蘇媽.蘇媽馬來西亞茶餐室

營業中

休息中

蘇媽由小店開始越做越大。在旺角旗艦店見到環境不錯，空間十足。而且店內的擺設有其特色！充滿馬拉色彩！店員友善，用手機落單，圖文並茂，方便快捷，店員其後更會主動協助更正！椰香咖央多士，是牛油咖央配上多士，多士脆口，咖央美味！辣死你媽配烤雞髀，份量十足，椰漿飯椰香味十足，加上参巴醬、青瓜、花生、乾魚仔、蝦片，口感非常豐富！美祿恐龍，飲品和甜品集於一身，非常邪惡。人均消費百多元，在旺角吃到非常有特色的馬拉菜，實在非常難得！

尖沙咀店冇左, 今日好想飲肉骨茶, 好彩旺角仲有得食!每次都必點既百吉爹肉骨茶 ($88), 跟住佢個教學溝埋個黑醬油真係絕配。要左豬腳彎, 無限添飲既肉骨茶味濃又熱辣辣, 飲完成個人行氣活血! 中意豬腳彎帶少少根位有咬口, 當然要點埋個醬油啦, 再叫多個白飯黎送已經好正。次次黎都食咖央多士, 今次一試海南鴛鴦燒麵包 ($48), 覺得超正有D超越左咖央多既美味, 佢既焦糖海南麵包真係畫龍點睛,  加埋厚切牛油, 我一個人食哂一份都得呀~~ 桔仔話梅水($30)酸maymay幾開胃又順喉, 不錯。

今日同朋友睇完戲就去左蘇媽食，朋友係第一次黎食，都話覺得幾唔錯。餐牌選擇好多款，粉面飯，肉骨茶等經典既馬拉菜都有! 甲必丹咖哩雞扒原來甲必丹咖哩係馬來西亞係好出名既特色菜，醬汁用左洋蔥、辣椒、香茅、咖哩粉、椰漿等等既材料整成，所以香氣好獨特，同埋口感都好豐富。咖哩汁有好濃郁既咖哩椰子氣味, 醬汁好惹味，而且係偏辣，撈埋白飯到食好夾。雞扒好大塊，雞肉嫩滑，雞皮焦脆，配埋咖哩汁食都好香。另外伴碟仲有沙律，可以減膩。椰香咖央多士多士卜卜脆，椰香同埋斑蘭味都好足夠，入面仲夾左牛油，更加香口。怡保白咖啡 (走甜) 咖啡飲落香醇幼滑，就算簡左走甜都唔會有苦澀味!

第一次黎旺角呢間分店食蘇媽，座位都幾多，坐得好闊落，仲見到有機械人送餐! 檳城白咖哩海鮮面 呢個面有得簡辣度，我唔太食得辣就叫左少辣。湯底係奶白色，第一啖飲落都幾多椰香味，而且帶微辣，我覺得岩岩好，唔會太咸。配料有多款海鮮，有青口，蝦，蜆，另外仲有魚蛋，豬紅等等，感覺好足料。魚蛋好彈牙，好食! 面就有油面同米粉，口感比較豐富，而且米粉吸曬湯，所以好夠味。整體份量都好多，係好飽肚既選擇。魚仔醬蘿蔔糕呢款非常惹味，上台時都聞到好香! 一開始見到隻色，都怕會好辣，但原來魚仔醬係唔辣。蘿蔔糕外面煎到金黃酥脆，一咬落去，口感係綿密軟糯咁，好香口! 椰香咖央多士黎親都必叫既咖央多士，中間既醬多到一咬就爆出黎，多士外皮好脆，店員都有提醒我地呢款要襯熱食! 桔仔話梅水(熱)天氣涼左都想飲番D熱飲，呢款酸酸甜甜，好醒胃!

