薄荷葉泰國菜

營業中

休息中

今日過左元朗搵friend,朋友話請我食餐泰國餐！個餐廳都幾得意，仲以為係酒吧，原來係泰國酒吧餐廳。係香港真係第一次見到有呢個組合既餐廳。餐廳後邊仲有好多餐檯，好正，好似另外一個密室咁。好彩黎得早，叫菜叫到一半d客就坐滿係隔離檯。叫左個椰青焗飯。外觀好靚，焗飯一入口，好大陣椰子香味，真係好野味。而且青豪好新鮮，大大粒，好甜。之後叫左個椰汁雞湯，呢個同之前食既椰子雞唔同，幾特別。雖然係白色，但佢都有冬蔭既酸辣味，但唔會好辣，所以越飲越開胃。雞湯有菇類，雞肉，香茅，仲有幾種香料，搭配得好好，真係冇介紹錯！叫左個炸蝦餅，蝦餅用杯黎裝，第一次見，好有創意，外觀好靚。蝦餅味道好好，冇腥臭味，呢間野質素真係唔錯！最後叫左個椰青黎飲，真係好掛住泰國椰青，呢個椰青真係同我係泰國飲既香椰一模一樣！太滾動！果種香味有時係九龍城都未必搵到！點解朋友唔早d介紹間野比我，下次我幾遠都黎食！