蒸廬

營業中

休息中

20/6 與屋企人去試，伏伏伏！話好味只有 2 個可能：1.）味覺出左問題！2.）食顏色！一邊食已經覺得唔太好味，越食越覺中伏！食物無味，只可以話件件都好大件！食完肚屙，差啲瀨係街，不過唔一定關呢間舖事，但我係一個好易肚屙既人，次次食完有問題嘅食物都即出事，所以食環請我就無錯！環境唔太迫，但亦唔算寬敞，相信應該唔夠1.8米社交距離！員工似係家庭式作業嘅群組，高朋闊論、流行曲詞琅琅上口、爛Gag⋯⋯進食環境不如舊式冬菇亭大排檔！食評講真我甚少寫，搵食搵食⋯阻人搵食於人無益；於己亦無利，但咁不濟嘅食肆竟然仍能大排長龍，香港呢遍福地變得一塌糊塗，果真係變成咗一塊「福」地了！不過有一樣嘢係好抵讚揚，佢地嘅服務係有禮同利落嘅，但如果只係呢 2 個因素唔值得我再去幫襯！

兩個人，食唔到太多碟但咩都想食，就叫左個拼盤嘩，d點心比平時酒樓既都大粒另外，叫多左3個點心(腸粉，鳳爪同雞)同荷葉蒸飯荷葉飯好大籠所有點心都好好味值得推薦！！

第一句一定要講：「湯好飲，點心好食。」香港人其實好鍾意食點心同飲茶，可惜依家有良心嘅酒樓唔多蒸廬絕對係其中一間有良心的飲茶的地方。 原來飲茶除咗係朝頭早之外仲可以夜晚飲夜晚飲茶同食點心當作晚飯係另類嘅享受嗰日同男朋友兩個人食晚飯，叫咗一碗湯一個飯同埋四個點心。份量俾我哋想像中大份首先我哋點左花膠蟲草花栗子燉土雞湯，由於好足料，所以第一啖湯好甜。落少少鹽就更加好飲花膠蟲草花栗子燉土雞湯$48然後點心陸陸續續上枱，雖然上菜時間唔係好快不過每一籠點心絕對係即叫即蒸，所以每上一籠點心都係出哂煙、熱辣辣架我哋點左牛柏葉鳳爪燒賣同埋馬拉糕，由於男朋友鍾意食馬拉糕嘅關係。 所以佢見到咁大份都表示有點驚喜，值得一讚就是份馬拉糕好細心切到細細舊變咗六份。方便客人進食牛柏葉同鳳爪就不過不失保持水準，燒賣第一啖咬落去就咬到大大嚿蝦，果然足料。真係每一籠點心都係熱辣辣㗎最後我哋食埋粟米肉餅飯，由於份量真係好大所以我哋兩公婆都食到肚子都大埋，滿載而歸。另外值得一提嘅就係，蒸廬嘅員工都好好禮貌。係冇客人等位嘅時候基本上都唔會趕大家走。知道大家食得好飽仲比時間大家慢慢嘆埋杯茶，感覺十分之好，一定有機會再返嚟幫襯#黃

放假最好同屋企人歎一盅兩件，奈何好多酒樓都係藍嘅連鎖店，除左早排告急嘅富東閣外，沙田友可以考慮下蒸廬。雖然店仔細細，但點心燉湯甜品樣樣齊，屋企人都幾滿意食物質素，今次已經第3次到訪。每逢六日都人頭湧湧，好彩我11:30前到，無幾耐已經有十幾人排隊。.南瓜鳳爪排骨飯:籠仔荷葉蒸飯係佢地嘅拿手菜，阿爸每次可以食晒一個，啲排骨嘅蒜香同淡淡嘅荷葉香滲落飯粒度，排骨唔梅但有少少肥，個飯仲有南瓜粒同菜心鋪面，配搭均衡。鮮蝦菜苗餃:菜苗餃有滿滿嘅豆苗，鮮蝦無雪味，可惜今次塊皮太軟，一夾跌晒啲餡出黎，上次無呢個問題，應該一時失手。.魚湯蟲草花鮮竹卷:呢個有啲驚喜，腐皮厚薄適中，魚湯煮到奶白色清清地，無蠔王/上湯咁油膩。綠茶豆沙煎軟餅:呢款喺其他酒樓無見過，嗰皮綠色好搶眼但有色無味，口感煙煙韌韌，豆沙餡稍甜，但作為飯後甜點都唔錯。之前食過佢嘅黑金流沙包同其他點心都有一定水準，不過近廚房位置嘅衛生情況欠佳，喺客人坐嘅地方附近倒水同垃圾，幾次黎地下都係濕嘅，希望店家改善下。

