薄荷葉泰國菜

營業中

休息中

最近是爸爸生日，想到他想要吃有特色的泰國菜，所以就一家人到元朗的薄荷葉泰國葉。在豐年路站下輕鐵後，十至十五分鐘便到了！有室外的座位，很有chill的感覺，所以好容易認得出！一到步，店員便很快安排我們入座，並拿上餐牌為我們細心地逐一介紹。所以我們選了椒鹽魔鬼魚、招牌火焰燒雞及泰式炒金邊粉，都是招牌菜哦！椒鹽魔鬼魚事緣於我還沒有嚐過魔鬼魚，見到餐牌亦覺得頗特別，不是幾多餐廳有得吃，所以一試！魔鬼魚煎得兩邊金黃乾身（我和你當時一心只想快點吃，所以忘記了開閃光燈，不過現場親身看是淺色很多的），感覺肉身比其他魚較挺身、硬身，加上上面的配料及旁邊的醬汁，味道特別有新鮮感。招牌火焰燒雞 招牌火焰燒雞—顧名思義，當然會有火焰和燒雞，是當場烤雞！店員把原隻雞串起放到桌上後，便細心地提醒我們坐後一點，有需要的話可以用紙巾遮擋。然後便將雞隻點火，火樹銀花的，令人眼前一亮，十分有驚喜。及後店員把燒雞馬上剪件，方便又貼心之舉！這招牌燒雞美味在於味道豐富有層次，一開始吃到了燒酒的味道，後來又有香葉等味道湧上，還有香脆的雞肉味，以及一些未能形容的味道，一問店員才知道是秘制的香料調配而成，那就不多問了，繼續吃！泰式炒

今日去左元朗試新野搵刺激。今晚一於同個朋友去試泰國菜-間餐廳個名叫薄荷葉。我地兩個去到，等左一陣就有位啦，我地叫左個: 冬蔭公湯,甜酸鳳爪沙律,泰式生蝦刺身,泰式燒蠔。第一道菜: 泰式生蝦刺身有六隻大大隻既蝦,新鮮又爽口！秘製香料加酸辣醬更加突出其鮮味。 第二道菜: 甜酸鳳爪沙律大大碟既前菜,每一隻鳳爪都好入味。酸酸辣辣好開胃第三道菜: 泰式燒蠔一上枱真係忍吾住一聲: 我的天呀!哈哈..大大隻既燒蠔,肥美又可口。成隻蠔有滿滿既泰汁加青檸。無腥味又鮮甜,正!第四道菜: 冬蔭公湯呢個冬蔭公湯材料多真係好足料,入口濃濃既椰味。酸酸甜甜加少少辣,衝擊住我既食道而且做左一個好好既結尾

現今元朗市要找個清靜環境都有點困難，今次特地去了元朗劇院附近一間泰國餐廳食飯，餐廳特色是將本地酒吧及泰國菜結合。可以享用菜肴同時亦能放鬆心情抖一抖。餐廳除室內位置還有露天坐位，給我有休閒寫意仿如置身於外國的茶座。餐廳飲料除一般椰青外，還可選啤酒及生啤。今次選了全麥啤，啤酒清淡而帶有香甜的麥味。第一道菜是甜蝦柚子沙律，沙律汁帶微辣再配上鮮甜蝦仁及新鮮的機蔬菜，每吃一口都為之滿足。第二道菜是黃咖喱豬，此咖喱先講材料非常足料，質感就不是太濃郁，但沾上香口鬆化的烤餅就兩者非常配合。最後追加白飯一客，剩下的咖喱都全入胃中。第三道菜是泰式珍珠菜肉碎豆腐湯，珍珠菜很爽脆，味道有點兒似茼蒿，茼蒿本就是我喜愛的蔬菜之一，今次吃珍珠菜後多了一樣至愛蔬菜。湯品豆腐就用了玉子豆腐，每飲一口都有不同層次感受，沒有一樣食材搶了另一樣。第四道菜是肉碎生菜包，肉碎抄得不太油，不會覺得油膩及感覺較健康。而生菜是即日由自家農場新鮮採摘，非常地清甜美味。今晚同行的各人都很開心及滿足。最後值得一讚是配菜的擺設都非常講究，真不是一般泰國餐廳可媲美得到的。