聞名己久嘅蘇媽媽，來自馬來西亞，今日經過上海街呢間分店，由於時間尚早，輕鬆地有位入座。聽講繁忙時段一席難求。裝潢有地道特色。檳城福建蝦麵蝦，魚片，肉片，通菜，雞蛋，材料非常豐富。配了米粉，貪其吸湯力強，果然啖啖滋味。少少辣度足己增添胃口感。沙嗲（豬+雞）追加了小食沙嗲，豬肉和雞肉，肉質十分軟熟，夠入味。沙嗲醬好味。馬來西亞拉茶滿滿泡泡，唔講以為cappuccino ， 搞笑。味道好有馬來西亞特色，好飲。

檳城亞參叻沙(滲滲)-叫咗正常辣，個湯感覺喺勁辣。唔係平時食開嘅叻沙。有紅蔥，生菜，辣椒仔，菠蘿，九層塔，等。砂煲老鼠粉-有蝦米，肉碎，炸蒜，生蛋，等。個汁都好入味。砂煲燒焦咗嘅老鼠粉，都煮到啡晒。椰汁斑蘭冰-班蘭味道香濃，做椰汁甜飲超絕配搭。檳城白咖喱海鮮麵(滲滲)-朋友叫的。材料吸引。高佬麵配雞扒(醬另上)-都係朋友叫的，睇落塊雞扒好味。總括：蘇媽，蘇媽一直為港人引進地道馬來西亞菜。有馳名肉骨茶，叻沙。價錢都係街坊價。

旺角朗豪坊附近呢間馬來西亞餐廳，門口裝修好特別，好有特色，入到去餐廳嘅裝修一樣好有馬來西亞特色，星期日夜晚幾乎全院滿座，餐牌好多馬來西亞特色食物，樣樣都想試，而且餐廳冇+1 ，亦都冇限時，可以同朋友慢慢傾偈檳城白咖喱海鮮湯麵個白咖喱海鮮湯好惹味，用了十足，啲湯幾乎比我飲晒，湯料好豐富，有蝦、青口、魷魚、魚蛋、豬肉卷，全部都好惹味，個面底仲可以揀，試咗馬來西亞嘅摻摻麵，有特色又好味高佬麵配雞扒雞扒好大塊，啖啖肉，醃料惹味，最重要係雞扒冇雪味，高佬麵好有咬感，份量大，食完好飽飽肚

我同陳生一向都好鐘意食東南亞菜，呢排天氣轉涼，最岩食下啲補野，今次飲肉骨茶。我哋食左：🥢肉骨茶💰88蘇媽蘇媽既肉骨茶可以自由揀唔同部位豬腳，收費就唔同，我哋揀咗豬腳彎，價錢經過仲可以任添肉骨茶，超正！馬來西亞🇲🇾風味既肉骨茶冇新加坡咁辣，藥材味比較重。🥢白咖喱海鮮摻摻💰55白咖喱湯真係值得一試，味道恰到好處，唔會太淡又唔會濃郁到好濟，材料超多包括青口，帶子，白魚蛋，雞蛋，鮮蝦，豬紅，魚腐。似水榴槤💰45榴槤味好濃，馬來西亞既榴槤就係正！！榴槤愛好者就唔好錯過呀白飯💰15📍 蘇媽.蘇媽馬來西亞茶餐室 (旺角)旺角上海街618號地下G01號舖

講起馬來西亞餐廳的餐廳，好多人都會淨係諗起呢間蘇媽☺️之前食過佢哋嘅肉骨茶幾正👍今日又同朋友黎食☺️蜜糖燒雞翼（2隻）蜜糖燒雞翼色澤金黃，雞翼外皮烤得酥脆，內裡則保持著肉質的鮮嫩多汁，咬下去時，外層的蜜糖醬汁與雞肉的鮮味交融，令人陶醉🤤🤤高佬麵配雞扒這碗高佬麵的麵條彈牙，搭配上煎得金黃的雞扒，色香味俱全，讓人一眼就想品嚐。雞扒外脆內嫩，肉質鮮美，與麵條的口感形成完美的搭配，非常惹味☺️甲必丹咖哩豬頸肉咖哩豬頸肉色澤鮮豔，咖哩醬汁濃郁，豬頸肉切得厚實，讓人一看就感受到滿滿的誠意🤤豬頸肉經過慢煮，肉質軟嫩，入口即化，咖哩醬汁則香濃入味，帶有微微的辣味，非常送飯😊📍蘇媽.蘇媽馬來西亞茶餐室 (旺角)旺角上海街618號地下G01號舖#馬來西亞餐廳 #美食推介 #旺角美食 #旺角必食餐廳 #上海街美食 #yummy #Malaysiafood #foodie

