蒸廬

營業中

休息中

通常兩個人食野都唔會簡飲茶食甜心，但今日例外，知道呢度有點心又有靚湯飲，中午快餓死既我，好快叫左野食。🥄天麻川弓白芷燉魚頭湯 $33好耐無飲過甘足料既中湯，覺得好幸福，味道有點淡，加上無落鹽，想更有味道旁邊有樽小鹽可自行調味。🥄栗子蟲草花花膠燉雞湯 $48一樣好足料，清清地岩哂我。🥢魚肚鮮菇雞扎 $23腐皮包住魚肚、雞肉、冬菇、芋頭。芋頭特別綿密，最好食。🥢原隻鮮蝦腸 $27飲茶又點少得腸粉，本身想叫牛腸，賣哂得返蝦腸。🥢蛋煎糯米雞 $23創意一流，不過呢個配搭有點泡濟既感覺。🥢蔗糖馬蹄糕 $15個人好耐無食，但又好鐘意食馬蹄糕，自己一個人都清得哂。🥢香煎蓮藕餅 $19偏軟身卻彈牙，同平時食既蓮藕餅唔同，偶爾食到蓮藕粒，味道不錯。🥢鮮竹牛肉球 $19相信自家制，牛肉球夠哂彈牙。🥢蒸廬拼美點 $55有叉燒包、蝦餃、燒賣、菜苗餃、馬蹄糕。當中覺得菜苗餃較為好味。🥢蓮子紅豆沙 $13🥢杏仁霜薏米露 $19食左甘多野已經飽飽地，但好想食甜野，所以最終都叫左兩個甜品。夠哂足料，亦唔會太甜。

由大埔踩單車到沙田，去到石門附近天開始暗，便打算先食點東西再回家。一直以為石家只有工商業區，原來車站附近都蠻多食品選擇，人流也不少吧。隨意走到附近一個商場，看到牌子上寫著幾種燉湯，感覺很清新，於是便一試。雙菇雞粒飯($50)完全沒有想到飯的分量如此地多，而且又足料，飯面舖滿了雞肉﹑菜粒和冬菇。雞肉好滑，煮出來的時侯雞的油脂和香味都滲到白飯中，加上一點豉油調油，特別又用上荷葉令飯更多香味，食落甚是好味。粟子蟲草花花膠燉雞湯(套餐$33)用料很豐富，每種食材都對身體有很好的功效。用上蟲草花和花膠去燉製，材料的香味都營養都走出來。飲落好濃味又滋潤，很值得一試。鮮蝦豆苗餃($24)每粒都飽滿，大大隻爽口的蝦，還有切到幼細的豆苗，味道很搭。不過餃皮稍稍有點太軟身。瑤柱蝦米煎腸粉($28)煎至腸粉金黃色，咬落有點乾身而香口，加上煎香過的蝦米，更為可口。香煎藕餅($20)用上蓮藕粒﹑粟米和蘿蔔粒做成的蓮藕餅，咬落偏軟身帶點痴口質地。因為用上種果，食落更為甘甜。紅豆杞子桂花糕($13)又一用料很足的甜品，每啖都食到大量大大粒的紅豆，杞子桂花的香味慢慢滲出。

見咁多好評就去試下，首先講環境，坐位一般啦，如果諗住坐耐d嘆茶就難d，因為有d椅子無椅背，地方都不夠空間，不過做生意想放多d枱都明既佢既燉湯咁出名，一定要叫，咁叫餐好似抵d，散叫一個湯都四五十蚊，餐都係加廿幾蚊姐。餐叫左點心拼盤加川弓白芷魚頭湯，另外叫多籠包。首先上左個湯，好誠實地有齊魚頭(2小件...)及各類藥材，一打開蓋，嘩，勁香藥材味，心諗今次勁野無中伏，飲番一啖先，無味既............真係好健康喎.............期望太大，果一下真係失望到一個點....唔怪得枱面有樽鹽...一定要落...比四五十蚊我真係唔會特登黎飲...d湯料都係交功課出現一下咁....其他點心都好似係番貨質素，無驚喜無特別...總括黎講，飲茶食點心都係正正經經去番酒樓吧啦

