蒸廬

營業中

休息中

食物的確唔錯，有用心去做👍🏼蒸飯唔錯，牛肉球亦新鮮，燉湯足料，蟲草花鮮竹卷好清，湯好正！但敗在一位服務態度極差嘅店員店員為左想快做下一輪生意，喺冇詢問嘅情況下收左兩個還有少少嘅湯即場已表示未食完及店員應該問聲先收起，同埋因為你個湯無味精，先想飲埋但店員已極速將碗疊在一起，冇法再食呢個店員口中雖然講唔好意思但語氣極差，仲要講：係咩，正常客唔會飲個湯囉⋯仲出聲講咁俾番一碗仔你囉。聽完即著火，你俾番我就要受？你道歉有誠意？個個客都一樣？之後仲要俾我聽到佢喺背後講：都對唔住左幾次，仲想點？我地呢d小店小生意，你地咁樣嘈係咪玩野？咁嘅情況唔鬧佢唔得一個咁嘅店員，做錯事，服務態度惡劣，如此不尊重客人，食物就算再好食，也不會有顧客再光顧，同趕客冇分別

石門越來越多吸引嘅餐廳，晚飯時間路過，見到店門外唔少人等位，我當然去湊下熱鬧啦！原來蒸蘆主打燉湯，我頓時雙眼發光，因為我最鍾意就係飲中式糖水！店內人聲鼎沸，生意非常好。猴頭菇螺片燉瘦肉湯＄38🉐愛喝滋補養生湯水的人士有福了㊗️湯嘅顏色非常清澈，味道天然，飲得出沒有加味精，枱上有樽鹽，可以自行添加🤗🐟天麻川弓白芷燉魚頭湯＄48呢款湯有減少經痛、去除風濕嘅功效，作為女性當然要試下啦！果然足料，加入左龍眼肉、紅棗、杞子、淮山、白芷、川弓、天麻、魚頭、姜等等，童叟無欺。🌰🐓栗子蟲草花花膠燉雞湯＄48冇錯又係湯😅事實上我地嗌左三盅🙈🥟蒸廬拼美點＄50有叉燒包、蝦餃、燒賣等等，如果揀唔到食乜嘢點心，可以試吓呢款，已經幫你決定好。🎃南瓜鳳爪排骨飯 $50用籠子上，份量非常多，配料十足，加入南瓜是挺新鮮的配搭。⚽️雷沙芝麻包 $20沒有奶黃包，點籠芝麻包一樣開心😋🍮紅豆杞子桂花糕 $20🥣杏仁霜薏米露 $20蒸蘆真係一間用心有誠意的小店，值得推介比大家！

在沙田石門找到一家點心專門店家庭式小店服務特別熱情以老火燉湯作主打我們就不客氣地點了兩客天麻川弓白芷燉魚頭湯非常香獨特的氣味我很喜歡味甘帶苦很順口朋友則點了花旗蔘石斛烏雞湯湯頭清澈但要自行加鹽巴調味點了南瓜鳳爪排骨飯份量絕對夠二人食用灑上甜豉油美味就是這樣簡單煎腸粉一直是我的最愛晶瑩蝦餃皇和蟹籽燒賣皇緊接蝦餃皮稍厚但餡料豐富咬下去就見到兩大隻蝦仁燒賣做得相當出色肥瘦肉比例不多不少一席好點心加上好服務請繼續加油為沙田人煮出好味道

