蒸廬

營業中

休息中

有一天找朋友食飯，就去了她公司附近在石門的京瑞廣場，朋友推介蒸廬，好味又經濟。點了全日套餐，南瓜鳳爪排骨飯 $50，可以較平價錢換購燉湯。南瓜蒸得剛好，腍腍地好甜，而鳳爪、排骨都大大件，味道不錯，而飯有菜心粒夠健康，好快就食光光。燉湯是栗子蟲草花花膠燉雞湯 $33味道較淡，似只有蟲草花及栗子的甜味，肉味就不重。套餐再可另加 $13 蝦餃皇大大粒，皮薄餡多，蝦肉好彈牙，正！蒸廬拼點心9件也是值得一點！有齊蝦餃、燒賣、豆苗餃、叉燒包、馬蹄糕餃類也是皮薄餡靚，至於叉燒包餡料不夠豐富，馬蹄糕唔算太甜。

沙田石門近期成為了該區的搵食熱點之一，各式各樣的小店紛紛進駐其中，最近經朋友介紹下來到一間手工點心專門店，主打原盅燉湯和手工點心，據說口碑十分不錯，而燉湯更是長期渴市，可謂手快有手慢冇。小店位於京瑞廣場2樓的角落處，店內面積不大，座位亦不多，枱與枱之間不算寬闊，人多的時間感覺會有點擁擠，還好裝修尚算舒適整潔，有時要食好西就要遷就一下了。透過佈滿倒汗水的玻璃窺探一下瀰漫著蒸氣的工房，見到師傅們在密密手不停做的影子，完全感受到那份熱誠；加上筆者用餐當天雖是平日但亦門庭若市，不期然對這店的出品更寄予厚望。 既然主打手工點心，餐牌內的點心款式當然不會少，全部即叫即蒸，新鮮熱辣，而且還有幾款招牌足料燉湯，加上在茶葉方面亦帶來了新意思，除了一般的普洱壽眉之外，還可額外付費享用特別的新會柑普茶和人蔘烏龍茶，單看餐牌已叫人食指大動。首先當然點來兩盅搶手的原盅燉湯，酸棗仁茯神燉瘦肉湯和栗子蟲草花花膠燉雞湯。酸棗仁茯神燉瘦肉湯，十分足料標明無添加，酸棗仁、茯神、圓肉及瘦肉皆見蹤影，童叟無欺，飲得出是原盅清燉，味道清甜，感覺健康。據店家描述此湯有著寧心安神、養心養肝的功效，對健忘失眠、工作勞累的人士頗有幫助

今晚去左石門接朋友放工, 佢最近去左石門返工, 但近排要OT. 所以順便同佢食埋飯=]佢帶左我黎蒸廬, 呢度點心款式頗多,有好多即點即蒸既食物,確保新鮮熱辣辣! 而且星期一至五全日不收加一服務費，亦免茶芥, 價錢都幾平。我同朋友一人一盅燉湯, 我要左個燉湯B -  栗子蟲草花花膠燉雞湯; 朋友要左個淮山墀牛葄木耳燉烏雞湯~2碗都好足料, 喝得出冇加味精，而且雞湯味道鹹鮮香濃，唔會過鹹，愈飲愈暖身!之後我地叫左少少點心, 有晶瑩蝦餃皇, 賣相好飽滿, 蝦肉障彈牙, 有鮮味!另外個瑤柱蝦米煎腸粉都好唔錯, 唔會焦燶, 食落鹹香四溢!我地亦一人叫左一個飯, 有南瓜鳳爪排骨飯、蝦子榨菜肉餅飯 ! 唔好講笑, 飯嘅份量好大~個飯係用蒸籠裝住，下面用荷葉鋪底，上面鋪滿菜粒、南瓜、鳳爪排骨;  & 蝦子榨菜肉餅；味道適中，冇味精，唔錯!OVERALL 又平又好食, 下次會再黎!

