帶有花生粒。 呢間《蘇媽蘇媽》仲有好多特色嘅美食， 真係實黎足十次八次， 先至可以將自己想吃的全部試到。餐廳地點方便，裝修又有特色，最緊要食物好食， 係我心目中馬來西亞餐廳number o

🍚蘇媽.蘇媽馬來西亞茶餐室 (旺角)講到要喺香港食馬來西亞菜，第一間就諗起蘇媽！款式選擇多之餘價錢又合理，絕對係親民嘅馬拉菜之選！今日夜晚我又嚟到蘇媽度食嘢，叫咗幾款平時食開嘅菜式～椰汁斑斕冰（$38）飲落淡淡香濃嘅斑斕味，再加埋厚滑嘅椰汁冰，清涼好飲，充滿東南亞嘅感覺。椰香咖央多士（$42）絕對係必點嘅小食之一，見到幾乎每台都會叫一碟多士，作為招牌菜，呢個多士絕對好味又抵食，兩塊多士烤得黃金香脆，夾住椰香同斑斕味比例平均嘅咖央醬，再配上半融嘅牛油，令到成份多士嘅味道同口感都一流檳城白咖喱海鮮麵（$68）今餐嘅主菜！海鮮料好足，鮮蝦大隻鮮甜、仲有青口同埋彈牙嘅魚蛋，同香濃嘅白咖喱湯底簡直係絕配📍旺角上海街618號地下G01號舖

今次同朋友聚會嚟到蘇媽食馬拉菜～店內裝修好有馬來西亞特色，懷舊感覺～～菜式選擇非常多，每樣食啲叫到成枱野食～玻璃魷魚配通菜，鮮嫩通菜配上爽彈魷魚～椰香咖央多士，幾脆口，重椰香味～百吉爹肉骨茶，一字骨，香濃嘅藥材味，一字骨非常軟腍，點黑醬油好食，仲加配咗油炸鬼可以浸湯食，可以免費加湯，非常暖胃～叫咗蜜糖燒雞翼同馬拉沙嗲串燒，燒得唔錯，幾有風味～～辣死你嗎配烤雞髀，啖啖肉大雞髀，非常抵食！砂煲老鼠粉，幾有鑊氣，炒得香口，豐富口感！食到超飽，滿足嘅一餐～

今日七點到竟然唔使等😍我地一行四人可以嗌多啲嘢食😋嗌咗個一字骨肉骨茶，另外加多份油炸鬼😚肉骨茶十分之重藥材味 😛一字骨唔似煲湯排骨咁嚡口，肉質都算嫩，重點係肉骨茶飲完可以無限再加湯😍小食方面仲嗌咗燒雞翼同埋燒雞髀，燒雞翼做到出面串燒鋪咁出色，雞髀配嘅Nasi Lemak辣死你媽亦都好濃好夾💯朋友想食個菜，嗌咗玻璃魷魚🦑通菜，魷魚夠彈牙，通菜嘅份量亦都唔少！讚👍🏻咖央多士係必嗌！多士烘得香脆，咖央醬落得十分闊綽，牛油香配合得十分完美 😍老鼠粉係砂窩上，熱辣辣！我地放咗一陣先撈 最底部有焦香嘅感覺，雖然材料好簡單，只係啲肉碎同埋脆魚仔，但係都覺得好好食🤤本身仲有甜品想嗌，但係已經食得好飽！下次有機會再同多啲朋友一齊嚟嗌多啲嘢食😍😆

無論是想嚐試正宗馬來西亞風味，還是懷念馬來西亞的旅行記憶，蘇媽.蘇媽都是一個值得推薦的選擇。裝潢帶有濃厚的馬來西亞風情，讓人感覺彷彿置身於吉隆坡的街頭小店。愛他愛她每一口都能感受到濃郁的香料味和烤製的焦香。份量不算大，下次再品嚐的時候我必定會加碗白飯。海南鴛鴦燒麵包如果你喜歡鮮油多，又想品嚐海南風味，這份多士你必定要試。麵包烤得恰到好處，外酥內軟，甜到度剛剛好。檸檬薏米水清新爽口，薏米的軟糯與檸檬的酸甜完美結合，是炎熱天氣裡的理想解暑飲品。桔仔話梅水則帶有獨特的酸甜滋味，話梅的鹹香為整杯飲料增添了層次，令人回味無窮。

今日我又再黎到位於旺角上海街618號地下G01號舖的蘇媽·蘇媽。呢度啲嘢真係好好食我哋首先叫咗「辣死你嗎」配炸雞腿。其實係是炸雞腿飯，配上花生和魚乾，一睇就垂涎欲滴。炸雞腿外皮酥脆，肉質鮮嫩，搭配的辣醬香氣四溢。另外我哋仲嗌咗玻璃魷魚配通菜。魷魚的口感好滑嫩，通菜就帶住清新的脆感，這道菜的調味啱啱好，相當清爽。嚟到呢度就梗係要試吓新鮮野，所以都嗌咗「話知你啦」薄餅配咖喱。薄餅底部酥脆，口感分明，搭配濃郁的咖喱，真是驚喜連連。甜品方面，我選擇了榴槤芝士蛋糕，榴槤的濃烈香味同埋芝士蛋糕綿密口感交融得恰到好處。上次品嘗的白咖啡蛋糕依然讓我印象深刻，那鬆軟的蛋糕加上香濃的白咖啡風味，甜而不膩，讓我回味無窮。最後，我叫左一杯凍檸檬薏米水，味道清新檸檬和薏米的搭配恰到好處，十分解渴。每次來訪都充滿期待！

平時同朋友黎一定會叫肉骨茶同咖央多share, 今日一個人就簡單D叫左個米線, 再加個甜品~ 晚飯時間仲係好多人好熱鬧, 個氣氛同哩度個裝修風格好襯~檳城亞參叻沙米線 $64本身中意食辣, 哩個好夠辣滿足到鋪辣癮, 湯底濃味酸酸辣辣又開胃。除左魚鬆之外, 仲有九層塔, 菠蘿, 青瓜絲等配料, 有D清新鮮膩既作用,  轉左米粉啖啖都吸滿湯, 大大碗好抵食!白咖啡蛋糕 $39見到好似係新品? 有幾層layer, 口感比教札實, 咖啡味清香唔會好甜膩, 食完都唔會好heavy!

「蘇媽」一直都係我嘅飯堂，兩層樓設計，綠色格仔瓦磚加上懷舊花紋地板，有濃厚的馬來西亞風情。餐廳座位好多，舒適好坐。午市套餐會跟嘢飲，好抵食。「辣死你嗎」配仁噹牛肉，大大舊牛肉份量都幾滿足，搭配香濃椰漿飯和特製參巴醬，口感層次分明，辣味適中，椰漿飯仲系綠色，賣相非常吸引，好適合打卡。蜜糖燒雞翼，炭火燒得好香口惹味，雞皮薄脆，雞肉保持嫩滑，蜜糖嘅甜味好襯托雞肉嘅鮮香，味道有驚喜。冬瓜龍眼茶清新解膩，凍拉茶風味獨到都非常推薦！