其實除左好幾年前係第一城個邊返過一排工都好少過第一城呢個area   石門就更加唔洗講所以當朋友叫我今晚去石門食飯時除左感覺有d陌生之外 心入面仲問左句石門有野食咩去到先知原來佢成個商場都係食店  我地其實當晚唔太餓所以簡左去食一間叫蒸廬既食店蒸廬係一間食點心既小店  重點係有湯飲 呢度真心加分我地一人叫左一個湯天麻川弓白芷燉魚頭湯 及 栗子蟲草花花膠燉雞湯兩個湯都非常極之足料  唔係走濃湯路線  但係都非常清甜  個人比較鐘意花膠燉雞湯 大家可以一試另外我地都一次過叫左好幾個點心 人少少又想食好多幾款點心可點？ 叫返個 蒸廬併點心就岩哂入面有叉燒包 蝦餃 燒賣 菜苗餃 岩哂我地眼闊肚窄既人 蝦餃燒賣好足料 菜苗餃真心好味印象較深灌湯餃又係另一個賣點雖然一般朋友覺得咬落去要有成啖湯咁先正我又唔係咁睇 呢度灌湯餃既湯已經索左一部分落肉度 咬落去就會feel到d湯 幾鐘意雷沙芝麻包蒸得岩岩好 d芝麻蓉仲識流出黎蠟味蘿蔔糕食落唔同一般酒樓質素 大大件之餘仲食到d蘿蔔絲口感味道都一流蛋煎糯米雞見好多人都食 所以叫左隻黎食創意分一流 第一次食到呢個配搭總結呢 飲夜茶唔一定

年紀大左，就愛上左飲茶，閑時都會留意吓食點心的小店。位於京瑞廣場的小店主打手工點心，還原傳統風味。獨特的點心同滋補燉湯成功吸引了我的注意力，而且價錢亦幾相宜。先來一盅栗子蟲草花花膠燉雞，熱辣辣夠晒滋補。可以見到湯料十足，絕對係真材實料。幾款點心當中我最喜歡蒸排骨，鍾意佢入味得來口感剛剛好。肥肉的比例唔會太多，但又保持到軟滑，實在唔容易。牛肉球夠哂彈牙，相信真係佢哋自家手工制。蒸餃同小籠包就不過不失。燒賣亦都好好食，有大大隻鮮蝦。馬拉糕係當日另一個驚喜，同平時酒樓見到的馬拉糕有點唔一樣，比較薄身，而且口感較為緊實。蒸籠仔飯就夠晒健康，冇多餘的調味，反而可以突出到荷葉的清香，仲有好多蔬菜粒添！人大左，食飯除咗要求味道好之外，亦多咗健康的考慮。偶爾飲一餐中餐，配一盅燉湯，確係養生之道。

京瑞廣場真係有好多特式小店，夜晚經過見到呢度有中式點心食，又有燉湯飲，一定要試下啦～全日套餐南瓜鳳爪排骨飯$50見到佢呢個套餐仲以為係一人份量，點之呢個蒸飯份量咁足～有兩至三碗飯，南瓜好清甜，鳳爪同排骨夠入味，仲有d菜心粒，感覺好健康栗子蟲草花花膠燉雞湯$33我真係好鐘意飲湯，呢個燉湯好足料又夠火喉，用乾栗子黎燉真係特別甜。滋陰補血，好岩女仔飲～晶瑩蝦餃皇 特點$28呢個價錢食到皮薄大大隻蝦嘅蝦餃真係抵～猴頭菇螺片燉瘦肉湯$38試埋呢款燉湯，最近轉天氣濕濕悶悶腸胃差，飲呢款湯就最岩魚肚鮮菇雞扎$24之前試過喺酒樓食過唔新鮮嘅魚肚，超級腥，呢個魚肚又淋又滑，完全唔腥，雞肉嫩滑，芋頭起沙又夠甜，好驚喜！蛋煎糯米雞$24糯米雞蒸就食得多，蛋煎都係第一次食，蛋夠香，糯米雞餡夠多，咁樣煎仲唔會好似蒸咁過淋同有倒汗水添，口感保持到煙靭～食完點心同咸野，仲有糖水食，糖水一樣係大大碗，超滿足！杏仁霜薏米露$20蓮子紅豆沙$20食左咁多野勁飽，每人只需$120，好抵～

