蕃滿門 (已結業)

去完婚展，不如就係九展食埋飯先啦～呢邊好多間食肆，有間以蕃茄為主題嘅餐廳。 連生蕃茄都唔放過嘅我，梗係要入去試下啦！佢主打係蕃茄湯底再選螺絲粉/意粉/公仔麵/米線。見到有客人食一個大大碗，咩配料都有啲。決定試下。叫左香酥雞扒蕃茄意粉，蕃茄湯底再加小辣。湯底嘅辣味同出面食米線嘅辣味完全唔一樣，開始食個陣以為係tabasco 嘅辣，仲要夾到蕃茄味食到中途發現原來有薑粒。至於係咪全新鮮蕃茄整，應該有茄膏，因為鮮蕃茄嘅清甜味唔太有同就顏色黎睇，不過茄肉搭救。值得一提嘅係香酥雞扒，同台式嘅香酥唔同，唔係個種酥同脆，反而令我諗起麥樂雞個層皮，麥樂雞皮加雞扒肉，幾好味。呢款大大碗真係超級大碗，茄肉舖滿成個碗，份量極多。鴨胸，油揚豆腐，貢丸，冬菇。 應該要兩個女仔先可以食得哂。