食物很普通，選擇不多，燒賣蒸到一夾起即散，燉湯還可以。湯冇落鹽，可自己落，但個鹽樽口好大，一落就好似開水喉咁倒左落啲湯度，幸而反應得快，碗湯最後好彩無報銷。最想講係服務差，我同朋友兩個人坐左張四人長方枱左右嘅一邊，但因為佢頭尾再放多張櫈，侍應就話嗰張係六人枱，咁即係二人枱要坐三個人。本身張枱剩係得我地坐，唯侍應仲要求旁邊坐多個人，但其實餐廳重有其他單丁位。佢張四人枱就剩係坐左三個人，我地張明明係二人枱都要坐三個人，完全唔明解，結果我要攞起自己個碗離枱食，而旁邊位陌生人亦吃得狼狽。

呢間係小店係轉角位，店面唔大唔起眼，但好多人係外面排隊，今日就同同事提早去等位試一試。店面比較細，坐得比較逼，繁忙時間要搭枱都在所難免。餐單選擇有唔同點心，蒸飯同埋燉湯。我今次單點左南瓜鳳爪排骨飯，$45，每個飯嘅份量都好大，就算男仔食都一定夠。個飯係用蒸籠裝住，下面用荷葉鋪底，上面鋪住菜粒，中間有南瓜，同主角鳳爪排骨。菜粒令成個飯多左口感，鳳爪同埋排骨份量多，味道適中，佢唔會好似外面點心好多味精，不過就食完個飯見到荷葉上面有好多油...同事叫咗燉湯話味道偏淡，下次可以試埋點心同燉湯。

我一向不是太喜歡去飲茶，總是覺得食物沒有太多驚喜，而且實在太多人。這天朋友約我到這家餐廳，盛情難卻，不易拒絕，最終還是如期赴約。這間餐廳雖然是吃點心的，但有別於茶樓。這家應該是點心專門店。雖然燉盅有點兒髒，但這個栗子蟲草花花膠燉雞湯非常美味，足料燉湯就是正！其實我們點了許多點心，當中最特別的包括蛋煎糯米雞、鮮蝦豆苗餃及鮮蝦腸。我第一次品嚐蛋煎糯米雞，覺得十分有趣。豆苗餃很精緻，蝦肉彈牙，而且與豆苗的比例剛好。最後的鮮蝦腸，腸粉很細滑，讚！整體來說，我覺得這加點心店可以再來！

同家人試下新開的蒸廬，經常行過都見好多人等位，應該不錯的，而且望見餐牌價錢抵食。先叫栗子蟲草花花膠燉雞湯$48，足料有粟子、蟲草花、雞同花膠，超清甜，面層有輕微雞油，相信用鮮雞肉泡製，另一款叫了猴頭菇螺片燉瘦肉湯＄38，都好鮮甜，瘦肉夠腍。相信真材實料無添加味精的。 點心叫了晶瑩蝦餃$28，用皮薄餡靚來形容，裡面有好多隻蝦，夠爽口，唔算太油膩。叫了鳳爪排骨南瓜飯$50, 用了籠仔盛載的蒸飯，較有特色而且圳好大籠，排骨同鳳爪份量都好多，最新穎係加了南瓜，增加健康感覺。瑤柱蝦米煎腸粉$28，煎至微香口，有好多條，多蝦米仔帶香味。再來薑汁小籠包$24，用錫紙兜住易拎起食，加少許醋食，皮不算厚，加了薑汁減去溜的味道，夾埋豬肉鮮甜多汁。甜品叫了紅豆杞子桂花糕$20，好驚喜勁多紅豆，起沙的口感，襯埋杞子一齊食好清甜。茶方面叫了陳皮普洱，一解肥膩感，陳皮好香，茶夠香醇，用套餐價加$24。其實還有好多款點心可選擇，下次再來食。