記得細個嘅時候，逢星期日都會一家人去茶樓飲茶食點心，但人大了，兄弟姐妹各自有家庭，好少再一家人去茶樓了。所以而家無咩機會食點心，一係就去買叮叮點心返屋企叮，但叮嘅點心又乾又硬，味道更加無得比。於是的起心肝，上網搵下邊度有全日供應點心，就約埋阿爸阿媽一齊去啦。今次搵到呢間喺沙田石門嘅蒸廬，喺馬鐵石門站過對面京瑞廣場就係了，非常方便。夜貓一族要注意啦，呢度係9pm last order，太遲就無得食架啦。不得不提除左全日供應點心外，原盅燉湯都係呢度嘅招牌菜，共有5款選擇，可能我地都晏左了，A-D款全部賣晒，只剩E款，我呢個湯怪當然唔會放過，即時ORDER一人一盅先，落完我地張單，店員大呼一聲「燉湯全數賣晒」，門外等緊嘅人都無奈「唉，賣晒啦」可能爭番黎嘅特別好飲，呢個酸棗仁茯神燉瘦肉湯原盅上檯，標明原味、無添加，又夠足料，飲得出係用心製作，一定要試。話明黎食點心，梗係想試多啲唔同款式架啦，呢個蒸廬拼美點絕對係必叫，一籠有9件，兩個义燒包、蝦餃、燒賣同豆苗餃再加件馬蹄糕，睇見都吸引呀。呢個臘味蘿蔔糕唔會太粉，煎得又夠香口。而家四圍都叫自己做蝦餃皇，但呢度絕對配得上呢個稱號。蝦餃裡面起碼有兩隻蝦

呢間舖頭是朋友介紹，話好正好抵食。所以今日專誠過嚟試一試，中午時間非常多人要等位，不過勝在人流夠快。叫咗一份全日套餐，有湯有飯有點心配搭非常好，細食嘅朋友們相信兩人用都夠。香辣銀魚排骨飯 : 用蒸籠荷葉墊底蒸飯，已經香到不得了。一粒粒嘅白米飯配埋新鮮嘅銀魚乾同爽滑嘅排骨，再加上顏色鮮豔嘅菜粒。連豉油都唔使加，真係色香味俱全。天麻川芎白芷燉魚頭湯 : 在嚟原盅靚湯，揭開蓋天麻味香到連隔離枱都聞到。火後十足，連魚骨都可以食埋。而且真材實料，冇味精連鹽都唔需要加。 再加埋兩粒晶瑩通透爽口彈牙嘅蝦餃，這就是完美的一餐。

近排天氣凍咗好多，A姐特意帶埋M佬去探吓住喺石門嘅A婆。A婆第一次見到M佬開心到不得了，猛叫我哋生個曾孫俾佢玩（有無搞錯，我都未嫁得出，淨係諗抱孫），佢老人家諗吓都開心到不得了，仲話要煮餐好嘅俾我哋食，但天氣咁凍，真係唔忍心A婆要洗菜洗米又要整，而且M佬咁大食，食到A婆米缸無米都似，加上A婆鍾意食一盅兩件，所以就去石門京瑞廣場嘅蒸廬啦。栗子蟲草花花膠燉雞湯呢個燉湯有花膠、蟲草花、雞、栗子、桂圓等，用料十足，燉湯完全無添加味精，味道清澈帶甜，所以飲完都唔會口乾，夠晒營養，冬天最啱就係滋陰養肺，真係好有住家嘅味道。蝦子榨菜肉餅飯、香辣銀魚排骨飯用一大塊荷葉蒸起，所以上枱已經有荷葉香氣。兩個蒸飯都配上菜粒，好清新。而其中蝦子榨菜肉餅飯嘅蝦子配上榨菜夠晒惹味爽口，肉餅唔會散，肉味香濃；而香辣銀魚排骨飯嘅亮點係啲銀魚仔鹹香突出，加上甜豉油更加香口惹味。蒸廬蒸美點呢個蒸廬蒸美點用大大個蒸籠，入面有9樣嘢食：2件晶瑩蝦餃皇、2件蟹籽燒賣皇、2件鮮蝦豆苗餃、2件叉燒包同馬蹄糕。叉燒包：麵包軟綿，叉燒足料，記住趁熱食。蔗糖馬蹄糕：馬蹄糕唔會死甜，而且有唔少馬蹄，食落香口唔膩。不過，我哋3個人唔太夠分，所