經過餐廳好多次都唔知佢係一間泰國餐廳，如果不是今日朋友介紹我哋去，平時行過都只覺得她是一間普通酒吧。今次待應安排我們坐入室內近室外位置，進入後才發現當中滿有民族特色的掛毯及吊燈。音樂亦冇令我覺得太嘈 ，感覺 餐廳將音樂同民族特色融為一體。 今次我哋帶咗兩位小朋友，店員見到小朋友就很快地送上了兩粒糖果，她們收到後不知幾開心。真心欣賞餐廳的細心！ 因為唔係好熟有咩好食，所以請店員介紹店舖特色食物。因有小朋友在場，食物不能過辣。她先介紹炸蝦丸， 同埋黃咖哩。蝦丸好彈牙，口感非之好，細細粒容易放入口，小朋友們食到開心，大人就食不停口。 之後是甜蝦柚子沙律，沙律帶有點微辣，它們配搭新鮮自家農場種植的有機蔬菜，蔬菜的爽脆清甜真是值得一讚。兩款前菜吃完後胃口大開。(掛住食唔記得影相=P)主菜是黃咖喱豬&烤餅，咖喱送到枱個陣我已被伴碟吸引。之前兩款前菜已精緻，但無諗過連主菜的伴碟都為之吸晴。因為要符合小朋友嘅胃口所以我哋就選擇走辣，原來唔辣的咖喱都可以這麼好味，吃到沒有一點剩餘。如果再叫多一客咖喱&烤餅都沒有問題。 最後叫了一杯士多啤梨特飲來終結今晚。餐廳無論係食物的質素同埋環境 都令我 值得再嚟多幾

今次去到元朗一條小街，沒有大街的繁華，唯獨這間薄荷葉，很熱鬧 七點多，走進去，剛好還有一張枱 地方小小，有點像Bar，但氣氛很熱鬧，燈飾非常別緻 看看餐牌，2個人，不想吃太多澱粉質 點了飲品，一份青咖哩雞、一隻蘇梅鴨 簡簡單單 杯咸檸7 (HKD28)，酸酸咸咸又有氣，涼透心。  青咖哩雞 (HKD88) 上來了，咖哩微香 薄餅3份2個手掌大，有4塊，看上去有半厘米厚，軟硬適中 雞每件都是一小一小塊雞肉入味，味道也非常不錯 青咖哩其實一點都不辣，如果可以濃稠多一點再辣多一點，會更惹味 薄餅包著青咖哩雞，溫熱有口感 另一道蘇梅鴨 (HKD180) 原隻鴨子上來 本來看上去大小還可以 待應幫忙切開之後，原來是很大一隻，舖滿整個大碟 (立即有好抵吃的感覺) 鴨味香噴噴 ，鴨皮燒得極香脆。 我每一塊都有連皮吃，加上蘇梅醬汁本身酸甜開胃，每一口都滋味無窮 這道菜不要看它全是肉，好像很膩，其實爽脆酸甜又開胃，一點油膩感都沒有，我簡直是愛上了！ 吃一隻鴨花了差不多1小時，吃吃說說嘛，我也吃得有點仔細！

今日過左元朗搵friend,朋友話請我食餐泰國餐！個餐廳都幾得意，仲以為係酒吧，原來係泰國酒吧餐廳。係香港真係第一次見到有呢個組合既餐廳。餐廳後邊仲有好多餐檯，好正，好似另外一個密室咁。好彩黎得早，叫菜叫到一半d客就坐滿係隔離檯。叫左個椰青焗飯。外觀好靚，焗飯一入口，好大陣椰子香味，真係好野味。而且青豪好新鮮，大大粒，好甜。之後叫左個椰汁雞湯，呢個同之前食既椰子雞唔同，幾特別。雖然係白色，但佢都有冬蔭既酸辣味，但唔會好辣，所以越飲越開胃。雞湯有菇類，雞肉，香茅，仲有幾種香料，搭配得好好，真係冇介紹錯！叫左個炸蝦餅，蝦餅用杯黎裝，第一次見，好有創意，外觀好靚。蝦餅味道好好，冇腥臭味，呢間野質素真係唔錯！最後叫左個椰青黎飲，真係好掛住泰國椰青，呢個椰青真係同我係泰國飲既香椰一模一樣！太滾動！果種香味有時係九龍城都未必搵到！點解朋友唔早d介紹間野比我，下次我幾遠都黎食！