最近在馬鞍山工作，人生路不熟，幸好同事帶我到石門的小店「搵食」。小店也頗具傳統風情，無論傢俬擺設、或是牆上的掛畫，也是別有一番風味。點心的價錢屬於中價位，但午市提供的全日套餐則非常划算。難得這兒除了點心外，亦有不少溫補的燉湯，適合不同客人的需要。墩烏雞湯用料十足，能嚐到烏雞的鮮香和藥材的濃香。點心整體質素不俗。鳳爪調味佳。素菜餃餡料十足。雞札的雞肉嫩滑。燒賣用上鮮蝦。蒸排骨十分入味。蒸馬拉糕夠彈性，口感很好。荷葉蒸飯亦很出色，飯粒吸收了雞肉、荷葉、和菜蔬的精華，不用調味也很好吃。環境、服務和食物質素也是不錯的小店，值得支持。

食餐靚點心，喝個靚燉湯。今日約媽媽食個包，歎杯茶，佢話下午先得閒，下午兩點剛剛過了附近商業大廈午飯時間，沒有太多人，爽呀!這間食店主打廣東點心，仲有出名的燉湯，聽聞手快有手慢冇。點心拼盆:鮮蝦豆苗餃~鮮蝦大大隻，豆苗翠綠爽甜。仲有蝦餃，燒賣，叉燒包，馬蹄糕。鮮竹卷~ 魚湯蟲草非常香甜。香煎蓮藕餅，煎香上枱，熱辣辣十分香口。雙菇雞粒飯~雞滑，荷葉香，秀珍菇冬菇都唔錯，最緊要個甜豉油。燉湯~五味子首烏燉瘦肉湯及天麻川芎白芷燉魚， 好香藥材味。最後，來個南瓜豆沙煎軟餅，師父煎得好香，蓮子紅豆沙好大碗。這食店平日不計茶錢。

和家人周末放假最好一盅兩件，比起酒樓，我們更愛去點心小店光顧，因為連鎖酒樓的點心現在大多都不是即點即製，而是從大陸廠房生產，失去吃點心的意義，所以我家吃點心都挑點心店的。無飯不歡的媽媽看見這裡有籠仔荷葉蒸飯，心情無比雀躍，她立即說來個蝦子榨菜肉餅飯。肉餅在蒸的過程中釋放出來的肉汁，超級無敵下飯，新鮮的豬肉做出來的肉餅特別鮮甜，加上榨菜的鹹香，蝦子的鮮美，讓媽媽愛不釋口。懂養生的一定會喝天麻川弓白芷燉魚頭湯，魚頭湯滿滿的藥材燉煮，如天麻，白芷，川弓，杞子，桂圓，黨蔘等，非常有益，我挺喜歡的。魚頭的鮮味都煮進湯裡，且肉質滑嫩，多完美的湯品。栗子蟲草花花膠燉雞湯食材十分講究，選用新鮮雞肉，栗子，花膠，乾螺片，生茨實，蟲草花熬煮，成就了這清甜的雞湯，入口溫潤，越喝越香，滋潤喉嚨。薑汁小籠包要細心的緩慢地將它夾起來，深怕一個不小心就受傷，最美的精華因而流失。飽滿的小籠包迷人的湯汁，讓我們情不自禁去吸上一口，小籠包皮厚度適中，拿捏剛剛好，肉餡豐富，當然一口吃更是滋味，前提小心燙。鮮竹牛肉球可是飲茶必吃點心之一，粉嫩的牛肉球滑彈軟嫩，那豐沛鮮美的肉汁牛味濃厚，就連牛肉球底下的配角腐竹也不錯，嫩嫩的挺