蘇媽.蘇媽馬來西亞茶餐室 (旺角)地點📍 旺角上海街618號地下G01號舖係旺角附近行行下街，覺得肚餓又唔知食乜好，經過蘇媽見到個裝修好有特色，充滿馬來風味，又有下午茶同午餐就去試下---------------椰香咖央多士（下午茶）💲42椰香味好濃郁，佢唔係出面個D普通咖央醬，食落口有椰蓉感覺多士好脆口雞絲河粉+ 💲18湯底味濃郁，河粉都好彈牙---------------話知你啦薄餅配咖哩（下午茶）💲48呢個咖喱醬並非一般咖喱醬，佢係素咖喱相對食落冇咁辣但都好有咖喱香味---------------肉骨茶（豬腳彎）白飯，油菜💲76肉骨茶遠處都已經聞到好香豬腳彎勁入味好軟熟飲完個肉骨茶成個人都暖曬---------------凍馬來西亞拉茶💲忘記茶底好香濃，勁滑有別於香港奶茶值得一試---------------

如題：為左趕收工，在食客在用餐時用漂白水拖地，知吾知有幾影響食欲？原本食物係ok既,但係那個漂白水味混入去食物的味道后，係十分作嘔的🤮🤮🤮！希望你地餐廳經理檢討一下。食物評分就已經吾能夠太準講到出黎，因為真係想嘔。我你為左寫夠200字能夠劣評才寫禁多的😡😡😡1)檳城蝦面可以的，最好食的一個2)白咖哩面一般，湯底吾夠濃，同吾多配料3)奶油蝦應該可以的，食物剛送到枱之後，就係所有食物俾漂白水味嚴重影響味覺🤮🤮🤮。

蘇媽.蘇媽馬來西亞茶餐室 (旺角)••••••••••••••••••••••••••••••✄( •8• )✄( •8• )✄( •8• )✄( •8• )♥️餐點：•高佬麵配仁當牛肉•甲必丹咖哩雞扒飯•椰香咖央多士•椰汁班蘭冰•凍馬來西亞拉茶••••••••••••••••••••••••••••••♥️食評：相信蘇媽蘇媽好多人都食過！！旺角呢間又就腳，裝修又靚仲好多位，一想食馬來西亞菜就會諗起佢！今次一於試吓比較少食嘅菜式，睇吓同我最愛嘅肉骨茶有冇得一較高下！高佬麵麵質幾滑，一啲都唔油同時夠濕潤，怕辣嘅朋友可以好似我咁，將醬另上，就可以因應自己嘅接受程度加辣，辣醬夠香，加埋流心蛋、花生同魚仔好好味～仁當牛肉都好出色，牛筋好軟淋同時好重骨膠原～好好味！甲必丹咖哩都係第一次食，不過唔食辣嘅朋友要小心，因為都幾辣吓！有大概譚仔小辣咁上下，但都好惹味，薯仔入口即溶，雞排都煎得香口，一啖又一啖咁好快食晒！椰香咖央多士差唔多係每枱必點嘅小食，雖然好邪惡，但一定唔會令你失望。香口酥脆嘅多士配上重重嘅牛油同咖央醬～好好味🤤飲品我非常推介椰汁班蘭冰，好重班蘭味，而且有細細粒好似珍味嘅配料，配比較重口味

