薄荷葉泰國菜

營業中

休息中

1月1假期和幾個朋友聚會，見呢到有outdoor，所以個幾星期前訂定位，點知準時去到有訂位仍然要等，（唔緊要假期，咪等囉）到有位啦（不過唔係outdoor ），侍應話係6人枱，我地得4個人有機會要撘抬（唉！算，假期人多）我地點咗炒通菜，串燒，咖哩大蝦，蝦醬炒飯，木瓜沙律，燒生生蠔，薄餅加三杯飲品9百幾，价錢唔算貴，但係冇一樣好食，比一般茶餐廳做得差，上菜又上得慢，向等期間想加D水，侍應叫我地自己去水機裝水，食完埋單啦，我地一比完錢，一個侍應過黍話唔該遞D蝶出黎，另一個叫遞D餐具出黎，再一個叫遞口水杯出黍，黎食嘢原來币要包埋幫你執枱。

今晚與媽媽首次闖入元朗區吃晚飯，首選泰國餐。元朗可謂人新路不熟，搵餐廳都搵左一段時間。聽聞餐廳有一段長長的歷史，今晚就試試功力。馬拉盞炒通菜。通菜嫩甜不乾身，入口無渣尚叫爽甜清脆。通菜入口微辣香口，調味重不油膩，吃多啲菜健康吧。椒鹽魔鬼魚。少見的魔鬼魚魚香重又不油膩，炸得香脆香口，入口味道獨特。魚肉不算太嫩但油香重，喜歡薄薄的椒鹽香。咖哩豬配薄餅。咖哩味濃不會太重辣味，咖哩突出尚叫濃厚，豬肉爽嫩不乾身，薄餅厚厚一塊油香麵粉香濃郁，吸上咖哩汁味道香口。

今晚與友人闖入元朗區搵食，大家都喺重口味人士，當然首選泰國菜啦。室外室內都有座位，我地崇尚自然風光，一於坐室外。一坐低就有3種醬汁提供，酸辣醬、甜酸醬和辣醬。炸蝦餅用大大個玻璃瓶裝上，蝦餅香脆香口，蝦肉爽彈鮮甜沒有雪藏味，外層香脆不油膩，沾上獨有的酸甜醬味道更加滋味豐富，醬汁酸味突出，開胃不濟。豬頸肉炒麵。蛋網包上炒麵，蛋味不突出但賣相可愛。炒麵乾身不油膩，調味濃香不單調，麵身彈牙不會太淋，豬頸肉油膩剛好，油香重又不膩，肉質爽彈。

今日記念日諗住開開心心食餐飯，選擇了我最愛的泰國菜。大約九點到達，等了大約十分鈡就可入坐。都係叫了我平時會叫的柚子沙律、冬陰功、炸蝦餅，本應想食咖哩，因所有飯停止供應所以叫了蘇梅鴨！一上沙律心都寒埋，吾知自已係咪叫錯芽菜沙津，柚子同芽菜比例1:3，味道淡到不行，只吃到芽菜的青味。跟住上的炸蝦餅，直徑長過五蚊銀少少，最離譜的是還要一開二！共開了八塊，我不介意細塊，亦不介意只有幾塊，最起碼不要為了睇落多D將已經不大的切開！切開後不但沒回感，而且很乾及易涼，這個我要比負分的，失望非常！冬陰功是全晚比較正常的，不是非常特出但起碼夠熱！蘇梅鴨只是一隻炸過的鴨，沒任何味道也沒鴨香！這店賣點是什麼我不清楚，但價錢一定是貴，味道一般還是誇大了，應該是元朗泰菜最差的兩三間！中間還有一短髪的女侍大大聲講了一句粗口，雖然當她知道我聽到後也有向我道歉，但感覺還是不太良好。本應開開心心的一餐，餐後將我這慶祝日劃上失望的句號！

見到咁多好評,加上友人之前食過都覺得好, 諗住去試下, 點知就咁中伏, 嚴重懷疑轉左廚師, 完全失望, 泰國菜其實好難整得咁既樣,無味道可言, 本身應該係好濃味,但佢連有味道都唔係咁稱得上,一樣係咁都算,我地嗌左5 樣,馬拉通菜(都無味, 好似溝左水咁) Green curry chicken, 咖哩汁勁稀, 都係無咩味,無咩落椰奶囉, 仲要係俾肉碎, 收我$140, 連個收$88 6串,沙嗲串個d肉都大過佢。。。。當然都係無味啦！ 連食評講既好味 金邊粉都勁失望, 得少少酸味, 5 樣都係咁, 咁既價錢絕對唔值, 唔會再黎!

