蒸廬

營業中

休息中

約朋友在石門食西餐，經過蒸盧，好似幾好喎，一於攞多張飛，先到先上。蒸盧有位，就決定試這間啦。燉湯看似不錯，先叫天麻川弓白芷燉魚頭湯、栗子蟲草花花膠燉雞湯，再加点心。叫了例牌点心……蝦餃、馬拉糕、腸粉、鳳爪、牛拍葉、棉花雞、黑糖流沙包、芋絲餅、红豆杞子桂花糕，加多个海蝦陳村粉。流沙包值得推介，真係好流心，味道不太甜👍。馬拉糕算有特色，甜度也適中，鳳爪入味，牛拍葉不韌，其它点心正常。至於海蝦陳村粉，有4隻大蝦，將蒜泥撈入陳村粉，带出香味，不錯。燉湯好足料，味道夠濃郁，價錢不貴，冇時間燉湯嘅人，是不錯的選擇👍。點心味道雖然不錯，我个人覺得比較貴，同酒楼点心食味道差不多，但係經濟些。

自從搬咗出嚟住之後我真係好鍾意搵啲有靚湯飲嘅餐廳食飯，今日就嚟咗石門搵食，呢排石門真係越嚟越多好嘅餐廳！不過今日揸咗車黎，石門實在太容易抄牌，所以我哋喳喳林買完外賣就走啦！諗左好耐終於選擇咗椰子湯，配籠仔海蝦飯仲叫多咗個馬拉糕！椰子雞湯唔記得咗影相，不過其實燉湯來講佢味道唔算話太好，同埋佢唔記得咗不走啲油，成個湯都幾肥膩下！馬拉糕同龍仔飯好出色！馬拉糕唔會太甜食落去好鬆軟！係真係似以前茶樓推車仔嗰種馬拉糕！而龍仔荷葉飯真係新鮮熱辣蒸出嚟，一打開超級香荷葉味！而且蒜蓉亦都好！冇諗過個飯會咁出色，真係好好味呢間餐廳我一定會再黎，或者我會俾多次機會佢個燉湯不過個飯真係無得輸

星期日，起身既時侯已經係日上三竿，但突然有一股想飲茶既衝動，所以就search左石門一間專飲茶既餐廳！一到步，空間唔算好大，但係五臟俱全，點心紙都好精緻，有哂所有價錢，亦都分哂唔同食物既類別！我係一個蝦餃控，所以即刻叫左一個晶瑩蝦餃皇。一共有四粒，全部都好足料，好！大！粒！而且個皮好透，好薄，睇得出係人手包既，正！蒸蘆既員工服務都好好，又會主動介紹下佢地好出名既原盅燉湯，有幾款可以選擇，定期又會轉下，仲要係無添加，原汁原味，所以上枱既時候都會比鹽客人，如果唔夠味可以加小小栗子蟲草花花膠燉雞湯 滋陰潤肺材料好足味道入曬湯底，夠曬原汁原味，試咗一啖之後再加咗小小鹽，更加好味

住係附近但好少留係呢區食飯，連呢道有兩間點心都唔知今日突然點心癮起，同朋友兩個人黎呢道食個晚市點心。舖仔細細，兩個人都肯定要搭枱。張枱放三四籠點心都已經好逼，坐得唔係好舒服。食物份量都好多，叉燒包一籠都四個個包都幾軟熟，不過肉好肥，一般啦蒸飯又係面盆咁大，兩個女仔食一個真係乜都夠南瓜炆得幾淋叫左椰子炖雞湯，但無乜雞味，反而好似杞子甜味。不過d湯超油，一”不”全隻匙都係油燒買係普通野，肥肉居多綿花雞好多雞，綿花就得兩舊，如果個比例調整下會更加好煎腸粉又係好大碟，不過好淡，無乜蔥花蝦米香。如果唔點醬基本上係白腸粉總括黎講食物唔係特別出色，不過籠籠都新鮮熱辣。咁鬼多野食重要打包都係214蚊其實係幾扺，好適合三四個人一齊share食。兩個人去既朋友記得唔好叫咁多野

飲茶唔一定要去酒樓既，細細鋪頭仔都搵到好野食，雖然蒸廬地方細細，但嘆番一盎2件唔錯既選擇。.帶亞女上興趣班前同佢好朋友仔食個午飯，石門京瑞廣場而家除了補習社興趣班多之外，食市都開左好多間。.小朋友最真實的，勁鍾意燒賣，每人食2粒，我同朋友要叫多一籠😅😅。. 我同朋友就鍾意Lee度既荷葉飯。荷葉梅子排骨飯好好味，最鍾意多菜，酸酸地好開胃。午餐時段仲可以加$28配個燉湯（原價：$38）家，湊住小朋友好多時湯/飯會涼哂，但個燉湯仲係好熱，而家勁足料超抵飲👍🏻👍🏻