第三次到來這間點心專門店，之前兩次都是平日晚飯時間來吃蒸飯/點心和飲湯，今天星期六再來食點心這裡食物質素好、員工禮貌友善，是我們一再光顧的原因。小店很受歡迎，每次來到都坐無虛席。客人流轉快，拿籌約10-15分鐘便能入坐。今次我們兩人點了5個點心，看看圖片睇下點心幾靚燒賣夠大粒，蝦和豬肉比例適中，唔會係豬肥膏。芝麻包是流心的，芝麻味也很香！糯米雞賣相很特別，像蛋包飯，入面藏有一隻雞翼喝茶方面，小店也有壽眉、普洱等等幾款茶供選擇。儘管石門有其他飲茶食點心的選擇，我們還是只會來蒸蘆這裡品嘗美味嘅點心

繼續響應「🖐🏾☝🏽黃金週」幫襯過蒸廬既晚市幾次 今日同媽媽去幫襯茶市☺️雖然係茶市 但因為我地未食晏 所以都叫左幾多野食💁🏽‍♀️平時去都係食海蝦飯 今次去就轉下口味~~蝦子金粟肉餅飯套餐 ($50) 飯粒有微微荷葉香😋 蝦子同粟米份量唔少 肉餅肉質彈牙又唔乾身👍🏽 (+$33) 花膠蟲草花栗子燉土雞湯 好多料既燉湯👍🏽 都幾好飲!不過湯渣入面見唔到花膠 唔知係咪已經溶左😛(+$14) 晶瑩蝦餃皇(兩件)每次叫套餐都會加😆 因為有幾大粒既蝦肉餡! 原籠蔗糖馬拉糕 (茶市大點：$22）馬拉糕係媽媽至愛既點心💁🏽‍♀️ 用蔗糖整既馬拉糕色澤無一般茶樓用黑糖整既咁深色~~ 但都係咁鬆軟!本來以為要打包 但係最後都清得哂😋蒸廬隔一排就會轉下蒸飯同燉湯既菜式所以幫襯幾多次都唔會厭 我會繼續支持💛

上一篇關於酒樓點心，是評現今正統中菜酒樓之點心團隊，最少要用八人以上編制。薪金平均算是二萬元一位，連同花紅保險強積金膳食福利開支，聘用每位點心師傅約要二萬四千元，再乘八人，即點心部薪酬開支最少要二十萬。另外，疫情以前，行內欠缺新人，酒樓酒店互搶人材，流動性大，點心出品經常不穩，進而大型連鎖酒樓苦思良策，造就點心工場出現，以工場大規模生產代替人手。損失的卻是客人，點心品質失去傳統精緻手工、新鮮味道。認識許多點心師傅酒樓酒店出身，十年努力，然後自立門戶，開設小型點心專門店，投資只約十來萬，知名者如添好運老闆麥師傅出身四季，青出於藍豪奪米芝蓮，進而玩賣跨國經營權賺個盆滿缽滿。點心專門店首先吸引顧客是沒太明多繁文規序，自由自在，沒茶錢小費，明碼實價。再者從營運者角度，可減少點心數目，專注做好幾款，反而味道更出眾。一般傳統酒樓點心約有六十款，有些貨不好賣，往往擺放幾小時，味道變質。但點心專門店廿款以內，貨如輪轉，味道勝於酒樓。蒸廬位處商場高層，坦白說頗難找。但黃金周將至，當然要支持一下。獨自一人，有套餐選擇但每款一件，倒不如叫幾款點心慢慢細味。侍應二人，均是耆者，估計師傅是青年人，聘用父母看店吧