香港人有多喜歡喝湯水？大家來一趟蒸廬就會知道了﹗很久沒有上茶樓吃點心，今晚心血來潮帶著老爺奶奶駕車來到沙田，主要原因是蒸廬不單有全日點心供應，還有多款燉湯⋯開業不久，店舖面積雖然不大，但門外已站門輪候的人，大家的目標一致，就是喝一盅燉湯，可能我們入座已經遲了，六款燉湯已賣淨一款，我們立馬果斷地每人要一盅，幸好下單快，接下來其他枱的客人開始鼓燥了，就是因為燉湯賣光了，而門外仍然等位的客人也非常失望，一盅燉湯的魔力何其大，下次一定要再早點入座才可以試其他款式的燉湯了⋯燉湯外，當然點心也是主角，蒸廬的點心全是在場師傅製作，不向外訂貨，而且即點即蒸，要食靚點心當然要花點時間⋯晚巿小點$16、中點$20、大點$24及特點$28，全一免加一我們下單點了四款燉湯，結果原來只餘下一款酸棗仁茯神燉瘦肉湯，我們每人一盅，真的手快有，手慢就沒有了，酸棗仁茯神燉瘦肉湯味道清甜，滿滿的湯料包括酸棗仁、有心茯神、圓肉及瘦肉，有寧心安神、養心養肝、健脾利水、對健忘、失眠、工作勞人士有幫助，可以說是盅湯適合我們四個人飲用，暖一暖胃再開始食點心⋯蕾莎芝麻包有黑白芝麻，芝麻味很香，包身軟腍有彈性，熱辣辣的份外美味﹗蟹籽燒

今日係星期日，起身既時侯已經係日上三竿🤦🏼‍♂但突然有一股想飲茶既衝動，所以就search左石門一間專飲茶既餐廳！一到步，空間唔算好大，但係五臟俱全，點心紙都好精緻，有哂所有價錢，亦都分哂唔同食物既類別！我係一個蝦餃控，所以即刻叫左一個晶瑩蝦餃皇。一共有四粒，全部都好足料，好！大！粒！而且個皮好透，好薄，睇得出係人手包既，正！之後我再叫左個蟹籽燒賣皇，一黎到唔止熱辣辣，啲蝦同豬肉都好有口感，蟹籽都有成一匙羹既份量，完全唔少！我朋友比較鍾意食雞扎，所以我地就叫左個魚肚冬菇雞扎，入面舊芋頭同埋雞用得好爽口同埋好粉！呢個店其中一樣出名既食物就係雷沙芝麻包，一咬落去啖啖芝麻流出黎，熱辣辣！我本身係個客家人，梗係要叫翻個客家蘿蔔絲湯，一食落去就明顯食到個湯底係用津白黎煮，皮食落都好似家鄉既感覺，係即叫即製！呢個係蛋煎糯米雞，蛋煎得香，佢地將兩樣唔同既野混合得好完美，好正！之後係蔗糖馬蹄糕，佢同普通我地食開既唔同，佢選擇左用蔗糖，令到馬蹄糕個味更突出，而且用蔗糖會更加健康！呢個十年新會柑普茶，飲落去回甘，唔會訓唔著！不過好少少涼茶味，原來咁先正宗！我地仲叫左兩個湯，一個係酸棗仁茯神燉瘦肉湯，另一個

好少去石門呢個地方，今日工作關係嚟到先知道原來呢度有好多嘢食好多間餐廳花多眼亂！最後比蒸廬嘅燉湯吸引天寒地凍最啱就係飲燉湯暖胃一坐低一定要叫咗燉湯先，叫左一個花旗參石斛燉烏雞湯，同埋一個花膠雞湯，以點心店來講佢嘅價錢算係好相宜，星期六日只係收$4茶芥，平日仲免收，點心價錢都好合理，仲再份量十足好快燉湯已經上枱！飲得出係真材實料，冇加味精，大力推介朋友叫嘅花膠雞湯！好鮮甜濃郁，好正！同朋友眼闊肚窄叫咗好多點心一上枱先見到佢啲蝦餃超大粒入邊仲有大粒鮮蝦，好滿足超鍾意食蝦嘅我哋再叫埋鮮蝦豆苗餃，豆苗好滑，鮮蝦亦都冇欺場，一樣係大大粒，好好味仲有鮮蝦腸粉呢度真係好鬼抵食腸粉夠滑，完全滿足我食點心嘅慾望鮮竹牛肉球好滑，啖啖肉見到呢個桂花糕都幾特別，入邊有埋紅豆，又唔會太甜，一次過滿足食桂花糕同紅豆糕嘅兩個願望叫埋呢個豆沙煎軟餅，外脆內軟，一碟有四件咁多，呢度真係超級抵食！除咗食物之外，呢度嘅服務態度都好好，上菜好快，確實值得一讚意外發現呢間價格親民，食物有水準既點心店，如果有機會再嚟呢頭都一定會再幫襯！