經過石門見到新開的蒸廬門口門庭若市，還見餐牌有幾款足料燉湯，所以即管等位，相信值得一試，等了約20分鐘就有位喇，看見餐牌推介原盅燉湯，原味無添加，非常吸引。叫了五味子首烏燉瘦肉湯$38，五味子帶點酸味，瘦肉好多，功效為滋陰補腎，強筋骨，心悸失眠，啱晒香港都市人，另一款燉湯叫了栗子蟲草花花膠燉雞湯，超讚鮮甜多料，有兩塊花膠，夠晒養顏，還有乾粟子、蟲草花及雞等等，餐牌標榜燉湯原味，無添加的，枱上有樽鹽，我和朋友都加了少少，＄48真超值。食點心前當然要嘆返壺靚茶，叫了我的至愛人蔘烏龍茶, 跟餐只加$24，好香醇，有回甘的人蔘味，就算沖第二轉水都依然夠味。旁邊見到廚房充滿水蒸氣，看見廚房內不停蒸上大大小小的蒸籠點心，流量好大，相信必新鮮。點心叫了好幾款，先來鮮蝦豆苗餃$24，好大粒，鮮蝦好多彈牙，皮薄，餡內還有鮮甜的豆苗。再來魚肚冬菇雞扎$24，腐皮索晒汁又帶煙韌，內有芋頭同雞件，魚肚好腍身，有厚身大隻冬菇。另一碟好有趣，係蛋煎糯米雞$24，即糯米雞面帶頂蛋既帽，有蛋香脆邊，糯米雞內還有煙韌糯米，還有叉燒粒添。再來的係粟米蓮藕餅$20，好爽口，粟米夠鮮甜，又唔會太肥膩。最後叫了杏仁薏米露甜品，

石門除四間酒樓，幾個月前再開多一間蒸蘆，專做即蒸點心，午市還有蒸飯；店子雖然少少，不過人流不絕今天跟同事點了一個點心拼盤丶糯米雞、蝦米炒腸粉、蓮藕餅還有一個是日靚湯，基本上味道不錯，只是可能過了二時才來，有些點心未夠熱，蒸飯也有點兒乾，不過靚湯火候充足，大家都爭着喝; 還有糯米雞的賣相很趣緻，放了一隻炒蛋在上邊，看起來完全想像不到是糯米雞；今天想叫的即蒸腸粉已經完全估清，可能就是這裏的招牌點心，或者下次可以來試試早點時間，再吃一次熱辣辣的即蒸點心

較早前在友人介紹下, 才知道石門開了各式各樣食店，之前趁放假去了蒸廬嘆一盅兩件。 這間食店唔係好大, 所以座位也不太多. 見到茶有一款係十年新會柑普茶, 幾特別, 便點了一壺試下. 入口有淡淡的柑的清香味, 令人感覺舒服. 我地點了一個全日套餐, 主食點了雙菇雞粒籠仔飯, 燉湯點了栗子蟲草花花膠燉雞湯, 再加錢配多兩粒蝦餃. 另外, 點了幾款即叫即蒸的點心, 包括蟹籽燒賣皇, 鮮蝦豆苗餃, 客家蘿白絲湯包. 店員先奉上原盅燉湯, 賣點為原味無添加. 我自己鍾意飲湯, 這個啱晒我. 非常足料, 由於係原味無添加, 味道相對較淡, 有需要可以加入少許鹽調一調味. 我自己無加鹽, 估不到個湯幾大碗, 飲完也不覺得口渴, 而且配料也不要錯過. 鮮蝦豆苗餃. 賣相精緻. 蝦肉幾彈牙, 菜又多, 兩者好夾. 蟹籽燒賣皇. 饀料唔會太多肥肉, 偏外瘦一點, 無咁油膩, 多了蟹籽, 入口帶點卜卜聲, 雙重口感. 雙菇雞粒籠仔飯. 份量足夠兩個人食. 鼓油係另外上枱, 客人可以因應自己喜好加入飯中. 飯面加上菜粒, 與雞粒一齊食, 多一份口感, 雞肉也不會太硬身.

