蒸廬

營業中

休息中

第一次黎石門行街，唔係好多野行，但就發現好多野食，中午黎到，行左成個場，最後決定黎蒸廬食我地既lunch。呢度舖仔細細，得十張枱度，周圍d枱都有一籠蒸飯同燉湯，我地都唔執輸，兩個人叫左一個蒸飯，一個燉湯，再叫多兩個點心，超飽。雙菇雞粒蒸飯:唔好睇佢個樣清清地無乜味咁，但其實好夠味，將所有材料撈埋食味道好perfect，雞好滑，菜又爽，仲有我鍾意食既菇，正確黎講，裏面有三種菇，下次去要再encore。蝦餃:同一般酒樓食既差唔多，足料既，無乜驚喜。牛肉腸粉：皮厚左d，食完呢個覺得好飽，下次可以skip。天麻川弓白芷燉魚頭湯:呢個湯同我平時飲既天麻湯差好遠，淨係飲到d類似杞子個種酸酸地再加d藥材味，一般般。下次都係飲第二款總結，我覺得成餐最最好味既係個蒸飯，雖然其他食物普普通通，但蒸飯實在高分，又幾抵食，下次會再黎。

返完工即刻睇下周圍嘅商場有乜嘢好食去醫肚，見到門口咁多人等位，我哋就入去試吓點心店。原來呢度燉湯係好出名，而且有五款選擇。我就揀選左五味子守烏燉瘦肉湯，藥材味好香濃之餘，配料更加非常充足。另外蟹籽燒賣皇大大粒，賣相同顏色非常精美，面頭放滿厚厚嘅蟹籽，食落去好多豬肉同蝦肉。估唔到蜜汁叉燒包外皮非常軟熟，平時係酒樓都食唔到呢個口感，而且入面嘅餡料充足，叉燒肉肉質鮮嫩，好好味。醬汁蒸鳳爪蒸得非常入味，而且質感好林，皮同骨好容易分開。除此之外，我哋仲order左蛋煎糯米雞、臘味蘿蔔糕、晶瑩蝦餃皇、南瓜鳳爪排骨飯、瑤柱蝦米煎腸粉、蒜蓉豆豉蒸排骨、鮮蝦豆苗餃同埋甜品南瓜豆沙煎軟餅等，非常豐富。總括而言，餐廳點心即叫即整，非常新鮮，而且每一款點心都悉心炮製，好有心思，特別係燉湯完全冇味精，一定要試啊。

突然好想食點心菜式，就同朋友去到石門嘅京瑞商場搜尋下美食。上到去原來都好多嘢食，上兩條電梯向後面行，見到右手邊有一間點心鋪頭叫做蒸廬，招牌大而耀目，門口亦都好多人等緊位了。見到餐紙多款食物選擇，分門別類排列着，當中包括蒸點、包類、腸粉等等，多款選擇。見到燉湯咁吸引新鮮，叫咗一個猴頭菇螺片燉瘦肉湯濕濕口。燉湯新鮮出爐而且熱辣辣添，用一個燉盅裝住，好有份量，飲一啖湯非常鮮甜，完全不含任何味精。如果想調味，枱面仲有一樽鹽可以自行加落去燉湯度。另外仲叫咗多款點心，包括晶瑩蝦餃皇、蟹籽燒賣皇、醬汁蒸鳳爪、蜜汁叉燒包、蛋煎糯米雞同埋臘味蘿蔔糕等。我好欣賞晶瑩蝦餃皇，真係蒸得晶凝通透，而且皮薄餡靚，入面嘅蝦肉同埋豬肉份量好多，好足料。我哋總共叫咗19款燉湯同埋食物，四個人埋單都只係$600有找，每人平均消費$150，就已經可以食到咁好味、咁新鮮嘅點心等食物🥧，感覺值回票價。