其實喂食仔係好難得先入一次屯元天呢d地方，所以都要問下住果頭既朋友有咩食，朋友就介紹呢間薄荷葉 (元朗) 泰菜去晚餐。之前聽朋友講係好有東南亞villa d餐廳咁，一去到門口就覺得好認同朋友既說話。老闆就係門口，好nice咁同入座既客人傾下計，佢話如果冬天會打開埋d門，令到果種度假feel，又啤啤佢，感覺忘憂嘆返下！講起泰菜當然唔少得肉碎生菜包（走辣）所以我同男朋友一黎當然要叫返個生菜包。佢既生菜新鮮清爽，佢既肉碎唔似出邊既餐廳炒到油淋淋咁，反而係焯過下，所以出到黎一d都唔肥膩。而男朋友就鍾意佢肉碎之中加適量既洋蔥（我就一直都唔明白點解咁鍾意食洋蔥，但我諗鍾意食洋蔥既人就會明白）。我自己就覺得肉碎既青檸汁及魚露幾出下，真係好適合做開胃菜呀！我呢就係d唔好主食但係食勁多立雜野／零食，所以就叫左個什錦小食（小）。其實望落已經好豐富，咁實際就有炸魚餅、炸蝦餅、春卷、沙嗲肉、炸蝦片。呢間餐廳好細心咁上左兩隻醬，分別係我既最愛泰式甜酸醬同沙茶醬。我自己就覺得炸野MUST MUST MUST加甜酸醬，而佢既甜酸醬都幾正宗。所以炸魚餅、炸蝦餅、春卷都好帶出到鮮味！沙嗲肉雖然係牛肉，但係佢煮到出黎既感

元朗體育館附近有間好企理下既泰菜館，門口好搶眼，行過都唔怕見佢唔到，最啱運動完去食下飲杯野，同朋友運動完剛好見到，走左入去食環境好輕鬆舒服，氣氛幾唔錯。呢個天氣做完運動身水身汗，嘆住冷氣飲番杯青檸梳打真係爽爽爽！ 好肚餓呀，見佢餐牌介紹隻蘇梅鴨幾吸引，點泥試試，隻鴨原隻上比你影下相，做下鴨model，影完先拎入廚房切件，味道酸酸味味用酸梅醬醃製，好開胃呀，成隻咁食好痛快呀~     泰國菜館一般都有紅黃青3款咖哩，我多數會點青咖哩，比較泰國特色d，味道最清，無咁油同無咁溜，可配雞牛豬肉或海鮮，記得食咖哩唔可以無薄餅架，一定要點埋先夠完美。     脆皮豬手都唔錯，外層脆卜卜，再加左小量芝麻，更加香口惹味，再淋左酸甜醬喺面，酸酸甜甜，食完都唔會覺得油膩飽濟。

襯住家姐放假，得閒都要入元朗搵下佢，因為我地食黎食去都係日本野、快餐等等冇咩特別，都想同佢食啲少食到既菜式，見依間泰國餐廳咁多人讚一於試試！雖然地方比較偏僻，入夜後但估唔到人頭湧湧，幾乎爆滿咁濟，可能依到除左泰國餐廳之外，仲有另一個吸引之處就係酒吧，有唔少外國人都會黎依到一聚，所謂愈夜愈精彩就係咁樣xd未入夜既時候人流唔多，餐廳環境係開放形式營業，周圍都擺滿泰國特色擺設。餐牌上好多唔同泰國特別菜式，但因為我地大家都唔算太食到辣，所以都係嗌一啲比較普遍會食到既菜式。泰式炒金邊粉，被一層薄薄既煎蛋皮網圍住，而旁邊有韭菜、銀芽、砂糖、花生碎、青檸、辣粉等等，味道自己任調，當然想重口味啲可以問店員拎多啲，而我除左韭菜同花生碎，其他都有落。落幾滴青檸加多啲味，金邊粉既質感Q彈，不過整體食上去會油油地，但好彩有銀芽令個口感冇咁膩，加少少辣粉更添味覺刺激。菠蘿炒飯，原本圖片係以菠蘿盛裝但上菜時變為木桶，不過亦都不無好處，因為可以更慳位，炒飯色同香俱全，肉髮增添更多口感，飯粒乾得黎帶甜，不過菠蘿既味道可以再出啲，份量足夠，菠蘿粒令成個炒飯更加香口。另外都會有海蝦同腰果等等配料，海蝦肉質夠彈牙，而且都幾