入沙田探朋友 順便一探這個石門的馬鐵站商場 商場入面開左唔少食肆，其中呢間就係飲茶的~ 呢度係點心專門店 話說已經係下午2點半了，人間湧湧的~ 呢度係小店黎，座位都比較接近 尤幸枱面都很寬濶，可以放得落好多點心~ 而且樓底幾高，所以感覺唔會好焗促 呢D櫈真係好有特色呀~ 點心選擇方面都係一D大路既款式 反而甜品較特別，有雲南紅棗茶, 杏仁霜薏仁露 同埋好多人點的籠仔蒸飯，燉湯 原來蒸飯同燉湯係有套餐的~ 呢度會按時候季節推出不同的原盅燉湯 全部都係加有藥材，原味，無添加 叫了2個燉湯 花旗蔘石斛燉烏雞 (養肝) 入面的料好多，有1/3 係湯料 湯汁很濃郁，帶有濃濃的蔘味~仲有少少甘 我覺得蔘味有D似紅蔘~ 栗子蟲草花花膠燉雞湯 (養肝) 非常多的圓肉和大紅棗，湯頭很清甜 仲有成條花膠同勁大堆的蟲草花 成個料連渣都食得~ 鳳瓜排骨南瓜飯 呢度既蒸飯同平時酒樓的盅頭飯不同， 因為佢係成個籠，超大的一盤 一個正常人係肯定食唔哂~ 最特別的，除左份量大，仲有好多菜粒係上面 除左增加口感，仲可以減去油膩感~ 排骨同鳳爪的份量都好多，尤其排骨，鋪滿成個飯面 南瓜略嫌太少，多番2粒

上個週末的放假家庭樂，相約了家人去附近的沙田石門號京瑞廣場內的蒸廬，一起飲茶一盅兩件。店內環境比較狹小，人多時會坐得有點擠。點心款式頗多，即點即蒸，確保新鮮熱辣辣，全日不收加一服務費，價錢亦算便宜。星期六日會收$4茶錢，一至五則免收茶芥，更加抵食。精選燉湯B 栗子蟲草花花膠燉雞湯 $48雞湯味道鹹鮮香濃，喝得出沒加味精，不會過鹹，在寒冷冬天來一碗滋補雞湯，真是暖身又暖心。蟲草花性質平和，不寒不燥，可以補肺、益腎、養肝，增強人體免疫功能，口感煙韌有嚼口。蛋煎糯米雞 $22平時都很少見這款懷舊點心，將糯米雞蒸好後點上蛋漿煎脆表面，煎成金黃微焦。糯米雞質感較平時結實，不易散開，煎後口感更加煙韌有度，不過內裡餡料不多，不會很多汁而過份油膩。豆沙煎軟餅 $14以糯米製成口感QQ軟糯的外皮，煎至兩面金黃更香脆，變得外脆內軟。豆沙綿密細緻，甜度亦是恰到好處。晶瑩蝦餃皇 $26每一顆看起來都被餡料撐得脹鼓鼓，蝦肉不會霉爛，肉質爽口，富有鮮味。鮮蝦豆苗餃 $22這款餃皮比蝦餃略厚，內裡餡料豐富飽滿，加入幼嫩的豆苗，讓口感味道更富層次。蟹籽燒賣皇 $26豬肉的比例比蝦肉為多，肉餡的香略為蓋過了蝦肉的鮮。蜜

近期睇facebook都見到有介紹石門依間蒸爐，咁近我地梗係要去試下啦！之前未睇到啲介紹已經好多人食要排隊，今日我同花先生特登早啲去，好好彩唔駛等位！銀魚排骨飯，都幾大籠，夠哂兩個人食。啲飯無排骨既汁，加少少豉油食會好味啲。蛋煎糯米雞，最初對依碟糯米雞有期望，因為唔多地方有。但見到真身時有啲失望⋯⋯ 塊蛋薄過紙⋯⋯ 糯米雞都算多料當補補數。猴頭菇螺片燉廋肉，都幾足料，唔落鹽都確實夠味！花先生很喜歡！地方細細，但睇得出店主很用心去製作食物。會再幫襯試試其他點心！