朋友轉左工係沙田石門，之前聽過未去過，原來馬鐵有石門站架，今晚就約左她順便話帶我食好野，原來似家庭式點心店，地方雖細但食物有水準，每樣食物都即叫即蒸，保證熱辣辣上枱，無加味精，而且還有我們最喜愛嘅燉湯，好啱我地唔會自己煮野的人。花旗蔘石斛燉烏雞湯 ~ 屬養肝湯水 足料夠晒味原盅燉無加任何調味，試一口清甜，之後落少去鹽調味，就進入令一種味道提升，即時再高一層次。好正喎！ 滋陰補氣蝦子炸菜肉餅飯份量不少，味道鹹香好啱送飯。還有好多菜粒夠健康懷舊煎糯米雞兒時最愛竟然係呢間小店食到喎，有點驚喜！ 薄薄蛋皮包著糯米雞，微微金黃煙煙韌韌有嚼口！整蒸點心又點可少燒賣呀， 大大粒熱辣辣，好好虾粒同豬肉粒彈牙新鮮，加上口內食虾子卜卜聲。好好味，不能低估小店嘅點心師父！蒸排骨基本野也好味！ 用南瓜墊底超甜還吸收晒排骨肉汁，無得輸！

星期一同屋企人食early lunch, 點左一個蒸南瓜鳯爪排骨飯、山竹牛肉及燒賣。本來想叫燉湯，因為真係好多選擇，但天時暑熱飲清湯較合適，而且本身食量不大，飲了湯吃不下點心。餐廳佈置精緻，坐位不太多，附近商廈林立，午膳應該坐無虛席。蒸飯用心做，用荷葉蒸很入味，加些菜心放面蒸，色香味俱全。牛肉係特大，係未見過咁大，好抵食，燒賣一般，每樣點心都熱騰騰，一流！埋單吾過100，大滿足！茶就係有色既茶，吾係賣點，服務不俗，哥哥同阿姐都好友善！一定會再幫襯！

我看到該食肆的評論，才去該店品嚐。但是真的失望。地方太細太迫，冷氣不足有風扇又不開，看見人客用紙張撥涼，還當不到這老闆真的只有看到錢。坐在走廊時常被撞。真的不要在午飯時份幫襯。食物方面一小壺蒸湯有一大粒蜜棗還有元肉其他配料就不多，湯就变成糖水。蒸籠飯飯量連OL 女仕都不太夠。点心是急凍：蝦餃一籠只有二粒，燒賣有四粒，牛肉燒賣比較好点，蝦米煎腸粉太一般。只有一杯茶，所以不用茶錢，價格不值有点貴，真心問該食肆的評論是否找人做假。

石門~一個新興的工業區及住宅區，想不到短短的時間內，開滿大大小小的食店，而且不少都頗有水準。蒸廬~既食字，又令人立刻猜到所賣的食品，就是蒸爐內的點心。聽朋友說，燉湯很受歡迎，因為每天新鮮製造賣完就沒有了，有時晚飯時間已經賣完。晶瑩蝦餃王 (特)蟹子燒賣皇 (特)魚肚冬菇雞扎 (大) 豆豉蒸排骨 (中) 醬汁蒸鳳爪 (中)蛋煎糯米雞 (大)很特別的點心，從來沒有在其他地方試過，蛋煎很香，蓋著的糯米雞糯米很濕潤。點心口味比酒樓的少一份油膩，也不會過咸，而且整體價錢化算，難怪6點鐘已經座無虛席。

呢頭係有好多餐廳求其入一間飲夜茶確實有驚喜既係門口齋望都好似幾ok 就入去試試飯有四個選擇 但係只得返每樣一個 吾叫就無得食啦⋯⋯見隔離枱個個都食，就即刻叫返個黎食先！果然無中伏，係足料（絕對值得叫）飲茶更係要叫點心都係$50真心係好食呢間野出名燉湯 就叫個川芎魚雲湯無味精，自行落鹽糯米卷，鬆軟既皮紫米露，味道剛剛好，吾會太甜絕對會再光顧

