影片
更多
2016-10-13
290 瀏覽
其實喂食仔係好難得先入一次屯元天呢d地方，所以都要問下住果頭既朋友有咩食，朋友就介紹呢間薄荷葉 (元朗) 泰菜去晚餐。之前聽朋友講係好有東南亞villa d餐廳咁，一去到門口就覺得好認同朋友既說話。老闆就係門口，好nice咁同入座既客人傾下計，佢話如果冬天會打開埋d門，令到果種度假feel，又啤啤佢，感覺忘憂嘆返下！講起泰菜當然唔少得肉碎生菜包（走辣）所以我同男朋友一黎當然要叫返個生菜包。佢既生菜新鮮清爽，佢既肉碎唔似出邊既餐廳炒到油淋淋咁，反而係焯過下，所以出到黎一d都唔肥膩。而男朋友就鍾意佢肉碎之中加適量既洋蔥（我就一直都唔明白點解咁鍾意食洋蔥，但我諗鍾意食洋蔥既人就會明白）。我自己就覺得肉碎既青檸汁及魚露幾出下，真係好適合做開胃菜呀！我呢就係d唔好主食但係食勁多立雜野／零食，所以就叫左個什錦小食（小）。其實望落已經好豐富，咁實際就有炸魚餅、炸蝦餅、春卷、沙嗲肉、炸蝦片。呢間餐廳好細心咁上左兩隻醬，分別係我既最愛泰式甜酸醬同沙茶醬。我自己就覺得炸野MUST MUST MUST加甜酸醬，而佢既甜酸醬都幾正宗。所以炸魚餅、炸蝦餅、春卷都好帶出到鮮味！沙嗲肉雖然係牛肉，但係佢煮到出黎既感
之前聽朋友講係好有東南亞villa d餐廳咁，一去到門口就覺得好認同朋友既說話。
老闆就係門口，好nice咁同入座既客人傾下計，佢話如果冬天會打開埋d門，令到果種度假feel，又啤啤佢，感覺忘憂嘆返下！
講起泰菜當然唔少得肉碎生菜包（走辣）
所以我同男朋友一黎當然要叫返個生菜包。佢既生菜新鮮清爽，佢既肉碎唔似出邊既餐廳炒到油淋淋咁，反而係焯過下，所以出到黎一d都唔肥膩。
而男朋友就鍾意佢肉碎之中加適量既洋蔥（我就一直都唔明白點解咁鍾意食洋蔥，但我諗鍾意食洋蔥既人就會明白）。
我自己就覺得肉碎既青檸汁及魚露幾出下，真係好適合做開胃菜呀！
我呢就係d唔好主食但係食勁多立雜野／零食，所以就叫左個什錦小食（小）。
其實望落已經好豐富，咁實際就有炸魚餅、炸蝦餅、春卷、沙嗲肉、炸蝦片。呢間餐廳好細心咁上左兩隻醬，分別係我既最愛泰式甜酸醬同沙茶醬。
我自己就覺得炸野MUST MUST MUST加甜酸醬，而佢既甜酸醬都幾正宗。
所以炸魚餅、炸蝦餅、春卷都好帶出到鮮味！
沙嗲肉雖然係牛肉，但係佢煮到出黎既感覺似羊肉既texture，所以都別有一番風味架。
不過個沙茶醬再濃d，點沙嗲就好了！
其實呢個份量岩岩好兩、三個人唔會太多又可以試到唔同野，已經覺得好滿足呀！
最後叫左個菠蘿炒飯。佢以木桶呈上真係幾特別，因為平時都係半個菠蘿咁上既。
呢個炒飯上面有好多好多肉鬆，仲有一隻大蝦同薄荷葉（餐廳主題）做襯托，十分之吸睛。
撈均勻之後見到一粒粒既金黃色飯粒，勁吸引！
雖然菠蘿無乜，但係佢個炒飯係帶出左菠蘿既清新微甜，加埋肉鬆、腰果一齊食，兩個人share都飽飽！
薄荷葉泰國菜餐廳環境一流，播d強勁節拍既音樂得黎又唔會傾唔到計。最適合同三五知己黎飲下野配埋泰菜又醒胃又係送酒一流！
果度附近無乜車經過，唔講仲以為去左西貢d異國風情既餐廳！
真係要比個LIKE！
張貼