來到石門 隔離就係一個商場 入面有呢間小店店員非常親切！絕對唔似連鎖式酒樓咁無禮貌！點心即叫即蒸 全部上台時都熱辣辣 出晒煙！流沙奶黃包真係超超超好食！除左黑金做型特別外，佢真係超級流！！！！！好味度爆晒燈籠仔蒸飯好香 蒸香加埋蝦、荷葉既味道，令飯變得特別好食！蝦餃皮薄 好飽滿！燉湯主打無添加！好有媽媽的味道牛柏葉好足料，大大碟，絕對冇用好多其他配料墊底！而且蒸得好淋，唔會好似咬膠咁！綿花雞 好juicy好入味！呢間小店值得推薦

睇完食評就過黎試下，結果非常失望。流沙包同煎糯米雞都原來沒有了。。。佢話係限定所以連點心紙都見唔到。呢類點心其實一向都好迫，不過佢將二人台坐三人，其中一個位坐係櫃檯前，位置真係好差。不斷開收銀機又電話響真係幾騷擾，所以希望唔好再將呢張台變3人台。食物方面，其實無咩特別。棉花雞都夠大隻雞，棉花還可以。腸粉都唔錯既，算滑。馬拉榚味道可以接受。整體食物質素都可以。服務就一般般，沒有甚麼特別好壞。總結食物可以，環境一般。

大家有無聽過石門？原來喺沙田第一城隔離 小小地方原來都有幾多嘢食喎😯😯 今日我哋就去飲茶食個包先👫本來係衝住佢個原盅燉湯而來 順便就試埋佢啲點心🙆‍♂️ 我哋要咗個蒸廬拼美點 總共有九件點心 然後加$33要咗個天麻川芎白芷燉魚頭湯🙆‍♀️蒸廬拼美點 $55蝦餃同叉燒包普通 蝦餃入邊冇筍 爭咁啲味道🙅‍♀️ 燒賣同鮮蝦菜苗餃就幾推介喎💁‍♀️💁‍♂️ 燒賣唔會話剩係得肥豬肉 肥瘦適中仲幾彈牙添！🙆‍♀️ 馬蹄糕都合格嘅 起碼都有幾多馬蹄💁‍♀️鮮蝦菜苗餃 $23男朋友話幾好食 仲叫多一籠添💁‍♂️💁‍♂️😝 皮唔會太厚💁‍♀️ 餡都幾豐富🙆‍♀️黑金流沙包店員推介嘅新產品💁‍♀️ 餡就真係幾流沙既💁‍♂️💁‍♂️ 外表就幾靚嘅 不過食落就無乜竹炭嘅香味 覺得普通啦💁‍♂️天麻川芎白芷燉魚頭湯功用： 通經絡 止頭痛幾好㗎😝本身我對佢有好高嘅期望😍😍😍 不過飲落就冇我期待中咁濃郁 有啲水水地淡淡地🤦‍♀️ 我覺得鴻福堂啲湯都好飲啲🙈 不過佢都有啲料嘅 有魚云食下🙈

午餐時間在石門，從開飯看看有什麼未去過的好評食店。見此店看起來也不錯便即管一試。小店地方不大，小小的木桌木凳，怎看都不夠地方即做點心。叫了蒸飯，燉湯，蒸點心和煎點。蒸飯是正常的，份量不大，收50塊是偏貴的。燉湯是沒有味精但才料不夠缺乏肉鮮及有滾水味。蒸點心跟我觀察一樣，肯定不是現做的。蝦餃更是失敗之作，比冰鮮的只是好小小。煎的經過他們加工是可以接受的。整體來說，地方不好坐，環境比較擠，食品質素一般但價錢較貴。我就不會返轉頭了。拿添好運來比較，蒸廬輸幾條街吧⋯⋯

我已經係第三次嚟蒸盧食點心， 返得轉頭食咁梗係有一定嘅質素。 黎到一定要點點心拼盤。 貪佢選擇多， 9粒點心7款選擇， 分別有蝦餃，燒賣，菜餃， 馬蹄糕，馬拉糕， 薑汁糕同叉燒包。 而佢哋亦時不時會有新點心推出，今期推出嘅係黑金流沙包。 金色嗰啲絕對唔係金箔。老闆話係朱古力， 絕對可以食用， 流沙特別多，當你咬一邊，第二邊已經流曬奶黃出嚟，味道一流 一定要試。 今次仲點咗紅油抄手同鳳爪排骨飯。咁多樣食物3個人食便剛剛好。 唯一唔好就係店舖太細，座位太小。中午時段太多人去食要等位。 下午茶就冇問題啦。 畀錢仲可以用支付寶畀。

晚飯時間, 小妹記得上次經過呢間小店, 見到有湯飲又有點心食於是就走左黎試下 由於係小店, 座位真係好有限, 應該只有二十幾個位枱與枱之間都相對貼好似酒樓一坐低, 侍應會問你飲咩茶, 茶介係$4位小妹叫左"香片", 甘甘地都幾好飲 叫左兩個套餐+湯湯係燉湯, 應該會定時轉款我地兩個都叫左印度椰子淮山燉雞湯($23): 超足料, 好多蟲草花, 椰子都好甜 銀魚梅子排骨飯($50): 有好多銀魚仔係飯上面, 排骨都幾入味, 飯係比較濕身, 如果乾身D仲好! 整體都幾好味 蒸蘆拼美點(9件) ($55): 有2蝦餃1燒賣2菜苗蝦1叉燒飽1紅棗糕1馬蹄糕1馬拉糕                                                       蝦餃燒賣入面既蝦都好足料                                                      馬蹄糕, 馬蹄好爽口兩個人食到好飽都係$159 

