蒸廬

營業中

休息中

點心可以有幾好食？呢間即叫即整，落足料，我服！1.花膠蟲草花粟子燉土雞湯個湯有咩料，睇標題就知，唔使多講。個湯名有嘅，都真係有，冇呃你。蟲草花超多，土雞雞肉超級出奇地香！見落左好多杞子，紅棗，令湯香濃得黎又清甜。真係貨真價實超足料，湯又勁熱。不過略嫌甜左d2.蟹籽燒賣皇燒賣好大粒，大過酒樓食。每粒打得肉質夠結實，好飽滿，口感味道一流！3.鮮蝦菜苗餃菜苗塞得好滿，好有菜味又唔會有渣，蝦大大隻又爽口。皮唔算薄，但我鍾意味道一樣好好。4.瑤柱蝦米煎腸粉落左好多蔥同蝦米，加上真係即叫即煎，食落口仲係好熱，更加香口。不過就唔多覺有瑤柱。同埋本身腸粉完全冇味，係要點甜醬。5.增城蔗糖馬蹄糕出面食馬蹄糕邊可能見到咁大粒馬蹄，唔使講，足料程度何等佛心。蔗糖味香糖，食完之前幾款鹹點食返甜野令口味恢復清新，好正。普洱好好飲，好消滯。茶錢只係$4/位，仲唔使加一服務費，真夠良心吧！雖然位置較細唔會坐得好舒服，但勝價比高呢！

星期六放假梗係出動搵好味野食啦😋因為好想食點心 所以黎到石門依間出名排哂長龍既 蒸盧💛拎左飛周圍行下大概等左半個鐘就入得😌 坐低叫左飲咩茶就開始scan QR code落單啦～～我地3個人都叫左唔少野食🤤 食點心麻就係樣樣都想食🙈蟹籽燒賣皇、黑金流沙包、鮮蝦菜苗餃、原籠蔗糖馬拉糕、南瓜鳳爪排骨飯、香茜叉燒腸、養生薑汁糕🤩黑金流沙包真係要食得小心啲 一開始唔可以太大啖 唔係既話啲奶黃係會爆出黎🤣特別一提係薑汁糕係好出色👍🏻 鍾意薑味濃既朋友仔一定要試下🤤

-{黃店💛石門飲茶好去處🫖}唔夠兩個星期我就去左encore飲茶喇！今次食多左四款點心嘅😋🤤紫沙流沙包🤤 (大點)3個大包😂撕開啲紫色嘅汁爆出黎勁誇張😂😂好香紫薯味 再帶芋頭粒 個包好軟熟勁高質🥺👖褲評: 8.8/10🤤雲石芝麻包🤤 (大點)呢個搣開似醬多啲👀食落好似湯圓但冇咁甜😂有小小沙沙地嘅質感 都好食嘅🥰👖褲評: 8/10🤤晶瑩蝦餃皇🤤 (頂點)成嚿都係蝦😍蝦係幾爽彈嘅 平時偏大粒嘅size🥳皮有咬口但唔會話好有驚喜咁😌👖褲評: 7.5/10🤤鮮蝦菜苗餃🤤 (特點)就係菜苗加蝦嘅配搭🧐菜正常調味但感覺食淨蝦滿足啲👀👖褲評: 6/10性價比: 8.8/10服務: 9.5/10環境: 7.8/10性價比仲高咗尤其嗰2個包😍🚩蒸廬🚩地址:沙田石門安群街3號京瑞廣場一期2樓225號舖紅磡船澳街99F號黃埔新邨佳富樓地舖

11點去到🙈但11:30先開見門口有啲扭蛋機.... 同小朋友扭下啦部部機都扣左錢但扭唔出蛋建議大家等位既時候千奇唔好係附近扭蛋😑講返正題😂 依間點心實在有驚喜點心即叫即蒸 十分新鮮而味道係拍得住酒樓點餐時問姐姐有無黑金流沙包..姐姐話唔係特定既食物 有時無咁早有同假期先會供應...咁我地只好打消念頭轉叫叉燒包啦點知落左單後既5分鐘左右姐姐就宣布黑金流沙包有啦依一點令我有少少唔滿意...覺得佢地應該知道當日有啲咩特色點心又或者可以幫客人去問下廚房先🙈🙈可以做得更好不過我都有再落單加佢一籠黑金流沙包😆試一試佢黑金流沙包外表唔係咩黑芝麻味 千奇唔好諗多左😆就係一個原始流心奶黃包.但裡面流沙餡係海量食既時候真係小心你個嘴仔😂餡係偏甜 但好在佢個包夠厚 可以中和返蟹籽燒賣-極捱介上檯就有驚嘆❗️點解咁大粒既😂佢一粒等於酒樓食到既燒賣1.5粒咁大唔係誇張😂 食落去裡面係咬到一舊豬肉 唔係豬肉碎～ 鮮蝦菜苗餃菠菜好多 每粒餃裡面有1-2粒切開既蝦但埋菠菜唔係切碎😌長通粉咁上下既長度但唔會有草青味 咸度岩岩好既 食完亦唔會鞋口外皮煙un 又唔乾牛肉球基本野～ 無乜特別超唔推～ 瑤柱煎蝦米腸單面脆口 但

