薄荷葉泰國菜

營業中

休息中

晚餐聚會友人心血來潮想食泰國嘢，友人推介了薄荷葉，因為大家都是第一次去，所以都搵咗一陣先搵到，去到已經坐滿了食客，好在一早預約左，準時去到就有位了。大伙兒點了以下食物：炸蝦球：$58外皮炸得鬆脆爽口，入面蝦味鮮甜，十分彈牙冬蔭公湯：$78（細）唔會太辣，酸酸辣辣，十分開胃飲完，湯料有菇，蝦，泰國香料，好豐富。明爐魚：$158食泰國野一定要叫個明爐魚試下，店員講解條魚只有7成熟，所以要再煮多陣先可進食，店員細心幫我地加湯落條魚到，等到湯滾起之後，店員幫我地反轉條魚，再次加湯係魚面上，等到再滾起就食得。魚好滑同多肉，配合埋湯汁同香料一拼放入口，口內充斥住豐富既層次。泰式燒豬脾仔：$118依個豬脾仔真係十分好味，外皮燒得香脆，咬落去淡淡肉，再沾上泰式醬汁，十分惹味。Extra益力多啤酒：$58食得泰國菜，一定要飲返杯啤酒解下渴，依杯用啤酒溝益力多，好新奇，不過其實無咩益力多味，可能啤酒味蓋過左。但還是一個不錯的嘗試

訂左8點2位叫左4樣野1枝啤酒冬陰公，柚子蝦沙律，豬肉生菜包同雜菜煲點菜既時候一位比較成熟既女服務員話太少 唔夠食叫我地加個咖喱薄餅我地2個女仔又唔太餓話上齊野食唔夠再叫啦佢話加單要1個鐘你地得個半鐘架咋咁我地最後都決定叫住4樣先唔夠咪再去食甜品囉食到8點52分其實都食得7788係枝啤酒未飲完嗰個女服務員走嚟拎起枝啤酒浪下浪下個樽問我地飲完未我地話仲有少少佢話你地夠鐘喇 個半鐘咋我地其實都諗住走無打算磨你個半鐘但你唔可以屈我地夠鐘囉我話我地book8點係未夠個半鐘既 不過可以埋單佢跟手拎張單黎 盛惠$690嘩 一睇就知唔對路啦張單唔係我地枱既唔知佢係咪駁大霧啦再印過張單 $381先真我地拎銀包佢話400先可碌卡嗱嗱嗱 就係15分鐘前隔離枱走人食左$2xx 同一位位服務員話300先碌得卡而家就400問佢唔係300咩頭先聽得好清楚300佢仲要死撐話人地AE所以300咁我地都有AE喎佢見撐唔住 爆左句 唉是旦啦其實不如你cash only 啦唔好做衰自己個聲譽先得架仲有好彩無聽佢話叫多個咖哩薄餅根本就夠食 要惜食呀坦白講 啲野食係好食既生菜豬肉包仲好好食添但咁既服務是旦up 側側膊唔多覺咁掍

好吧，不得不承認元朗是一個美食天堂。這天收工後，刻意駕車到元朗，吃一個泰國菜，順道可以慶祝星期五的降臨。星期五晚上，餐廳的人數十分多，很熱鬧呢。（今次筆者帶了單反去影相）泰式燒豬頸肉 $78豬頸肉可算是泰菜的鐵腳，十分適合不同時間食的。至於這個豬頸肉燒得不錯，外層十分香脆，有燒焦的味道，而且醬汁都十分好味，與豬頸肉十分配。緊接是 黃咖哩雞 + 烤餅 $130店員不斷推介烤餅的味道之下，便決定一點來試一下。烤炸及咖哩一向都是十分相襯的食物，咖哩本身的配料十分多，香料都不少。而咖哩不算太辣，而且有椰香味，十分易入口。到烤餅： 略為有丁點失望，因為烤餅用的油不夠多，所以吃起來有點乾。而且上檯時的熱度不足，所以帶點失望。不過配上咖哩吃，兩者味道十分夾，match得不錯。馬拉盞炒通菜 $58份量來說十分足夠，而炒出來的味道都不錯，夠濃郁，很易入口整體來說，去元朗就是要吃有特色的小店，而這間店十分配合，而味道氣氛都不錯。