和男朋友啱啱去完泰國番黎，一直對泰國菜念念不忘。所以我哋去左元朗探朋友之後就打算搵泰國菜回味一下。去到嘅時候就已經俾佢嘅環境同裝飾吸引住。應該係就黎聖誕，所以門口位置擺放左聖誕擺設，非常有氣氛。🎅🎄泰式炒金邊粉 $108每次吃泰國菜我都必定會點的金邊粉，而今次都冇令我哋失望。佢一黎到，嗰外貌已經非常吸引，食落仲更加深刻。佢有幾種配料放係碟既四角俾你自己選擇，食落甜中帶酸同少少辣，配料既份量可以自己控制，非常貼心。個蛋網口感都唔錯，唔會一咬就散，充滿蛋香。👍青咖喱（雞）$98 加薄餅（4塊）$48另外叫左個青咖哩雞，雖然同我哋原本預期有少少唔同有少少油。但食落都好香，配埋薄餅黎食個效果唔錯。(可以揀配飯或者薄餅，額外收費)冬蔭公湯（細） $88講起lee個冬陰公湯就既刻流哂口水，又香又足料，仲要唔油我哋叫左個細嘅都夠每人兩碗有多。同埋d蝦都已經砌開一半方便剝殼，幾細心！值得俾多幾個like佢😍😍😍明爐魚 $168見唔係好夠喉，我哋仲叫多左條明爐魚，佢嗰汁酸酸甜甜，都幾開胃而肉質都適中，唔會太軟或者硬，加埋d配料一齊食就有另一番風味。(另外有個湯俾你加，個設計仲好好唔會倒瀉同浪費)總括而言

咁岩係元朗。。咁岩想食泰國野。。咪Rice下囉。。點知。。伏伏地。。整體黎講。。佢似間Bar多D。。主要分內外兩part。。地方唔算大。。如果要等位就應該唔食佢。。勝在環境幾好。。服務有禮。。吹下水坐下飲野都唔錯。。不過泰菜就講真麻麻😅款式係幾多既。基本野齊既。不過食落冇乜泰味。加上天氣涼左。食唔夠10分鐘就凍哂(我已經坐室內)。食飯味道偏淡。什至可以話冇乜味。。不過唔係難食既。。只可以話好正常囉小食拼盤：2個人食幾好。咩都有D。串燒(😅),蝦餅,魚餅,春卷(👌),蝦片(😍)黃咖喱雞加薄餅：食物既味道馬拉戔通菜：好。。普通。。冇味石榴特飲：超市紙盒1L果隻呢食物：平平無味環境：可以啦。不過冬天Outdoor應該食唔到熱既野總括：如果有得簡。唔簡佢PS：落單。叫野食炎你叫得小。找錢特登將我張20蚊紙變哂大餅。貼士唔係咁囉的。如果咁都叫The Best Thai Food In YuenLong。呢句一定係大話

我個朋友話有好介紹，原來係元朗既薄荷葉，之前都見過係open rice有好多好評，今次朋友叫到，梗係唔會托手肘啦！首先，一黎就真係要讚下個環境！認真，有去過泰國，或者東南亞地區既都知，係海邊食住野飲杯野加埋d海風，真係人生一大樂事！雖然薄荷葉係對住條馬路，但係佢既環境都贏一半，坐室內定室外，chill住比你揀，都唔好話唔正！跟住，就介紹下每樣野食！（不過如果你唔知想食咩，佢既店員都會瞭解你既口味，再好有耐性咁介紹比你聽，所以一d都唔洗驚丫）我就鍾意憑自己眼緣望到邊樣就食邊樣，所以我就揀左雜錦小食、馬拉盞炒芥蘭、泰式炒金邊粉同火焰燒雞。我自己就幾鍾意佢個馬拉盞炒芥蘭，因為佢味道獨特，入味之餘又唔會話太咸，個芥蘭都仲好爽脆。我自己就鍾意爽脆既芥蘭證明d菜唔老，而d葉都好完整。泰式炒金邊粉，外型同心思都拎足一百分，隻蝦倒放於金邊粉上仍屹立不倒，旁邊有葉子既配襯，十分美觀，仲有薄薄既一層蛋膜包住金邊粉，顯示岀廚師好有心機。金邊粉味道不錯，旁邊放左唔同配料，可以按自己口味去落，令金邊粉味道更個人化！至於，雜錦小食，款式多樣化，分別有魚餅、蝦餅、春卷、沙嗲同埋蝦片，仲有兩種醬比你點，沙嗲醬同甜酸醬