抗疫時期真係唔敢去酒樓飲茶所以最好都係幫襯番黃店 小店佢地做足曬防疫措施測體溫 比搓手液你消毒雙手抬與抬之間有距離點心都熱辣辣新鮮蒸起流心奶皇包好好味呀蝦餃燒賣都大大粒 好足料真心推薦！！！

又嚟食蒸蘆次次都係點呢幾樣黑金奶黃流沙包，流沙依然都係好流心，次次食都咁正，必食，平日嘅芝麻流心包其實都唔錯，但係黑金奶黃流沙包先至係最正蝦餃皮薄餡靚，脹卜卜鳳爪又係好好食假日限定嘅咖喱土魷，如果平時都有就好囉薑蔥牛柏葉，又係假日限定蒜香籠仔海蝦蒸飯，個蒸飯要讚一讚，冇之前咁多油，乾身好味，唔使落豉油都好夠味魚湯浸娃娃菜，呢個冇乜特別，正正常常薑汁紅棗糕，又係次次食都咁正，重薑汁味，唔會太甜叫咁多樣嘢食都係$300有找，非常抵食，良心小店🖐😷☝️撐

每次去都好多人等位，其實已經去過好多次，最近開始寫食評，補返有米豬連認證，安心食用呢個黑金奶黃流沙包，真係好正，包皮好軟熟，裡面係堅流心，咸蛋黃夠咸香，唔會得奶黃甜味最正係食唔晒帶返屋企，凍左都咁流咁軟咁好味，呢個冇得輸！醬汁鳳爪次次都會叫，試過就知正，鮮蝦菜苗餃脹卜卜好飽滿，食落好juicy，蝦又夠爽口，餃皮厚薄適中薑蔥牛柏葉，呢個又係冇得輸，但星期六限定，賣晒就冇，可遇不可求蝦腸，本身我唔中意食腸粉，好少覺得腸粉好食，個人偏見，評價係正常嘅腸粉，完。薑汁糕又係正嘢，夠薑又唔甜，口感好好其實仲食過好多，有飲過燉湯，好足料好濃郁，仲食過籠仔蒸飯，幾香幾好味，但覺得比較多油，始終都係點心比較出色，質素比好多茶樓好好多，支持黃色經濟圈🖐😷☝️

咁多人話好食，又話高質又話現場即造即蒸點心，我都專登去石門試吓揀平日下午冇咁多人，講真價錢勝在平，兩個人食好多點心都係$270，真係抵食，兩位姐姐都有禮貌。但係，點心真係只可以只叫OK，是日燉湯唔記得個名，燉得唔夠，個味又淡燒賣蝦餃叫做合格，蝦餃皮都係穿咗，但未叫做好好食。其他山竹牛肉，鳳爪，腸粉啲大路點心都叫OK，另外啲包呀，糕呀，炸物就不是我杯茶，唔啱口味。我哋張枱對住廚房，其實衛生應該積極改善一下。杯碟都有少少油膩，應該全店員工都戴返個口罩好啲。

香港人，喜歡食點心，食蒸飯。但，總有一些人是不喜歡上酒樓飲食的。原因是，花時間，要收茶錢，一、兩個人去又唔抵食。所以，世間上出現了點心專門店這東西，讓那些喜歡食點心而又不想上茶樓咁麻煩的人，提供蝦餃、燒賣 等等等等等......。這日，我來到石門的京瑞廣場的一間人氣食肆《蒸廬》，為的，就是簡單食點心同蒸飯。食點心啊，我最愛的港式點心，始終是燒賣。套餐不包也罷，我要食燒賣。《蒸廬》的燒賣，一點也不馬虎，真正地用上了蝦子來做燒賣頂層的一點紅。而且份量不細啊，比起許多的酒樓出品都來得大粒。豬肉鮮甜，連燒賣皮都有香味，令我真的想叫多一籠。南瓜鳳爪排骨飯是我當日的主食。原籠的蒸飯，比起盅頭飯更香。原因，就是籠底的荷葉。蒸過的荷葉，把香味帶進飯中，混合了豉味的鳳爪，伴排骨的豆豉同淋上去的蒸飯甜豉油，肉味、豉味同飯味都香濃。很簡單的一個一盅兩件餐。單是吃燒賣同蒸飯已經 feel 到這小店有水準。難怪，中午夜晚都人龍不絕。

