蕃滿門 (已結業)

晏就去emax食咗個下午茶$34蕃茄雞肉西蘭花螺絲粉份量都夠 仲有熱飲包埋都係算係禁螺絲粉夠熱 岀餐都快個湯夠濃仲有蕃茄洋蔥係入面但食落螺絲粉第一口都過林唔太好食，感覺翻住過

9月嘅時候餓JJ黎過呢度食左個一試難忘嘅茄底螺絲粉，一直念念不忘，之後有時想黎食lunch都因為排長龍兼員工效率其低，想食都食唔到今次餓JJ避開最人多嘅午飯時間，好快順利落單，見到佢地流程唔同左，而家要客人自取食物而唔係送到上檯，不過因為當時已冇乜人，所以評論唔到有冇因爲咁加快效率。餓JJ發現佢lunch menu唔同左，上次好食嘅煎豬扒冇左，變哂做下欄野配料，與其係咁，小弟就叫佢最平嘅「法蘭克福腸」，一拎就已經好失望，以前上面嘅滑蛋份量冇咁少，而定又碎又散，賣相扣分，份量扣分。再講所謂嘅「法蘭克福腸」，小弟覺得廚師腸都好食過佢咩叫做「法蘭克福腸」？估唔到咁快越做越差，失望！唔會再浪費時間過黎排長龍！

在好靜的EMax food court 吃晚飯，選擇了最多人幫襯的食店。雖然說是最多客人的食店，但其實也只有幾枱客人，始終地點不就腳吧。有好多位，喜歡坐那兒也可，大把選擇。先到收銀機點餐，給錢後坐下，等待小機器呼叫便出去取餐。香煎雞排蕃茄湯飯，配熱紅棗蜜 $65香煎雞排：好味，有點似在三哥吃的土匪雞翼味道。蕃茄湯：超級濃郁湯上的蛋：看似很多，其實不多，只有少少，底下是飯。湯內的飯：是一大舊凍的實的的冷飯，凍冰冰，仲一大舊實咗，要用力分開D飯來吃。近看自己剁返開的凍冰冰冷飯整體：好大碗，碗大，湯多，飯仲多！一定飽。吉列豬排蕃茄湯縲絲粉，配凍飲 +$2=$67吉列豬排：切開是紅紅地色，不是白色的，質量麻麻，不過勝在夠大塊。Sharp醒設計的餐紙By the way, 湯可選多少辣(好似三哥米粉咁有得揀不同辣)或不辣。

第一次去九龍灣國際展貿中心食LUNCH，原來佢有一層好似FOODCOURT咁，地方大就唔講啦，全層都係食店，不同款式各國美食都有，選擇超多。由於時間關係，我哋最後揀咗LEE間，一來有位，二來張POSTER都幾吸引。LEE間食店賣點係蕃茄，可以選配意粉／螺絲粉／飯…等等。我同同事每人揀咗一款，可以SHARE食呀嘛！我自己就揀咗個＂蕃茄湯法蘭克福腸螺絲粉＂，湯底蕃茄味好濃，甜中帶點酸，份量都好足，螺絲粉煮得啱啱好唔會好淋，法蘭克福腸都唔錯，整體味道都幾配合。我兩個同事都係食蕃茄湯螺絲粉，我自己就揀咗唔辣，佢哋就試微辣同小辣，不過大家配搭既小食就唔同，至於佢LEE度嘅辣度係有分由一到六隻辣椒可供選擇。佢哋一個就叫咗＂香煎漢堡扒＂配小辣湯底，感覺上似中辣，味道都OK；另一個就叫咗"香煎雞扒併炸蝦"配微辣湯底，雞扒煎得好香，有燒烤嘅感覺，好味。最後講下佢個泡沫凍檸茶，同一般茶餐廳嘅凍檸茶唔同，佢偏酸又無咁甜。

嗰日係九龍灣做嘢，經開九龍灣國際展貿咪去食嘢囉，見到有間食蕃茄湯嘅鋪頭好吸引，咪去試吓囉。蕃茄味非常之濃，螺絲粉煮得剛剛好。隻豬腳炸得好脆，仲好大份，點醬汁味道一流。仲配熱飲。

落單員工態度不友善，說話態度差，唔知仲以為我係打工佢先係客。返到公司打開先知外賣執錯野，一來一回成15分鐘，費事行返去換。雞肉變豬肉，西蘭花變Kimchi都算啦 （唔鐘意食kimchi掉左），冇咗個炒蛋，仲多咗咁大攤辣醬，我已經盡量「畢」起曬，都依然辣到趴喺度。最後食左一半頂唔順揼咗😞間舖d食物唔差，幫襯過幾次。眼見過左兩三個月，啲樓面員工都仲係咁生手，成班似業餘抄散咁，人手管理唔掂真係累死間舖。

路過第一次去食，就叫左個招牌ge脆咸豬手餐，包一碗番茄湯麵同餐飲先60幾蚊個咸豬手超正！好脆 好香 個麵超級大碗 辣辣地 番茄湯好濃 好好食飲品叫左個蘋果乳酸 呢個同平時飲開d乳酸飲料唔同，個味道好濃，好似飲yoghurt 多過似益力多極力推介