今日同BB去南生圍踩單車郊遊, 夜晚BB話想食泰國菜, 得, 即刻上網搵, 搵到呢間睇落唔錯, BB去見到都話滿意, 搞掂!我覺得氣氛幾好, 叫左杯ROSEE黎飲, 感覺更加醉人。BB唔飲酒, 就叫左泰式菠蘿特飲, 佢話菠蘿味幾重, 好岩口味!BB想食菜, 揀左馬拉箋炒通菜, 勁有鑊氣, 好香好爽, 口感一流, 大大碟唔經唔覺都比我地食晒。跟住試下斑蘭咖喱雞, 斑蘭味好出, 咖喱唔算好辣, 撈勻椰奶仲好味, 雞件好嫩無渣, 跟埋個薄餅, 點咖喱汁索晒味, 兩樣野係絕配!見隔離個燒豬脾仔幾靚, 我地又叫一份, 味道好有泰式風味, 肉唔會乾, 鎖住肉汁, 本身個豬脾都夠味入味, 但點埋甜辣醬, 滋味更提升, 百感交集

今晚同朋友去元朗買麥提沙糯米糍, 先食甜品後食主食, 對熊來說無所謂, 反正愛食, 怎麼食也可以。最近天氣甚悶熱, 所以晚餐就揀左食香口一點的泰國菜, 見薄荷葉幾多好評, 就食呢間吧。呢間似酒吧的餐廳, 中間有大屏幕大部分時間播著泰國mv, d歌又幾好聽喎!行到熱辣辣, 坐低即刻叫杯凍飲, 泰式菠蘿特飲 $28 夠冰凍, 味道唔會好假但偏甜, 仲有粒粒菠蘿味的啫喱, 增加口感, 價錢唔貴, 呢杯幾抵飲!咖喱食得多, 但斑蘭咖喱真係未食過, 所以叫左個 斑蘭咖喱雞 $88, 搭埋個薄餅加 $42。一試真係不得了, 個斑蘭味好香, 令我諗起新加坡既斑蘭蛋糕, 後勁就有少少甜同辣, 仲有d 椰奶香, 雞肉都好滑, 放d 咖喱同雞落薄餅食, 又有另一番風味, 薄餅有層次感, 咬落鬆化, 店員仲提示可以手撕再沾醬汁, 更加入味, 試過又係喎!見好多人推介, 忍唔住叫埋 泰式燒豬脾仔 $118, 總共有四隻, 上菜前已用錫紙細心包好滑位, 食客唔駛食到手咁污糟, 豬脾仔外層烤到好香, 咬落唔乾仲好juicy, 肉好嫩, 仲啖啖香茅味, 點左泰式甜酸醬, 更加惹味添。中間仲有一碟加左菠蘿汁調味, 同

今日係元朗踢完波，順便係附近食埋飯先走。同朋友見到球場格離有間靚裝修既餐廳，以為係酒吧，原來係食泰國野！見到店內有大電視睇波添，即刻坐低~~店內裝修真係唔錯，燈飾同埋牆上既壁畫擺設都好有特色 好靚，充滿泰國風。唔知店主係咪泰國購入架呢？哈哈我地點左冬陰公同明爐魚試下，再啤一啤。泰國啤酒離不開 Chang/Leo/Singha. 而我比較喜歡Singha, 味道比Chang同Leo濃d, 麥味重d.**冬陰公**味道香濃，酸度適中，蝦亦彈牙夠大隻。美中不足係唔夠辣。建議愛辣人士可嘗試早揚聲 加辣！**明爐魚**魚上碟既時候係9成熟，老闆話不弄至全熟更能保持肉質嫩滑。魚汁同湯再於火上加熱，滾透即可享用。魚湯酸酸辣辣而帶有魚既鮮味，拌菜吸左魚湯更令人食指大動！讚👍🏻好喜歡店主將餐廳裝修到好似酒吧咁，有音樂聽有波睇。享受住靚裝修，仿如置身係泰國地道餐館咁，既自在又好味。有機會一定會再黎。

元朗除左食甜品出名外，呢度啲東南亞菜亦不錯，見呢薄荷葉評語唔錯，所以今晚來試下。呢度環境為半露天半室內，天氣咁熱更係坐室內啦。- 菠蘿特飲 : 先叫杯菠蘿特飲消消暑，杯嘢夠冰涼清新，可是菠蘿果肉太少，有點失色。- 菠蘿炒飯 : 平時泰國餐廳多數用原個菠蘿殼盛載。反而呢間用大木桶，看落份量都幾多。飯面有好多肉鬆及香脆的腰果，啲飯幾香，啖啖有菠蘿肉，不錯。- 雜錦串燒 : 有雞肉、牛肉及豬肉各 2 串，雞肉肉質較軟稔易食，牛肉及豬肉質比較結實;牛肉串有少許牛味;豬肉串如果厚身點會更好。不過佢附有的三款醬汁卻令串燒換然一新。