🇭🇰💛蒸廬The Steam Hut🥢石門分店 真係點心小店 舖入邊坐位唔多出邊都有小人龍🐉等緊不過唔算等好耐入座QR code落單 座位少少逼唔算好坐 但都有哂隔板做好防疫🦠🦠食物質素OK 唔洗去中資又飲到茶食點心 絕對值得支持😆💛-黑金流沙包(💰$42/3pcs)👍🏻👍🏻👍🏻大大個 流沙效果誇張 味道不錯蟹籽燒賣皇(💰$26/4pcs)👍🏻晶瑩蝦餃皇(💰$32/4pcs)👍🏻👍🏻蝦餃皮煙韌彈牙鮮竹牛肉球(💰$18/3pcs)蒸廬拼美點 (💰$55/9pcs)👍🏻有燒賣 蝦餃 馬拉糕 叉燒包 馬蹄糕等鰹魚絲金栗米牛肉飯(💰$42) fullsize蒸飯黎到好大個茶芥(💰$4/位）

初到石門京瑞廣場的確令我有不少驚喜 ，裡邊小店林立，而不是千篇一律的連所店。蒸廬一向口卑甚好，在朋友間口耳相傳，全日套餐甚為「抵食」，田園雙菇雞粒飯及花膠蟲草花栗子燉土雞湯$90，土雞湯喝得出來沒有添加味精而且非常足料，菇雞粒飯非常大盅即使兩位女仕也夠吃。另外單點了薑蔥牛柏葉 $30、咖哩土魷魚蒸豆卜 $30，宇治綠茶豆沙餅$22。牛柏葉口感略為有咬口，咖哩土魷魚味道不俗，還有點吃不夠就感覺，綠茶豆沙餅不甜但綠茶味尚嫌不足。另收茶芥$4位，不另收加一。兩人埋單$180。順帶一提這裏是用QR CODE下單！總括而言，蒸廬性價比不錯，難怪客似雲來。

好想飲茶但係又唔想去連鎖嘅酒樓，呢間係唔錯嘅選擇，星期日下晝下午茶時段都要等大約半個鐘頭先有位，如果想飲茶傾偈，我諗呢度唔係好適合我哋嗌左個全日套餐，有一個流心蛋牛肉荷葉蒸飯，再配蟲草花栗子燉雞湯，個雞湯好足料，完全冇味精，而且好多蟲草花，亦都飲到好濃嘅紅棗味，我哋呢個套餐加配左$14，2粒蝦餃，蝦餃嘅味道就好一般，今日星期日有期間限定嘅黑金流沙包，呢個黑金流沙包超級好食，裡面嘅奶黃好香同埋非常流心，燒賣都好大粒，但我自己就略嫌肥豬肉多咗少少，粉果就非常之一般，除咗肥豬肉多之外，食唔到乜嘢其他嘅味道，同埋佢啲皮都幾厚如果想支持下小店依間係唔錯嘅選擇