我自己一直都好鍾意食泰國菜，因為酸酸甜甜又開胃食完人都開心D。今日因為朋友住元朗，只好就下佢去佢屋企樓下既泰國餐廳食飯。因為我地三個人食晚餐，我地叫左個$388既二人晚餐，再加個秘汁黑毛豬同金邊粉頭盤:鮮蝦柚子沙律-柚子同蝦幾新鮮 食落幾好味主:檸檬魚-魚肉酸酸甜甜，非常開胃 餐廳仲幫手切好 值得加分主:牛肋骨-一盤六塊 牛肋骨幾香同埋唔多筋 食落都有牛肉味主:金邊粉-金邊粉外圍有層雞蛋包住 造型100分 有辣椒砂糖調味料比你自己調配自己岩口味既金邊粉主:黑毛豬-如果$118黎講 黑毛豬真係太細塊 雖然都幾好食菜:炒通菜-算係幾大碟 味道唔會太濃 正常炒菜一碟

因為爸爸鍾意食泰菜，所以特意提早幾日去Book左泰國菜平時都有食開既一間好味泰菜，不過今次就想搞搞新意思，唔會每次都咁悶，食黎食去同一間間野就係元朗劇院隔離斜對面，黎到都見到好多人，認真估唔到。睇到個場Full哂，睇落都幾有bar feel，我地Book左檯都要等左5分鐘以上，不過唔緊要，為左吃好西等下都冇所謂由外邊睇落去真係好靚，暗中帶有好colorful既燈光，外面仲有個牌寫住菜式，估計都係D熱門菜式，睇定陣間想叫咩坐低之後打開Menu，見到菜式大概都係同平時食開個D差唔多，不過都係有少少唔同，有D都係未食過，所以每樣都叫D叫D大家都一齊試下首先黎個沙嗲串 ($78)豬牛雞都各黎2串，食落真係唔識分係咩肉，不過沙嗲醬汁多多，肉一D都唔乾雖然得個6串，大家都分黎食，每樣食D每樣食D，開心些牙，我至鍾意食串燒黎得泰菜餐廳緊係唔少得食馬拉盞炒菜啦，平時我地就食開椰苗，今次黎到呢到，就試試佢地既馬拉盞炒芥蘭 ($58)。佢地將芥蘭斜切，好怕吃到D菜係生硬，但估唔到佢地炒都煮得幾軟林，馬拉盞醬汁又唔會太濃太鹹，味道拿捏得剛剛好泰式炸蠔總共有四隻，每一隻炸蠔下面都有一塊生菜中間個個係酸酸的醬汁

同bb去完元朗公園玩，回程時見到Mint Thai House，又好喎食下泰國菜，之前食過都幾好味吖。兩大人加一bb同bb車，坐不到店內，太迫了，只好坐店外的枱，有風機都ok嘅，不算熱。先叫一個菜，咸魚炒芥蘭，芥蘭炒得翠嫩，少許咸魚幾惹味。跟住要了一份檸檬魚，泰式一般都係烏頭魚，當然呢度亦係啦，烚熟得剛剛好，魚肉嫩滑，唯不夠肥，魚皮下沒有魚油，烏頭要肥才好吃嘛。不過個調味不錯，檸檬少少酸，加了泰式酸辣酸，又酸又辣很開胃。最後仲點左菠蘿炒飯，一個木桶上，甚有霸氣。飯炒得香口，用的是絲苗米，有飯香呢。炒飯有雜菜粒，腰果，提子乾，蝦，魷魚，同豬肉鬆等，材料豐富。飯亦混了黃薑粉，炒起來黃黃的好靚，炒得乾身不油膩，整體感覺不錯。加一後約百五蚊個人，價錢合理啦。