Happy Friday 同友人去了一間泰式餐廳食晚飯。因為又想飲下酒，又想食泰野。所以就黎左薄荷葉。呢間餐廳外觀望落去，你會覺得似一間酒吧多啲，但其實佢係一間食泰國嘢嘅餐廳。七點半去到外邊，已經坐滿了人。我哋被帶了去再入面嘅地方。裏面放左兩張6人枱。環境暗暗的，都頗有情調😌。旁邊仲有一條樓梯，樓梯旁放了一些小燈。原來樓上都仲有枱的。因為內𥚃的燈光比較昏暗，所以要用電話打燈睇menu😂炸蝦球 $58炸蝦餅食得多，所以叫左個炸蝦球黎試。外脆內裡又彈牙😋再加埋不可缺少嘅雞醬黎食。細細粒，一啖一粒，正👍🏻但小心熱親，因為係剛炸起的。沙嗲 (豬，牛，雞各有兩串) $78食泰國野，點少得沙嗲串燒☺️第一次食串燒係用啤酒杯黎裝。果然營造出小酒吧嘅感覺。串燒本身已燒得很香很惹味，再加埋沙嗲醬，更提升出香味同味道。👍🏻正甜柚鮮蝦沙律 $78我發覺我食親泰國野都係好中意叫柚子蝦沙律。可能因為呢個沙律清得和黎又夠開胃☺️。酸酸甜甜的。呢到嘅賣相好靚。砌得齊齊整整的。蝦食到有鮮甜嘅味道。不錯冬蔭公湯 （細）$78呢度嘅冬蔭公湯啱晒我😁因為酸味夠而且不會話太辣。材料又充足。食到好香嘅椰香味同香茅😍。叫左個細，都有

這間薄荷葉位於元朗安康路，外觀十足泰國的酒吧街，從店内流出的澎湃音樂，七彩閃爍的燈飾橫裝，員工更有禮的以泰語跟客人打招呼,極盡吸引！• 酒種選擇繁多 黑啤正在推廣。• 大大隻生蠔煮法可選焗或燒。• 燒生蠔大大隻，肥美鮮甜，伴上酸辣醬及青檸汁，絕配。•大蝦柚子沙律炎炎夏日，酸酸甜甜十分開胃，足料新鮮。 總結：雖然格調高尚但消費價錢親民，設室外室內，迎合到不同需要的客人，店舖就在元朗劇院對面，十分當眼不難找。

入元朗同朋友飲野，佢話呢間有我中意既泰國菜又有得飲酒，我覺得好正，一定要黎試下佢地既drink menu種類都好多，我就叫左杯特色beer!呢杯係青瓜mix beer，有淡淡青瓜既fresh 味，好容易入口🍻叫左碟燒蠔，蠔就食得多，泰式燒蠔就真係第一次！味道有淡淡既酸辣，好泰式既味道而且一d都唔怪佢地既蠔又大又肥美之後仲叫咗個泰式燒牛仔骨，牛仔骨份量好足，仲配搭埋沙律，食完絕對唔會覺得好濟！佢地既牛仔骨燒得岩岩好，一d都唔靭配合埋自家製醬汁，好開胃馬拉盞炒通菜係食泰國菜一定要叫！味道好唔錯，如果再辣d就更好

假期前夕，跟E先生兩個人來到元朗吃晚餐。我們最終決定來到以前亦曾到過的 Mint 薄荷葉吃泰國菜。餐廳除了有室內座位之外，還設有數張室外餐檯，整體環境氣氛不錯。除了散點食物之外，餐牌上還有2人套餐及4-6人套餐以供選擇。點好食物之後，店員馬上送來各款相應食物的醬汁。Yakult Mix $58/ glass墨西哥Corona Extra啤酒 + Yakult 益力多，入口冰凍可口，而且味道酸酸甜甜，非常美味。炸蝦餅 $58炸蝦餅稍為薄身，外層金黃香脆，質地爽口彈牙，蝦味濃郁，不錯！沙嗲 ( 豬 / 牛 / 雞 ) 6串 $78沙嗲醬汁味道香甜，加上豬/牛/雞肉串燒得香口，而且肉質腍嫩，充滿肉汁，不錯。泰式燒牛仔骨 $118燒牛仔骨份量頗多，燒至表面微焦香，而半生熟中間呈粉紅色，吃來牛味濃郁，口感不俗，醮上特製酸辣醬汁，更為滋味。