因為係公司附近，所以午餐就同同事黎左食，鋪位比較細，得幾張枱，所以一般午市都要等五至十分鐘先有位。講起D位都幾唔好坐，重木櫈黎好難移動到，而且鋪位細，真係比較窄。甘同同事各點左一個全日餐，我就揀左雙菇雞粒蒸飯，同事揀左南瓜鳳爪排骨飯，再另加十三蚊加左桂花糕同蝦餃share。先講蝦餃，其實冇咩特別，不過不失啦。桂花桂就唔會好甜，有桂花香味。蒸飯方面，好有水準，用荷葉墊底，所以食到有淡淡荷葉味，飯應該有掃油蒸，所以飯粒有光澤，唔會太濕或太乾，軟硬適中。雙菇雞粒蒸飯食到有北菇同本菇，雞粒夠滑唔會太咸，豉油另上，可以自己調節咸淡度，有大量芥菜鋪面，蒸飯整體黎講好食又健康，推介俾大家試試。服務黎講就不過不失，價格都算唔貴。

星期日朝早又搭馬鐵去石門搵食。 早上十一點幾鋪頭未有太多人， 唔使等位就有枱了。 兩個人點左個點心拼盤、一隻糯米雞同一盎燉湯。拼美點的甜點比較出色，薑汁糕很煙韌，甜度剛剛好，非常好吃！😋 馬蹄糕非常清甜，但唔會太膩，馬蹄好爽有口感，食完有種好舒服的感覺。燒賣比較失色，實的的，麻麻地。猴頭菇螺片燉瘦肉湯好足料，應該鹽都無乜落。

午飯時間突然同事想飲茶，便去京瑞廣場一期的酒樓攞位。可能是暑假的關係，已有很多人在等位，惟有在商場逛逛，看看有什麼選擇。見到「蒸廬」也有點心供應，不妨一試，好彩還有一張枱。不過因為店舖空間有限，與其他顧客坐得近，若是4至6人並坐在入口旁的大枱，就會有較高的私隱度。（註：上面的照片是離開時，即2:15 pm 左右拍的，才有較多空枱。）店舗雖然細，也看見店主花了心思，如它用蒸籠作裝飾，用仿磚的灰色牆，很有特色。我很喜歡它的櫈，是用瓦做的仿青花瓷圓櫈，漂亮又古雅。這裡與一些點心專門店或茶餐廳類似，茶不收錢亦無加一，除非你叫特別的人參烏龍茶（一壼$24) 。除咗點心，它有蒸飯及燉湯，點心選擇都0K。平日午饍點心的價錢是由小點$15 起至特點$27，飯則$45元起，不是特別便宜。我選了蝦子榨菜肉餅飯（$45-），同事選了蒸廬拼美點（$50），有9件點心，可以一次過試試不同點心的水凖。本來我們是選套餐，但因飲品是汽水或加錢飲燉湯，我們無興趣汽水，侍者即建議單叫，可平$5👍🏻。蒸飯很快便上枱，豉油是分開上，由食客自訂加幾多。先說賣相，用荷葉放在蒸籠面，有特色，亦有淡淡荷葉香。飯面有綠色的菜心粒及兩旁

今日過呢邊做嘢，又可以喺石門搵食，見呢間點心店好多人排隊，一於試吓，入去裏面見到枱櫈都充滿中國風，而且仲掛滿左好多中國畫，賞心悅目，食點心之間可以欣賞呢啲畫作。香蒜臘味飯蒜頭同埋臘味嘅香氣經過高溫煮晒入米飯之間，食落每啖都好香，上面切碎的豆角粒，唔單止有裝飾的作用，仲係呢一片濃郁嘅味道之中帶出一啲好爽嘅口感，同埋少少清新嘅感覺，係很好嘅配搭。蒸廬拼美點 係一個超值嘅選擇！$55，有九件點心咁多，其中仲包括兩個包包，兩個女仔過來食，加壺茶，可能都夠飽做午飯。都幾高質，蝦餃燒賣都脹卜卜，叉燒包又蒸得好鬆軟！燉湯都有好多選擇,食點心之餘,仲可以飲個靚湯補下身真幸福淮山牛蒡木耳燉烏雞好足料，湯水好夠味。 原隻馬拉糕，原隻嘅意思真係好似個蛋糕咁大隻咁！好甜好鬆軟,好好食,上面仲有少少黑芝麻吊一吊味, 幾細緻。醬汁蒸鳳爪鳳爪嘅皮蒸到好淋，醬汁亦都幾厚，幾Rich一場來到，試飲埋佢嘅十年新會柑普茶，飲落就發覺$36呢個價錢真係超值！茶味甘香，而且嗰種甘香味仲會在口中蕩漾着！值得一試！