又係時間同我阿哥去覓食! 哥哥提起元朗戲院個條街零零舍舍有間泰國菜起度，一直就好想過去試下，今日就下定決心過去試一試!黎得泰國餐廳必叫的野，緊係有冬蔭公湯!睇落去咩都無!結果，係用湯匙拎起，有搵到2隻鮮蝦同一大埋鮮杏鮑菇片，仲有好多香草同香茅啦!個份量好足，我地兩個人合共飲左7-8碗仔左右!湯的味道酸酸甜甜，非常開胃! 隻蝦也非常新降，食落去既肉質並不韌!泰式牛仔骨牛仔骨的份量也非常足，有成6塊架! 每一塊都落左好重的香料落去所以會見到好似煎到黑左咁，所以要配埋酸汁一齊食，先中和返，同埋兩者都配合得好，因為將牛肉的鮮味都帶埋出黎!牛雞串燒其實，侍應拎過黎個陣，我仲以為係咩黎，明明我又無叫酒! 原來，睇一睇裝滿左肉!牛肉牛肉同牛仔骨一樣都無得彈啦!豬肉至於，豬肉燒得未必脆口，所以一定會配埋個醬，個味道先出到黎!惹味醬汁成餐飯就兩個人300蚊埋單，都合理呀! 另，店員的服務還是有待改善! 

香港泰國菜比較適合我既口味，泰國的食物太重口味，不是超酸就是超甜，在香港找到個平衡點，口味都平衡D。朋友介紹，元朗劇院泳池邊寧靜處的熱鬧之地─泰國菜館，真係無幾可會走黎呢邊。睇到裝修同以前食過既泰菜都好唔同，好有心思，黑中帶彩，擺設都看得有經一番設計，只係食環境都夠！饞嘴既我點左好多款唔同既野食，有招牌火焰燒雞、什錦小食、泰式燒蠔、泰式炒金邊粉，三條友食都食到我好飽！招牌火焰燒雞，店員拎出黎我以為係就咁原隻拮住上，原來會係你面前表演點火燒雞，然後再拎走將雞切件擺好上檯比你。燒雞食落香口，調味唔重，皮汁幾juicy，不過係底個到部分好重酒精味，我都係食左上層既就冇再食。什錦小食有炸魚餅、炸蝦餅、春卷、蝦片、沙嗲烤肉，落左單之後店員話我地知炸魚餅冇哂，問我地可唔可以轉走做蝦片，咁都冇辦法啦，我地都照要！蝦片好脆唔熱氣，好似平時個D咩印尼蝦片咁，薄薄一塊，夠新鮮！沙嗲烤肉，比較乾身，但係肉味重，感覺會比較似烤羊肉既質地。春卷有別於平時係酒樓食既春卷，春卷外皮依舊脆口，裡面是肉碎，不羶。炸蝦餅幾彈牙，幾好味，就算唔點泰式甜酸醬一樣好味！每舊泰式燒蠔上有4分一小舊青檸調一調味，蠔雖有微海水腥，但

呢排成日入開新界，今轉黎到元朗，阿肥妹女友話要食泰國菜，因乜解究入元朗唔係食日本菜而係食泰國菜呢？肥妹女友話對上一次食呢間薄荷葉係一年前，今日要回味下喎好好好，捨命陪肥妹，食飯時間，呢間餐廳全場爆滿，都幾多粉絲喎咁梗係我發板叫野食啦，先叫個生蝦刺身，泰式鳳爪頭盤先生蝦刺身…um…生蝦的確係爽口新鮮嘅，而且已經有醬汁喺面，唔使點醬，之但係佢唔知係咪黎自埃塞俄比亞，size真係細左小小，7隻承惠 $198,會唔會有啲over?!肥妹女友話呢度嘅燒魚好好食，咁見佢有椒鹽魔鬼魚，好似好有趣咁喎，點個試下燒嘅時間較耐，仲要係一大一細，份量都算多都只係$198，第一次食魔鬼魚，成條都食得，軟骨組織多，有咬口，魚肉都幾多，配啲椒鹽好香口，但肥妹女友一路食就一路話諗起喺日本摸過嘅魔鬼魚喎，仲話下次叫返啲正常燒魚好過。黄咖哩雞加薄餅呢個真係幾好，咖哩香甜，配合薄餅有飽肚感，唔使成日食飯咁悶酸辣鳯爪沙律 呢個又係食開辣嘅朋友一定要叫嘅，凍嘅鳳爪一放入口，先係甜甜哋，跟住啲辣就散出黎，果種感覺一試難忘呢度環境暗暗地，岩晒情侶黎食飯傾計，門口仲有啲室外位，照顧下啲吸煙人仕，又有大螢幕，我諗用黎睇波，氣氛一流！