是夜又係我地出動既時候, 薄荷葉係呢區都幾出名, 由朗屏行過黎都係15分鐘, 坐輕鐵的話豐年路立站更近, 5分鐘就到啦行到黎既時候岩岩都有幾個位, 室外座位反而坐滿左!佢地既邊頁有埋邊TAG, 方便大家揀不同既菜色種類, 一眼就見士多啤梨特飲味道都幾甜, 應該落左不少糖漿喎! 外觀設計都幾獨特, 幾似COCKTAIL, 而味道都一樣係咁, 士多啤梨味比較少...主要都係甜味多泰式燒豬脾幾彈牙呀~而且有最重要既泰式辣醬, 甜中有辣中和豬脾既咸肉香, 超好味! 另外廚師仲會將錫紙包住個骨位, 用手揸住好易食! 加埋中間既粒粒菠蘿幾有層次馬拉盞炒通菜就唔得了, 雖然好大碟好慷慨, 但炒到好濕, 又食唔到馬拉盞既濃烈味道, 好似開水煮通菜咁, 真係令人覺得有少少求其

年少時的日子總是快樂而短暫,還記得天十多歲的時候,第一次跟女孩約會便是在元朗,當時含羞答答的我們約會地點是肯德基呢當年的肯德基猶在,但約會的對象早已失去芳蹤,不過青澀的記憶永遠都會放在心頭這天跟朋友剛巧走過元朗,順道來個晚飯吧一間泰國餐廳,這些年人們總喜歡泰國,日本,韓國,這類型的餐廳早已是成行成市先來個鮮蝦刺身,不算特別新鮮,蝦味沒想像中強烈,不過還是有鮮凍的感覺中間的薯蓉味道也是不錯菠羅炒飯的賣相一流,木桶裝出來的感覺相當有泰國的氣息,彷彿泰國就在腳下炒飯相當香滑,而且夠熱菠羅十分鮮甜,而且份量充足,我和友人都吃得相當飽滿再來一個啤酒,這兒的啤酒價錢便宜之餘又大杯,性價比相當高一醉解千愁,亦為逝去的春青乾杯吧

今天星期日， 表妹為我籌劃下午茶生日會， 一心見好評的餐館， 約好3人一齊試試，怎料點菜時， 我們點了蝦沙律，小食拼盤，2杯飲品，服務員突然說：你就點咁少，面黑黑走了，極無禮貌！我們一心去下午茶，3人已食午餐，又點樣食得多呢？最嬲是等拼盤，等了一小時話廚房未準備好，再等多半小時，又話漏單，激死人，三個服務員只做一台客，都無心做好服務，廚房亦無人理會。

下著毛毛細雨的今天，我倆挽著手一起走在元朗街頭，邊避雨邊享受著浪漫的腳步。無意中走到了元朗的邊緣，發現了這家格調不錯的泰國餐廳，看了一下風評還不錯，於是我倆就在雨中停下腳步，享受一下寧靜的晚餐。古樸而尚金是泰國裝潢的特色，店內還不停播著一些外語歌（不是英文），坐著還挺愜意的。清涼的椰青打破了我的沈默，太好喝了！入口甜而不過漏，順滑清甜，而椰肉也非常易刮，入口軟稔滑溜，很易消化。這廚師特色蝦醬炒飯我還以為是什麼鬼東西插在上面，原來是炸魔鬼魚塊！侍應示意應該把它壓碎與飯同吃。除此以外，還有醃制過的腩肉跟青瓜絲，泰國炒飯必備的蛋網跟蝦醬底炒飯，口感加上了魔鬼魚後非常濃郁而且口感非常爽脆，可惜的是魔鬼魚太多亦咸，搶去了炒飯本身的味道。而腩肉亦有點過肥，但整體來說還是口感味道兼備的。三色串燒中最好吃的，一定是雞肉，ＪＵＩＣＹ得來不過熟，肉質也軟稔易咬。不過牛肉就流於一般，有點太乾身而且牛肉味道不濃。豬肉則更是麻麻，燒完之後變得好細。。。