一入到店內已經聞到燉湯既香氣，加上店內有詩意既掛牆畫同特色圓凳，令我同朋友食指大動！我地點左兩個套餐，再散叫點心～落單冇耐主角就登場啦！栗子蟲草花花膠燉雞湯（後）淮山牛蒡木耳燉烏雞湯（前）寫左係餐牌上既湯料，全部都可以係盅入面揾到，好足料！而且冇落多餘調味，飲到湯料本身既味道，好健康！我就中意飲原味，朋友就落左少少鹽，味道更豐富～一盅燉湯，可以飽腹又可以補身，絕對係幸福既滋味❤❗有一個小貼士，最好就飲完個湯先食點心，因為點心味道比燉湯濃郁，而且燉湯適宜趁暖飲～蒸廬拼美點：點心拼盤最適合有選擇困難症既我🤗樣樣都有d，兩個人一齊食，剛剛好～蝦餃燒賣菜苗餃好食不在話下，特別想讚下叉燒包同馬蹄糕～叉燒包既包皮同餡料比例適中，啖啖叉燒；馬蹄糕甜度剛好，馬蹄新鮮爽脆，好食！南瓜鳳爪排骨飯原籠蒸既鳳爪排骨飯散發陣陣荷葉香，鳳爪爽脆，排骨肥瘦適中，配埋南瓜菜心，味道同營養都100分！魚湯蟲草花鮮竹卷有驚喜！一食就知與別不同，個湯係魚湯之外，仲有鮮竹卷腐皮既黃豆香，我地連個湯都飲埋！鮑菇棉花雞未試過叫碟棉花雞，係棉花多過雞！一般茶樓既棉花係林patpat既，而蒸廬既棉花係又大件又爽滑既，索左鮑菇雞既精華

天麻川芎白芷燉魚頭湯 - $48一向都係呢個湯嘅Fans見到有得飲唔會唔飲可能充滿期望 導致失望愈大湯送上枱時聞到 心諗正啦!!! 但一飲就知出事只有一陣紅棗味而所謂燉魚頭就只有一舊魚肉味道淡是常識吧!!!晶瑩蝦餃皇 - $26外皮晶瑩但蝦餃皮一夾即爛蝦肉嘗算不錯本來喺 “煎點” 嘅種類內選了荷葉糯米雞但上枱時變成 “蒸”職員就教育我糯米雞係蒸嘅於是我拎出點心紙指出 “煎點”類別的糯米雞要客人掉返轉頭話比佢地知佢地公司賣緊咩又係點玩法?佢地真係未食過煎糯米雞??再者門外寫著 “現場精製”但廚房滿佈陳記點心包裝“現場精製”此話何解??

上星期同男友走到沙田石門探朋友，因為大家都未食飯，於是就係石明站附近找點東西吃，就找到呢間專門食點心點食店，雖然不是食晏時間，但係人流都幾多！這裡設有茶芥，每位HK$4，點心選擇都比較多，仲有原盅靚湯，見到唔少人點叫，我都唔執輸試下先！栗子蟲草花花膠燉雞湯HK$48這個湯無加味精， 原汁原味，表面有少量雞油，整個味道比較淡，入邊中有栗子、同埋好多蟲草花，但花膠就比較少！魚湯蟲草花鮮竹卷HK$19鮮竹卷以清魚湯上碟，上面伴著不少蟲草花，魚湯好清甜，沒太多味精，而鮮竹卷入面有豬肉、鮮蝦、冬菇等配料，口感豐富！晶瑩蝦餃皇 HK27一籠有四件蝦餃，蝦餃皮皮薄，入面包著原隻鮮蝦，十分新鮮彈牙！蟹籽燒賣皇HK27蟹籽燒賣皇也有原隻鮮蝦，上面有蟹籽，而下面就有豬肉，肉質嫩滑，鮮蝦爽口彈牙！鮮蝦菜苗餃 HK$23鮮蝦菜苗餃同蝦餃差不多，但入面就加左菜苗，好Fresh有口感！瑤柱蝦米煎腸粉 HK27瑤柱蝦米煎腸粉煎得表面好香脆，油份不會太多，沾上豉油同甜醬麻醬味道不錯！蜜汁叉燒包HK$19蜜汁叉燒包Size 比較細小，包點亦都都軟熟熱騰騰的，入面的餡料叉燒都好惹味，份量適中！潮州糯米卷HK$19糯米卷以

Tried a set dinner which includes one plate of chicken & vegetable steamed rice wrapped in lotus leaf, one pot of traditional hearty Chinese soup and a small dessert. All for $80. What a great gem. I live in HK island and wish there is a branch nearby.