今日與同事吃午飯，外面陽光普照，同事說不如留在EMAX吃午飯。那麼我們去到2樓Very Food Court 看看有甚麼好東西吃。通常午飯時間Food Court 都十分多人，很快就排長龍。但今天很好運，大家都想吃好久的蕃茄門有空位，那麼我們就坐下來一嗜蕃茄門。午飯時間有午餐供應，有麵有飯，種類繁多。這裡是先去收銀購買東西，然後收銀員會給你一個數字牌，你回到座位後將數字牌放在桌上，那麼服務員就會送上食物給你，都算是有服務。我叫了一個焗蕃茄豬扒薑飯($58)及凍檸茶(+$2)。焗蕃茄豬扒薑飯送來的時間很熱，應該是即焗，豬扒略為過份鬆軟，可能是被梳打粉處理過。薑飯很好味，配上焗豬扒飯吃上來減少油膩，比較健康!

又去emax睇戲，今次喺佢二樓嘅食街試下果間“蕃滿門”，可能係新餐廳，所以冇乜人，好易揾位，要先買票佢再送過黎你張枱，食品種類唔太多，但都有小食，意粉，焗飯等等，試左佢嘅雞扒蕃茄湯意粉連飲品65元，驚喜係佢嘅湯底有好多蕃茄蓉同有啲炒蛋，感覺比較健康！雞扒都好大件，但就比較油膩，幸好口感嫩滑。見佢個menu仲有”焗薑飯“，下次要試下！

九龍灣一向冇野好食...不過最近e-max多左好多餐廳成條食街，當中有間日日都咁多人，就係蕃滿門餓JJ對蕃茄本身冇乜特別喜好，不過見到佢咁旺人氣，價錢相宜一於比次機會佢啦好多時茄底都會偏甜，但呢間唔同，仲可以加麻辣令餓JJ眼前一亮！初嘗嘅關係，叫個小辣試下先！果然蕃茄味濃，又有麻辣嘅刺激！不自覺地運連湯都飲唔少真係好惹味呢加上滑蛋，已經好滿足！煎豬扒絕不求其，肉質鬆軟唔鞋口，又唔會太淋，比個Like佢餃子都係新鮮煎起呢間九展嘅新餐廳好有質素！有機會要同朋友黎食呀

午餐係emax見到蕃滿門，對於好鍾意食蕃茄既我黎講係超吸引！叫左豬頸肉蕃茄意粉，好鍾意個意粉入面有個炒滑蛋，同蕃茄湯超夾！d蕃茄都好甜好淋，完全冇外面食果陣酸味不過豬頸肉就普通，同事試既雞肉配炸薯蝦就正好多！大力推介！凍檸茶唔係平時茶餐廳果種，係台式即沖果隻，味道還好但個人鍾意有幾塊檸檬係入面比我篤多d有d美中不足既係lunch time 真係好多人，等位等到個人勁累，而且d人會自由郁d枱，所以等左好耐都等唔到位

今個星期要到E-max做野，離家近，可惜想到少得可憐的餐廳選擇，就。誰知一入商場，就見到''VeryFood 食街''水牌，即刻眼前一亮揾食去。早上選擇不多，揀左''蕃滿門''半自助形式，先order, 等送餐。輕盈早餐：牛角包+沙律配其他食物（6揀2），連野飲$28。牛角包加左熱，出奇地仲脆囗，煙雞胸有少少咸，唔''鞋口''，配牛角包幾好。沙律汁就有少少酸。整個早餐配合唔錯，不過真係輕盈份量，大食的朋友可能加螺絲粉或者揀其他早餐。

特登黎到EMAX跳彈床，玩完之後都冇po咩希望搵到好嘢食，突然間搵到呢間專係食蕃茄湯底嘅餐廳。 結果真係出乎意料。首先環境十分舒適，裝修亦都非常時尚有品味而我去嗰陣人數唔多，所以都有好多空位，但係我諗晏晝應該會比較繁忙。呢間餐廳主打都係蕃茄湯底，然後你可以揀適合自己嘅面條，選擇番茄嘅濃度，同埋湯底嘅辣度，通常都係叫套餐，可以配任何一種餸菜。 （＄65)而我今次就揀咗餐廳推介嘅鹹豬手做餸菜，番茄方面我就揀米線，番茄普通濃度同埋微辣。湯體真係十分之濃，我已經係揀咗一般濃度，但都食到擔擔番茄味，絕對冇味精 而且蕃茄肉嘅數量都好多，非常足料。另外可以睇到，湯底上面有炒滑蛋，滑蛋配蕃茄湯再配埋面，簡直係一流享受。啖啖都係蕃茄味！如果係鍾意飲番茄湯底嘅你一定要試下鹹豬手方便真係最出乎意料，兩嚿手板咁大隻鹹豬手（同德國鹹豬手有得fight!)仲要燒得非常適中，肥膏同埋瘦肉配合簡直一絕。瘦肉方面燒得非常鬆軟，而且仲有淡淡嘅燒烤味，肥膏已經融化曬 。另外仲有一個微微辣嘅芥辣汁，配合埋燒得金黃香脆嘅鹹豬手，感覺非常清新！平衡番咸豬手嘅鹹味同埋濃濃燒烤味，總之自己去試下啦另外叫咗呢個 麻辣牛肉蕃茄焗黃薑飯