今晚收工約咗媽咪兩個人撐枱腳，佢最中意食點心，依間之間同朋友食過都唔錯，當然要介紹下喇蒸蘆既員工服務都好好，又會主動介紹下佢地好出名既原盅燉湯，有幾款可以選擇，定期又會轉下，仲要係無添加，原汁原味，所以上枱既時候都會比鹽客人，如果唔夠味可以加小小栗子蟲草花花膠燉雞湯 滋陰潤肺材料好足味道入曬湯底，夠曬原汁原味，試咗一啖之後再加咗小小鹽，更加好味魚肚冬菇雞扎賣相&份量都比酒樓好裏面仲有芋頭，件件都大大舊，味道啱啱好，唔會咸，食到每件食材既鮮味醬汁蒸鳯爪依個鳯爪唔似出面個啲咁多芡搞到好膠咁，醬汁味道濃郁，上枱夠曬熱辣辣，最開心係下面放既芋頭，吸曬啲精華，超級好味南瓜鳯爪排骨飯本身我好怕啲南瓜搞到溶曬係，不過見到隔離枱係切粒，賣相又唔錯，所以我地就叫咗一籠試下，仲要係用荷葉原籠蒸嫁所以特別香，面頭仲有好多菜，有口感得黎又夠健康

今日去咗石門附近搵好嘢食😋😋😋 同事住喺石門附近，話最近開咗間有燉湯飲嘅鋪頭，缺乏湯水嘅我就走去試啦！全間鋪頭啲嘢食都好正，全冇味精😋😍😋😍 一嚟就點左個套餐，有湯有飯有甜品❤我就點了套餐B，朋友就點咗套餐A，一齊開心share💁🏻‍♀啲套餐不定期更新！呢排天氣咁寒，最啱飲燉湯😋😋😋套餐A嘅燉湯主要養腎，就係天麻川弓白芷燉魚頭湯，B就主要養肺，栗子蟲草花花膠燉雞湯！啲燉湯好足料，食落去真的完全係原味，完全唔使加糖加鹽，係啲材料散發出來的味道，唔飲真係走寶🤩另外，我哋點了蒸廬拼美點，有9款，分別有蝦餃、燒賣丶叉燒包丶鮮蝦豆苗餃同蔗糖馬蹄糕😋初初睇以為冇乜特別，食落去真的沒有令人失望。每一款嘅點心都好足料，燒賣同蝦餃都起碼有兩隻蝦，大大件，好抵食😋😍😋😋 一個人食呢個同飲湯都飽😍朋友就點左雙菇雞粒飯，嗰飯用蒸籠連同荷葉蒸的，豉油另上。個飯唔使加豉油，已經好入味，正！😋😋😋😋最後，我們食咗兩個甜品，分別係雲南紅棗茶和杏仁霜薏米露。呢兩個都係靚女必食之選，養顏有養生❤❤❤❤❤食完簡直覺得自己靚咗😍😍😍😍😍

今日和太太晚上往石門京瑞廣場蒸廬食dinner, 我們點了兩份全日套餐, 一份是蝦子榨菜肉餅飯+猴頭菇螺片燉瘦肉湯+蝦餃, 另一份酸棗仁茯神燉瘦肉湯+南瓜鳳爪排骨飯+杏仁霜薏米露, 另外我們點了燒賣, 鮮蝦豆苗餃和叉燒包。蝦子榨菜肉餅飯賣相一流, 用一個蒸籠盛載著, 蝦子食落惹味, 榨菜食落爽口, 菜粒切成一粒粒食落口感清新, 肉餅好腍有嚼勁, 食落啖啖肉, 飯好軟綿, 配上豉油一起食, 食落惹味醒胃；猴頭菇螺片燉瘦肉湯, 湯好香濃, 有濃香乾螺片和猴頭菇味, 乾螺片和猴頭菇食落香濃, 瘦肉好腍, 蜜棗好清甜, 養生的燉湯；蝦餃皮薄餡靚, 蝦好彈牙, 食落惹味；酸棗仁茯神燉瘦肉湯飲落味道清甜, 桂圓肉食落清甜, 酸棗仁和茯神食落好開胃, 瘦肉好腍啖啖肉；南瓜鳳爪排骨飯很有特色(好少見南瓜放在蒸飯上, 可見創意), 南瓜食落清甜能中和鳳爪排骨飯的油膩, 鳳爪辣度適中, 排骨肥瘦均勻, 食落去啖啖肉；杏仁霜薏米露食落有點似麥米粥,杏仁霜味道香濃, 薏米露好足料, 連杏仁霜一起進食食落好爽口, 好香滑, 甜度適中；燒賣大大粒, 蝦肉彈牙, 瘦肉肉質均勻, 食落惹味；鮮蝦豆苗餃賣相好靚, 蟹籽