石門近年多了商場同飲食，比以前所認識的多了一份新鮮感。飲夜茶是中學的回憶，今日中午無同屋企人飲，就晚上補返嚕。晶瑩蝦餃皇4大粒嫁，係偷食左。蝦餃皮內先係驚喜，好多隻蝦，豬肉比外面既少。真 蝦餃。蟹籽燒賣皇4大粒嫁，係偷食左again。好愛個軟林燒賣皮，嘻嘻。有粒有好多蟹籽，脆脆聲。鮮蝦豆苗餃好大粒，勝左特別多菜。皮比較硬，鮮蝦都好多彈牙。魚肚冬菇雞扎，內仲有芋頭。依個好飽肚。雞肉勁大件，又無雞皮。潮州蒸粉果，有爽既白蘿蔔。依個麻麻地。另外老抽豆豉蒸排骨就比較咸，上滿排骨，下滿芋頭粒。瑤柱蝦米煎腸粉，肥美形，好大條，好厚大，勁好咬，哈哈。有瑤柱比淨有蝦米更鮮甜。雷沙芝麻包，小小一個。4個都好可愛呀，入面唔係流沙。好欣賞不甜，好岩口味。蛋煎糯米雞，好似半個蛋包飯咁。糯米好QQ滿滿既叉燒粒。蔗糖馬蹄糕又係少甜，佢好清甜。有馬蹄仲好清熱。香辣銀魚排骨飯連餐配燉湯，仲有細既杏仁霜薏米露。香辣銀魚排骨飯唔辣，但好多好多大銀魚。排骨好多好多，比老抽蒸排骨好食。花𣄃蔘石斛燉雞湯，原味 無添加。乾淮山 杞子 乾蓮子 石斛 花𣄃蔘 烏雞。功效係養肝 燥熱，好岩我地近來夜訓。飲落清而有花𣄃蔘味，蜜棗好甜，烏

寒風襲港，香港市面有夜茶地方並不多，男朋友知我喜歡食點心，沙口石門有新店，於是叫埋朋友同我過一齊黎嘆一盅兩件同飲靚湯，心情變得靚靚了。新店位置有D難搵，係京瑞廣場2樓的角落處。店鋪面積不大，卻不擠逼。透過玻璃睇到蒸氣霧瀰漫的廚房，只見到師傅影子  它們主打手工點心(味道唔似出面甘公式化)，即叫即蒸，唔好以為要等好耐，侍應們上菜速度都有效率的。點心選擇與市面酒家差不多，加了點新元素，出品是頗不錯。栗子蟲草花花膠燉雞湯新店燉湯是主打之一，無添加啊，並提供5款選擇，好多人一入黎都叫一個，應該都好搶手。女生當然要呢款營養價值高，又養顏養肺的燉湯。內有乾粟子、蟲草花、雞及花膠等等，夠足料，味道清甜，飲完都不會口渴，講真宜家邊有時間係屋其燉湯飲架，飲完即刻覺得好補又滿足。蝦子榨菜肉餅飯及香辣銀魚排骨飯飄來陣陣荷葉香味，食物份量完全不要輕視，肉餅上灑上蝦子，啖啖肉，有咬勁，榨菜又令大家都幾開胃架，結果我主力吞掉呢個，另外香辣銀魚排骨飯由男朋友及其他人搞掂，他話最鏗意魚仔的咸香，令成籠飯惹味多了，另意想不到是配以菜飯，感覺很清新。臘味蘿蔔糕我是真的驚訝它帶蘿蔔絲，有臘味、蝦米及冬茹，唔實死死，煎得香巧