蕃滿門 (已結業)

由讀大學時開始已經食過幾次蕃滿門，當時覺得佢地既蕃茄湯味道溫和，又有好多唔同既配料選擇，食得好滋味。畢業之後都無咩幾可會食到，適逢之前有日要拎演唱會飛關係路經九展，見到呢間回憶中既美味食店當然要幫襯下 叫左個蕃茄湯螺絲粉配炸魚柳，加一杯熱檸蜜，比完錢坐低等十分鐘就有得食啦！先試左啖蕃茄湯，茄酸味比較重，食得出除左茄膏之外，都有落新鮮蕃茄。滑溜既炒蛋依然好食，螺絲粉吸收左濃香既茄汁，而且分量充足，會食到好飽肚。今次令人比較失望的是炸魚柳，因為用的炸粉比較重，魚柳本身都薄身，比較似係食緊粉漿而唔係魚...即使搭配左千島醬，都無補於事。檸蜜...無特別評價，就係普通檸蜜一杯。其實食完之後會覺得蕃滿門既食物品質同肥鴿以前大學時比係無點退步過。蕃茄湯粉仍然都係大份同抵食。可能，出左黎社會之後實在食得太多更高質素既食物，加上這一次的炸魚柳又質素一般，所以而家食番一D以前喜愛既食物就會覺得有D唔太滿足。如果係第一次黎食既朋友，食到呢個質素既湯粉，理應唔會失望。但是，對肥鴿而言，第一次食到蕃茄湯粉時開心滿足的感覺，只會留存在回憶之中。

星期六夜晚睇胡琳演唱會 睇之前緊係要填飽個肚 emax都開左好多新野食 都有西餐（又係啲煮卡邦尼就扮西餐個啲餐廳）、台灣野、車仔麵 不過個啲餐廳係出面都較常食到 難得蕃滿門專打蕃茄湯底 又mix啲睇落好好食既餸eg軟殼蟹 豬手 見佢咁有誠意 價錢唔貴 見埋佢個裝修都幾出眾 所以決定試試佢！男朋友叫左呢碗招牌蕃茄湯麵 見佢好多配料所以試試佢 俾錢個時收銀姐姐話好大碗喎 一黎到先知 原來真係好大碗😂好彩都係晚飯時間食 都食得晒 男朋友無叫辣 蕃茄湯稠密唔係好稀既蕃茄水！大讚😋我叫左蕃茄湯麵配豬手 我呢碗相對細好多🤣 嗌左中辣 惹味道提升十倍🤤 蛋亦都好滑！不過豬手略嫌有啲硬同韌 仲要有好多毛好清晰見到 即刻食慾大減😂配既芥末醬係甜既 幾特別～毛毛寫真最後要講一講呢杯紅棗蜜 好飲！不過一上菜時係蜜還蜜 水還水 我覺得可以有誠意啲 搞拌埋先俾客！總結係好味！唔駛成日食黎食去都係個啲 有新口味刺激下味蕾！兩個餐總共食左$144 呢個份量黎計都抵食！

小妹是日要去EMAX 做野，放工時間六點後EMAX食晚飯地點選擇不多，肚餓加上唔想行，求求其其就呢間快手食咗算啦......一向對蕃茄都情有獨鍾...諗住普普通通鮮茄蓉焗豬扒飯算數，唔諗咁多，點知......價錢唔算平、份量少、豬扒細塊、配菜幾乎沒有，呢啲都唔係最重要問題，薑味炒飯底同蕃茄完全唔夾，加上鹹味指數十足，相信已成為小妹食過最難吃之焗豬扒飯是也！！呢個價錢咁既質素，下次都係唔好貪方便，出番九龍灣搵食好囉！！

記得幾年前食過一次蕃滿門，當時好羨慕朋友叫左睇落好好食既脆皮豬手，今次九展睇完戲特意黎一償心願。落單後拎埋部機返位等。脆皮咸豬手蕃茄米線 ($65) 小辣辣度分成6級，由原味、微辣、小辣至巴辣，今次叫左小辣都唔可以睇少，似譚仔三小辣。最估唔到係蕃茄同辣味好夾，辣辣地幾惹味。 濃濃既蕃茄蓉好足料，將蕃茄蓉、充滿蛋汁既滑蛋同米線一啖放入口，全部都滑嘟嘟、味道豐富，好好味。豬手反而有d失色，豬皮根本唔脆，底部更加浸住油，唔算惹味得黎又唔健康。秘製黑椒牛扒蕃茄螺絲粉 ($65) 微辣牛扒只係薄切既雪藏牛肉，類似牛仔骨既味道，可以不試。跟餐飲品揀左泡沫檸檬茶同紅棗蜜。泡沫檸檬茶同普通檸檬茶冇分別，紅棗蜜雖然有紅棗粒但好伏，即使搞勻左蜜糖，大半杯飲落都係普通凍水。個人覺得湯底同麵都做得出色，配料就一般，價錢略貴。格局似food court，好在冇乜客人都坐得鬆動，諗唔到食咩都可以食下。