今日又約住在沙田的朋友食飯，又試在這商場的新店。一入到去已經被這兒的傢私吸引了，枱櫈都是古色古香的中國style。愛喝湯的我點了栗子蟲草花花膠燉雞湯，這湯非常足料，而且大大盅，湯是無落鹽的，可以直接飲到湯的原汁原味，更加健康，建議大家可以先試一啖，覺得不夠味才調味。蝦子炸菜肉餅飯 (連燉湯一起點就是套餐，價錢會平一點）。原籠蒸飯很足料，加小小豉油伴在在一起，加上炸菜和菜頭，令整個飯很惹味之餘又感覺較健康。點心拼盤，這裡的點心種類不算多，不過味道比茶樓好，蝦餃的蝦肉夠彈牙，其他味道都很不錯，可以一個order食到多款點心。至我甜品的我點了豆沙煎軟餅，外面煎得好香，內裡的紅豆蓉很綿，甜度適中！讚！！

點心，又是點心，老爸喜歡飲茶，中午才去了酒樓飲茶，夜晚再下一城到石門的蒸廬飲夜茶，幸好我也蠻喜歡中式點心蒸廬 - 位於石門京瑞廣場一期二樓，此區是新興的工廈區，有部份SME在這邊設辦公室，不過也有HSBC/ Marriott酒店等。附近應有屋邨，假期晚上人流果真不少，由於商場沒甚麼購物點，九成人流也定必是為了開餐。食物選擇不多，基本的都有，價錢不貴，茶位$4，亦無須加一，具競爭力，因此食客不少，但店舖面積稍細。天麻川弓白芷燉魚頭湯 (套餐+$33): 看其功效能舒緩頭暈頭痛等症狀便下定決心，燉湯$33元並不貴，自己買料煲也平不了多少。湯料適量，但只有少量魚頭肉。需自行加鹽，味道清甜而不膩，未許太濃郁，有別於老火湯，但整體都收貨。蟹籽燒賣皇 (特點): 燒賣大大粒，蝦肉亦不少，爽口彈牙，調味得宜，不錯。但質感有點濕，太多倒汗水?蝦餃兩件 (套餐+$13): 套餐點的話，一盅可以兩件，二人食也算fair。蝦餃皮不厚不黏，中規中矩，蝦肉亦算大粒彈牙。香辣銀魚排骨飯 ($45): 飯以荷葉墊底蒸製已成，飯粒滲有微微荷葉香氣，飯粒稍濕，但加甜豉油才能香口惹味，香辣銀魚仔鹹香突出，排骨成配角，軟骨

餐廳不大，但好多人排隊，個個都係為咗夜晚有得飲湯飲茶而黎，就算要等得耐，都會繼續等落下去。眼見食客都會叫返盅燉湯飲，湯既功效都寫咗係餐牌到，我就揀咗女人恩物-花旗蔘可斛燉烏雞湯 ，花旗蔘好香，加了雞既鮮味，幾正。銀魚排骨飯-平時飲茶唔鐘意食飯，岩岩起身胃口不大，夜晚就唔同啦，一定要食飯，估唔到又幾好食，飯粒香口，加上有荷葉香同排骨既肉香，又有銀魚既鮮味，個飯既香味好多元，好岩我口味，食唔停口。鮮蝦豆苗餃-餃皮彈牙，鮮蝦真係好鮮好爽口，食落又juicy，真係好好味。燒賣-呢個燒賣大大粒又彈牙，味鮮可口。