間唔中好想食點心🥢，又唔想幫襯酒樓大集團，非常推薦位置石門嘅「蒸廬」！主打原盅無添加燉湯、籠仔荷葉蒸飯同現場手製點心，比酒樓質素有過之而無不及😋。係我冬天最愛黃店之一，食到熱辣辣蒸飯又飲到靚湯，完全暖入心🔥，值得支持既點心小店！————————————————👅金銀蒜香海蝦飯 ($55)👍🏻蒸飯用大片荷葉墊底，每啖飯都有荷葉香味，金銀蒜即係炸蒜同生蒜混合版🧄，激發出濃濃蒜香，同新鮮海蝦非常夾，除左4隻海蝦仲有菜心粒，份量足以令一個男仔食飽~👍🏻試過另外幾款蒸飯都好味，另有全日套餐包一支玻璃樽裝汽水/加錢升級茶或燉湯👅蒸廬拼美點 ($55) 👍🏻 一籠有齊9件點心，最啱人少少又想試多啲點心，鹹點有皮薄餡靚嘅蝦餃🦐、燒賣、鮮蝦菜苗餃同粉果，又有鬆軟馬拉糕、紅棗糕、蔗糖馬蹄糕做甜品，點心幾高質，完全唔比酒樓輸蝕————————————————🚩總結： 可一可再嘅黃店點心蒸飯！———————————————— 🌟注意：不收加一服務費，午市堂食太遲嚟到要等位㗎————————————————

👍🏻👍🏻👍🏻👍🏻👍🏻/5分💛蒸廬 The Steam Hut沙田石門安群街3號京瑞廣場一期2樓225號舖-南瓜鳳爪排骨飯🎃呢個飯真係超大份🤣應該有我2個半手掌✋🏻個南瓜勁甜勁軟😁個飯都ddddd 荷葉香同濃郁既鳳爪香🤣重點係冬天食熱辣辣出爐既飯好正😁蒸廬拼美點一共有9個款😄最好食就係個燒賣食到有5粒蝦😊😊😊😊😊真系超大粒😆個馬拉糕都好鬆軟綿密☺️唔算甜😌個蝦餃都好食😇但係燒賣實在太出色😉😉其他款都唔錯🤗🤗你試下咪知花膠蟲草花栗子燉土雞雞湯🐔呢個湯真係超熱🤣熱到辣得親隻手🤣🤣🤣個雞味都好出😊雖然花膠得1舊但係呢個價錢算係咁🤣🤣🤣🤣個栗子🌰超香☺️同埋都好足料好多蟲草花😁唔錯呢間餐廳性價比超高2個人食唔使$150 埋單🤣不過真係超多人排隊🤣不過我5點先食反而唔多人😏-🚽(5🌟滿分)🌟🌟🌟🌟雖然呢個商場好似好細好耐咁🤣但係個🚽都幾好😁乾淨啦😊有紙巾🧻啦同埋睇到個洗手盤無咩水🤣可能咁啱有人清潔過🤣所以都幾好

屋企人好鐘意飲茶食點心今次去💛Thesteamhut蒸廬💛其實呢間點心舖一直都想試，但無奈石門啲舖真係好細間，等得屋企人有時間嚟，又等唔到佢地有位。今次石門之行，主要係外賣幾間心水食店，返屋企開餐😋，所以即刻去蒸廬，慢慢揀😂😂😂叫咗8樣點心，黑金流沙包、蟹籽燒賣、牛肉、綿花雞、鳳爪、叉燒包、蘿蔔糕、蝦餃🤤🤤🤤🤤屋企人評語：唔錯，幾好食，幾啱佢胃口😂不過由於外賣既關係，凍咗少少，要搵一次現場試真啲🤣喔喔喔，收到哂，即係要再帶佢去食過囉😆

.講個秘密比你聽，沙田過條河就唔係黃店沙漠啦！🤫💛冇錯啦，就係講緊石門～兩個蚊型商場竟然有十幾間黃店，食物質素仲要幾高質㗎！今日分享嘅係 @foodki.may啱啱介紹完嘅「蒸廬」💛.蒸飯全部都有荷葉墊底，每啖都有好香嘅荷葉味而份量都好大份，兩個人食嘅話叫多兩籠點心就夠晒啦～.「蒸廬」嘅點心都好高質㗎，一定正過酒樓🤤蝦餃嘅蝦都大大隻，仲非常彈牙想每樣點心都食少少嘅仲可以嗌點心拼盤$55就有齊鹹同甜嘅點心，一次滿足晒你嘅願望😆.全日套餐（主食+飲品）：- 金銀蒜香海蝦飯 $60- 南瓜鳳爪排骨飯 $50- 田園雙菇雞粒飯 $50- 流心蛋牛肉飯 $50- 蝦子榨菜肉餅飯 $50現製手工蒸點：- 蒸廬拼美點 $55- 晶瑩蝦餃皇 $32———不專業評分💯食物指數 🍴: 💛💛💛💛🤍環境指數 ⛱: 💛💛💛🤍🤍抵食指數 🤑: 💛💛💛💛🤍推薦指數 👾: 💛💛💛💛🤍———📍蒸廬 The Steam Hut沙田石門安群街3號京瑞廣場一期2樓225號舖