聽同事講話呢間食點心蒸飯幾好，所以黎試下。環境：細細間，似啲中式小店，餐具同環境都乾淨果陣下午2點左右去食，人小小，只有幾枱客，所以都清靜同埋可以慢慢食。食物：非常之有驚喜，叫左個套餐（菇蒸雞飯+栗子花膠雞湯），個湯好有家庭煲既feel，啲料都幾多，有幾舊雞，蟲草栗子杞子等，不過就未見有花膠，味道方面都幾清甜，唔會好油，唔覺有味精，非常推薦，老老實實，一個女仔飲完個湯都飽飽地，因為份量都算多，可以分做兩碗幾三碗。之後再食埋個蒸雞飯，嘩啲雞好滑好滑，咸咸地味，啲菜都新鮮好綠，我自己就無落鼓油，清清地食都👌🏻👌🏻都係唔覺有味精，推薦成餐飯好飽好滿足，不過一個人食就有啲多，下次可以同人一齊share食多啲唔同款另外埋單時發現可以用支付寶/visa/八達通，好方便

話說早前曾分享石門的食肆越開越多, 而且以小店為主, 不像一般大商場來來去去也是那些大型連鎖餐廳。所以有時間一定盡量試石門各大小餐廳, 看看有甚麼值得推介。今晚光顧這間小店,確是店舖少少, 服務周到有禮, 食物也很不錯這店以點心,蒸飯,燉湯為主。今晚點了兩個套餐:1) 蒸肉餅飯+喉頭菇瘦肉蜜棗燉湯(甜湯)2) 9款點心+ 花膠栗子雞燉湯(潤湯)燉湯足料熱辣辣 肉餅飯份量足又香又美味 9款點心9成也合心水,有包有餃又有糕點, 豐富又全面飽吃一餐又坐得舒服,感覺健康補身又豐富

喺石門做完嘢之後，覺得好肚餓又唔想周圍走，所以就脆脆地喺呢度解決埋佢啦上網見到呢間餐廳comment好似唔錯所以就一於嚟試吓！呢度主打原盅燉湯同點心，款式都唔少！原盅燉湯一共有六款，我就叫咗粟子蟲草花花膠燉雞湯$48，唔好講笑，真心超足料由於無加味精，所以飲落特別清甜，而且仲有大大塊花膠，夠晒養顏朋友就叫咗天麻川弓白芷燉魚頭湯$48，據說醫頭風好好！同樣係超足料，如果平時屋企唔夠湯水，嚟呢到食飯就啱晒之後再叫咗個蒸廬拼美點$55，其實即係點心拼盤入面有蝦餃、燒賣、菜苗餃、叉燒包、芝麻包同馬蹄糕，樣樣都有啲，啱晒我呢啲有選擇困難症嘅人我最鍾意佢個菜苗餃！個皮咬落唔會好厚，而且菜苗新鮮，口感好好之後係鮑菇綿花雞$24，綿花雞肉質好嫩滑，而且佢仲有啲鮑片同菇，好足料朋友話想食腸粉，不過可能我哋去嘅時間比較晏所以蒸腸粉已經賣晒啦！唯有轉頭煎腸粉嘅懷抱啦！呢碟係瑤柱蝦米煎腸粉$28，個皮煎到卜卜脆，食落外脆肉軟，沾少少豉油同埋甜醬一齊食，更加惹味最後我哋仲叫多咗兩個甜品，呢個係豆沙煎軟餅！唔好講笑，真心超有驚喜個皮食落超軟熟，而且煙煙韌韌咁，加埋佢個滑得嚟唔會太甜嘅豆沙，好好食另外佢個紫米露又係