其實小妹已經好幾年無去過石門，今次去石門亦都係因為去要某某石門酒店睇婚宴場地，所以到此一遊！睇完場，經過見到京瑞廣場原來開左好多各式各樣嘅餐廳！！！😱發展得超快😯行下行下，就見到間小店，賣手工點心同燉湯，而價錢想當貼地！小妹一向係湯怪，勁鍾意飲湯水❤️所以叫左套餐有飯有湯有點心💪🏻個佬見隔離枱個點心拼盤好吸引，就叫左個試下！湯水超足料，仲勁大碗😱小妹個五味子首烏瘦肉湯，好重藥材味，甘甘甜甜👍🏻雞湯，男人話好香雞味！而且真係有花膠係入面🤣🤣無呃人小妹個飯黎到嘅一刻，真係嚇親！！！超大個，小妹覺得絕對可以三個人食！！！而且個飯一d都唔hae你，南瓜好甜，仲有菜心粒，排骨並唔係一舊舊肥膏扮大舊，而係真係肉！超抵讚👍🏻點心拼盤$55，但就有2個叉燒包、2粒菜苗餃、2粒蝦餃、2粒燒賣同一件糕！！！ 燒賣勁好味🤤有蝦肉係入面架🙈真係不得了！！一開始完全無諗過餐廳嘅份量咁大量，所以叫左鮮竹卷🤦🏻‍♀️🤦🏻‍♀️🤦🏻‍♀️ 而鮮竹卷嘅份量並無令小妹失望，一樣超大量，仲有蟲草花係面，等你食得健康😂😂鮮竹卷勁足料，足料到小妹唔食嘅香茜都有😖唔食香茜嘅朋友要注意啦！無錯！食左咁多嘢都係2百，而質素同服務都幾好，係座

上星期去同樓點饌食得好開心今日見蒸蘆甘多好評就滿有期待來試點心不錯 但另一主角 燉湯就完全吾掂 點左燉魚頭湯 上檯試一啖發覺完全吾熱 問老板講點解叫得燉湯會完全吾熱 佢好有心甘立刻拿走 重話吾好意思 等10分鐘就有熱湯 當時仲覺得這小店不錯 再上檯果然是熱了 需然吾明白10分鐘點可以令燉湯熱番晒 (也許他們用現時新式高檔爐具) 但一飲就覺得淡晒 同之前吾熱個啖有天淵之別 明顯加左水 登時覺得無必要再出聲 無下次算啦甘未完 此店d碗碟該是交俾出面公司中央洗 因為他們將用過的碗碟倒左廚餘放入中央收集的盒內 但盛湯的燉盅竟然連渣收入小小廚房內 再從出餐的窗口見有對手 搞來搞去 登時諗到心寒 吾敢再諗落去 即埋單走人肯肯定 無下次

茶餐廳吃膩了, 今天轉一轉口味, 來到 “蒸盧” 吃蒸飯. 這次是第一次來. 餐廳雖少, 但坐位也算是舒服, 不會很迫的感覺. 雖然餐廳已開了一陣子, 但到午飯時間仍要等位, 不過等候時間不是很長. 這裡有點心、蒸飯及燉湯！湯是賣點, 因他們的湯是原盅燉湯, 有5款選擇. 單點的話需要 $38/盅, 如跟套餐, 只需加$23. 不過我今早的早餐太豐富了, 不算很餓, 所以沒有點燉湯, 還是留在下次才試了~~我點的是雙菇雞粒飯, 單點$45份量很多, 以蒸籠裝著, 白飯的下層以荷葉包著, 富有荷葉香味, 很香~ 雞粒很多, 口感滑嫩, 非常好吃! 還配有香菇及冬菇, 混在白飯裡一起吃更惹味. 我最欣賞是豉油另上, 可以自己調味