商場裡發現某個位置企了很多人，不知道在等什麼，好奇心驅使下，當然就走去看看。只是門面的佈置，就令我想即刻入去試試嘅衝動。等了大約50分鐘，企到腳軟軟，編於可以開餐啦！在等待期間，上網查找資料，原來這裡的湯非常出名，今天就選了天麻川弓白芷燉魚頭湯。職員把湯送到枱上，就算帶住口罩都可以聞到湯的味道。用料十足，熱辣辣，完全暖入心。因為我們選了套戲，湯配上蒸廬拼美點（九件），價錢會優惠一點。這個點心最適合人不多，又想試到不同點心的我們。瑤柱臘味蘿蔔糕賣相普通，配料不算多，中規中矩。鮑菇蟲草棉花雞，雞很滑，但有點肥膩，魚肚熱辣辣，正！

近年香港既飲茶文化🥟都比一D大集團壟斷晒，水準就不予置評喇，想食有水準既點心又唔想幫襯 D 大集團既話，可以支持下 D 小店💛。今次就黎左石門既蒸廬試下佢地即叫即蒸既點心、特色糕點同埋我最期待既燉湯😋🍲。蟹籽燒賣皇 ($29)味道唔錯，食得出冇味精👍🏻🥟鮮蝦菜苗餃 ($29)皮薄餡靚👍🏻👋🏻秘醬蒸鳳爪 ($25)醬汁既調味都唔錯，我自己就唔太好鳳爪呢款點心，而我既另一半就覺得 ok 都唔錯 👍🏻瑤柱臘味蘿蔔糕 ($29)蘿蔔糕煎得幾香脆，食落唔會太粉，都幾入味😋。紅豆杞子桂花糕 ($21)以甜點黎講，個人幾鍾意佢，由其係桂花個層佢感覺好清新😋。🍐🫕10年陳皮川貝冰糖燉雪梨 ($50)講真除左點心之外，黎到最想試既就係佢個燉湯，個湯好重陳皮味、見佢放左成個雪梨🍐落每一個盅就見到佢地個誠意係邊，而呢個湯亦都非常適合冬天呢個季節去比大家補一補😋👍🏻。蒸廬 沙田石門安群街3號京瑞廣場一期2樓225號舖

難得嚟到石門，又見好耐冇飲茶，所以就試下呢間人龍小店！我地就試左個全日套餐-南瓜鳳爪排骨飯+花膠蟲草湯栗子燉土雞湯，燉湯飲得出冇加味精，但無乜藥材味，飲落清清地，比較淡味。個荷葉飯比我地想像中份量大好多，飯粒比較濕，但排骨同鳳爪都算入味。我哋仲叫咗個點心拼盤添，其中蝦餃同燒賣唔錯。雖然食物ok，但環境就有啲逼，同埋嗰日係星期六晏晝，唔知係咪人手不足，職員做到好混亂...可以話係有啲燥添...全程淨係聽到有位職員好大聲嗌外賣No. 有啲嘈而另一位負責收錢嘅職員組織性亦較差，做緊樓面服務...電話一響又沖去聽電話，明明入面有座位但遲遲未安排到入座，即使食完諗住埋單嘅客都等成5分鐘先俾到錢😓講服務就真係唔係咁得，無以客人為上嘅感覺本身想俾差評嘅...不算價錢唔算太貴同份量算多，評分俾「一般」啦

我之前曾經在石門返工，其中一間我經常光顧的店舖就是這一間！這裡的點心做得非常出色，蝦餃燒賣非常美味及新鮮，我最愛吃的牛肉球也做得很好，另外，我很喜愛他們的小籠盅飯，特別是那一個流心蛋牛肉飯，味道一流，加上細心地切好菜心粒，加上流心蛋和鮮牛肉，絕對值得推介！份量也真的不少，兩個人分享也可以！另外，我也喜愛這裡的鬆糕，軟滑之餘也有濃濃的香味。服務方面，以小店來說絕對窩心，值得一讚！價錢方面，也非常實惠，幾個同事飲一餐茶，每人只是大概五十多多左右，性價比非常高。最近我搬到黃埔，竟然發現他們在黃埔區開了分店，幫襯完之後發現品質方面和石門總店一樣好，絕對誠意推介各位支持一下這類有誠意的小店！