我想表達的是元朗這間泰國菜館怎麼會那樣貴的呢？咁好公道地說，它食物的質素不錯的啦。食物是煮得好吃的那種，但不是超高水準，但收費有如香港島出邊的高級餐廳。如上圖，我們五個菜，當中有沙律，有蝦有蟹有雞。蝦得果幾隻，已經快要二百，其他菜份量也不多，味道是好的，蝦爽口，咖哩香濃，但就咁食千幾蚊，有點那個。

I ordered the green curry with fresh chicken and it was very disappointing.. there were not much chicken and the curry was so watery! For 138hk this was a joke and a slap in my face as a customer.

因為咁啱係生日月份所以最近都試左幾多間既新野食💕今次就同男朋友近近地咁試左係元朗既泰國菜 一去到門口因爲我係第1次去既見到佢入面個裝潢好有心思同埋完全唔似平時既泰國餐廳反而似一間bar同埋因爲近Halloween啦所以佢地用左好多裝飾去佈置望落真係好有氣氛👻跟著因爲我地卜左2位雖然早到左半個鐘左都好彩可以即係入去坐底 睇左本餐牌擦左好耐食乜因爲佢實在有太多野食揀啦❤️於是我地諗左好耐就決定左叫4樣野食本身都驚會食唔曬但最尾又啱啱好喎~~首先上既係炸蝦球佢d蝦球好得意細細粒粒咁係可以一啖一粒咁食 食落d蝦球唔會話好彈牙都但有口感而且啱啱炸起係熱辣辣同卜卜脆咁好好食😋d蝦球食落咸咸地咁雖然有少少油油地但係仍然好吸引忍唔住一粒接一粒咁食🍤之後就係炭燒豬頸肉本身我諗住份豬勁肉係大份d既但點個個份量係偏少既不過佢仲跟左碗小沙津 個沙津真係好好味👍🏻佢唔同平時係落麻醬當沙津醬反而係落醋 落醋既沙津真係超開胃夾埋油油地香噴噴既豬頸肉食真係勁match!而且佢個豬頸肉烤到有少少焦焦地好香脆可口😋跟著就係黃咖哩配雞肉跟份薄餅呢個咖哩望落都好似幾辣咁架因爲有少少紅油浮左係面但係食落又唔落辣喎不過真係好香既咖

平時行過，遠望見到有一間餐廳環境幾好，裝潢又好現代既薄荷葉泰國菜，都已經好想黎試下，今日終於的起心肝黎一試!   呢間餐廳好特別，因為採用全開放既摸式~ 同埋有個大熒幕，播住音樂，好寫意泰式燒牛仔骨 118身為牛魔既我地，又點能夠唔點呢味泰式燒牛仔骨呢？ 一碟有4件再配上好獨特既香味醬，感覺有點兒似食緊串燒既味道，牛仔骨肉質算嫩，店員送到黎已經好想食，再加上會跟一客用新鮮菜整成既沙律菜解膩燒雞翼 58呢店既燒雞翼味道不俗，一碟有6隻，每隻都有肉地架！食到雞肉有好香既香茅帶有一點檸檬味，亦有肉汁流出黎，煮既時間岩岩好，唔會食到有血滲出黎！所以我地幾個都食到唔停，而且價錢又抵，賣相又靚，推！特色菠蘿飯 88感覺上薄荷葉較重視賣相方面，相信大家對於菠蘿炒飯既印象就係大隻菠蘿盛著滿滿既炒飯端出黎，錯喇，呢度係用木桶作為盛器，主要以肉鬆、蝦仁同腰果為拌碟，亦有魷魚圈。不得不讚下呢度既蝦，好鮮味，炒飯軟硬度剛剛好，唔會話太乾，不過美中不足係略嫌菠蘿既味道唔夠出，同埋有點油既感覺，如果唔係就perfect 喇！菠蘿特飲 28不得不推介一下小店既特飲，無論外觀，以至味道方面都唔錯，而且價錢唔算貴。甜度