因為食完佢，令我再來寫食評的行動好醒目的招牌，行了一圈選擇用餐地點，最終行回來光顧。餐牌大大塊放在收銀處附近，好易睇，選餐無困難。🍅烤豬手蕃茄鏍絲粉餐豬手肉質香嫰，一口接一口停不了!起初用叉食，因太好味，食完第一件已用手拿着吃，這樣才夠食得夠過癮大大碗蕃茄鏍絲粉，炒蛋配濃厚蕃茄湯底夠經典，吃完豬手後只能吃到半碗粉。（浪費）🍅豬扒飯豬扒鬆軟，但蕃茄醬偏酸，但用餐者仍食清光，有依食。下次再食豬手時一定要配泡沫凍檸茶

星期六的下午在E-max看電影，就決定在這裡食完晚餐才離開，Emax在二層開了一個美食廣場，比起以前多了更多選擇，在這裡看電影的話也不愁沒有東西食了因為不太餓的關係就叫了一個套餐再加小食，2個人分著食。基本上套餐都是蕃茄湯底的麵，麵可以選螺絲粉、公仔麵及米線等，湯底也可選辣或不辣，而辣的話更可選辣度。我自己覺得配上公仔麵會比較好，因為公仔麵能掛上湯一塊食，湯底裡有很多蕃茄，有滿滿新鮮蕃茄的味道愛食蕃茄的人一定會很喜歡這裡。整個份量也很大份，女生們一碗可能未必食得完。

九龍灣展貿中心係個既近又遠一個幾矛盾的地方對揸車人士黎講真係幾方便但搭車人士黎講真係唔係附近返工做野都唔會特登黎呀今日黎到新開的food zone新開左蕃滿門本身未去過其他分店的有個幾抵食的下午茶都係$32蚊包一個蕃茄湯底的麵可以選擇公仔麵 螺絲粉 通粉 米線餸呢就選擇左三重芝士同雞肉同西蘭花至於食蕃茄湯底的識食一定要係食辣啦辣度有分 微辣 小辣 中辣 大辣我本身唔食得太辣但叫左中辣又ok喎湯底有濃厚的蕃茄味但又唔算傑身的湯底上面topping有牛乳蛋食落去幾香滑再加兩蚊飲返杯百香果紅茶都幾唔錯的埋單兩個下午茶餐都係67蚊

今日放半日假，搵個朋友食個午餐先。相比起其他商場，九展真係比較容易搵位，地方大之外，食店又多選擇，今日試咗這一間，又真係唔錯喎！野菌粟米汁龍利焗薑飯：最吸引係有兩大件龍利柳，煎香了再焗一焗又好香口。我個人真係好食得薑，越薑越爽，不過這家的薑粒唔算太多，尚可以啦！野菌粟米汁多了一點，太膩了。凍檸茶：這個不是平常茶餐廳的凍檸茶，沒有鮮檸檬片，味道有點似罐裝飲品的味道。咸豬手雞軟骨餃子公仔麵：朋友的，佢請我食咗少少咸豬手，又真係好香口喎，肉質有口感，煙煙韌韌，又唔會太鹹，下次可以再食。

久不久會去九展睇戲, 貪佢依度人少D, 同D院新D又大D, 最重要係有4小時泊車優惠, 不過之前依度真係無啖好食, 去得最多都係麥當奴, 但而家唔同喇, 係2樓開左食街, 多左好多唔同野食  。人最多又最近電梯口既係蕃滿門喇, 佢依間餐廳主打蕃茄湯既粉面, 見到餐牌有個叫鎮店蕃茄湯粉就一於試下, 我揀左鑼絲粉同小辣, 收銀會俾個咇咇機你, 響機就自己去攞。依個鎮店蕃茄湯粉真係好大碗, 第一時間就試下個湯先，蕃茄味好正下，唔係個啲鮮茄湯既味，無咗啲蕃茄個啲腥味，係有甜味既蕃茄湯，但係點解無辣味既呢？原來我未撈勻個湯，我覺得小辣已經好夠，佢既辣似辣椒醬既，同蕃茄湯好夾。啲餸就普通啲，都有5，6樣野，都可以叫豐富既，如果想食好啲既我就推介豬手喇，餘咗係肥啲之外，性價比都幾高。蕃茄湯粉黎講，依間唔會失望。