🐯旺角無限添飲肉骨茶，你又識唔識混醬🐭 ⭐️按「更多」睇詳細食評😋懶惰二人組去旺角間唔時都會經過「蘇媽.蘇媽」，今日終於入去食返個lunch。《大雜錦》 $148餐牌話係3-4人份。有一字骨、五層肉同埋豬肚。肉骨茶好香濃！甜甜地又有啲藥材香！肉既份量都好多！大舊得黎又唔會好難咬開！2人食既話，再叫個菜都剛剛好！重點係無限加添肉骨茶既湯！加肉骨茶時，店員問我地點解唔點醬。佢教我地將枱上既四款醬料都加埋一齊！黑鼓油同頭抽既比例係，黑鼓油多過頭抽，加埋蒜同辣椒。《玻璃魷魚通菜》$72通菜幾爽，玻璃魷魚仲爽！同醬料、配料好似炸蒜等撈埋一齊真幾香口！《桔仔話梅冰》$30都幾清新，不過少甜都仲係甜左少少。🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物味道好好，份量都好合理，性價不俗。💚環境充滿馬拉風情，有檳城既壁畫，懷舊磚地板。餐廳裏面位置都算係幾多，整齊清潔。💛服務方面，用手機掃QR code點菜，店員有禮。樂意幫手加湯，仲教我地點混醬添！Rating： 懶惰鼠😻😻😻😻懶惰虎 🤩🤩🤩+0.5📍蘇媽.蘇媽馬來西亞茶餐室 旺角上海街618號地下G01號舖💰人均消費：$125⏰營業時間：11:30-2

自從由馬拉返黎後，都幾掛住個邊d野食味道，所以今日就搵下有咩馬拉餐廳好食啦，今次去到位於旺角 618 嘅蘇馬蘇馬，聽聞佢係正宗味道，咁就要食下啦。1.馬拉沙嗲串燒/3串串燒分別叫左豬、牛同雞，佢係正宗燒出黎，而唔係坊間咁炸完再燒，所以食落唔會太肥膩，而且一d都唔會乾，肉質非常嫰滑，沙嗲醬入面有好幼細嘅花生碎，食落好惹味，串燒點埋佢個沙嗲黎食，真係好有馬來西亞風味2.馬拉燒蝦(半打)燒蝦係幫你去埋殼先上枱，依個非常好！蝦肉食落爽口，而且味道足夠，食完真係想食多幾隻3.椰汁班蘭冰椰汁味濃，但又有班蘭嘅香味，飲落唔會太甜，好好飲，食完濃味食物飲返啖真係好夠膩4.檸檬薏米水飲落清新，唔會太甜，感覺飲馬拉當地飲嘅味道一樣，正整體黎講餐廳食物質素高，有地道風味，好岩鍾意食馬拉野嘅朋友仔

🌗招牌砂煲老鼠粉 $88平時食開嘅銀針粉都係白雪雪淡而無味，呢度嘅老鼠粉單睇外表已經知道佢味道十足，甚至可以推介俾重口味人仕！砂煲老鼠粉材料豐富，肉眼所見已經見到有蝦米仔、魚乾仔、肉碎、乾蔥等，拌勻後嘅老鼠粉口感豐富，蝦米同魚乾仔比較硬嘅口感同老鼠粉嘅軟滑有較大對比，而且煲底焦脆嘅老鼠粉唔會黐牙，連平時唔鍾情飯焦嘅我都大有好感。🌖椰汁班蘭冰 午市套餐+$18椰汁味香濃，味道唔會太甜；底下切碎成粒狀嘅珍多，口感有別於一般嘅珍多冰，值得一試。🌖榴槤芝士蛋糕 $49蛋糕又淡淡嘅榴槤同芝士味，兩者味道調和得幾好，誰也不搶誰。食落質感香滑，唔會太膩，食完老鼠粉都可以輕鬆完成到一件，面頭嘅榴槤蓉份量都唔少，比IKEA榴槤雪糕嘅一球榴槤蓉份量更多，算係物有所值。