家在香港的我，被朋友邀請，黎到位於元朗既一間泰國餐廳食飯，遠離煩囂，餐廳既四周好舒適，因為一點都唔會好似出面普通泰國菜咁好迫好細，反而係用木做主題，分左露天及有蓋既地方，職員亦好足夠。如果重視氣氛既朋友，一定唔可以錯過。沙嗲串燒（豬牛雞 各2）（$78）沙嗲串燒基本上係必叫項目，店用一隻單腳酒杯，入面裝左小小既沙律菜，之後6串既串燒就係入面喇！賣相相當特別！小店set好左雞牛豬每樣2串，我比較鐘意食佢既雞串，因為無咁乾同埋肉質比較唸。燒雞翼 （$58）雞翼腔既我，點可以唔點「泰式燒雞翼」呢？香脆外層入面係入晒味既雞肉，除左雞既鮮味之外仲有用香料醃製既味道，生熟度處理得剛剛好，小朋友亦食到唔停得口。炸蝦球 （$58）賣相十分美觀， 蝦丸用一隻比較大既企身酒杯裝著，並以新鮮沙律菜配襯，外層鬆脆， 肉質結實，也不油膩。 將以上因素配合起來， 絕對是絕配！咸魚炒芥蘭 （$58）本來想叫芥蘭苗，不過小店暫未有貨，所以叫左芥蘭，好香既咸魚味，芥蘭亦好鮮甜，無苦澀味，亦都好爽口！ 唔會有根。。。。 不錯

是日母親大人生日，特意為佢揀左間元朗區比較著名環境，氣氛較好既泰國菜慶生~ 店面比較cyber, 同埋感覺有點似酒吧，暗暗既藍色燈光，加上可以選擇坐露天位置，而家秋風起，尢其適合明爐魚 158首先點左味我媽媽最鐘意食既明爐魚，廚房會預先將魚煮至7佢熟（不過我地見大約得5至6成熟左右1）份量方面2個人食岩岩好。而且另外會有湯提供比客人一邊煮，一邊加，配菜好多同埋好夠香，當滾緊既時候散發出好香既香茅味，客人亦可煮至自己心目中既熟度。 魚肉亦好入味，同時又唔會太咸泰式燒牛仔骨 118牛仔骨一碟有4塊，碟上會加上一碗小沙律，膩中帶一點清新。餐廳亦好細心，為呢味菜加左碟特色醬，唔辣而且有啲似咸小小既沙嗲醬。牛肉味道雖然比較香濃，但亦不失牛肉原先的肉香味，個人都比較推介呢一味小菜。馬拉盞炒通菜 58呢味菜又係唔小得既！通菜都算新鮮，因為食落口好爽同埋好脆，煮完出黎都係好翠綠，味道適中，唔會話太咸或者過濃，所以好快已經ko左！廚師特色菠蘿炒飯 98一定要介紹一下呢個飯，賣相非常吸引同獨特亦同menu所顯示既一模一樣，飯係用蛋造既網包住，上面串住一片炸了既魚皮同煎香左既幾隻蝦，以蜜汁肉，提子同花生拌碟

成日聽住元朗既朋友講，呢度有間情調唔錯既泰國菜，而且秋風起又可以坐露天... 為食既我，今日特登過黎一試店面唔算太大，大約可以容納到4-50位客人，餐廳有啲似開放式酒吧，不過好適合一家大細黎或者慶祝之用～《明爐魚 $158》先黎個明爐魚，爐上魚約7成熟，魚上配料相當足夠，另有一碗湯跟，等客人可以自己於湯滾時繼續加，魚肉配店淆制既湯，都幾入味，愈滾得愈，加埋配菜既味，就愈香濃。《沙嗲串燒 $78》黎到泰國餐廳，「習慣性」地都會點半打串燒黎食下，今次亦不例外，不過薄荷葉有啲唔同，因為係不能夠「自選組合」架！佢set 好2豬，2雞，2牛咁，所以唔食牛既朋友仔要留意一下嚕！牛肉都算唸，不過今次精華在於個賣相~ 我都忍唔住影返幾張相！串燒係同杯上架大家望下係味好特別呢？《燒雞翼 $58》我地幾欣賞小店既雞翼，因為58蚊有6隻中至大size既雞翼，算係抵，味道又好。外層係脆脆的雞皮包住雞肉同埋鎖住左既雞肉，食得出有好香既香茅同埋酸酸地既檸檬味，入晒肉，值得一試呀《甜柚鮮蝦沙律 $78》一向我都好鐘意食呢個柚子蝦沙律，所以都點左一客試下，蝦好新鮮，每一隻都食得出佢既鮮味，反而沙律既味道就比較遜色，可