用料豐富，番茄湯低濃郁，可揀辣或不辣。個人鐘意小小辣，增加味道層次感。今次叫左鴨胸，煎得好香都夠味，唔會太老。麵底可以自由選擇。送左杯野飲。環境係open area，但都舒服。

呢個午餐：貢丸滑蛋微辣蕃茄湯螺絲粉至係正，超健康之餘又好好味。好味在……眼都見到既紅紅蕃茄湯底，超級有份量，一點都冇偷雞，濃得黎口感好清新，原因只有一個，就係-真材實料佢既貢丸都好食，爽口彈牙唔係問題，又有香姑鹹，再放上滑旦係中間開心哂！睇落好似好小朋友既食物，大人見到都吸引，食完都覺回味！另外螺絲粉都要一讚，冇浸到林“bet bet”，仍然有一粒粒既口感！其實仲叫咗豬手㗎，不過掛住食唔記得影相，呢個都要食啊！爽口入味既豬手係呢類餐廳食到真係算難得！

作為一個專業既蕃茄愛好者緊係一經過蕃茄專門店 即刻入去食啦今次唔例外 行過經過蕃滿門 即刻去食我就叫左個鮮雞肉意粉蕃茄湯底 飲黑糖薑母茶叫完之後 佢會比個黑色既機你 當你個餐一有 佢就會響 就通知你去出餐個度攞餐叫完之後搵左位 大慨等左10分鐘度就有啦首先就緊係飲左啖湯先啦你好濃既蕃茄味 佢係偏酸既蕃茄味 但係都幾多蕃茄蓉 仲有好大舊蕃茄❤️再食佢啲雞 佢啲雞係雞扒切出黎既雞粒幾滑幾好味 唔會話有冰鮮味佢本身仲會有隻滑蛋隻蛋就不過不失啦 飲埋佢送既黑糖薑母茶 個茶幾重薑味 但飲飲下唔知點解愈黎愈淡 所以飲左半杯就無飲啦🤭但成餐都好滿意 一定會再黎幫襯😋👍🏻

要我揀一樣由細至今都鍾意食嘅一定係"蕃茄", 不論係生嘅, 熟嘅, 任何蕃茄蓉或湯, 怎至茄汁可以稱為 迷戀級 我一見到蕃滿門又點會放過, 但食lunch 時間呢度真係超多人, 要過左13:30後先可以搵到位.今次我選了 蕃茄濃湯粉併牛乳滑蛋系列  4006 "香脆咸豬手併雞軟骨餃子" ($53)  任選: 意大利籾/螺絲粉/公仔麵/米線/飯,  亦可以自選辣度 : 原味/微辣--巴辣 (5級)濃湯唔太"杰", 發現多個蕃茄肉, 你睇下幾大件!滑蛋係蛋如其名-- 好滑香脆咸豬手, 唔太多肥膏, 連皮食都好正, 香脆如炸過一樣.但我超唔鍾意旁邊嘅黄色醬汁, 個味好怪, 豬手點咗後變得好難食, 千祈唔好點.雞軟骨嘅餃子都ok嘅, 可以一試.

去完婚展，不如就係九展食埋飯先啦～呢邊好多間食肆，有間以蕃茄為主題嘅餐廳。 連生蕃茄都唔放過嘅我，梗係要入去試下啦！佢主打係蕃茄湯底再選螺絲粉/意粉/公仔麵/米線。見到有客人食一個大大碗，咩配料都有啲。決定試下。叫左香酥雞扒蕃茄意粉，蕃茄湯底再加小辣。湯底嘅辣味同出面食米線嘅辣味完全唔一樣，開始食個陣以為係tabasco 嘅辣，仲要夾到蕃茄味食到中途發現原來有薑粒。至於係咪全新鮮蕃茄整，應該有茄膏，因為鮮蕃茄嘅清甜味唔太有同就顏色黎睇，不過茄肉搭救。值得一提嘅係香酥雞扒，同台式嘅香酥唔同，唔係個種酥同脆，反而令我諗起麥樂雞個層皮，麥樂雞皮加雞扒肉，幾好味。呢款大大碗真係超級大碗，茄肉舖滿成個碗，份量極多。鴨胸，油揚豆腐，貢丸，冬菇。 應該要兩個女仔先可以食得哂。

之前食過一次,,用蕃茄湯底再加辣,,真係好好味今次再黎食過,,但拿餐程序改變了.. 要客人自己拿餐,,而且飲品都放錯..等餐時間都耐左好多...點完再等成20分鐘...比之前送餐時間慢左好多..食物質素還好,,無以前咁熱...滑蛋份量少好多...只能說係一般茶餐廳啦