這些日子，周圍遊走，搵同路人食店～因為家中有老人家鍾意食點心，於是試左"蒸蘆"~ 因為擔心大排長龍，下午6點左右，已經到左，應該係晚市第二枱。不消十五分鐘，已經坐滿👫👭👬食完之後，兩老👨🏼‍🦳🧑🏼‍🦳都好滿意，（新派點心）晚餐每人都係百零蚊，而且夠飽，性價比高🥰 去圖👻原來燒賣係重點❤️肉滑又扎實，蝦蛟同菜苗餃都好食～ 所有食物即叫即蒸，熱辣辣😚影時未淋豉油，蝦有鮮味，蒜味濃👍🏻綿花雞，雖然賣相唔太靚，但實而不華，雞肉好滑，汁又香☺️☺️☺️花膠蟲草花栗子燉土雞湯，無味精👍🏻中規中矩薑汁糕，唔會好甜，很對口味，正❤️有燉湯+蒸飯套餐，不過無影相🙈

蒸盧次次行過都超級多人聽早佢啲荷葉蒸飯足料又好食點心又唔錯，燉湯非常有火喉價錢適中，所以我聽番黎既評論都係正面但就係因為咁次次去到都已經排晒長龍，所以次次都食唔到今日有朋友放假又住附近，早啲去拎位，所以終於可以一試佢既名實等野食途中左右兩枱都叫左燉湯個湯超級濃，超級香一睇就知非常夠火喉，好補但我驚虛不受補，唔敢叫🙈我地三個人都叫左好多野因為兩位朋友聲稱好肚餓🤣我地叫左三個lunch set+兩個點心兩個點心首先黎到燒賣大大粒，入面有好大隻蝦肥豬肉唔算好多，所以唔會食到好油膩同埋口感比較厚實調味咸咸地，帶有蝦既鮮味，唔錯👍🏻👍🏻魚湯腐皮卷魚湯好奶白，熬左好耐飲落幾濃，但唔會腥都唔會過咸欣賞佢有魚香味唔腥之餘又唔會食到好重薑味腐皮卷餡料都好多，同埋好厚實咬落啖啖肉，有啲蔥做配搭幾唔錯😋煎腸粉份量幾多，而且條條都煎到微微金黃咬落少少脆，為軟淋淋既腸粉加番啲口感蔥幾多，但食唔到蔥味腸粉無咩米香，但我鐘意佢唔係有好多蝦米🦐點甜醬麻醬一定無食好好食點心併盤呢個併盤每樣一粒，岩晒想每樣點心都食啲既朋友菜苗餃外皮夠煙韌，餡料飽滿，調味微咸，有一隻蝦提一提味，個人幾鐘意食薑汁紅棗糕薑味太強，完全食唔到紅

沙田石門高質素的小店，午飯時間的長龍很有說服力，即使晚飯也常常要排長龍。無添加的新鮮食材，健康的蒸煮方式，雖然要費時等待也絕對物有所值。個人最愛金銀蒜香海蝦飯加黨參天麻川弓燉魚頭湯的套餐配搭，$103，足料靚湯，真的足足半個大魚頭，湯料塞得滿滿的，令人齒頰留香的難忘美味。老公不喜歡藥材味太重，所以常常選花膠蟲草花栗子燉土雞或姬松茸茶樹菇燉上肉，加上南瓜鳳爪排骨飯或田園雙菇雞粒飯。見到鄰座很多人叫點心拼盤，下次再試吓。最後以一客法式咖啡焦糖燉蛋和椰汁紫米露作結。