位於沙田石門京瑞廣場二期的蒸廬，主打點心及湯品。餐廳大部分點心都是以蒸品為主，感覺健康。點心約有二十至三十款，種類繁多。牆上更掛有幾幅中式水墨畫，令餐廳感覺更舒適典雅。有不少附近上班的打工仔也來到吃午飯，可以點一客全日套餐包飲品，平日免加一免茶芥約五十元。首先來到的為蒸廬拼美點，這款點心拼盤有9件點心，包括叉燒包、蝦餃、燒賣和韮菜餃各兩件，再加一件甜的紅棗馬蹄糕。🥟個人最喜愛燒賣，燒賣的皮頗薄，蝦仁感覺爽口彈牙，餡料Juicy。猴頭菇螺片燉瘦肉湯來到了，材料包括猴頭菇、乾螺片、淮山、蟲草花及瘦肉等，對消化不良及腸胃不適的人有幫助。🍲燉湯的味道十分甘甜，而且用膳後一點也不口渴，感覺滋潤養顏。之後點了一客原隻鮮蝦腸、香茜牛肉腸。侍應會把腸粉和豉油分開上，頗為體貼。個人頗喜愛牛肉腸，牛肉味頗香濃。如果鮮蝦腸的外皮能更完整便好了，幸好味道也是不錯的。

近半年沙田石門都有好多新嘅餐廳進駐，唔同款式嘅菜式都有，突然間好想食點心，所以去咗試吓蒸廬。餐廳上兩層就到，而且門面非常開陽，容易搵到。好彩去到啱啱好唔使等位，已經有一張圓枱比我地坐。隨即店員就開茶俾我哋，我朋友最鍾意飲茶，佢話呢度啲茶葉都幾香濃。由於燉湯非常好賣，而且我哋比較夜食飯，所以當中已經有兩個燉湯賣晒，我哋隨即就叫咗川芎白芷燉魚頭湯、五味子首烏燉瘦肉湯同埋猴頭菇螺片燉瘦肉湯。當中嘅猴頭菇螺片燉瘦肉湯非常足料，而且係運用一個專門燉湯嘅壺盛載住，燉湯味道非常鮮甜，而且絕無味精，旁邊仲有一樽鹽比客人自己調味，非常體貼。餐紙上嘅點心食物分門別類展示，仲有限量嘅腸粉、好吸引嘅籠仔荷葉蒸飯，樣樣都好想食。當中比較特別嘅雙菇雞粒飯非常大籠，驟眼睇蒸飯上面已經有好多雞件、蘑菇同埋菜粒，用荷葉載着。食落去雞味濃郁，而且荷葉飯味道好入味。籠仔蒸時蔬上面有榨菜條，鹹鹹地嘅榨菜味道配以清淡嘅蔬菜一齊食好Match，而且蔬菜非常健康，絕不油膩。飲品方面更有無糖可樂，適合我們健康一族飲用。除此之外就仲有烏龍茶及甜品供應。最特別同埋吸引之處就係全日免收加一服務費，仲抵食過出面嘅茶樓呀。

收工之後知道京瑞廣場上面，有一間專門飲燉湯嘅點心專門店，我哋就去試吓啦。上到去餐廳已經爆滿，門口有好多人喺度等位。燉湯方面有五款選擇，而且絕無味精。由於我經常頭痛，所以我叫左可以驅頭風嘅天馬川芎白芷燉魚頭湯，味道非常鮮甜，而且入面有好多藥材料，可見廚師精心烹調，而且非常足料。點心方面實在太多選擇，當然唔少得叫我最鍾意嘅晶瑩蝦餃皇同埋蟹籽燒賣皇。蝦餃晶凝通透，食落去入面有好大隻蝦肉，而且皮薄餡靚。燒賣賣相非常吸引，而且好大粒，食落去好多豬肉同埋蝦肉，味道非常新鮮。除此之外，仲叫咗鮮竹牛肉球、蒜蓉豆豉蒸排骨、鮮蝦韭菜餃、醬汁蒸鳳爪同埋蜜汁叉燒包等。甜品方面有三款選擇，我哋就試咗紅豆杞子桂花糕，食落去冰凍加上一粒粒嘅紅豆，特別有口感。最後四個人食埋單都只係五百幾蚊，每人嘅平均消費＄100左右，已經可以飲到高水準嘅燉湯，同埋食到新鮮嘅點心，真係非常滿足。